← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


071:001 [ai]ܒܟ \ܡܪܝܐ ܣܒܪܬ /ܣܒܪܬ ܡܪܝܐ#3#/ ܠܐ ܐܒܗܬ ܠܥܠܡ܂
071:002 [ai]ܒܙܕܝܩܘܬܟ ܦܨܢܝ܂ ܨܠܝ ܠܝ ܐܕܢܟ ܘܦܪܘܩܝܢܝ܂
071:003 [ai]ܗܘܝ ܠܝ ‍<‍ܐܠܗܐ#3#‍>‍ ܒܝܬ ܡܥܡܪܐ ܕܐܥܘܠ ܠܗ ܒܟܠܙܒܢ܂ ܘܦܩܘܕ ܠܡܦܪܩܢܝ܂ ܡܛܠ ܕܐܢܬ ܗܘ ܒܝܬ ܓܘܣܝ ܘܒܝܬ ܡܪܕܝ܂
071:004 [ai]ܐܠܗܐ ܦܨܢܝ ܡܢ ܐܝܕܗ ܕܪܫܝܥܐ܂ ܘܡܢ ܐܝܕܗ ܕܥܘܠܐ ܒܝܫܐ܂
071:005 [ai]ܡܛܠ ܕܐܢܬ ܗܘ ܣܒܪܝ ܡܪܝܐ܂ ܐܠܗܐ ܬܘܟܠܢܝ ܕܡܢ ܛܠܝܘܬܝ܂
071:006 [ai]ܕܥܠܝܟ ܐܣܬܡܟܬ ܡܢ ܡܪܒܥܐ܂ ܘܡܢ ܡܥ̈ܝܗܿ ܕܐܡܝ ܐܢܬ ܗܘ ܬܘܟܠܢܝ܂ ܠܟ ܫܒܚܬ ܒܟܠܙܒܢ܂
071:007 [ai]ܘܕܘܡܪܐ ܗܘܝܬ ܠܣ̈ܓܝܐܐ܂ ܕܐܢܬ ܗܘ ܬܘܟܠܢܝ ܥܫܝܢܐ܂
071:008 [ai]ܢܬܡܠܐ ܦܘܡܝ ܬܫܒܘܚܬܟ܂ ܘܟܠܗ ܝܘܡܐ ܪܒܘܬܟ܂
071:009 [ai]ܠܐ ܬܫܕܝܢܝ ܒܙܒܢܐ ܕܣܝܒܘܬܐ܂ ܘܡܐ ܕܓܡܪ ܚܝܠܝ ܠܐ ܬܫܒܩܢܝ܂
071:010 [ai]ܡܛܠ ܕܐܡܪܘ ܥܠܝ ܒ̈ܥܠܕܒܒܝ܂ ܘܐܝܠܝܢ ܕܢܛܪܝܢ ܠܢܦܫܝ܂ ܐܬܡܠܟܘ ‍<‍ܥܠܝ#3#‍>‍ ܐܝܟ ܚܕܐ
071:011 [ai]ܘܐܡܪܘ܂ ܐܠܗܐ ܫܒܩܗ ܪܘܕܦܘܗܝ ܘܐܘܚܕܘܗܝ܂ ܡܛܠ ܕܠܝܬ ܠܗ ܡܦܨܝܢܐ܂
071:012 [ai]ܐܠܗܐ ܠܐ ܬܪܚܩ ܡܢܝ܂ ܐܠܗܐ ܠܥܘܕܪܢܝ ܟܬܪ܂
071:013 [ai]ܢܒܗܬܘܢ ܘܢܚܦܪܘܢ ܐܝܠܝܢ ܕܣܩܪܝܢ ܠܢܦܫܝ܂ ܢܬܥܛܦܘܢ ܒܗܬܬܐ ܐܝܠܝܢ ܕܨܒܝܢ ܠܒܝܫܬܝ܂
071:014 [ai]ܐܢܐ ܕܝܢ ܒܟܠܙܒܢ ܐܨܠܐ ܘܐܘܣܦ ܥܠ ܬܫ̈ܒܚܬܟ܂
071:015 [ai]ܦܘܡܝ ܢܣܒܪ ܙܕܝܩܘܬܟ܂ ܘܟܠܗ ܝܘܡܐ ܒܬܫ̈ܒܚܬܟ܂ ܡܛܠ ܕܠܐ ܝܕܥܬ ܣܦܪܘܬܐ܂
071:016 [ai]ܐܥܘܠ ܒܓܢܒܪܘܬܗ ܕܡܪܝܐ ܘܐܥܗܕ/ܘܥܗܕ#3#/ ܙܕܝܩܘܬܟ ܒܠܚܘܕܝ܂
071:017 [ai]ܐܠܗܐ ܝܘܠܦܢܝ ܕܡܢ ܛܠܝܘܬܝ ܘܥܕܡܐ ܠܗܫܐ܂ ܕܐܚܘܐ ܬܕܡܪ̈ܬܟ܂
071:018 [ai]ܥܕܡܐ ܠܣܝܒܘܬܐ ܘܠܩܫܝܫܘܬܐ ܠܐ ܬܫܒܩܢܝ܂ ܥܕܡܐ ܕܐܚܘܐ ܕܪܥܟ ܘܓܢܒܪܘܬܟ ܠܕܪܐ ܕܐܬܐ܂
071:019 [ai]ܘܙܕܝܩܘܬܟ ܐܠܗܐ ܥܕܡܐ ܠܡܪܘܡܐ܂ ܘܪ̈ܘܪܒܬܐ ܕܥܒܕܬ ܐܠܗܐ ܡܢܘ ܐܟܘܬܟ܂
071:020 [ai]ܕܚܘܝܬܢܝ ܐܘܠܨܢܐ ܣܓܝܐܐ ܘܒܝܫܬܐ܂ ܘܗܦܟܬ/ܘܐܗܦܟܬ#3#/ ܘܐܚܝܬܢܝ܂ ܘܐܦ ܡܢ ܬܗ̈ܘܡܝܗܿ ܕܐܪܥܐ ܬܗܦܟ ܬܣܩܢܝ܂
071:021 [ai]ܐܣܓܝܬ ܪܒܘܬܝ ܘܗܦܟܬ/ܘܐܗܦܟܬ#3#/ ܘܒܝܐܬܢܝ܂
071:022 [ai]ܐܦ ‍<‍ܡܢ#3#‍>‍ ܐܢܐ ܐܘܕܐ ܠܟ ܒܟܢܪܐ ܘܠܩܘܫܬܟ ܐܙܡܪ܂ ܐܠܗܐ ܐܙܡܪ ܠܟ ܒܟܢܪܐ ܩܕܝܫܐ ܕܐܝܣܪܝܠ܂
071:023 [ai]ܘܢܫܒ̈ܚܢ ܣ̈ܦܘܬܝ ܟܕ ܐܙܡܪ ܠܟ ܘܢܦܫܝ ܕܦܪܩܬ܂
071:024 [ai]ܘܠܫܢܝ ܟܠܗ ܝܘܡܐ ܢܘܕܐ ܒܙܕܝܩܘܬܟ܂ ܡܛܠ ܕܢܒܗܬܘܢ ܘܢܚܦܪܘܢ܂ ܐܝܠܝܢ ܕܨܒܝܢ ܠܒܝܫܬܝ܂

next chapter