← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

previous chapter


083:002 [ai]ܐܠܗܐ ܡܢܘ ܕܕܡܐ ܠܟ܂ ܠܐ ܬܫܬܘܩ ܘܠܐ ܬܫܠܐ ܐܠܗܐ܂
083:003 [ai]ܡܛܠ ܕܗܐ ܒ̈ܥܠܕܒܒܝܟ ܡܬܪܓܫܝܢ܂ ܘܣ̈ܢܐܝܟ ܐܪܝܡܘ ܪܝܫܐ܂
083:004 [ai]ܥܠ ܥܡܟ܂ ܒܚܪܥܘܬܗܘܢ ܚܫܠܘ ܪܐܙܐ܂ ܘܐܬܡܠܟܘ ܥܠ ܩܕܝܫ̈ܝܟ܂
083:005 [ai]ܘܐܡܪܘ܂ ܬܘ ܢܘܒܕ ܐܢܘܢ ܡܢ ܥܡܐ܂ ܘܠܐ ܢܬܕܟܪ ܬܘܒ ܫܡܗ ܕܐܝܣܪܝܠ܂
083:006 [ai]ܡܛܠ ܕܐܬܪܥܝܘ ܒܠܒܗܘܢ ܐܟܚܕܐ܂ ܘܥܠܝܟ ܐܩܝܡܘ ܩܝܡܐ܂
083:007 [ai]ܡܫܟܢܐ ܕܐܕܘܡ ܘܕܥܪ̈ܒܝܐ܂ ܘܕܡܘܐܒ ܘܕܓܕܪ̈ܝܐ܂
083:008 [ai]ܬܚܘܡܐ ܕܥܡܘܢ ܘܕܥܡܠܝܩ܂ ܘܕܦܠܫܬ ܥܡ ܝܬ̈ܒܝ ܨܘܪ܂
083:009 [ai]ܐܦ ܐܬܘܪܝܐ ܐܫܬܘܝ ܥܡܗܘܢ܂ ܘܗܘܘ ܥܘܕܪܢܐ ܠܒ̈ܢܝ ܠܘܛ܂
083:010 [ai]ܥܒܕ ܠܗܘܢ ܐܝܟ ܕܠܡܕܝܢ ܘܐܝܟ ܕܠܣܝܣܪܐ܂ ܘܐܝܟ ܕܠܢܒܝܢ ܒܢܚܠܐ ܕܩܝܫܘܢ܂
083:011 [ai]ܕܐܬܚܪܒܘ ܒܥܝܢܕܘܪ܂ ܘܗܘܘ ܙܒܠܐ ܒܐܪܥܐ܂
083:012 [ai]ܚܪܘܒ ܐܢܘܢ ܘܐܘܒܕ ܐܢܘܢ܂ ܐܝܟ ܕܠܥܘܪܝܒ \ܘܐܝܟ ܙܝܒ /ܘܙܝܒ#3#/ \ܘܐܝܟ ܙܒܚ /ܘܙܒܚ#3#/ ܘܐܝܟ ܨܠܡܢܥ܂ ܟܠܗܘܢ/ܠܟܠܗܘܢ#3#/ ܫ̈ܠܝܛܢܝܗܘܢ/ܫܠܛܝܗ̈ܘܢ#3#/܂
083:013 [ai]ܕܐܡܪܘ܂ ܢܐܪܬ ܠܢ ܩܪܝܬܗ ܕܐܠܗܐ܂
083:014 [ai]ܐܠܗܐ ܥܒܕ ܐܢܘܢ ܐܝܟ ܓܝܓܠܐ܂ ܘܐܝܟ ܓܠܐ ܩܕܡ ܪܘܚܐ܂
083:015 [ai]ܘܐܝܟ ܢܘܪܐ ܕܡܫܬܒܩܐ ܒܥܒܐ܂ ܘܐܝܟ ܫܠܗܒܝܬܐ ܕܡܘܩܕܐ ܛܘܪ̈ܐ܂
083:016 [ai]ܗܟܢܐ ܪܕܘܦ ܐܢܘܢ ܒܥܠܥܠܟ܂ ܘܒܩܪ̈ܚܝܟ ܕܠܚ ܐܢܘܢ܂
083:017 [ai]ܡܠܝ ܐ̈ܦܝܗܘܢ ܨܥܪܐ܂ ܕܢܒܥܘܢ/ܕܢܕܥܘܢ#3#/ ܠܫܡܟ ܡܪܝܐ܂
083:018 [ai]ܢܒܗܬܘܢ ܘܢܬܕܠܚܘܢ ܠܥܠܡ ܥܠܡܝܢ܂ ܢܚܦܪܘܢ ܘܢܐܒܕܘܢ܂
083:019 [ai]ܘܢܕܥܘܢ ܕܫܡܟ ܗܘ ܡܪܝܐ ܒܠܚܘܕܝܟ ܪܡ ܒܟܠܗܿ ܐܪܥܐ܂

next chapter