← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


10:01 [ai]ܘܝ ܠܕܒܿܕܩܝܢ ܒܕܩ̈ܐ ܕܥܬܐ ܘܟܬܿܒܝܢ ܥܘܠܐ܃
10:02 [ai]ܠܡܨܠܐ ܕܝܢܐ ܕܡܣ̈ܟܢܐ܂ ܘܠܡܒܙ ܕܝܢܐ ܕܒܿܝܫ̈ܐ܂ ܕܥܡܝ ܕܢܫܒܘܢ ܠܐܪ̈ܡܠܬܐ ܘܢܒܙܘܢ ܠܝ̈ܬܡܐ܂
10:03 [ai]ܡܢܐ ܬܥܒܕܘܢ ܠܝܘܡܐ ܕܦܘܪܥܢܐ܃ ܘܠܕܠܘܚܝܐ ܕܡܢ ܪܘܚܩܐ ܐܬܐ܂ ܠܘܬ ܡܿܢ ܬܥܪܩܘܢ ܕܬܬܥܕܪܘܢ܂ ܘܠܘܬ ܡܿܢ ܬܫܒܩܘܢ ܐܝܩܪܟܘܢ܂
10:04 [ai]ܕܠܐ ܬܒܪܟܘܢ ܬܚܝܬ ܐܣܝܪܐ܃ ܬܚܝܬ ܩܛܝܠܐ ܬܦܠܘܢ܂ ܘܒܗܠܝܢ ܟܠܗܝܢ ܠܐ ܗܦܟ ܪܘܓܙܗ܃ ܘܬܘܒ ܐܝܕܗ ܪܡܐ܀
10:05 [ai]ܘܝ ܠܐܬܘܪܝܐ ܫܒܛܐ ܗܘ ܕܪܘܓܙܝ܂ ܘܚܘܛܪܐ ܗܘ ܒܐܝܕܗܘܢ ܕܡܚܘܬܝ܂
10:06 [ai]ܥܠ ܥܡܐ ܚܠܦܐ/ܚܢܦܐ#3#/ ܐܫܕܪܝܘܗܝ܂ ܘܥܠ ܥܡܐ ܐܟܬܢܐ ܐܦܩܕܝܘܗܝ܂ ܕܢܫܒܐ ܫܒܝܐ ܘܢܒܘܙ ܒܙܬܐ܂ ܘܢܥܒܕܝܘܗܝ ܕܝܫܐ ܐܝܟ ܣܝܢܐ ܕܫ̈ܘܩܐ܂
10:07 [ai]ܘܗܘ ܠܐ ܗܘܐ ܗܟܢܐ ܕܡܝ܂ ܘܒܠܒܗ ܠܐ ܗܘܐ ܗܟܢܐ ܐܬܚܫܒ܂ ܐܠܐ ܕܢܘܒܕ ܒܠܒܗ܃ ܘܢܣܝܦ ܥܡ̈ܡܐ ܣ̈ܓܝܐܐ܂
10:08 [ai]ܡܛܠ ܕܐܡܪ܂ ܕܗܐ ܪ̈ܘܪܒܢܐ ܐܟܚܕܐ ܡ̈ܠܟܐ ܐܢܘܢ܂
10:09 [ai]ܗܐ ܐܝܟ ܟܪܟܡܘܫ ܒܠܝܘ܂ ܘܐܝܟ ܪܦܕ ܚܡܬ܂ ܘܐܝܟ ܕܪܡܣܘܩ ܫܡܪܝܢ܂
10:10 [ai]ܘܐܝܟܢܐ/ܘܐܝܟ#3#/ ܕܐܫܟܚܬ ܐܝܕܝ ܠܡ̈ܠܟܘܬܐ ܕܦܬܟܪ̈ܐ ܘܕ̈ܓܠܝܦܐ܃ ܡܢ ܐܘܪܫܠܡ ܘܡܢ ܫܡܪܝܢ܂
10:11 [ai]ܘܐܝܟ ܕܥܒܿܕܬ ܠܫܡܪܝܢ ܘܠܦܬܟܪ̈ܝܗܿ܃ ܗܟܢܐ ܐܥܒܕ ܠܐܘܪܫܠܡ ܘܠܦܬܟܪ̈ܝܗܿ܂
10:12 [ai]ܘܢܗܘܐ ܡܐ ܕܫܡܠܝ ܡܪܝܐ ܟܠܗܘܢ ܥܿܒ̈ܕܘܗܝ ܒܛܘܪܐ ܕܨܗܝܘܢ ܘܒܐܘܪܫܠܡ܃ ܐܦܩܘܕ ܥܠ ܦܐܪ̈ܘܗܝ ܕܠܒܐ ܪܒܐ ܡܠܟܐ/ܕܡܠܟܐ#3#/ ܕܐܬܘܪ܂ ܘܥܠ ܬܫܒܘܚܬܐ ܕܪܘܡܐ ܕܥܝܢ̈ܘܗܝ܂
10:13 [ai]ܡܛܠ ܕܐܡܪ ܕܒܚܝܠܐ ܕܐܝܕܝ ܥܒܿܕܬ܂ ܘܒܚܟܡܬܝ ܡܛܠ ܕܣܟܘܠܬܢ ܐܢܐ܂ ܐܥܒܿܪܬ ܬܚ̈ܘܡܝܗܘܢ ܕܥܡ̈ܡܐ܂ ܘܢܟܣ̈ܝܗܘܢ ܒܙܿܬ܂ ܘܟܒܫܿܬ ܡܕܝܢ̈ܬܐ ܕܝ̈ܬܿܒܢ܂
10:14 [ai]ܘܐܫܟܚܬ ܐܝܕܝ ܐܝܟ ܩܢܐ ܠܚܝܠܐ ܕܥܡ̈ܡܐ܂ ܘܐܝܟ ܕܟܢܿܫܝܢ ܒܢ̈ܬܐ ܕܫܒ̈ܝܩܢ܃ ܟܢܫܿܬܗܿ ܠܟܠܗܿ ܐܪܥܐ܂ ܘܠܐ ܗܘܐ ܕܡܪܝܡ ܓܦܐ ܘܦܬܿܚ/ܘܠܐ ܕܦܬܚ#3#/ ܦܘܡܗ ܘܢܨܿܪ܂
10:15 [ai]ܕܠܡܐ ܡܫܬܒܚ ܢܪܓܐ ܥܠ ܡܿܢ ܕܦܣܿܩ ܒܗ܃ ܐܘ ܡܬܬܪܝܡ ܡܣܪܐ ܥܠ ܡܿܢ ܕܢܣܿܪ ܒܗ܂ ܐܘ ܡܫܬܩܠ ܫܒܛܐ ܥܠ ܡܿܢ ܕܡܪܝܡ ܠܗ܂
10:16 [ai]ܡܛܠ ܗܢܐ܂ ܢܫܕܪ ܡܪܝܐ ܐܠܗܐ ܚܝܠܬܢܐ ܐܒܕܢܐ ܥܠ ܫܡܝ̈ܢܘܗܝ܂ ܚܠܦ ܐܝܩܪܗ ܢܐܩܕ ܝܩܕܢܗ ܐܝܟ ܝܩܕܢܐ ܕܢܘܪܐ܂
10:17 [ai]ܘܢܗܘܐ ܢܘܗܪܗ ܕܐܝܣܪܝܠ ܠܢܘܪܐ܂ ܘܩܕܝܫ̈ܘܗܝ/ܘܩܘ̈ܕܫܘܗܝ#3#/ ܠܫܠܗܒܝܬܐ܂ ܘܬܘܩܕ ܘܬܐܟܘܠ ܝܥܪܗ ܘܟ̈ܘܒܘܗܝ ܒܝܘܡܐ ܚܕ܂
10:18 [ai]ܘܫܘܒܚܐ ܕܥܒܗ ܘܕܟܪܡܠܗ܂ ܡܢ ܢܦܫܐ ܘܥܕܡܐ ܠܒܣܪܐ ܢܓܡܪ/ܢܓܡܘܪ#3#/܂ ܘܢܗܘܐ ܐܝܟ ܕܠܐ ܗܘܐ܂
10:19 [ai]ܘܫܪܟܐ ܕܩܝ̈ܣܐ ܕܥܒܗ ܠܡܢܝܢܐ ܢܗܘܘܢ܂ ܘܛܠܝܐ ‍<‍ܙܥܘܪܐ#1##2#‍>‍ ܢܟܬܘܒ ܐܢܘܢ܀
10:20 [ai]ܘܢܗܘܐ ܒܝܘܡܐ ܗܿܘ܃ ܠܐ ܢܘܣܦ ܬܘܒ ܫܪܟܗ/ܫܪܟܢܗ#3#/ ܕܐܝܣܪܝܠ ܘܐܝܠܝܢ ܕܡܬܦܨܝܢ ܡܢ ܕܒܝܬ ܝܥܩܘܒ܃ ܠܡܬܬܟܠܘ ܥܠ ܡܿܢ ܕܢܟܐ/ܕܢܟܐܐ#2#/ ܐܢܘܢ܂ ܐܠܐ ܢܬܬܟܠܘܢ ܒܩܘܫܬܐ ܥܠ ܡܪܝܐ ܩܕܝܫܐ ܕܐܝܣܪܐܝܠ܂
10:21 [ai]ܘܫܪܟܐ ܢܬܦܢܘܢ ܫܪܟܗ ܕܝܥܩܘܒ ܠܘܬ ܐܝܠ ܓܢܒܪܐ܂
10:22 [ai]ܘܐܢ ܢܗܘܐ ܥܡܟ ܐܝܣܪܝܠ ܐܝܟ ܚܠܐ ܕܒܝܡܐ܃ ܫܪܟܐ ܢܬܦܢܘܢ ܡܢܗܘܢ܂ ܟܪܡ ܘܦܣܩ ܘܓܪܦ ܒܙܕܝܩܘܬܐ܂
10:23 [ai]ܡܛܘܠ ܕܓܡܘܪܝܐ ܘܦܣܝܩ̈ܬܐ ܥܒܿܕ ܡܪܝܐ ܚܝܠܬܢܐ ܒܟܠܗܿ ܐܪܥܐ܂
10:24 [ai]ܗܟܢܐ ܐܡܿܪ ܡܪܝܐ ܚܝܠܬܢܐ܂ ܠܐ ܬܕܚܠ ܥܡܝ ܕܥܡܿܪ ܒܨܗܝܘܢ܂ ܡܢ ܐܬܘܪܝܐ ܕܡܿܚܐ ܠܟ ܒܫܒܛܗ܃ ܘܚܘܛܪܗ ܡܪܝܡ ܥܠܝܟ ܒܐܘܪܚܐ ܕܡܨܪܝܢ܂
10:25 [ai]ܡܛܠ ܕܥܕ ܩܠܝܠ ܙܥܘܪ܂ ܘܢܫܬܡܠܐ ܪܘܓܙܝ ܘܚܡܬܝ ܥܠ ܚܒܠܗܘܢ܂
10:26 [ai]ܘܢܥܝܪ ܥܠܘܗܝ ܡܪܝܐ ܚܝܠܬܢܐ ܫܘܛܐ܃ ܐܝܟ ܡܚܘܬܐ ܕܡܕܝܢ ܕܒܛܘܪܐ ܕܚܘܪܝܒ܂ ܘܚܘܛܪܗ ܥܠ ܝܡܐ܂ ܘܫܩܠܗ ܒܐܘܪܚܐ ܕܡܨܪܝܢ܀
10:27 [ai]ܘܢܗܘܐ ܒܝܘܡܐ ܗܿܘ܃ ܢܥܒܪ/ܕܥܒܿܪ#3#/ ܫܘܥܒܕܗ ܡܢ ܟܬܦܟ ܘܢܝܪܗ ܡܢ ܨܘܪܟ܂ ܘܢܬܚܒܠ ܢܝܪܐ ܡܢ ܩܕܡ ܡܘܫ̈ܚܐ/ܡܫ̈ܘܚܐ#3#/܂
10:28 [ai]ܐܬܐ ܠܥܢܬ ܘܥܒܪ ܒܡܓܕܘ܂ ܘܒܡܟܡܣ ܣܡ ܡܐ̈ܢܘܗܝ܂
10:29 [ai]ܥܒܪ ܠܡܥܒܪܐ ܕܓܒܥ ܠܒܝܬ ܒܝܬܢ܂ ܕܚܠܬ ܪܡܬܐ ܘܓܒܥܬ ܫܐܘܠ ܥܪܩܬ܂
10:30 [ai]ܨܗܠܝ ܒܩܠܟܝ ܒܪܬ ܓܠܝܡ܂܂ ܨܘܬܝ ܠܝܫ܂܂ ܘܥܢܝ ܥܢܬܘܬ܂܂
10:31 [ai]ܐܬܪܚܩܬ ܡܪܡܢܐ ܘܝܬ̈ܒܝ ܓܘܒ̈ܝܢ ܥܫܢܘ܂܂
10:32 [ai]ܥܕܟܝܠ ܝܘܡܐ ܒܢܒ ܩܐܿܡ܂ ܐܢܝܦ ܐܝܕܗ ܥܠ ܛܘܪܐ \ܕܒܪܬ ܨܗܝܘܢ /ܕܨܗܝܘܢ#3#/܂ ܘܥܠ ܪ̈ܡܬܐ ܕܐܘܪܫܠܡ܀܀
10:33 [ai]ܗܐ ܡܪܝܐ ܐܠܗܐ ܚܝܠܬܢܐ ܡܣܚܦ ܠܡܫ̈ܒܚܐ ܒܥܘܫܢܐ܂ ܘܕܪܡܿܝܢ ܒܩ̈ܘܡܬܐ ܢܬܡܟܟܘܢ܂ ܘܕܪܡܿܝܢ ܢܫܬܦܠܘܢ܂
10:34 [ai]ܘܢܦܫܚ ܣ̈ܘܟܐ ܕܥܒܐ ܒܦܪܙܠܐ܂ ܘܠܒܢܢ ܒܫܘܒܚܗ ܢܦܠ܂

next chapter