← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


07:01 [ai]ܘܗܘܐ ܒܝܘ̈ܡܬܗ ܕܐܚܙ ܒܪ ܝܘܬܡ ܒܪ ܥܘܙܝܐ ܡܠܟܐ ܕܝܗܘܕܐ܃ ܣܠܩ ܪܨܢ ܡܠܟܐ ܕܐܪܡ܃ ܘܦܩܚ ܒܪ ܪܘܡܠܝܐ ܡܠܟܐ ܕܐܝܣܪܝܠ܃ ܠܐܘܪܫܠܡ ܠܡܬܟܬܫܘ ܥܡܗܿ܂ ܘܠܐ ܐܫܟܚܘ ܕܢܬܟܬܫܘܢ ܥܠܝܗܿ܂
07:02 [ai]ܘܐܬܐܡܪ ܠܕܒܝܬ ܕܘܝܕ܂ ܕܐܫܬܘܝ ܐܪܡ ܥܡ/ܐܦ#3#/ ܐܦܪܝܡ܂ ܘܙܥ ܠܒܗ ܘܠܒܐ ܕܥܡܗ܃ ܐܝܟ ܕܙܝܿܥܝܢ ܐܝ̈ܠܢܐ ܕܥܒܐ ܡܢ ܩܕܡ ܪܘܚܐ܂
07:03 [ai]ܘܐܡܪ ܡܪܝܐ ܠܐܫܥܝܐ܂ ܦܘܩ ܠܐܘܪܥܗ ܕܐܚܙ܂ ܐܢܬ ܘܫܪܢܫܘܒ ܒܪܟ܂ ܥܠ ܓܢܒ ܝܡܬܐ ܥܠܝܬܐ ܕܒܐܘܪܚܐ ܕܚܩܠܗ ܕܩܨܪܐ܂
07:04 [ai]ܘܐܡܪ ܠܗ܃ ܐܙܕܗܪ ܘܫܠܝ ܘܠܐ ܬܕܚܠ܂ ܘܠܒܟ ܠܐ ܢܬܘܪ܃ ܡܢ ܗܠܝܢ ܬܪ̈ܝܢ ܕܘܢܒ̈ܬܐ ܐܘ̈ܕܐ ܡܚܪ̈ܟܐ܂ ܡܢ ܚܡܬܐ ܕܪܘܓܙܗ ܕܪܨܢ܂ ܘܕܒܪ ܪܘܡܠܝܐ܂
07:05 [ai]ܚܠܦ ܕܐܬܡܠܟܘ ܥܠܝܟ ܒܝܫܬܐ܃ ܐܪܡ ܘܐܦܪܝܡ ܘܒܪ ܪܘܡܠܝܐ܃ ܘܐܡܪܘ
07:06 [ai]ܢܣܩ/ܕܢܣܩ#2#/ ܠܝܗܘܕܐ ܘܢܥܩܪܝܗܿ ܘܢܬܪܥܝܗܿ܃ ܘܢܡܠܟ ܒܗܿ ܡܠܟܐ ܠܒܪ ܛܒܐܝܠ܃
07:07 [ai]ܗܟܢܐ ܐܡܿܪ ܡܪܝܐ ܐܠܗܐ܂ ܠܐ ܬܩܘܡ ܘܠܐ ܬܗܘܐ܂
07:08 [ai]ܡܛܠ ܕܪܝܫܐ ܕܐܪܡ ܕܪܡܣܘܩ܂ ܘܪܝܫܐ ܕܕܪܡܣܘܩ ܪܨܢ܂ ܘܒܬܪ ܫܬܝܢ ܘܚܡܫ ܫ̈ܢܝܢ܂ ܢܬܪ ܐܦܪܝܡ ܡܢ ܥܡܐ܂
07:09 [ai]ܘܪܝܫܐ ܕܐܦܪܝܡ ܫܡܪܝܢ܂ ܘܪܝܫܐ ܕܫܡܪܝܢ ܒܪ ܪܘܡܠܝܐ܂ ܘܐܠܐ/ܘܐܢ ܠܐ#3#/ ܬܗܝܡܢܘܢ ܐܦ ܠܐ ܬܣܬܟܠܘܢ܀
07:10 [ai]ܘܐܘܣܦ ܬܘܒ ܡܪܝܐ ܠܡܐܡܪ ܠܐܚܙ܂
07:11 [ai]ܫܐܠ ܠܟ ܐܬܐ ܡܢ ‍<‍ܩܕܡ#3#‍>‍ ܡܪܝܐ ܐܠܗܟ܂ ܥܡܩ ܫܐܠ \ܐܘ ܐܪܝܡ /ܘܐܪܝܡ#3#/ ܠܥܠ܂
07:12 [ai]ܘܐܡܪ ܐܚܙ܂ ܠܐ ܐܫܐܠ ܘܠܐ ܐܢܣܐ ܠܡܪܝܐ ܐܠܗܝ܂
07:13 [ai]ܘܐܡܪ܂ ܫܡܥܘ ܒܝܬܗ̈/ܒܒܝܬܗ#3#/ ܕܕܘܝܕ܂ ܙܥܘܪܝܐ ܗܝ ܠܟܘܢ ܕܡܠܐܝܢ ܐܢܬܘܢ ܠܓܒܪܐ܃ ܐܠܐ ܕܬܠܐܘܢ/ܬܠܐܘܢ#3#/ ܐܦ ܠܐܠܗܝ܀
07:14 [ai]ܡܛܠ ܗܢܐ ܢܬܠ ܠܟܘܢ ܡܪܝܐ ܐܠܗܐ ܐܬܐ܂ ܗܐ ܒܬܘܠܬܐ ܒܿܛܢܐ ܘܝܿܠܕܐ ܒܪܐ܂ ܘܢܬܩܪܐ ܫܡܗ ܥܡܢܘܐܝܠ܂
07:15 [ai]ܚܐܘܬܐ ܘܕܒܫܐ ܢܐܟܘܠ܂ ܕܢܕܥ ܠܡܣܠܝܘ ܒܝܫܬܐ܃ ܘܠܡܓܒܐ ܛܒܬܐ܂
07:16 [ai]ܡܛܠ ܕܥܕ ܠܐ ܢܕܥ ܛܠܝܐ ܠܡܣܠܝܘ ܒܝܫܬܐ ܘܠܡܓܒܐ ܛܒܬܐ܃ ܬܫܬܒܩ ܐܪܥܐ ܕܡܥܩ ܐܢܬ ܒܗܿ ܡܢ ܩܕܡ ܬܪ̈ܝܢ ܡ̈ܠܟܝܗܿ܂
07:17 [ai]ܡܪܝܐ ܢܝܬܐ ܥܠܝܟ ܘܥܠ ܥܡܟ \ܘܥܠ ܒܝܬ ܐܒܘܟ /ܘܥܠ ܥܡܟ#3#/܃ ܝܘܡ̈ܬܐ ܕܠܐ ܐܬܘ܃ ܡܢ ܝܘܡܐ ܕܐܥܒܪ ܠܐܦܪܝܡ ܡܢ ܝܗܘܕܐ ܡܠܟܐ ܕܐܬܘܪ܀
07:18 [ai]ܘܢܗܘܐ ܒܝܘܡܐ ܗܿܘ܃ ܢܫܪܩ ܡܪܝܐ ܠܕܒ̈ܒܐ ܕܒܫ̈ܦܘܠܝ ܢܗܪ̈ܘܬܐ ܕܡܨܪܝܢ܃ ܘܠܕܒܘܪ̈ܝܬܐ ܕܒܐܪܥܐ ܕܐܬܘܪ܂
07:19 [ai]ܘܢܐܬܘܢ ܘܢܬܬܢܝܚܘܢ ܟܠܗܘܢ ܒܢܚܠܐ ܕܝܬܘܬ ܘܒܦܥܪ̈ܐ ܕܟܐܦܐ \ܘܒܟܠܗܘܢ ܚ̈ܠܠܐ /ܘܒܚ̈ܠܠܐ ܟܠܗܘܢ#3#/܂
07:20 [ai]ܒܝܘܡܐ ܗܿܘ܃ ܢܓܪܘܥ ܡܪܝܐ ܒܡܕܟܝܐ ܪܘܝܐ ܒܥܒܪ̈ܘܗܝ ܕܢܗܪܐ ܒܡܠܟܐ/ܠܡܠܟܐ#3#/ ܕܐܬܘܪ܂ ܡܢ ܪܝܫܗ ܘܠܣܥܪܐ ܕܪ̈ܓܠܘܗܝ܂ ܘܐܦ ܕܩܢܗ ܢܫܩܘܠ܀
07:21 [ai]ܘܢܗܘܐ ܒܝܘܡܐ ܗܿܘ܃ ܢܚܐ ܓܒܪܐ ܥܓܠܬܐ ܕܬܘܪ̈ܐ ܘܬܪ̈ܬܝܢ ܥܢܐ܂
07:22 [ai]ܘܢܗܘܐ ܡܢ ܣܘܓܐܐ ܕܥܿܒ̈ܕܢ ܚܠܒܐ ܢܐܟܘܠ ܚܐܘܬܐ܂ ܡܛܠ ܕܕܒܫܐ ܘܚܐܘܬܐ ܢܐܟܘܠ ܡܿܢ ܕܡܫܬܚܪ ܒܓܘܗܿ ܕܐܪܥܐ܀
07:23 [ai]ܘܢܗܘܐ ܒܝܘܡܐ ܗܿܘ܃ ܟܠ ܐܬܪ ܕܐܝܬ ܒܗ ܐܠܦ ܓܘ̈ܦܢܝܢ/ܓܘܒ̈ܢܝܢ#3#/ ܒܐܠܦ ܕܟܣܦ܃ ܠܝܥܪܐ ܘܠܟܘ̈ܒܐ ܢܗܘܐ܂
07:24 [ai]ܘܒܓܐܪ̈ܐ ܘܒܩܫ̈ܬܬܐ ܢܥܠܘܢ ܠܬܡܢ܂ ܡܛܠ ܕܝܥܪܐ ܘܟܘ̈ܒܐ ܬܬܡܠܐ ܟܠܗܿ ܐܪܥܐ܂
07:25 [ai]ܘܟܠܗܘܢ ܛܘܪ̈ܐ ܕܕܒܪܐ ܗܘܬ ܒܗܘܢ ܦܕܢܐ ܢܬܕܒܪܘܢ܂ ܘܠܐ ܬܥܘܠ ܠܬܡܢ ܕܚܠܬܐ ܕܝܥܪܐ ܘܕܟܘ̈ܒܐ܂ ܘܢܗܘܐ ܒܝܬ ܪܥܝܐ ܠܬܘܪ̈ܐ ܘܒܝܬ ܕܝܫܐ ܠܥܢܐ܀

next chapter