← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


44:01 [ai]ܡܟܝܠ ܫܡܥܝܢܝ ܝܥܩܘܒ ܥܒܕܝ ܘܐܝܣܪܝܠ ܕܓܒܿܝܬ܂
44:02 [ai]ܗܟܢܐ ܐܡܿܪ ܡܪܝܐ܃ ܕܥܒܕܟ ܘܓܒܠܟ ܒܡܪܒܥܐ ܘܥܕܪܟ܂ ܠܐ ܬܕܚܠ ܥܒܕܝ ܝܥܩܘܒ ܘܐܝܣܪܝܠ ܕܓܒܿܝܬ/ܕܩܪܝܬ#3#/܂
44:03 [ai]ܡܛܠ ܕܐܬܠ ܡ̈ܝܐ ܒܐܬܪܐ ܨܗܝܐ܃ ܘܪ̈ܕܝܐ ܒܝܒܫܐ܂ ܐܫܘܕ ܪܘܚܝ ܥܠ ܙܪܥܟ ܘܒܘܪ̈ܟܬܝ ܥܠ ܒ̈ܢܝܟ܂
44:04 [ai]ܘܢܐܥܘܢ ܡܢ ܒܝܢܬ ܥܡܝܪܐ܃ ܐܝܟ ܥܪ̈ܒܐ ܕܥܠ ܬ̈ܦܐ ܕܡ̈ܝܐ܂
44:05 [ai]ܗܢܐ ܢܐܡܪ ܕܡܪܝܐ ܐܢܐ܂ ܘܗܢܐ ܢܩܪܐ ܒܫܡܗ ܕܝܥܩܘܒ܂ ܘܗܢܐ ܢܟܬܒ ܐܝܕܗ ܠܡܪܝܐ܃ ܘܒܫܡ ܐܝܣܪܝܠ ܢܬܟܢܐ܀
44:06 [ai]ܗܟܢܐ ܐܡܿܪ ܡܪܝܐ ܡܠܟܗ ܕܐܝܣܪܝܠ ܘܦܪܘܩܗ܂ ܡܪܝܐ ܚܝܠܬܢܐ ܫܡܗ܂ ܐܢܐ ܐܢܐ ܩܕܡܝܐ ܘܐܢܐ ܐܢܐ ܐܚܪܝܐ܂ ܘܠܝܬ ܐܠܗ ܠܒܪ ܡܢܝ܂
44:07 [ai]ܘܡܢܘ ܐܟܘܬܝ܂ ܢܩܪܐ/ܢܩܘܡ#3#/ ܘܢܬܛܝܒ ܘܢܚܘܐ܂ ܡܢ/ܡܿܢ#3#/ ܕܣܿܡܬ ܥܡܐ ܠܥܠܡ܂ ܘܐ̈ܬܘܬܐ ܕܐ̈ܬܝܢ ܢܚܘܘܢ܂
44:08 [ai]ܠܐ ܬܕܚܠܘܢ ܘܠܐ ܬܬܪܗܒܘܢ܂ ܠܐ ܐܫܡܥܿܬܟܘܢ ܡܢ ܩܕܝܡ܃ ܘܚܘܿܝܬܟܘܢ܃ ܘܐܢܬܘܢ ܣܗ̈ܕܝ܃ ܕܠܝܬ ܐܠܗ ܠܒܪ ܡܢܝ܃ ܘܠܝܬ ܕܬܩܝܦ ܕܠܐ ܝܿܕܥ ܐܢܐ܂
44:09 [ai]ܣܪܝܩܝܢ ܐܢܘܢ ܟܘܠܗܘܢ ܐܘܡ̈ܢܐ ܕܥܒܿܕܝܢ ܨ̈ܠܡܐ܂ ܘܠܝܬ ܝܘܬܪܢ ܒܥܿܒ̈ܕܝܗܘܢ ܕܪܓܘ ܠܡܥܒܕ܂ ܘܣܗܿܕܝܢ ܐܘܡ̈ܢܐ ܕܥܒܕܘ ܐܢܘܢ܃ ܕܠܐ ܚܙܿܝܢ ܘܠܐ ܫܡܿܥܝܢ ܘܠܐ ܝܕܥܿܝܢ܂ ܡܛܠ ܗܢܐ ܢܒܗܬܘܢ܂
44:10 [ai]ܐܝܠܝܢ ܕܥܒܿܕܝܢ ܐ̈ܠܗܐ܃ ܘܓܠܿܦܝܢ ܢܣ̈ܝܟܐ ܕܝܘܬܪܢ ܠܝܬ ܒܗܘܢ܂
44:11 [ai]ܗܐ ܟܠܗܘܢ ܐܘܡ̈ܢܝܗܘܢ ܚܪܫܝܢ ܐܢܘܢ ܡܢ ܒܢ̈ܝ ܐܢܫܐ܂ ܢܬܟܢܫܘܢ ܟܘܠܗܘܢ ܘܢܩܘܡܘܢ܂ ܘܢܒܗܬܘܢ ܘܢܚܦܪܘܢ ܐܟܚܕܐ܂
44:12 [ai]ܕܠܛܫ ܦܪܙܠܐ ܢܓܪܐ܃ ܘܒܥܫܦܐ ܫܦܝܗ ܘܒܡܩܪܐ ܓܠܦܗ܂ ܘܥܒܕܗ ܒܚܝܠܐ ܕܕܪܥܗ܂ ܐܦ ܟܦܢ ܐܦ ܨܗܝ܂ ܘܠܐ ܐܫܬܝ ܡ̈ܝܐ ܘܐܬܛܪܦ܂
44:13 [ai]ܓܒܐ ܢܓܪܐ ܩܝܣܐ ܘܡܫܚܗ܂ ܘܒܬܬܐ ܕܒܩܗ܂ ܘܓܠܦܗ ܘܥܒܕܗ ܒܕܡܘܬܐ ܕܓܒܪܐ ܐܝܟ ܝܐܝܘܬܐ ܕܒܪܢܫܐ܂ ܘܐܩܝܡܗ ܒܒܝܬܐ
44:14 [ai]ܠܩܝܣܐ ܕܦܣܝܩ ܡܢ ܥܒܐ܃ ܕܒܡܛܪܐ ܐܬܪܒܝ
44:15 [ai]ܕܢܗܘܐ/ܘܢܗܘܐ#3#/ ܠܐܢܫܐ ܠܝܩܕܢܐ܂ ܘܢܣܒܘ ܡܢܗ ܘܐܚܡܘ ܘܐܦܘ ܠܚܡܐ܂ ܘܐܦ ܥܒܕܘ ܐܠܗܐ ܘܣܓܿܕܝܢ ܠܗ܂ ܥܒܕܘ ܓܠܝܦܐ ܘܣܓܕܘ ܠܗ܂
44:16 [ai]ܦܠܓܗ ܐܘܩܕܘ ܒܢܘܪܐ܃ ܘܛܘܝܘ ܒܣܪܐ ܥܠ ܓܘܡܪ̈ܘܗܝ܂ ܘܐܟܠܘ ܘܣܒܥܘ܃ ܘܐܦ ܫܚܢܘ܂ ܘܐܡܪܘ ܐܚܢ܂ ܫܚܿܢܬ ܘܚܙܿܝܬ ܢܘܪܐ܂
44:17 [ai]ܘܫܪܟܐ ܥܒܕܘ ܐܠܗܐ ܓܠܝܦܐ܂ ܘܣܓܕܘ ܠܗ ܘܨܠܝܘ ܠܗ܂ ܘܐܡܪܘ ܦܨܢ܂ ܡܛܠ ܕܐܢܬ ܗܘ ܐܠܗܢ܂
44:18 [ai]ܘܠܐ ܝܕܥܘ ܘܠܐ ܐܣܬܟܠܘ܂ ܕܫܝܥ ܗܘ/ܗܘܐ#3#/ ܚܙܘܐ ܕܥܝܢ̈ܝܗܘܢ ܘܣܘܟܠܐ ܕܠܒܗܘܢ܂
44:19 [ai]ܘܠܐ ܐܝܬܝܘ ܥܠ ܒܠܗܘܢ܂ ܘܠܐ ܝܕܥܘ ܘܠܐ ܐܬܪܥܝܘ ܘܐܡܪܘ܃ ܕܦܠܓܗ ܐܘܩܕܘ ܒܢܘܪܐ܃ ܘܥܠ ܓܘܡܪ̈ܘܗܝ ܐܦܘ ܠܚܡܐ܃ ܘܛܘܝܘ ܒܣܪܐ ܘܐܟܠܘ܂ ܘܫܪܟܗ ܥܒܕܘ ܠܗܘܢ ܦܬܟܪܐ ܕܩܝܣܐ ܘܣܓܕܘ ܠܗ܂
44:20 [ai]ܪܥܿܐ ܗܘ/ܗܘܐ#3#/ ܒܩܛܡܐ ܠܒܗܘܢ܂ ܘܡܛܥܐ ܗܘ ܛܥܿܝܢ ܘܠܐ ܡܦܨܝܢ ܢܦܫܗܘܢ܂ ܘܠܐ ܐܡܿܪܝܢ ܕܕܓܠܘܬܐ ܥܒܕܬ ܝܡܝܢܢ܂
44:21 [ai]ܐܬܕܟܪ ܗܠܝܢ ܝܥܩܘܒ܃ ܘܐܝܣܪܝܠ ܕܥܒܕܝ ܐܢܬ܂ ܓܒܿܠܬܟ ܠܝ ܥܒܕܐ܃ ܡܟܝܠ ܐܝܣܪܝܠ ܠܐ ܬܛܥܝܢܝ܂
44:22 [ai]ܐܥܒܿܪܬ ܥܘܠܟ ܐܝܟ ܥܪܦܠܐ܂ ܘܚ̈ܛܗܝܟ ܐܝܟ ܥܢܢܐ܂ ܐܬܦܢܝ ܠܘܬܝ ܕܦܪܩܿܬܟ܂
44:23 [ai]ܫܒܚܘ ܫܡܝܐ ܡܛܠ ܕܥܒܕ ܡܪܝܐ܂ ܝܒ̈ܒܝܢ ܫܬܐ̈ܣܝܗܿ̈ ܕܐܪܥܐ܂ ܐܬܦܨܚܘ ܛܘܪ̈ܐ ܒܬܫܒܘܚܬܐ܂ ܘܥܒܐ ܘܟܠ ܐܝ̈ܠܢܐ ܕܒܗ܂ ܕܦܪܩ ܡܪܝܐ ܠܝܥܩܘܒ ܘܒܐܝܣܪܝܠ ܐܫܬܒܚ܂
44:24 [ai]ܗܟܢܐ ܐܡܿܪ ܡܪܝܐ܃ ܕܦܪܩܟ ܘܓܒܠܟ/ܘܥܒܕܟ#3#/ ܒܡܪܒܥܐ ܘܥܕܪܟ܂ ܐܢܐ ܐܢܐ ܡܪܝܐ ܕܥܒܿܕܬ ܟܠ܂ ܡܬܚܿܬ ܫܡܝܐ ܒܠܚܘܕܝ܂ ܘܪܩܿܥܬ ܐܪܥܐ ܡܢܝ ܘܠܝ܂
44:25 [ai]ܡܒܛܠ ܐܬ̈ܘܬܐ ܕܙܟܘܪ̈ܐ܃ ܘܩܨ̈ܡܝܗܘܢ ܡܫܛܐ ܐܢܐ܂ ܡܗܦܟ ‍<‍ܐܢܐ#3#‍>‍ ܚ̈ܟܝܡܐ ܠܒܣܬܪܗܘܢ܃ ܘܝܕܥܬܗܘܢ ܡܣܟܠ ܐܢܐ܂
44:26 [ai]ܡܩܝܡ ܡܠܬܐ ܕܥܒܕܗ܂ ܘܬܪܥܝܬܐ ܕܡܠܐ̈ܟܘܗܝ ܡܫܠܡ܂ ܕܐܡܪ/ܘܐܡܪ#3#/ ܠܐܪܫܠܡ ܕܬܬܝܬܒ/ܬܬܝܬܒ#3#/܃ ܘܠܩܘܪ̈ܝܐ ܕܝܗܘܕܐ ܕܢܬ̈ܒܢܝܢ܂ ܘܠܚܪ̈ܒܬܗܿ ܐܩܝܡ܂
44:27 [ai]ܕܐܡܪ ܠܥܘܡܩܐ ܚܪܒ܂ ܘܢܗܪ̈ܘܬܟ ܐܘܒܫ܂
44:28 [ai]ܕܐܡܪ ܠܟܘܪܫ ܪܥܝܝ܂ ܕܟܠܗ ܨܒܝܢܝ ܢܫܠܡ܂ ܠܡܐܡܪ ܠܐܘܪܫܠܡ ܕܬܬܒܢܐ܃ ܘܗܝܟܠܐ ܢܫܬܟܠܠ܂

next chapter