← Back
The Comprehensive Aramaic Lexicon
← Return to the Text Browser
click on the file description for more information
62068: Tobit A

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

12:01 [ai]ܘܟܕ ܦܛܼܪܬܿ ܡܫܬܘܬܐܼ܂ ܐܡܼܪ ܛܘܒܝܛ ܠܒܪܗ܂ ܚܿܙܝ ܒܪܝ ܕܢܬܠ ܐܓܪܐ ܠܓܒܪܐ ܗܢܐ ܕܐܙܼܠ ܥܡܟ̤ ܘܬܘܣܦ ܠܗ ܥܠ ܐܓܪܗ
12:02 [ai]ܘܐܡܼܪ ܛܘܒܝܐ܂ ܐܒܝ ܟܡܐ ܐܬܠ ܠܗ܂ ‍[‍ܠ‍]‍ܐ ܓ‍[‍ܝ‍]‍ܪ ܚܿܐܣ ܐܢܼܐ ܕܐܿܬܠ ܠܗ ܦܠܓܐ ܕܡܕܡ ܕܐܝܬܝܬ ܥܡܝ
12:03 [ai]ܡܛܠ ܕܠܝ ܢܿܛܼܪ ܒܐܘܪܚܐ܂ ܘܠܐܢܬܬܝ ܐܣܼܝ܂ ܘܟܣܦܐ ܐܝܬܝ܂ ܠܐ ‍[‍ܓܝܪ ܚܿ‍]‍ܣܪ ܐܢܼܐ ܕܝܿܗܒ ܐܢܼܐ ܠܗ
12:04 [ai]ܘܐܡܼܪ ܛܘܒܝܛ܂ ܙܿܕܩ ܗܘ ܕܢܬܠ ܠܗ ܦܠܓܐ ܕܟܠܡܕܡ ܕܐܝܬܼܝܬ ܥܡܟ
12:05 [ai]ܘܩܼܪܝܗܝ ܘܐܡܼܪ ܠܗ܂ ܣܒ ܦܠܓܐ ܕܟܠܡܕܡ ‍[‍ܕܐܝܬܝܬ ܥ‍]‍ܡܝܼ܂ ܘܙܠ ܒܫܠܡܐ
12:06 [ai]‍[‍ܗܼܘ ܕܝܢ ܩܪܐ‍]‍ ܐܢܘܢ ܠܣܛܪ ܘܐܡܼܪ ܠܬܪ̈ܝܗܘܢ̤ ܗܘܘ ܡܫܒܚܝܢ ܠܐܠܗܐ ܘܡܘܕܝܢ ܠܗ ܩܕܡ ܒܢܝܢ̈ܫܐ ܟܠܗܘܢܼ܂ ܒܟܠܡܕܡ ܕܥܒܼܕ ܥܡܟܘܢ ܛܒ̈ܬܐ܂ ܡܛܠ ܕܛܒ ܗܘ ܠܡܫܒܚܘ ܠܐܠܗܐ ܘܠܡܪܡܪܡܘ ܠܫܡܗ܂ ܘܠܡ̈ܠܘܗܝ ܕܐܠܗܐ ܗܘܝܬܘܢ ܐܡܿܪܝܢ ܒܟܠܙܒܢ
12:07 [ai]ܡܛܠ ܕܪܐܙܐ ܐܢܝ̈ܢ ܕܡܠܟܘܬܐ܂ ܘܠܡܥܒܕ ܛܒ̈ܬܐ܂ ܘܕܒܝܼܫ ܠܐ ܢܫܬܟܚ ܒܟܘܢ܂ ܐܠܐ ܛܒ̈ܬܐ
12:08 [ai]ܘܬܗܼܘܐ ܠܟܘܢ܂ ܐܡܝܢܘܬܐ ܒܨܘܡܐ ܘܒܨܠܘܬܐ܂ ܘܙܕܝܩܘܬܐ ܘܟܐܢܘܬܐ܂ ܡܛܠ ܕܗܠܝܢ ܬܪܬܝܗܝܢ ܛܒ̈ܢ ܠܡܥܼܒܕ܂ ܙܕܝܩܘܬܐ ܣܝܼܡܬܐ ܗܝ ܪܒܬܐ
12:09 [ai]ܙܕܝܩܘܬܐ ܡܦܿܨܝܐ ܡܢ ܡܘܬܐ܂ ܘܐܝܠܝܢ ܕܥܿܒܕܝܢ ܙܕܝܩܘܬܐܼ܂ ܗܼܢܘܢ ܢܥܼܠܘܢ ܠܚ̈ܝܐܿ
12:11 [ai]ܒܪܡ ܕܝܢ ܐܿܓܠܐ ܠܟܘܢ ܫܪܪܐܼ܂ ܘܠܐ ܐܿܛܫܐ ܡܢܟܘܢ
12:12 [ai]ܟܕ ܨܿܠܼܝܬ ܐܢܬ ܛܘܒܝܛ ܘܟܠܬܟ ܣܪܐܼ܂ ܐܫܬܡܼܥܬܿ ܨܠܘܬܐ ܕܬܪ̈ܝܟܘܢ ܩܕܡ ܐܠܗܐ܂ ܘܐܬܝܕܥܘ ܥܿܒ̈ܕܝܟ ܘܙܕܩ̈ܬܟ ܗܠܝܢ ܕܥܿܒܕ ܗܘܝܬܼ܂ ܥܠ ܐܝܠܝܢ ܕܡܿܝܬܝܢ ܗܘܘ
12:13 [ai]ܟܕ ܩܡܼܬ ܡܛܫܝܐܝܬ ܘܫܩܼܠܬ ܡܝܬܐ ܗܿܘ ܟܕ ܐܬܼܐ ܥܠܝܟ ܢܣܝܘܢܐܼ
12:14 [ai]ܫܿܕܪܢܝ ܐܠܗܐ ܕܐܿܦܨܝܟ ܘܐܿܣܝܟ ܠܟ ܘܠܟܠܬܟ
12:15 [ai]ܐܿܢܐ ܐܢܼܐ ܪܦܐܝܠ ܚܕ ܡܢ ܡ̈ܠܐܟܐ ܕܩܿܝܡܝܢ ܩܕܡ ܐܠܗܐ
12:16 [ai]ܘܕܚܼܠܘ ܘܐܬܬܙܝܥܼܘ ܬܪ̈ܝܗܘܢ܂ ܘܢܦܼܠܘ ܥܠ ܐܦ̈ܝܗܘܢ ܥܠ ܐܪܥܐ
12:17 [ai]ܘܐܡܼܪ ܠܗܘܢ܂ ܠܐ ܬܕܚܠܘܢ܂ ܫܠܡܐ ܗܘ ܠܟܘܢ܂ ܗܼܘܝܬܘܢ ܡܫܒܚܝܢ ܠܐܠܗܐ
12:18 [ai]ܡܛܠ ܕܠܐ ܗܘܐ ܒܛܝܒܘܬܝ ܗܘ̈ܝ ܗܠܝܢ܂ ܐܠܐ ܒܛܝܒܘܬܗ ܕܐܠܗܐ
12:19 [ai]ܘܐܿܢܐ ܠܐ ܐܿܟܠ ܗܘܝܬ ܘܠܐ ܫܿܬܐ ܗܘܝܬ܂ ܐܠܐ ܐܢܬܘܢ ܚܿܙܝܢ ܗܘܝܬܘܢ ܠܝ ܕܐܟܠ ܐܢܼܐ ܘܫܿܬܐ ܐܢܼܐ
12:20 [ai]ܒܪܡ ܕܝܢ ܗܫܐ ܩܘܡܘ ܡܢ ܐܪܥܐ܂ ܘܟܬܘܒܘ ܐܢ̈ܝܢ ܗܠܝܢ ܒܟܬܒܐ܂ ܘܗܼܘܝܬܘܢ ܡܫܒܚܝܢ ܠܐܠܗܐ܂ ܐܿܢܐ ܓܝܪ ܗܐ ܡܣܬܠܩ ܐܢܐ ܠܝܼ܂ ܠܘܬ ܡܢ ܕܫܿܕܪܢܝ
12:21 [ai]ܘܟܕ ܩܡܘ܂ ܒܥܝܢ ܗܘܘ ܠܗ ܘܠܐ ܐܝܬܘܗܝ
12:22 [ai]ܘܡܫܒܚܝܢ ܗܘܘ ܠܗ ܠܐܠܗܐ ܘܡܘܕܝܢ ܒܥܒܿܕܐ ܕܥܒܼܕ ܠܘܬܗܘܢ