The Comprehensive Aramaic Lexicon

37:01 [ai]	ܘܗܘܐ ܕܟܕ ܫܡܥ ܚܙܩܝܐ ܡܠܟܐ܃ ܨܪܝ ܢܚ̈ܬܘܗܝ ܘܐܬܟܣܝ ܣܩܐ܂ ܘܥܠ ܠܒܝܬܗ ܕܡܪܝܐ܂
37:02 [ai]	ܘܫܕܪ ܠܐܠܝܩܝܡ ܪܒ ܒܝܬܐ ܘܠܫܒܢܐ/ܘܫܒܢܐ#3#/ ܣܿܦܪܐ܃ ܘܠܣ̈ܒܐ ܕܟܗ̈ܢܐ ܟܕ ܡܟܣܝܢ ܣܩ̈ܐ܃ ܠܘܬ ܐܫܥܝܐ ܢܒܝܐ ܒܪ ܐܡܘܨ܂
37:03 [ai]	ܘܐܡܪܘ ܠܗ܂ ܗܟܢܐ ܐܡܿܪ ܚܙܩܝܐ܂ ܝܘܡܐ ܗܘ ܕܐܘܠܨܢܐ ܘܕܡܟܣܢܘܬܐ ܘܕܪܘܓܙܐ ܝܘܡܢܐ܂ ܡܛܠ ܕܡܛܝܘ ܚܒ̈ܠܐ ܕܒܢ̈ܝܐ܃ ܘܠܝܬ ܚܝܠܐ ܒܝܠܕܬܐ܂
37:04 [ai]	ܟܒܪ ܢܫܡܥ ܡܪܝܐ ܐܠܗܟ ܡ̈ܠܘܗܝ ܕܪܒ ܫ̈ܩܐ܃ ܕܫܕܪܗ ܡܪܗ ܡܠܟܐ ܐܬܘܪܝܐ܃ ܕܢܚܣܕ ܠܐܠܗܐ ܚܝܐ܂ ܘܢܟܣܝܘܗܝ/ܕܢܟܣܝܘܗܝ#2#/ ܒܡ̈ܠܐ ܕܫܡܥ ܡܪܝܐ ܐܠܗܟ܂ ܘܬܒܥܐ ܘܬܨܠܐ ܥܠ ܫܪܟܐ ܕܐܫܬܚܪܘ܀
37:05 [ai]	ܘܐܬܘ ܥܒ̈ܕܘܗܝ ܕܚܙܩܝܐ ܡܠܟܐ ܠܘܬ ܐܫܥܝܐ܂
37:06 [ai]	ܘܐܡܪ ܠܗܘܢ ܐܫܥܝܐ܂ ܗܟܢܐ ܐܡܪܘ ܠܡܪܟܘܢ܂ ܗܟܢܐ ܐܡܿܪ ܡܪܝܐ܂ ܠܐ ܬܕܚܠ ܡܢ ܡ̈ܠܐ ܕܫܡܥܬ܃ ܕܓܕܦܘ ܩܕܡܝ ܐܝ̈ܙܓܕܘܗܝ ܕܡܠܟܐ ܕܐܬܘܪ܂
37:07 [ai]	ܗܐ ܝܗܿܒ ܐܢܐ ܥܠܘܗܝ ܪܘܚܐ܃ ܘܢܫܡܥ/ܕܢܫܡܥ#3#/ ܛܒܐ ܘܢܗܦܘܟ ܠܐܪܥܗ/ܠܐܘܪܥܗ#3#/܂ ܘܐܪܡܝܘܗܝ ܒܚܪܒܐ ܒܐܪܥܗ܂
37:08 [ai]	ܘܗܦܟ ܪܒ ܫ̈ܩܐ܃ ܘܐܫܟܚ ܠܡܠܟܐ ܕܐܬܘܪ ܟܕ ܡܬܟܬܫ ܥܠ/ܥܡ#3#/ ܠܒܢܐ܂ ܟܕ ܫܡܥ ܕܫܩܠ ܡܢ ܠܟܝܫ܂
37:09 [ai]	ܘܫܡܥ ܥܠ ܬܪܗܩ ܡܠܟܐ ܕܟܘܫ܂ ܘܢܦܩ ܠܡܬܟܬܫܘ ܥܡܗ܂ ܘܫܡܥ ܘܫܕܪ ܐܝ̈ܙܓܕܐ ܠܘܬ ܚܙܩܝܐ ‍<‍ܠܡܐܡܪ#1##2#‍>‍܂
37:10 [ai]	ܗܟܢܐ ܐܡܪܘ ܠܚܙܩܝܐ ܡܠܟܐ ܕܝܗܘܕܐ ܠܡܐܡܪ/#2#/܂ ܠܐ ܢܛܥܝܟ ܐܠܗܟ ܕܬܟܝܠ ܐܢܬ ܥܠܘܗܝ܃ ܘܐܡܿܪ ܐܢܬ ܕܠܐ ܡܫܬܠܡܐ ܐܪܫܠܡ ܒܐ̈ܝܕܘܗܝ ܕܡܠܟܐ ܕܐܬܘܪ܂
37:11 [ai]	ܗܐ ܐܢܬ ܫܡܥܬ ܟܠ/ܠܟܠ#3#/ ܕܥܒܕܘ ܡ̈ܠܟܐ ܕܐܬܘܪ ܠܟܠܗܝܢ ܐܪ̈ܥܬܐ ܠܡܚܪܒܘ ܐ̈ܢܝܢ ܘܐܢܬ ܡܬܦܨܐ ܐܢܬ܃
37:12 [ai]	ܕܠܡܐ ܦܨܝܘ ܐܢܘܢ ܐܠܗܝ̈ܗܘܢ ܠܥܡ̈ܡܐ/ܕܥܡ̈ܡܐ#3#/ ܕܚܪܒܘ/ܕܐܚܪܒܘ#3#/ ‍<‍ܐܢܘܢ#3#‍>‍ ܐ̈ܒܗܝ܃ ܠܓܘܙܢ ‍<‍ܡܠܟܐ ܕܚܡܬ ܘܡܠܟܐ ܕܪܦܕ#3#‍>‍ ܘܠܚܪܢ ܘܠܪܨܦ܂ ܘܠܒܢ̈ܝ ܥܕܢ ܕܒܕܠܣܪ܂
37:13 [ai]	ܐܝܟܘ ܡܠܟܐ ܕܚܡܬ ܘܡܠܟܐ ܕܪ̈ܦܕ܂ ܘܡܠܟܐ ܕܩܪܝܬܐ ܣܦܪܘܝܡ ܘܕܢܥ ܘܕܥܘܐ܂
37:14 [ai]	ܘܩܒܠ/ܘܫܩܠ#3#/ ܚܙܩܝܐ ܐܓܪ̈ܬܐ ܡܢ ܐܝܕܐ ܕܐܝ̈ܙܓܕܐ ܘܩܪܐ ܐܢܝ̈ܢ܂ ܘܣܠܩ ܠܒܝܬܗ ܕܡܪܝܐ܃ ܘܦܪܣ ܐܢܝ̈ܢ ܚܙܩܝܐ ܩܕܡ ܡܪܝܐ܂
37:15 [ai]	ܘܨܠܝ ܚܙܩܝܐ ܩܕܡ ܡܪܝܐ ܘܐܡܪ܂
37:16 [ai]	ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ ܝܬܿܒ ܥܠ ܟܪ̈ܘܒܐ܃ ܐܢܬ ܗܘ ܐܠܗܐ ܒܠܚܘܕܝܟ ܥܠ ܟܠܗܝܢ ܡ̈ܠܟܘܬܐ ܕܐܪܥܐ܂ ܐܢܬ ܥܒܕܬ ܫܡܝܐ ܘܐܪܥܐ܂
37:17 [ai]	ܨܠܝ ܡܪܝܐ ܐܕܢܟ ܘܫܡܥ܂ ܦܬܚ ܡܪܝܐ ܥܝܢ̈ܝܟ ܘܚܙܝ܂ ܘܫܡܥ ܡ̈ܠܘܗܝ ܕܣܢܚܪܝܒ܃ ܕܫܠܚ ܠܡܚܣܕܘ ܠܐܠܗܐ ܚܝܐ܂
37:18 [ai]	ܫܪܝܪܐܝܬ ܡܪܝܐ܃ ܚܪܒܘ ܡ̈ܠܟܐ ܕܐܬܘܪ ܠܟܠܗܝܢ ܐܪ̈ܥܬܐ/ܡܠܟܘ̈ܬܐ#3#/܂ ܘܐܪܥܗܘܢ
37:19 [ai]	ܘܐ̈ܠܗܝܗܘܢ ܐܘܩܕܘ ܒܢܘܪܐ܂ ܡܛܠ ܕܠܐ ܗܘܘ ܐ̈ܠܗܐ܂ ܐܠܐ ܥܿܒܕ ܐܝ̈ܕܝܐ ܕܐܢܫܐ ܕܩܝܣܐ ܘܕܟܣܦܐ ܘܕܟܐܦܐ܃ ܘܐܘܒܕܘ ܐܢܘܢ܂
37:20 [ai]	ܘܗܫܐ ܡܪܝܐ ܐܠܗܢ ܦܪܘܩܝܢ ܡܢ ܐܝ̈ܕܘܗܝ܂ ܕܢܕܥ̈ܢ ܟܠܗܝܢ ܡ̈ܠܟܘܬܐ ܕܐܪܥܐ܃ ܕܐܢܬ ܗܘ ܐܠܗܐ ܒܠܚܘܕܝܟ܀
37:21 [ai]	ܘܐܫܬܠܚ ܐܫܥܝܐ ܒܪ ܐܡܘܨ ܠܘܬ ܚܙܩܝܐ ‍<‍ܡܠܟܐ#1##2#‍>‍ ܘܐܡܪ ܠܗ܂ ܗܟܢܐ ܐܡܿܪ ܡܪܝܐ ܚܝܠܬܢܐ ܐܠܗܐ ܕܐܝܣܪܝܠ܂ ܟܠ ܕܨܠܝܬ ܩܕܡܝ ܥܠ ܣܢܚܪܝܒ ܡܠܟܐ ܕܐܬܘܪ ܫܡܿܥܬ܂
37:22 [ai]	ܗܢܐ ܦܬܓܡܐ ܕܐܡܪ ܥܠܘܗܝ ܡܪܝܐ܂ ܫܝܿܛܐ ܠܟ ܘܡܡܝܩܐ ܒܟ ܒܬܘܠܬܐ ܒܪܬ ܨܗܝܘܢ܂ ܘܡܢܝܕܐ ܪܝܫܗܿ ܒܬܪܟ ܒܪܬ ܐܘܪܫܠܡ܂
37:23 [ai]	ܠܡܿܢ ܚܣܕܬ ܘܓܕܦܬ܂ ܘܥܠ ܡܿܢ ܐܪܝܡܬ ܩܠܟ܂ ܐܪܝܡܬ ܥܝܢ̈ܝܟ ܠܡܪܘܡܐ ܥܠ ܩܕܝܫܐ ܕܐܝܣܪܝܠ܂
37:24 [ai]	ܘܒܐܝܕܐ ܕܐܝ̈ܙܓܕܝܟ ܚܣܕܬ ܠܡܪܝܐ܂ ܘܐܡܪܬ ܕܒܣܘܓܐܐ/ܒܣܘܓܐܐ#3#/ ܕܡܪ̈ܟܒܬܝ܃ ܐܢܐ ܐܣܩ ܠܪܘܡܐ/ܠܡܪܘܡܐ#3#/ ܕܛܘܪ̈ܐ ܘܠܫܦ̈ܘܠܘܗܝ ܕܠܒܢܢ܂ ܘܐܦܣܘܩ ܩܘܡ̈ܬܐ ܕܐܪ̈ܙܘܗܝ ܘܓܒ̈ܝܐ ܕܫܪ̈ܘܝܢܘܗܝ܂ ܘܐܥܘܠ ܠܪܘܡܐ/ܠܡܪܘܡܐ#3#/ ܕܣܟܗ ܕܥܒܐ ܕܟܪܡܠܐ܂
37:25 [ai]	ܐܢܐ ܐܚܦܘܪ ܘܐܫܬܐ ܡ̈ܝܐ܂ ܘܐܘܒܫ ܒܦܪ̈ܣܬܐ ܕܪ̈ܟܫܝ܃ ܟܠܗܘܢ ܢܗܪ̈ܘܬܐ ܥܫܝ̈ܢܐ/ܥܡ̈ܝܩܐ#3#/܂
37:26 [ai]	ܠܐ ܫܡܥܬ ܕܡܢ ܪܘܚܩܐ ܠܗܿ ܥܒܿܕܬ܂ ܘܡܢ ܝܘܡ̈ܬܐ ܩܕܡ̈ܝܐ ܠܗܿ ܥܬܿܕܬ܂ ܘܗܫܐ ܐܝܬܝܿܬܗܿ ܕܬܗܘܐ ܠܚܘܪܒܐ ܘܠܨܕܝܐ܃ ܐܝܟ ܡܕܝܢ̈ܬܐ ܥܫܝܢ̈ܬܐ
37:27 [ai]	ܕܥܡܘܪ̈ܝܗܝܢ ܐܪܦܝܘ ܒܗܝܢ ܐ̈ܝܕܝܐ܃ ܐܬܬܒܪܘ ܘܒܗܬܘ܂ ܘܗܘܘ ܐܝܟ ܥܣܒܐ ܕܚܩܠܐ܂ ܘܐܝܟ ܝܘܪܩܐ ܕܬܕܐܐ܂ ܘܐܝܟ ܫܒܠܐ ܕܐܓܪܐ܂ ܘܐܝܟ ܒܘܚܫܝܢܐ ܩܕܡ ܩܝܡܬܐ܂
37:28 [ai]	ܡܘܬܒܟ ܘܡܥܠܟ܃ ܘܡܦܩܟ ܝܿܕܥ ܐܢܐ܂ ܘܕܐܡܪܚܬ ܩܕܡܝ܂
37:29 [ai]	ܥܠ ܕܐܡܪܚܬ ܩܕܡܝ ܘܓܘܕܦܟ ܣܠܩ ܒܐ̈ܕܢܝ܃ ܐܪܡܐ ܩܠܕܐ ܒܢܚܝܪܟ ܘܒܠܡܐ ܒܣ̈ܦܘܬܟ܂ ܘܐܗܦܟܟ ܒܐܘܪܚܐ ܕܐܬܝܬ ܒܗܿ܂
37:30 [ai]	ܘܗܕܐ ܠܟ ܐܬܐ܂ ܐܟܠ ܐܢܬ ܫܢܬܐ ܗܕܐ ܟܬܐ/ܟܐܬܐ#3#/܂ ܘܫܢܬܐ ܕܬܪ̈ܬܝܢ ܟܬܟܬܐ ܘܫܢܬܐ ܬܠܝܬܝܬܐ ܙܪܥܿܝܢ ܐܢܬܘܢ ܘܚܨܿܕܝܢ ‍<‍ܐܢܬܘܢ#3#‍>‍܂ ܘܢܨܿܒܝܢ ܐܢܬܘܢ ܟܪ̈ܡܐ ܘܐܿܟܠܝܢ ܐܢܬܘܢ ܦܐܪ̈ܝܗܘܢ܂
37:31 [ai]	ܘܢܬܗܦܟܘܢ ܫܪܟܐ ܕܒܝܬ ܝܗܘܕܐ ܕܐܫܬܚܪܘ܃ ܐܝܟ ܥܩܪܐ ܕܪܡܐ ܠܬܚܬ ܘܥܒܿܕ ܦܐܪ̈ܐ ܠܥܠ܂
37:32 [ai]	ܡܛܠ ܕܡܢ ܐܪܫܠܡ ܢܦܿܩ ܫܪܟܢܐ܂ ܘܢܫܬܘܙܒ ܡܢ ܛܘܪܐ ܕܨܗܝܘܢ܂ ܛܢܢܗ ܕܡܪܝܐ ܚܝܠܬܢܐ ܥܒܿܕ ܗܕܐ܀܀
37:33 [ai]	ܡܛܠ ܗܢܐ ܗܟܢܐ ܐܡܿܪ ܡܪܝܐ ܥܠ ܡܠܟܐ ܕܐܬܘܪ܂ ܠܐ ܢܥܘܠ ܠܩܪܝܬܐ ܗܕܐ܂ ܘܠܐ ܢܫܕܐ ܬܡܢ ܓܐܪܐ܂ ܘܠܐ ܢܐܪܥܝܗܿ ܒܣܟܪ̈ܐ܂ ܘܠܐ ܢܟܡܢ ܥܠܝܗܿ ܟܡܐ̈ܢܐ܂
37:34 [ai]	ܐܠܐ ܒܐܘܪܚܐ ܕܐܬܐ ܒܗܿ ܢܗܦܘܟ܂ ܘܠܩܪܝܬܐ ܗܕܐ ܠܐ ܢܥܘܠ ܐܡܿܪ ܡܪܝܐ ‍<‍ܚܝܠܬܢܐ#3#‍>‍܂
37:35 [ai]	ܘܐܓܢ ܥܠ ܩܪܝܬܐ ܗܕܐ ܘܐܦܪܩܝܗܿ܃ ܡܛܠܬܝ ܘܡܛܠ ܕܘܝܕ ܥܒܕܝ܀
37:36 [ai]	ܘܢܦܩ ܡܠܐܟܗ ܕܡܪܝܐ܃ ܘܚܪܒ/ܘܩܛܠ#3#/ ܒܡܫܪܝܬܗ/ܡܢ ܡܫܪܝܬܗ#3#/ ܕܐܬܘܪܝܐ܃ ܡܐܐ ܘܬܡܢܐܝܢ ܘܚܡܫܐ ܐ̈ܠܦܝܢ܂ ܘܩܕܡܘ ܒܫܦܪܐ/ܒܨܦܪܐ#3#/܂ ܘܗܐ ܟܠܗܘܢ ܫ̈ܠܕܐ ܡܝ̈ܬܬܐ܂
37:37 [ai]	ܘܫܩܠ ܣܢܚܪܝܒ܃ ܘܗܦܟ ܐܙܠ ܝܬܒ ܒܢܝܢܘܐ܂
37:38 [ai]	ܘܟܕ ܣܿܓܕ ܗܘܐ ܒܝܬ ܢܣܪܟ ܐܠܗܗ܃ ܐܕܪܡܠܟ ܘܫܪܐܨܪ ܒܢ̈ܘܗܝ ܩܛܠܘܗܝ ܒܚܪܒܐ܂ ܘܗܢܘܢ ܥܪܩܘ ܠܐܪܥܐ ܕܩܪ̈ܕܘܝܐ܂ ܘܐܡܠܟ ܣܪܚܕܘܡ ܒܪܗ ܒܬܪܗ܀܂

next chapter