← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62012: P Is

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


63:01 [ai]ܡܢܘ ܗܢܐ ܕܐܿܬܐ ܡܢ ܐܕܘܡ܂ ܘܣܘܡܩܝܢ ܢܚ̈ܬܘܗܝ ܡܢ ܒܘܨܪ܂ ܘܗܕܝܪ ܒ̈ܠܒܘܫܘܗܝ ܘܥܫܝܢ ܒܣܘܓܐܐ ܕܚܝܠܗ܂ ܐܢܐ ܡܡܠܠ ܒܙܕܝܩܘܬܐ܃ ܘܡܣܓܐ ܠܡܦܪܩ܂
63:02 [ai]ܠܡܢܐ ܣܘܡܩܝܢ ܢܚ̈ܬܝܟ ܘܠܒܘܫ̈ܝܟ܃ ܐܝܟ ܗܿܘ ܕܥܿܨܪ ܒܡܥܨܪܬܐ/ܡܥܨܪܬܐ#3#/܂
63:03 [ai]ܡܥܨܪܬܐ ܕܫܿܬ ܒܠܚܘܕܝ܃ ܘܐܢܫ ܡܢ ܥܡ̈ܡܐ ܠܝܬ/ܠܐ#3#/ ܗܘܐ ܥܡܝ ܥܿܨܪܬ ܐܢܘܢ ܒܪܘܓܙܝ܂ ܘܕܫܿܬ ܐܢܘܢ ܒܚܡܬܝ܂ ܘܢܿܕܐ/ܘܪܕܐ#3#/ ܕܡܗܘܢ ܥܠ ܠܒܘ̈ܫܝ܃ ܘܟܠܗܘܢ ܢܚ̈ܬܝ ܦܠܦܿܠܬ܂
63:04 [ai]ܡܛܠ ܕܝܘܡܐ ܕܬܒܥܬܐ ܒܠܒܝ܂ ܘܫܢܬܐ ܕܦܘܪܩܢܝ ܡܛܬ܂
63:05 [ai]ܚܿܪܬ ܘܠܝܬ ܕܡܥܕܪ ܘܐܬܕܡܿܪܬ ܘܠܝܬ ܕܣܡܿܟ܂ ܘܦܪܩܢܝ ܕܪܥܝ܂ ܘܚܡܬܝ ܗܝ ܣܡܟܬܢܝ܂
63:06 [ai]ܕܫܿܬ ܥܡ̈ܡܐ ܒܪܘܓܙܝ܂ ܘܐܕܘܝܿܬ/ܘܕܘܝܬ#3#/ ܐܢܘܢ ܒܚܡܬܝ܂ ܘܐܚܬܿܬ ܠܐܪܥܐ ܥܘܫܢܗܘܢ܀
63:07 [ai]ܛܝܒܘܬܗ ܕܡܪܝܐ ܐܬܕܟܪ܂ ܘܬܫܒܘܚܬܗ ܕܡܪܝܐ ܥܠ ܟܠ ܕܦܪܥܢܝ ܡܪܝܐ܂ ܘܐܣܓܝ/ܕܐܣܓܝ#3#/ ܛܝܒܘܬܗ ܥܠ ܕܒܝܬ ܐܝܣܪܝܠ܂ ܕܦܪܥܢܝ ܐܝܟ ܪ̈ܚܡܘܗܝ ܘܐܝܟ ܣܘܓܐܐ ܕܛܝ̈ܒܘܬܗ܂
63:08 [ai]ܘܐܡܪ ܕܥܡܝ ܐܢܘܢ ܒ̈ܢܝܐ ܕܠܐ ܡܕܓܠܝܢ܂ ܘܗܘܐ ܠܗܘܢ ܦܪܘܩܐ܂
63:09 [ai]ܒܟܘܠ ܐ̈ܘܠܨܢܝܗܘܢ ܠܐ ܐܠܨ ܐܢܘܢ܂ ܘܡܠܐܟܐ ܕܐ̈ܦܘܗܝ ܦܪܩ ܐܢܘܢ܂ ܒܡܪܚܡܢܘܬܗ ܘܒܪܘܚܦܗ ܦܪܩ ܐܢܘܢ܂ ܘܐܪܝܡ ܐܢܘܢ ܘܫܩܿܠ ܐܢܘܢ ܟܘܠܗܘܢ ܝܘܡ̈ܬܐ ܕܥܠܡܐ܂
63:10 [ai]ܘܗܢܘܢ ܡܪܡܪܘ ܘܐܟܐܒܘ/ܘܐܒܐܫܘ#3#/ ܠܪܘܚܐ ܕܩܘܕܫܗ܂ ܘܗܦܟ ܗܘܐ ܠܗܘܢ ܒܥܠܕܒܒܐ܂ ܘܗܘ ܐܬܟܬܫ ܥܡܗܘܢ܂
63:11 [ai]ܘܐܬܕܟܪ ܝܘܡ̈ܬܐ ܕܥܠܡ/ܕܡܢ ܥܠܡ#3#/ ܕܡܘܫܐ ܥܒܕܗ܂ ܐܝܟ ܕܐܣܩ ܡܢ ܝܡܐ ܠܪܥܝܐ܂ ܕܥܢܗ ܘܐܝܟ ܕܣܡ ܒܓܘܗ ܪܘܚܐ ܕܩܘܕܫܗ܂
63:12 [ai]ܡܕܒܪ ܠܝܡܝܢܗ ܕܡܘܫܐ ܕܪܥܐ ܕܬܫܒܘܚܬܗ܂ ܬܪܥ ܝܡܐ ܡܢ ܩܕܡܝܗܘܢ܃ ܘܥܒܕ ܠܗܘܢ ܫܡܐ ܠܥܠܡ܂
63:13 [ai]ܕܒܪ ܐܢܘܢ ܒܬܗܘܡܐ ܐܝܟ ܣܘܣܝܐ ܒܡܕܒܪܐ܂ ܘܠܐ ܐܬܬܩܠܘ܃
63:14 [ai]ܐܝܟ ܒܥܝܪܐ ܕܢܚܿܬܐ ܒܦܩܥܬܐ܂ ܪܘܚܗ ܕܡܪܝܐ ܕܒܪܬ ܐܢܘܢ܂ ܗܟܢܐ ܕܒܪܬ ܐܢܘܢ ܠܥܡܟ܂ ܘܥܒܕܬ ܠܟ ܫܡܐ ܡܫܒܚܐ܂
63:15 [ai]ܚܘܪ ܡܢ ܫܡܝܐ ‍<‍ܡܪܝܐ#3#‍>‍܂ ܘܚܙܝ ܡܢ ܡܕܝܪ̈ܝܟ ܩܕܝܫܐ̈ ܘܡܫܒܚܐ܂ ܐܝܟܘ ܛܢܢܟ ܘܓܢܒܪܘܬܟ܃ ܘܗܘܦܟܐ/ܘܗܘܦܟ#3#/ ܕܡ̈ܥܝܟ/ܕܕܡܥ̈ܝܟ#3#/ ܘܕܪ̈ܚܡܝܟ ܕܐܬܗܦܟܘ ܥܠܝܢ܂
63:16 [ai]ܡܛܠ ܕܐܢܬ ܗܘ ܐܒܘܢ܂ ܐܒܪܗܡ ܠܐ ܝܕܥܢ܂ ܘܐܝܣܪܝܠ ܠܐ ܐܫܬܘܕܥܢ܂ ܐܢܬ ܗܘ ܡܪܝܐ ܐܒܘܢ ܘܦܪܘܩܢ܂ ܘܡܢ ܥܠܡ ܫܡܟ܂
63:17 [ai]ܠܡܢܐ ܐܛܥܝܬܢ ܡܪܝܐ ܡܢ ܐܘܪܚܟ܃ ܘܩܫܝܬ ܠܒܢ ܡܢ ܕܚܠܬܟ܂ ܐܬܦܢܝ ܡܛܠ ܥܒ̈ܕܝܟ ܫܒܛܐ ܕܝܪܬܘܬܟ܂
63:18 [ai]ܩܠܝܠ ܢܐܪܬ ܥܡܐ ܕܩܘܕܫܟ/ܩܘܕܫܟ#3#/܂ ܐ̈ܠܘܨܝܢ ܕܫܘ ܡܩܕܫܟ܂
63:19 [ai]ܗܘܝܢ ܡܢ ܥܠܡ܂ ܥܕܠܐ ܐܫܬܠܛܬ ܥܠܝܗܘܢ܃ ܘܠܐ ܐܬܩܪܝ ܫܡܟ ܥܠܝܗܘܢ܃ ܠܐ ܦܬܚܬ ܫܡܝܐ ܘܢܚܬܬ܃ ܘܡܢ ܩܕܡܝܟ ܕܠܘ ܛܘܪ̈ܐ܃

next chapter