← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62016: P Joel

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


01:01 [ai]ܦܬܓܡܗ ܕܡܪܝܐ ܕܗܘܐ ܥܠ ܝܘܐܝܠ ܒܪ ܒܬܘܐܝܠ܂
01:02 [ai]ܫܡܥܘ ܗܕܐ ܩܫܝ̈ܫܐ܂ ܘܨܘܬܘ ܟܘܠ ܥܡܘܪ̈ܝܗܿ ܕܐܪܥܐ܂ ܐܢ ܗܘܬ ܐܝܟ ܗܕܐ ܒܝ̈ܘܡܝܟܘܢ ܐܘ ܒܝ̈ܘܡܝ ܐ̈ܒܗܝܟܘܢ܂
01:03 [ai]ܐܫܬܥܘ ܥܠܝܗܿ ܠܒ̈ܢܝܟܘܢ܂ ܘܒ̈ܢܝܟܘܢ ܠܒ̈ܢܝܗܘܢ܂ ܘܒ̈ܢܝܗܘܢ ܠܕܪ̈ܐ ܐܚܪܢܐ܂
01:04 [ai]ܕܡܕܡ ܕܐܘܬܪ ܡܫܘܛܐ ܐܟܠ ܩܡܨܐ ܦܪܚܐ܂ ܘܡܕܡ ܕܐܘܬܪ ܩܡܨܐ ܦܪܚܐ܂ ܐܟܠ ܩܡܨܐ ܙܚܠܐ܂ ܘܡܕܡ ܕܐܘܬܪ ‍<‍ܩܡܨܐ#2#‍>‍ ܙܚܠܐ ܐܟܠ ܨܪܨܘܪܐ܂
01:05 [ai]ܐܬܬܥܝܪܘ ܪ̈ܘܝܐ ܘܒܟܘ܂ ܘܐܝܠܠܘ ܟܘܠ ܫܬ̈ܝܝ ܚܡܪܐ܂ ܥܠ ܚܡܪܐ ܕܥܒܪ ܡܢ ܦܘܡܟܘܢ܂
01:06 [ai]ܡܛܠ ܕܥܡܐ ܣܠܩ ܠܐܪܥܝ܂ ܥܫܝܢ ܘܠܝܬ ܠܗ ܡܢܝܢ܂ ܫܢ̈ܘܗܝ ܐܝܟ ܫ̈ܢܐ ܕܐܪܝܐ܂ ܘܢܝ̈ܒܘܗܝ ܐܝܟ ܢܝ̈ܒܐ ܕܓܘܪܝܐ ܕܐܪܝܐ܂
01:07 [ai]ܥܒܕ ܓܦܬܝ ܠܚܘܪܒܐ܂ ܘܬܬܝ ܠܦܘܫܚܐ ܦܫܚܗܿ ܘܫܕܗܿ ܘܚܿܘܪ ܣܘ̈ܟܝܗܿ܂
01:08 [ai]ܐܠܝ ܐܝܟ ܒܬܘܠܬܐ ܕܟܒܝܢܐ ܣܩܐ ܥܠ ܒܥܠ ܛܠܝܘܬܗܿ܂
01:09 [ai]ܥܒܪ ܣܡܝܕܐ ܘܢܘܩܝܐ ܡܢ ܒܝܬܗ ܕܡܪܝܐ܂ ܝܬܒܘ ܡ̈ܠܟܐ ܒܐܒܠܐ܂ ܘܟܗ̈ܢܐ ܕܡܫܡܫܝܢ ܠܡܪܝܐ܂
01:10 [ai]ܐܬܒܙܬ ܚܩܠܐ܂ ܘܝܬܒܬ ܒܐܒܠܐ ܐܪܥܐ܂ ܡܛܠ ܕܐܬܒܙܙ ܥܒܘܪܐ܂ ܘܝܒܫ ܚܡܪܐ ܘܚܪܒܘ ܙܝ̈ܬܐ܂
01:11 [ai]ܒܗܬܘ ܐܟܪ̈ܐ ܘܐܝܠܠܘ ܟܪ̈ܡܐ܂ ܥܠ ܚ̈ܛܐ ܘܥܠ ܣܥܪ̈ܐ܂ ܕܥܒܪ ܚܨܕܐ ܕܚܩܠܐ܂
01:12 [ai]ܓܦܬܐ ܝܒܫܬ܂ ܘܬܬܐ ܚܪܒܬ܂ ܘܪ̈ܘܡܢܐ ܘܕܩ̈ܠܐ ܘܚܙܘܪ̈ܐ܂ ܘܟܠܗܘܢ ܐ̈ܝܠܢܐ ܕܚܩܠܐ ܝܒܫܘ܂ ܡܛܠ ܕܒܛܠܬ ܚܕܘܬܐ ܡܢ ܒܢ̈ܝ ܐܢܫܐ܂
01:13 [ai]ܟܗ̈ܢܐ ܐܬܟܒܢܘ ܣ̈ܩܐ܂ ܘܐܪܩܕܘ ܘܐܝܠܠܘ ܡܫܡܫ̈ܢܝ ܡܕܒܚܐ܂ ܥܘܠܘ ܒܘܬܘ ܒܣ̈ܩܐ ܡܫܡ̈ܫܢܘܗܝ̈ ܕܐܠܗܝ܂ ܡܛܠ ܕܐܬܟܠܼܝ ܡܢ ܒܝܬܗ ܕܐܠܗܟܘܢܿ ܣܡܝܕܐܼ ܘܢܘܩܝܐ܂
01:14 [ai]ܩܕܫܘ ܨܘܡܐ ܩܪܘ ܟܢܘܫܝܐ܂ ܐܬܟܢܫܘ ܩܫܝܫ̈ܐ ܘܟܠܗܘܢ ܥܡܘܪ̈ܝܗܿ ܕܐܪܥܐ܂ ܠܒܝܬܗ ܕܡܪܝܐ ܐܠܗܟܘܢ܂ ܓܥܘ ܠܘܬ ܡܪܝܐ ܐܠܗܟܘܢ ܘܐܡܪܘ܂
01:15 [ai]ܐܘܗ ܐܘܗ ܠܝܘܡܐ܂ ‍<‍ܡܛܠ#2#‍>‍ ܕܩܪܝܒ ܗܘ ܝܘܡܗ ܕܡܪܝܐ܂ ܘܒܙܬܐ ܡܢ ܐܠܗܐ ܬܐܬܐ܂
01:16 [ai]ܗܐ ܠܘܩܒܠ ܥܝܢܝ̈ܢ ܥܒܪ ܡܐ̈ܟܠܬܐ ܡܢ ܒܝܬܗ ܕܐܠܗܢ܂ ܘܚܕܘܬܐ ܘܕܝܨܐ܂
01:17 [ai]ܘ̈ܛܘܝ ܡܘܫܚ̈ܐ ܥܠ ܐܘܪ̈ܘܬܗܝܢ܂ ܚܪܒܘ ܐܘܨܪ̈ܐ ܘܐܣܬܚܦ ܡܥܨܪ̈ܬܐ܂ ܘܝܒܫ ܥܒܘܪܐ܂
01:18 [ai]ܠܡܢܐ ܡܬܬܢܚܐ ܒܥܝܪܐ ܘܒܟܝܢ ܒܩܪ̈ܐ ܕܬܘܪ̈ܐ܂ ܕܠܝܬ ܠܗܝܢ ܪܥܝܐ܂ ܐܦ ܓܙܪ̈ܐ ܕܥܢܐ ܣܦܘ܂
01:19 [ai]ܠܘܬܟ ܡܪܝܐ ܐܩܪܐ܂ ܡܛܠ ܕܐܟܠܬ ܢܘܪܐ ܠܕܝܪ̈ܐ ܕܡܕܒܪܐ܂ ܘܫܠܗܒܝܬܐ ܐܘܩܕܬ ܠܟܠܗܘܢ ܐܝ̈ܠܢܐ ܕܕܒܪܐ܂
01:20 [ai]ܐܦ ܚܝܘܬܐ ܕܕܒܪܐ ܓܥܝܐ ܠܘܬܟ܂ ܡܛܠ ܕܝܒܫܘ ܦܨ̈ܝܕܐ ܕܡ̈ܝܐ܂ ܘܐܟܠܬ ܢܘܪܐ ܠܕܝܪ̈ܐ ܕܡܕܒܪܐ܀

next chapter