← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62018: P Ob

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

00:00 [ai]ܬܘܒ ܢܒܝܘܬܗ ܕܥܘܒܕܝܐ܂
01:01 [ai]ܚܙܘܐ ܕܥܘܒܕܝܐ܂ ܗܟܢܐ ܐܡܪ ܡܪܐ ܡܪ̈ܘܬܐ ܠܐܕܘܡ܂ ܛܒܐ ܫܡܥܢ ܡܢ ܩܕܡ ܡܪܝܐ ܘܐܝܙܓܕܐ ܠܥܡ̈ܡܐ ܐܫܬܠܚ܂ ܩܘܡܘ ܘܢܩܘܡ ܥܠܝܗܿ ܠܩܪܒܐ܂
01:02 [ai]ܗܐ ܙܥܘܪܐ ܝܗܒܬܟ ܒܥܡ̈ܡܐ܂ ܘܫܝܛ ܐܢܬ ܛܒ܂
01:03 [ai]ܫܘܒܗܪܗ ܕܠܒܟ ܐܛܥܝܟ܂ ܕܥܡܪ ܒܥܘܫܢܐ ܕܫܩܝܦܐ ܘܒܪܘܡܐ ܡܘܬܒܗ܂ ܘܐܡܪ ܒܠܒܗ ܡܢܘ ܢܚܬܢܝ ܠܐܪܥܐ܂
01:04 [ai]ܐܢ ܬܬܪܝܡ ܐܝܟ ܢܫܪܐ܂ ܘܐܢ ܒܝܬ ܟܘ̈ܟܒܐ ܬܣܝܡ ܩܢܟ܂ ܡܢ ܬܡܢ ܐܚܬܟ ܐܡܪ ܡܪܝܐ܂
01:05 [ai]ܐܢ ܓܢ̈ܒܐ ܐܬܘ ܥܠܝܟ ܐܘ ܒܙܘ̈ܙܐ ܒܠܠܝܐ܂ ܐܝܟܢܐ ܫܬܩܬ ܥܕܡܐ ܕܓܢܒܘ ܡܣܬܗܘܢ܂ ܘܐܢ ܩ̈ܛܘܦܐ ܐܬܘ ܥܠܝܟ܂ ܠܐ ܫܒܩܝܢ ܗܘܘ ܒܘܥܪܐ܂
01:06 [ai]ܐܝܟܢܐ ܐܬܒܨܝ ܥܣܘ ܘܢܒܥ ܡܛܫܝ̈ܬܗ܂
01:07 [ai]ܥܕܡܐ ܠܬܚܘܡܐ/ܠܬܗܘܡܐ#2#/ ܫܕܪܘܟ܂ ܟܠܗܘܢ ܓܒܪ̈ܐ ܕܩܝܡܟ ܐܛܥܝܘܟ ܘܐܬܡܨܝܘ ܚܝܠܟ܂ ܓܒܪ̈ܐ ܕܫܠܡܟ ܘܕܠܚܡܟ܂ ܣܡܘ ܟܡܐܢܐ ܬܚܘܬܝܟ܂ ܕܠܝܬ ܒܗ ܣܘܟܠܐ܂
01:08 [ai]ܒܗ ܒܝܘܡܐ ܗܿܘ ܐܡܪ ܡܪܝܐ܂ ܐܘܒܕ ܚܟܝܡܐ ܡܢ ܐܕܘܡ܂ ܘܣܟܘܠܬܢܐ ܡܢ ܛܘܪܐ ܕܥܣܘ܂
01:09 [ai]ܘܢܬܒܙܘܢ ܓܢܒܪ̈ܝܟܝ ܬܝܡܢ܂ ܘܢܐܒܕ ܐܢܫܐ ܡܢ ܛܘܪܐ ܕܥܣܘ܂ ܡܢ ܩܛܠܐ
01:10 [ai]ܘܡܢ ܚܛܘܦܝܐ ܕܐܚܘܟ ܝܥܩܘܒ܂ ܬܟܣܝܟ ܒܗܬܬܐ ܘܬܐܒܕ ܠܥܠܡ܂
01:11 [ai]ܒܝܘܡܐ ܕܩܡܬ ܠܩܘܒܠܗ܂ ܒܝܘܡܐ ܕܫܒܘ ܢܘܟܪ̈ܝܐ ܚܝܠܗ܂ ܘܢܘܟܪ̈ܝܐ ܥܠܘ ܒܬܪ̈ܥܘܗܝ܂ ܘܥܠ ܐܘܪܫܠܡ ܐܪܡܝܘ ܦܨ̈ܐ܂ ܘܐܦ ܐܢܬ ܐܝܟ ܚܕ ܡܢܗܘܢ ܬܗܘܐ܂
01:12 [ai]ܘܠܐ ܬܚܙܐ ܒܝܘܡܐ ܕܐܚܘܟ ܒܝܘܡܐ ܕܢܘܟܪ̈ܝܐ܂ ܘܠܐ ܬܚܕܐ/ܬܚܙܐ#2#/ ܠܒܢ̈ܝ ܝܗܘܕܐ ܒܝܘܡܐ ܕܐܒܕܢܗܘܢ܂ ܘܠܐ ܬܘܪܒ ܦܘܡܟ ܒܝܘܡܐ ܕܐܘܠܨܢܐ܂
01:13 [ai]ܘܠܐ ܬܥܘܠ ܒܬܪܥܗ ܕܥܡܝ ܒܝܘܡܐ ܕܥܩܬܗܘܢ܂ ܘܠܐ ܬܚܕܐ/ܬܚܙܐ#2#/ ܐܦ ܐܢܬ ܒܒܝܫܬܗ ܒܝܘܡܐ ܕܥܩܬܗ܂ ܘܠܐ ܬܣܪܕܝܘܗܝ ܒܚܝܠܗ ܒܝܘܡܐ ܕܥܩܬܗ܂
01:14 [ai]ܘܠܐ ܬܩܘܡ ܥܠ ܡܩܒܬܐ ܠܡܘܒܕܘ ܠܡܫ̈ܘܙܒܘܗܝ܂ ܘܠܐ ܬܫܠܡ ܣܪ̈ܝܕܘܗܝ ܒܝܘܡܐ ܕܐܘܠܨܢܐ܂
01:15 [ai]ܡܛܠ ܕܩܪܝܒ ܗܘ ܝܘܡܗ ܕܡܪܝܐ ܥܠ ܟܠܗܘܢ ܥܡ̈ܡܐ܂ ܐܝܟ ܕܥܒܕܬ ܗܟܢܐ ܢܬܥܒܕ ܠܟ ܘܦܘܪܥܢܟ ܢܗܦܘܟ ܥܠ ܪܝܫܟ܂
01:16 [ai]ܡܛܠ ܕܐܝܟܢܐ ܕܐܫܬܝܬܘܢ ܥܠ ܛܘܪܐ ܕܩܘܕܫܝ܂ ܢܫܬܘܢ ܟܠܗܘܢ ܥܡ̈ܡܐ ܐܡܝܢܐܝܬ܂ ܢܫܬܘܢ ܘܢܬܘܪܘܢ ܘܢܬܛܪܦܘܢ܂ ܘܢܗܘܘܢ ܐܝܟ ܕܠܐ ܗܘܘ܂
01:17 [ai]ܘܒܛܘܪܐ ܕܨܗܝܘܢ ܬܗܘܐ ܡܫܘܙܒܘܬܐ܂ ܘܢܗܘܐ ܩܕܝܫ܂ ܘܢܐܪܬܘܢ ܕܒܝܬ ܝܥܩܘܒ ܠܐܝܠܝܢ ܕܝܪܬܘ ܐܢܘܢ܂
01:18 [ai]ܘܢܗܘܐ ܒܝܬ ܝܥܩܘܒ ܢܘܪܐ܂ ܘܒܝܬ ܝܘܣܦ ܫܠܗܒܝܬܐ ܘܒܝܬ ܥܣܘ ܚܒܬܐ܂ ܘܢܐܩܕܘܢ ܒܗܘܢ ܘܢܐܟܠܘܢ ܐܢܘܢ܂ ܘܠܐ ܢܗܘܐ ܣܪܝܕܐ ܠܒܝܬܐ ܕܥܣܘ܂ ܡܛܠ ܕܡܪܝܐ ܡܠܠ܂
01:19 [ai]ܘܢܐܪܬܘܢ ܕܬܝܡܢܐ ܠܛܘܪܐ ܕܥܣܘ ܘܕܦܩܥܬܐ ܠܦ̈ܠܫܬܝܐ܂ ܘܢܐܪܬܘܢ ܚܩܠܐ ܕܐܦܪܝܡ ܘܚܩܠܐ ܕܫܡܪܝܢ܂ ܘܒܢܝܡܝܢ ܠܓܠܥܕ܂
01:20 [ai]ܘܫܒܝܬܐ ܩܕܡܝܬܐ ܗܕܐ ܠܒܢ̈ܝ ܐܝܣܪܝܠ ܕܡܢ ܟܢܥܢ ܘܥܕܡܐ ܠܨܪܦܬ܂ ܘܫܒܝܬܐ ܕܐܘܪܫܠܡ ܕܒܐܣܦܢܝܐ ܢܐܪܬܘܢ ܠܡܕܝ̈ܢܬܐ ܕܬܝܡܢܐ܂
01:21 [ai]ܘܢܣܩܘܢ ܦܪ̈ܝܩܐ ܠܛܘܪܐ ܕܨܗܝܘܢ܂ ܠܡܕܢ ܠܛܘܪܐ ܕܥܣܘ܂ ܘܬܗܘܐ ܡܠܟܘܬܐ ܕܡܪܝܐ܂
99:01 [ai]ܫܠܡܬ ܢܒܝܘܬܗ ܕܥܘܒܕܝܐ ܢܒܝܐ