← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


025:001 [ai]ܠܘܬܟ ܡܪܝܐ ܢܦܫܝ ܐܪܝܡܬ܂
025:002 [ai]ܐܠܗܝ ܒܟ ܣܒܪܬ ܠܐ ܐܒܗܬ܂ ܕܠܐ ܢܫܬܒܗܪܘܢ ܥܠܝ ܒ̈ܥܠܕܒܒܝ܂
025:003 [ai]ܐܦ ܟܠ ܕܡܣܒܪܝܢ ܒܟ ܠܐ ܢܒܗܬܘܢ܂ ܢܒܗܬܘܢ ܥܘ̈ܠܐ ܒܣܪ̈ܝܩܘܬܗܘܢ܂
025:004 [ai]ܐܘܪ̈ܚܬܟ ܡܪܝܐ ܚܘܢܝ܂ ܘܫܒܝ̈ܠܝܟ ܐܘܕܥܝܢܝ܂
025:005 [ai]ܕܒܪܝܢܝ ܒܩܘܫܬܟ ܘܐܠܦܝܢܝ܂ ܡܛܠ ܕܐܢܬ ܗܘ ܐܠܗܝ ܘܦܪܘܩܝ܂ ܘܠܟ ܣܟܝܬ ܒܟܠܝܘܡ܂
025:006 [ai]ܐܬܕܟܪ ܡܪܝܐ ܪ̈ܚܡܝܟ ܕܡܢ ܥܠܡ ܘܛܝܒ̈ܘܬܟ܂
025:007 [ai]ܘܣ̈ܟܠܘܬܐ ܕܛܠܝܘܬܝ ܠܐ ܬܕܟܪ/ܬܬܕܟܪ#3#/ ܠܝ܂ ܐܠܐ ܐܝܟ ܣܘܓܐܐ ܕܪ̈ܚܡܝܟ ܐܬܕܟܪܝܢܝ܂ ܡܛܠ ܛܝܒܘܬܟ ܐܠܗܐ܂
025:008 [ai]ܛܒ ܗܘ ܘܬܪܝܨ ܡܪܝܐ ܡܛܠ ܗܢܐ ܬܪܨ ܠܚ̈ܛܝܐ ܒܐܘܪܚܐ܂
025:009 [ai]ܘܡܕܒܪ ܠܡ̈ܟܝܟܐ ܒܕܝܢܐ ܘܡܠܦ ܠܡܣܟ̈ܢܐ ܐܘܪܚܗ܂
025:010 [ai]ܟܠܗܝܢ ܐܘܪ̈ܚܬܗ ܕܡܪܝܐ ܛܝܒܘܬܐ ܘܩܘܫܬܐ܂ ܠܐܝܠܝܢ ܕܢܛܪܝܢ ܩܝܡܗ ܘܣܗ̈ܕܘܬܗ܂
025:011 [ai]ܡܛܠ ܫܡܟ ܡܪܝܐ ܚܣܢܝ ܡܢ ܥܘܠܝ ܕܪܒ ܗܘ܂
025:012 [ai]ܡܢܘ ܓܒܪܐ ܕܕܚܠ ܡܢ ܡܪܝܐ܂ ܢܠܦܝܘܗܝ ܐܘܪܚܐ ܕܓܒܐ܂
025:013 [ai]ܢܦܫܗ ܬܒܘܬ ܒܛܝܒܘܬܐ/ܒܛܒ̈ܬܐ#3#/܂ ܘܙܪܥܗ ܢܐܪܬ ܐܪܥܐ܂
025:014 [ai]ܬܪܥܝܬܗ ܕܡܪܝܐ ܥܠ ܕܚ̈ܠܘܗܝ܂ ܘܩܝܡܗ ܐܘܕܥ ܐܢܘܢ܂
025:015 [ai]ܥܝܢ̈ܝ ܒܟܠܙܒܢ ܠܘܬ ܡܪܝܐ܂ ܡܛܠ ܕܗܘ ܡܦܩ ܡܢ ܡܨܝܕܬܐ ܪ̈ܓܠܝ܂
025:016 [ai]ܐܬܦܢ ܥܠܝ ܘܪܚܡ ܥܠܝ܂ ܡܛܠ ܕܝܚܝܕܝܐ ܐܢܐ ܘܒܝܫܐ܂
025:017 [ai]ܥܩܬ̈ܗ ܕܠܒܝ ܣܓܝ܂ ܘܡܢ ܥܩ̈ܬܝ ܐܦܩܝܢܝ܂
025:018 [ai]ܘܚܙܝ ܫܘܥܒܕܝ ܘܥܡܠܝ ܘܫܒܘܩ ܠܝ ܟܠܗܿ ܚܛܝܬܝ܂
025:019 [ai]ܘܚܙܝ ܕܣܓܝܘ ܒ̈ܥܠܕܒܒܝ܂ ܘܣܢܐܬܐ ܕܥܘܠܐ ܣܢܐܘܢܝ܂
025:020 [ai]ܛܪ ܢܦܫܝ ܘܦܨܢܝ ܡܛܠ ܕܒܟ ܣܒܪܬ܂
025:021 [ai]ܬܡ̈ܝܡܐ ܘܬܪ̈ܨܐ ܢܩܦܘ ܠܝ ܡܛܠ ܕܠܟ ܣܟܝܬ܂
025:022 [ai]ܦܪܩ ܐܠܗܐ ܠܐܝܣܪܝܠ ܡܢ ܟܘܠܗܘܢ ܐ̈ܠܘܨܘܗܝ܂

next chapter