The Comprehensive Aramaic Lexicon

260:01 [ai]	ܠܡܓܕܘܢܝܐ܂ ܡܿܢܼܘ ܗܢܐ ܥܿܒܕܐ܂ ܗܐ ܚܠܡܐܼ ܘܥܿܒܕܐ܂
260:02 [ai]	ܐܡܿܪܐ ܠܗ ܡܓܕܘܢܝܐ܂ ܐܦ ܗܢܐܼ ܠܐ ܗܼܘܐ‍{‍ܢ‍}‍ ܣܢܼܐ
260:03 [ai]	ܐܠܐ ܫܦܝܪ ܗܘ܂ ܡܢ ܨܒܘܬܐ ܐܚܪܬܐ ܣܢܝܬܐ ܫܦܝܪܬܐ
260:04 [ai]	ܗܿܘܝܐ܂ ܘܐܫܝܓ ܐܝܼ̈ܕܘܗܝܼ܂ ܘܠܫܠܡܗ ܕܡܙܕܝ ܡܿܠܟܐܼ ܐܙܼܠ܂
260:05 [ai]	93܂1 ܡܓܕܘܢܝܐ ܕܝܢ ܐܢܬܬܗ ܕܟܪܝܫ܃ ܩܕܡܼܬ ܐܦ ܗܼܝ ܐܙܠܬ
260:06 [ai]	ܠܫܠܡܗ ܕܝܗܘܕܐ ܫܠܝܚܐܼ܂ ܘܐܫܟܚܬܗ ܟܕ ܝܿܬܒ ܘܡܡܠܠ
260:07 [ai]	ܥܡ ܪܒ ܚܝܠܐܼ ܘܥܡ ܟܢܫܐ ܣܓܝܐܐ܂ ܘܐܡܼܪ ܠܗܘܢ܂
260:08 [ai]	ܒ̈ܢܝܼ܂ ܐܢܬܬܐ ܗܿܝ ܕܐܬܡܠܝ ܩܒܠܼܬ ܠܡܪܢ ܒܠܒܗܿ
260:09 [ai]	ܘܒܢܦܫܗܿ܂ ܐܢܬܬܼ ܡܿܢ ܗܝܼ܂ 93܂2 ܐܡܿܪ ܠܗ ܪܒ ܚܝܠܐ܂
260:10 [ai]	ܐܢܬܬܗ ܗܝ ܕܟܪܝܫ ܩ‍{‍ܕ‍}‍‍<‍ܪ‍>‍ܝܒܗ ܕܡܙܕܝ ܡܿܠܟܐ܂ ܘܓܒܪܐ
260:11 [ai]	ܗܘ ܩܫܝܐ ܒܥܠܗܿ܃ ܘܟܠ ܕܦܩܕ ܠܡܿܠܟܐܼ ܥܿܒܕ ܠܗ ܨܒܝܢܐ܂
260:12 [ai]	ܘܠܐ ܫܿܒܩ ܠܗܿ ܕܬܩܘܐ ܐܝܟܢܐ ܕܐܫܬܘܕܝܬ܂ ܡܛܠ
260:13 [ai]	ܕܐܦ ܩܕܡ ܡܿܠܟܐܼ܂ ܣܓܿܝ ܫܪ̈ܒܝܗܿ ܫܦܝܪ̈ܐ ܪܡܿܐ܂
260:14 [ai]	ܘܐܡܼܪ ܕܠܝܬ ܐܟܘܬܗܿ܂ ܘܐܦ ܗܼܝ ܣܓܿܝ ܪܚܡܿܐ ܠܗ܂
260:15 [ai]	ܘܗܠܝܢ ܐܝܠܝܢ ܕܡܡܠܠ ܐܢܬ ܠܗܘܢ ܢܘܟܪ̈ܝܢ ܐܢ̈ܝܢ
260:16 [ai]	ܠܗܘܢ ܀ 93܂3 ܐܡܿܪ ܝܗܘܕܐ ܐܢ ܒܫܪܪܐ ܕܢܚܼ ܡܪܢ
260:17 [ai]	ܒܢܦܫܗܿ܃ ܘܩܿܒܼܠܬ ܙܪܥܐ ܕܐܙܕܪܥܼ ܒܗܼܿ܂ ܠܐ ܠܚ̈ܝܐ
260:18 [ai]	ܗܠܝܢ܂ ܕܙܒܢܐ ܚܫܒܐܼ܂ ܘܐܦܠܐ ܡܢ ܡܿܘܬܐ ܕܚܿܠܐ܂
260:19 [ai]	ܘܐܦܠܐ ܗܼܘ ܟܪܝܫ ܡܫܟܚ ܬܘܒ ܡܕܡ ܠܡܥܒܕ ܠܗܿ
260:20 [ai]	ܘܠܡܚܫܘܬܗܿ܂ ܡܛܠ ܕܡܿܝܬܪ ܗܘ ܡܢܗ ܗܿܘ ܐܝܢܐ
261:01 [ai]	ܕܩܿܒܼܠܬ ܒܢܦܫܗܿ܂ ܐܢ ܐܡܝܢܐܝܬ ܒܚܘܒܐ ܫܠܡܼܐ
261:02 [ai]	ܩܿܒܼܠܬ ܀ 94܂1 ܘܟܕ ܗܠܝܢ ܫܡܥܼܬ ܡܓܕܘܢܝܐܼ܂ ܐܡܿܪܐ ܠܗ
261:03 [ai]	ܠܝܗܘܕܐ܂ ܫܪܝܪܐܝܬ ܡܪܝ ܒܨܠܘܬܟܼ܂ ܙܪܥܐ ܚܼܿܝܐ
261:04 [ai]	ܕܡܠܬܐ ܩܿܒܠܬܼ܂ ܘܦܐܪ̈ܐ ܕܕܡܿܝܢ ܠܗ ܠܙܪܥܐܼ ܝܿܗܒܐ
261:05 [ai]	ܐܢܐ ܒܡܪܝ ܝܫܘܥ ܀ ܐܡܿܪ ܝܗܘܕܐ ܡ̈ܘܕܝܢ ܠܟ ܡܪܢ
261:06 [ai]	ܢܦܫ̈ܬܢ ܗܠܝܢ ܕܕܝܠܟ ܐܢ̈ܝܢ܂ ܡ̈ܘܕܝܢ ܠܟ ܡܪܝ ܪ̈ܘܚܬܢܼܿ
261:07 [ai]	ܗܠܝܢ ܕܩܢܝܢܟ ܐܢ̈ܝܢ ܕܫܪܪܐ܂ ܡܿܘܕܝܢ ܠܟ ܡܪܝ ܗܠܝܢ
261:08 [ai]	ܦܓܪ̈ܝܢ܃ ܕܐܫܼܘܝܬ ܐܢܘܢ ܕܢܗܘܼܘܢ ܒܝܬ ܡܥܡܪܐ
261:09 [ai]	ܕܪܘܚܟ܂ ܗܿܝ ܡܫܒܚܬܐ ܐܡܝܢܐܝܬ܂ 94܂2 ܘܐܡܼܪ ܫܠܝܚܐ
261:10 [ai]	ܠܟܠܗܘܢ ܗܿܢܘܢ ܕܐܝܬ ܗܘܘ ܬܡܿܢ܂ ܛܘܒܝܗܿܘܢ
261:11 [ai]	ܠܩ̈ܕܝܫܐ ܕܢܦܫ̈ܬܗܘܢ ܡܢ ܡܬܘܡ ܠܐ ܒܣܪ̈ܢ ܠܗܘܢ܂
261:12 [ai]	ܡܛܠ ܕܩܢܘ ܐܢ̈ܝܢܼ ܘܠܐ ܡ̈ܬܦܠܓܢ ܥܠܝܗܝܢ܂ ܛܘܒܝܗܝܢ
261:13 [ai]	ܠܪ̈ܘܚܬܗܘܢ ܕܩ̈ܕܝܫܐܿ܂ ܕܫܼܩܠܘ ܟܠܝܠܐ ܘܣܠܩܘ
261:14 [ai]	ܡܢ ܐܓܘܢܐ ܠܡܕܡ ܕܐܫܬܠܡ ܠܗ ܠܗܘܢ܂ ܛܘܒܝܗܘܢ
261:15 [ai]	ܠܦܓܪ̈ܝܗܘܢ ܕܩ̈ܕܝܫܐܿ܂ ܕܫܘܘ ܕܢܗܘܼܘܢ ܢܘ̈ܣܐ ܕܟ̈ܝܐ
261:16 [ai]	ܕܢܥܡܼܪ ܒܗܘܢ ܡܫܝܚܐ܂ 94܂3 ܛܘܒܝܟܘܢ ܩ̈ܕܝܫܐܼ܂ ܕܠܟܘܢ
261:17 [ai]	ܗܘ ܫܠܝܛ ܠܡܫܐܠ ܘܡܣܼܿܒ܂܂ ܛܘܒܝܟܘܢ ܩ̈ܕܝܫܐܼ܂
261:18 [ai]	ܕܐܢܬܘܢ ܕܝ̈ܢܐ ܐܬܩܪܝܬܘܢ܂ ܛܘܒܝܟܘܢ ܩ̈ܕܝܫܐ
261:19 [ai]	ܕܬܫܒܼܩܘܢ ܚ̈ܛܗܐ ܐܫܬܠܛܬܘܢ܂ ܛܘܒܝܟܘܢ ܩ̈ܕܝܫܐ
261:20 [ai]	ܕܡܕܡ ܕܐܫܬܼܠܡ ܠܟܘܢܼ ܠܐ ܐܘܒܕܬܘܢ܂ ܐܠܐ ܟܕ
261:21 [ai]	ܚܿܕܝܢ ܐܢܬܘܢ ܡܣܩܝܢ ܐܢܬܘܢ ܠܗ ܥܡܟܘܢ ܠܥܠ
261:22 [ai]	ܠܪܘܡܐ܂ 94܂4 ܛܘܒܝܟܘܢ ܡ̈ܟܝܟܐ ܕܠܟܘܢ ܐܫܼܿܘܝ ܐܠܗܐ
262:01 [ai]	ܕܬܐܪܬܘܢ ܡܿܠܟܘܬܐ܂܂ ܛܘܒܝܟܘܢ ܡ̈ܟܝܟܐܼ܂ ܕܐܢܬܘܢ
262:02 [ai]	ܐܢܘܢ ܕܙܟܝܼܬܘܢܝܗܝ ܠܒܝܼܫܐ܂܂ ܛܘܒܝܟܘܢ ܡ̈ܟܝܟܐ
262:03 [ai]	ܕܐܢܬܘܢ ܐܢܘܢ ܒ̈ܢܘܗܝ ܕܢܘܗܪܐ܂ ܛܘܒܝܟܘܢ ܡ̈ܟܝܟܐ
262:04 [ai]	ܕܐܢܬܘܢ ܬܚܙܘܢ ܦܪܨܘܦܗ ܕܡܪܟܘܢ܂ 94܂5 ܛܘܒܝܟܘܢ
262:05 [ai]	ܥ̈ܢܘܝܐ ܕܐܢܬܘܢ ܬܬܢܝܼܚܘܢ ܘܬܬܓܐܿܘܢ܂ ܒܗܠܝܢ
262:06 [ai]	ܪܘܚܢܝܬܐ ܕܠܐ ܥܒܪ̈ܢ ܘܠܐ ܡܫܬܪ̈ܝܢ܂ ܘܐܟܘ̈ܠܝܗܝܢ
262:07 [ai]	ܠܐ ܟܦܢܝܢ܂ ܛܘܒܝܟܘܢ ܥ̈ܢܘܝܐ ܕܡܢ ܚܛܝܼܬܐ
262:08 [ai]	ܐܬܦܪܩܬܘܢ ܀ ܀ 94܂6 ܘܟܕ ܗܠܝܢ ܐܡܼܪ ܗܘܐ ܫܠܝܚܐ̈
262:09 [ai]	ܘܟܠܗܘܢ ܟ̈ܢܫܐ ܫܡܿܥܝܢ ܗܘܘ ܠܗܼ܂ ܡܓܕܘܢܝܐ ܕܝܢ
262:10 [ai]	ܐܢܬܬܗ ܕܟܪܝܫ ܪܚܡܿܗ ܕܡܙܕܝ ܡܿܠܟܐ܂ ܝܬܝܪܐܝܬ
262:11 [ai]	ܡܫܬܪܪܐ ܗܘܬ ܒܩܕܝܫܘܬܐܿ ܘܒܥܢܘܝܘܬܐܿ܂ ܘܒܟܠܗܿ
262:12 [ai]	ܡܟܝܟܘܬܐ܂ 95܂1 ܘܟܕ ܟܠܗ ܝܘܡܐ ܡܬܒܣܡܝܢ ܗܘܘ
262:13 [ai]	ܒܬܫ̈ܒܚܬܗ ܘܒܪܒܘܬܗ ܕܡܪܝܐܼ܂ ܟܪܝܫ ܕܝܢ ܪܚܡܿܗ
262:14 [ai]	ܕܡܙܕܝ ܡܿܠܟܐܿ ܐܬܼܐ ܠܫܪܘܬܐ ܘܠܐ ܐܫܟܚܗܿ ܠܐܢܬܬܗ
262:15 [ai]	ܒܒܝܬܗܿ܂ ܘܫܼܿܪܝ ܗܘܐ ܡܫܐܿܠ ܠܟܠܗܘܢ ܒ̈ܢܝ ܒܝܬܗ
262:16 [ai]	ܥܠܝܗܿ܂ ܕܠܐܝܟܐ ܐܙܝܠܐ ܡܪܬܟܘܢ܂ ܘܚܕ ܡܢܗܘܢܼ
262:17 [ai]	ܐܡܼܪ ܠܗ܂ ܕܠܘܬ ܗܿܘ ܓܒܪܐ ܐܟܣܢܝܐ ܐܙܠܼܬ܂ ܘܬܡܿܢ
262:18 [ai]	ܗܝ ܀ ܀ ܘܟܕ ܫܡܼܥ ܗܠܝܢ ܡܢ ܒܪ ܒܝܬܗܼ܂ ܐܬܚܿܡܬ
262:19 [ai]	ܥܠ ܫܪܟܐ ܕܒ̈ܢܝ ܒܝܬܗ ܕܠܐ ܐܘܕܥܘܗܝ ܡܕܡ
262:20 [ai]	ܕܓܼܕܫ܂ 95܂2 ܘܐܙܠ ܣܚܼܐ ܘܣܠܼܩ ܥܕ ܢܗܝܪ܂ ܘܝܿܬܒ ܗܘܼܐ
262:21 [ai]	ܘܢܼܛܪ ܠܗܿ ܠܡܓܕܘܢܝܐ ܥܕ ܐܬܼܝܐ ܀ ܘܟܕ ܗܘܼܐ ܪܡܫܐܼ
262:22 [ai]	ܐܬܬ ܗܘܬ܂ ܘܗܼܘ ܐܪܥܗܼܿ ܘܐܡܼܪ ܠܗܿ܂ ܐܝܟܐ ܗܘܝܬܝ
262:23 [ai]	ܥܕܡܐ ܠܗܫܐ܂ ܘܗܼܝ ܐܡܼܪܬ ܠܗܼ܂ ܠܒܝܬ ܐܣܝܐ ܐܙܝܠܐ
262:24 [ai]	ܗܘܝܬ܂ ܐܡܿܪ ܗܼܘ ܗܿܘ ܐܟܣܢܝܐ ܚܿܪܫܐ ܐܣܝܐ ܗܘܼ܂
263:01 [ai]	ܐܡܿܪܐ ܠܗ܂ ܐܝܼܢ ܐܣܝܐ ܗܘ܂ ܘܦܪܝܫ ܗܘ ܡܢ ܟܠܗܘܢ
263:02 [ai]	ܐܣ̈ܘܬܐ܂ ܟܠܗܘܢ ܓܝܪ ܐܣ̈ܘܬܐ ܦܓܪ̈ܐ ܗܘ ܗܠܝܢ
263:03 [ai]	ܕܡܫܬܪܝܢ ܡܐܿܣܝܢ܂ ܗܢܐ ܕܝܢ ܐܣܝܐܼ܂
263:04 [ai]	ܦܓܪ̈ܐ ܥܡ ܢܦܫ̈ܬܐ ܡܐܿܣܐܼ܂ ܐܝܠܝܢ ܕܬܘܒ ܠܐ
263:05 [ai]	ܡܫܬܪܝܢ ܀ 95܂3 ܘܟܕ ܗܠܝܢ ܫܡܼܥ ܟܪܝܫ ܩܪܝܒܗ ܕܡܙܕܝ
263:06 [ai]	ܡܿܠܟܐܼ܂ ܪܓܼܙ ܒܪܥܝܢܗ ܥܠܝܗܿ ܥܠ ܡܓܕܘܢܝܐ ܘܥܠ ܗܿܘ
263:07 [ai]	ܐܟܣܢܝܐܼ܂ ܘܡܕܡ ܠܐ ܐܡܼܪ ܠܗܿ܂ ܡܛܠ ܕܕܚܿܠ ܗܘܐ
263:08 [ai]	ܡܢܗܿ܂ ܣܓܿܝ ܓܝܪ ܡܝܬܪܐ ܗܘܬ ܡܢܗ ܒܥܘܬܪܐ܂
263:09 [ai]	ܘܐܦ ܒܪܥܝܢܗܿ܂ ܘܐܙܼܠ ܥܠܼ ܠܣܡܟܐܼ ܘܐܓܣ ܠܡܚܫܡܘ܂
263:10 [ai]	ܘܗܼܝ ܬܘܒ ܥܠܼܬ ܠܩܝܛܘܢܗܿ ܒܪܝܬܐ܂ ܘܐܡܼܪ ܠܛܠܝ̈ܘܗܝ
263:11 [ai]	ܕܢܩܪܘܢܗܿ܂ ܕܬܦܘܩ ܬܚܫܡ ܥܡܗ܂ ܗܼܝ ܕܝܢ ܠܐ ܨܒܝܐ
263:12 [ai]	ܗܘܬ܂ 96܂1 ܘܟܕ ܫܡܼܥܼ ܕܠܐ ܨܒܝܐ ܠܡܦܩܼ‍{‍ܝ‍}‍܂ ܥܠܼ ܠܗ ܠܘܬܗܼܿ
263:13 [ai]	ܘܐܡܼܪ ܠܗܿ܂ ܡܛܘܠ ܡܢܐ ܠܐ ܨܒܝܬܝ ܠܡܦܩ ܠܡܚܫܡܘ
263:14 [ai]	ܥܡܝ܂ ܘܟܒܪ ܐܦܠܐ ܒܥܝܕܟܝ ܠܡܕܡܟ ܠܘܬܝ ܨܒܝܬܝ܂
263:15 [ai]	ܘܡܢ ܗܕܐ ܗܘ ܣܓܿܝ ܩܿܢܛ ܐܢܐ܂ ܝܬܝܪܐܝܬ ܕܫܡܿܥܬ
263:16 [ai]	ܕܗܿܘ ܚܪܫܐ ܘܡܛܥܝܢܐ܂ ܕܗܕܐ ܗܘ ܫܩܝܠ ܛܥܢܐ܂
263:17 [ai]	ܕܐܢܫ ܥܡ ܐܢܬܬܗ ܠܐ ܢܗܘܼܐ܂ ܡܕܡ ܕܟܝܢܐ ܦܩܿܕ
263:18 [ai]	ܘܐܠܗ̈ܐ ܬܘܒ ܪܥܿܝܢ ܒܗܼ܂ ܗܼܘ ܓܠܙ ܠܗܼ܂ ܀ ܀ ܘܟܕ
263:19 [ai]	ܗܠܝܢ ܐܡܼܪ ܗܘܐ ܠܗܿ ܟܪܝܫܼ܂ ܡܓܕܘܢܝܐ ܫܬܼܝܩܐ ܗܘܬ܂
263:20 [ai]	96܂2 ܘܗܼܘ ܬܘܒ ܐܡܼܪ ܠܗܿ܂ ܚܬܝ ܘܡܪܬܝ ܘܚܒܝܒܬܝ ܘܫܘܬܦܬܝ
263:21 [ai]	ܡܓܕܘܢܝܐܼ܂ ܠܐ ܬܛܥܝܢ ܒܡ̈ܠܐ ܒ̈ܛܠܬܐ ܘܦܗ̈ܝܬܐܼ܂
264:01 [ai]	ܘܐܦܠܐ ܒܥܿܒ̈ܕܐ ܕܚܿܪܫܘܬܐܿ܂ ܗܿܢܘܢ ܕܫܡܥܼܬܝ ܕܥܿܒܕ
264:02 [ai]	ܒܫܡܐ ܕܐܠܗܗ܂ ܡܢ ܝܘܡܐ ܓܝܪ ܕܗܘܼܐ ܥܠܡܐܼ܂
264:03 [ai]	ܠܐ ܫܡܝܥܐ ܕܐܿܚܝ ܐܢܫ ܡܝܼܬܐ܂ ܘܗܢܐ ܐܝܟܢܐ
264:04 [ai]	ܕܫܡܿܥ ܐܢܐܼ܂ ܡ̈ܝܼܬܐ ܠܡ ܡܚܿܘܐ ܕܡܿܚܐ܂ ܘܐܦ
264:05 [ai]	ܬܘܒ ܕܠܐ ܐܿܟܠ ܘܠܐ ܫܿܬܐܼ ܠܐ ܬܪܢܝܢ܃ ܕܡܛܠ
264:06 [ai]	ܙܕܝܩܘܬܐ ܠܐ ܐܿܟܠ ܘܠܐ ܫܿܬܐ܂ ܐܠܐ ܡܛܠ ܕܠܐ
264:07 [ai]	ܩܿܢܼܐ ܡܕܡ܂ ܡܢܐ ܓܝܪ ܢܐܟܘܠܼ܂ ܗܿܘ ܐܝܢܐ ܕܐܦܠܐ
264:08 [ai]	ܠܚܡܐ ܠܝܘܡܐ ܐܝܬ ܠܗ܂ ܘܕܠܒܿܫ ܚܕܐ ܡܛܠ ܕܠܝܬ
264:09 [ai]	ܠܗ ܐܚܪܬܐ܂ ܘܕܠܐ ܫܩܿܠ ܐܓܪܐ ܡܢ ܐܢܫܼ܂ ܡܛܠ
264:10 [ai]	ܕܝܿܕܥ ܕܠܐܢܫܼ ܠܐ ܡܐܿܣܐ ܒܫܪܪܐ ܀ ܀ 97 ܘܟܕ ܐܡܼܪ ܗܠܝܢ
264:11 [ai]	ܟܪܝܫ ܠܡܓܕܘܢܝܐܼ܂ ܐܝܟ ܟܐܦܐ ܫܬܝܼܩܐ ܗܘܬ܂
264:12 [ai]	ܘܡܨܿܠܝܐ ܘܒܥܿܝܐ ܕܐܡܬܝ ܬܓܗܼ܂ ܘܐܡܬܝ ܬܐܙܠ
264:13 [ai]	ܬܚܙܝܘܗܝ ܠܫܠܝܚܗ ܕܐܠܗܐ܂ ܘܫܼܿܢܝ ܡܢ ܠܘܬܗܼܿ܂ ܘܐܙܠ
264:14 [ai]	ܐܚܫܡ ܟܕ ܥܝܝܩܐ ܠܗ܂ ܘܟܕ ܪܢܿܐ ܗܘܐ ܕܗܐ ܠܘܬܗܿ
264:15 [ai]	ܕܡܿܟ ܒܥܝܕܗܼ܂ ܘܗܼܝ ܒܗܿ ܒܫܥܬܐ ܕܢܦܼܩ ܡܢ ܠܘܬܗܿ
264:16 [ai]	ܣܡܼܬ ܒܘܪܟܐܼ܂ ܘܡܨܿܠܝܐ ܗܘܬ ܘܐܡܿܪܐ܂ ܡܪܝ ܘܐܠܗܝ
264:17 [ai]	ܘܡܚܝܢܝ ܡܫܝܚܐܼ܂ ܐܢܬ ܗܒ ܒܝ ܚܝܠܐ ܕܐܙܟܐ
264:18 [ai]	ܠܡܪܚܘܬܗ ܕܟܪܝܫܼ܂ ܘܐܢܬ ܗܒ ܠܝ ܕܐܿܛܪ ܩܕܝܫܘܬܐ
264:19 [ai]	ܗܿܝ ܕܐܢܬ ܐܪܥܝܬ ܒܗܿ܃ ܘܐܢܐ ܚ̈ܝܐ ܕܠܥܠܡ ܡܫܟܚܐ
264:20 [ai]	ܐܢܐ ܒܗܿ܂ ܘܟܕ ܨܠܝܼܬ ܚܦܼܝܬܼ ܐ̈ܦܝܗܼܿ ܘܢܦܠܼܬ܂ 98܂1 ܘܗܼܘ
264:21 [ai]	ܟܪܝܫ ܡܚܕܐ ܕܐܚܫܡܼ܂ ܥܠ ܘܠܥܠ ܡܢܗܿ ܩܡ܂ ܘܫܠܚܼ
265:01 [ai]	ܗܘܐ ܡܐ̈ܢܘܗܝ ܘܗܼܝ ܐܪܓܫܼܬ ܒܗܼ ܘܐܡܿܪܐ ܠܗ܂ ܠܝܬ
265:02 [ai]	ܠܟ ܐܬܪܐ ܠܘܬܝ܂ ܡܛܠ ܕܡܝܬܪ ܗܘ ܡܢܟ ܡܪܝ ‍{‍ܘ‍}‍ܝܫܘܥ
265:03 [ai]	ܕܥܡܗ ܐܬܼܚܠܛܬ܂ ܘܨܐܝܕܝ ܗܘ ܒܟܠܙܒܢ܂ ܘܟܪܝܫ ܓܚܼܟ
265:04 [ai]	ܘܐܡܼܪ ܠܗܿ܂ ܕܫܦܝܪ ܡܨܛܕܝܬܝ ܒܗ ܒܗܿܘ ܚܿܪܫܐܼ܂
265:05 [ai]	ܘܫܦܝܪ ܓܚܟܬܝ ܥܠܘܗܝ ܕܐܡܿܪ ܕܠܐ ܠܡ ܚܝܝܢ ܐܢܬܘܢ
265:06 [ai]	ܩܕܡ ܐܠܗܐܿ܂ ܐܠܐ ܐܢ ܐܬܩܕܫܬܘܢ ܀ ܘܟܕ ܐܡܼܪ
265:07 [ai]	ܗܟܢܐܼ܂ ܐܡܪܚ ܗܘܐ ܕܢܦܼܠ ܨܐܝܕܝܗܿ܂ 98܂2 ܘܗܼܝ ܠܐ ܣܝܒܼܪܬ
265:08 [ai]	ܐܠܐ ܩܥܼܬ ܒܗ ܡܪܝܪܐܝܬ ܘܐܡܼܪܬ ܒܓ̈ܢܝܟ ܐܠܗܐ
265:09 [ai]	ܚܼܕܬܐ܂ ܕܒܝܕ ܓܒܪܐ ܐܟܣܢܝܐ ܐܬܼܐ ܠܗܢܕܘ܂ ܒܓ̈ܢܝܟ
265:10 [ai]	ܡܪܝ ܝܫܘܥ ܠܐ ܬܪܦܝܢܝ ܕܐܿܚܕܬ ܒܟ ܓܘܣܐ܂ ܐܝܟܢܐ
265:11 [ai]	ܓܝܪ ܕܫܡܿܥܬ ܕܐܢܬ ܗܘ ܒܥܝܼܬ ܠܐܝܠܝܢ ܕܠܐ ܝܿܕܥܝܢ ܠܟ܂
265:12 [ai]	ܘܗܫܐ ܕܗܐ ܒܥܝܐ ܐܢܐ ܡܢܟ܃ ܒܛܒܼܟ ܗܫܐ ܫܡܿܥܬ
265:13 [ai]	ܘܒܟ ܗܝܿܡܢܬܼ܂ ܬܐ ܠܥܘܕܪܢܝ ܘܦܪܘܩܝܢܝ ܡܢ ܚܨܝܦܘܬܗ
265:14 [ai]	ܕܟܪܝܫܿ܂ ܘܠܐ ܬܫܬܠܛ ܒܝ ܛܡܐܘܬܗ܂ ܘܠܐ ܢܗܘܼܐ
265:15 [ai]	ܠܗ ܐܬܪܐ ܠܘܬܝ܂ ܘܩܡܼܬ ܘܦܟܼܪܬ ܐܝܼ̈ܕܘܗܝ܂ ܘܥܼܪܩܬ ܡܢ
265:16 [ai]	ܨܐܝܕܘܗܝ܂ ܘܐܬܬܠܝܼܬ ܒܐ̈ܦܝ ܬܪܥܐ ܕܐܪܡܼܐ ܗܘܐ
265:17 [ai]	ܥܠ ܬܪܥܐ ܕܩܝܛܘܢܐ܂ ܘܐܬܟܣܼܝܬ ܘܢܦܩܬܼ ܐܙܠܼܬ ܠܗܿ
265:18 [ai]	ܠܘܬ ܡܪܒܝܢܝܬܗܿ܂ ܘܠܘܬܗܿ ܕܡܟܼܬ ܒܠܠܝܐ ܗܿܘ܂ 99܂1 ܟܪܝܫ
265:19 [ai]	ܕܝܢ ܠܠܝܐ ܟܠܗ ܒܚܢܓܬܐ ܐܝܬܘܗܝ ܗܘܐ܂ ܘܐܝܼ̈ܕܘܗܝ ܚܕܐ
265:20 [ai]	ܠܚܕܐ ܡܿܛܪܦ ܗܘܐ܂ ܘܒܥܿܐ ܗܘܐ ܕܒܠܠܝܐ ܢܐܙܠ܂
266:01 [ai]	ܢܘܕܥ ܠܡܙܕܝ ܡܿܠܟܐ ܥܠ ܩܛܝܪܐ ܕܕܒܼܪܗ ܀ 99܂2 ܘܡܬܚܫܒ
266:02 [ai]	ܗܘܐ ܘܐܡܿܪ܂ ܕܐܢ ܐܿܙܠ ܐܢܐ ܒܥܩܬܐ ܣܓܝܐܬܐ
266:03 [ai]	ܕܐܝܬ ܠܘܬܝ܃ ܠܘܬ ܡܙܕܝ ܡܿܠܟܐܼ ܡܿܢܘ ܡܿܥܠ ܠܝ܂
266:04 [ai]	ܐܢܐ ܓܝܪ ܝܿܕܥ ܐܢܐ܂ ܕܐܠܘ ܙܒܢܐ ܠܐ ܣܚܦܢܝ܂
266:05 [ai]	ܘܡܢ ܫܘܒܗܪܝ ܘܡܢ ܚܘܬܪܝ܂ ܘܡܢ ܪܒܘܬܐ ܠܙܥܘܪܘܬܐ
266:06 [ai]	ܫܦܠܬܐ ܠܐ ܐܪܡܝܢܝ܃ ܘܠܡܓܕܘܢܝܐ ܚܒܝܒܬܝ ܡܢܝ ܠܐ
266:07 [ai]	ܦܪܫܼ܂ ܠܡܙܕܝ ܡܿܠܟܐ ܒܗܢܐ ܥܕܢܐ ܐܠܘ ܩܐܿܡ ܗܘܐ
266:08 [ai]	ܥܠ ܬܪܥܝ܃ ܠܐ ܢܦܿܩ ܗܘܝܬ ܘܝܿܗܒ ܠܗ
266:09 [ai]	ܦܬܓܡܐ܂ ܐܠܐ ܐܩܘܐ ܥܕ ܢܓܗܐܼ܂ ܘܝܿܕܥ ܐܢܐ
266:10 [ai]	ܕܟܠ ܕܐܡܿܪ ܐܢܐ ܠܗ ܠܡܙܕܝ ܡܿܠܟܐܼ ܥܿܒܕ ܠܝ ܨܒܝܢܐ܂
266:11 [ai]	ܘܐܿܡܪ ܠܗ ܥܠ ܚܪܫܘܬܗ ܕܗܿܘ ܐܟܣܢܝܐܿ܂ ܀ ܕܐܝܟܢܐ
266:12 [ai]	ܒܩܛܝܪܐ ܕܒܿܪ ܘܪܡܿܐ ܠܪ̈ܡܐ ܠܥܘܡܩܐ܂ 99܂3 ܠܐ ܓܝܪ ܟܪܝܐ
266:13 [ai]	ܠܝ ܕܐܬܼܦܪܫܬ ܡܢ ܫܘܬܦܘܬܗܿ ܕܡܓܕܘܢܝܐ܂ ܐܠܐ ܥܠܝܗܿ
266:14 [ai]	ܥܠ ܓܪܡܗܿ ܟܐܿܒ ܠܝ܂ ܕܙܥܼܪܬ ܪܒܘܬܗܿ ܘܢܦܠܼܬ
266:15 [ai]	ܚܐܪܘܬܗܿ܃ ܘܢܦܫܗܿ ܪܡܿܬܐ ܐܬܡܟܼܟܬ܂ ܘܐܢܬܬܐ
266:16 [ai]	ܕܡܡܬܘܡ ܕܚܕ ܡܢ ܒ̈ܢܝ ܒܝܬܗܿ ܒܚܕ ܡܢ ܐܣܟܝ̈ܡܐ
266:17 [ai]	ܒܝܼ̈ܫܐ ܠܐ ܚܼܙܗܿ܃ ܥܪܛܠ ܠܒܪ ܡܢ ܩܝܛܘܢܗܿ ܪܗܿܛܐ
266:18 [ai]	ܗܘܬ ܠܒܪ܂ ܘܠܐ ܝܿܕܥ ܐܢܐ ܠܐܝܟܐ ܐܙܠܬ‍{‍ܝ‍}‍܂ ܘܟܒܪ
266:19 [ai]	ܠܫܘܩܐ ܒܦܘܚܐ ܕܚܪܫܘܬܗ ܕܗܿܘ ܐܟܣܢܝܐ ܢܦܩܼܬ܂
266:20 [ai]	ܘܠܐ ܝܿܕܥ ܐܢܐ ܠܐܝܟܐ ܐܙܠܬܼ‍{‍ܝ‍}‍ ܡܛܠ ܕܥܡܗܿ ܡܕܡ
266:21 [ai]	ܠܐ ܡܬܼܚܙܐ ܗܘܐ ܀ 100܂1 ܘܟܕ ܐܡܼܪ ܗܠܝܢ܃ ܫܼܿܪܝ ܗܘܐ
266:22 [ai]	ܕܢܒܼܟܐ ܘܢܐܡܪ܂ ܘܝ ܠܝ ܥܠܝܟܝ ܫܘܬܦܬܝ ܕܫܪܪܐܿ܂
267:01 [ai]	ܕܐܬܼܓܠܙܬ ܡܢܟܝ ܕܫܥܬܐ܂ ܘܝ ‍{‍‍{‍ܥܠܝܟܝ ܠܝ‍}‍‍}‍‍<‍‍<‍ܠܝ ܥܠܝܟܝ‍>‍‍>‍ ܚܒܝܒܬܝ
267:02 [ai]	ܘܪܚܡܿܬܝ܃ ܕܡܢ ܟܠܗ ܓܢܣܝ ܡܝܬܪܐ ܗܘܝܬܝ ܠܝ܂ ܘܐܦܠܐ
267:03 [ai]	ܒܪܐ ܐܘ ܒܪܬܐ ܗܘܼܐ ܠܝ ܡܢܟܝ ܕܥܠܘܗܝ ܐܬܬܢܝܚ܂
267:04 [ai]	ܫܿܢܬܐ ܟܠܗܿ ܠܐ ܫܡܠܝܬ‍<‍ܝ‍>‍ ܥܡܝ ܘܫܩܠܼܬܟܝ ܡܢܝ ܥܝܢܐ܂
267:05 [ai]	ܐܫܬܘܦ ܕܝܢ ܩܛܝܪܐ ܕܡܿܘܬܐ ܕܒܪܟܝ ܗܘܐ ܡܢܝ܂
267:06 [ai]	ܘܚܿܫܒܬ ܢܦܫܝ ܥܡ ܡ̈ܠܟܐ ܘܪ̈ܝܫܢܐ ܘܪ̈ܘܪܒܢܐ܂ ܘܠܐ
267:07 [ai]	ܓܒܪܐ ܐܟܣܢܝܐ ܕܐܟܒܪ ܥܒܼܕܐ ܗܘ ܘܥܿܪܩ ܡܢ ܡܪ̈ܘܗܝ܃
267:08 [ai]	100܂2 ܘܐܬܼܐ ܠܟܐ ܡܛܠ ܓܕܝ ܒܝܼܫܐ܂ ܠܐ ܢܗܘܼܐ ܠܝ ܢܝܿܚܐ
267:09 [ai]	ܘܠܐ ܟܠܝܢܐܿ܂ ܥܕܡܐ ܕܐܘܒܕܝܘܗܝ ܘܐܣܝܡ ܒܪܝܫܗ
267:10 [ai]	ܘܐܬܼܦܪܥ ܡܢܗ܂ ܠܠܝܐ ܗܢܐܼ ܠܐ ܐܬܼܚܙܐ ܩܕܡ ܡܙܕܝ
267:11 [ai]	ܡܿܠܟܐ܂ ܘܐܢ ܠܐ ܢܥܼܒܕ ܠܝ ܨܒܝܢܐܿ܂ ܘܒܪܝܫܗ ܕܗܿܘ
267:12 [ai]	ܐܟܣܢܝܐ ܠܐ ܣܐܿܡܼ܂ ܘܐܦ ܥܠ ܨܝܦܘܪ ܪܒ ܚܝܠܐ ܐܿܡܼܪ
267:13 [ai]	ܠܗ܂ ܕܗܼܘ ܗܘܼܐ ܥܠܼܬܐ ܕܐܒܕܢܐ ܠܗܕܐ܂ 100܂3 ܕܗܐ ܓܝܪ
267:14 [ai]	ܝܿܬܒ ܒܒܝܬܗܿ܂ ܘܣ̈ܓܝܐܐ ܥܐܿܠܝܢ ܘܢܿܦܩܝܢ ܠܘܬܗ܂ ܘܡܿܠܦ
267:15 [ai]	ܠܗܘܢ ܝܘܠܦܢܐ ܚܼܕܬܐ ܕܩܕܝܫܘܬܐ܂ ܘܡܿܠܦ ܘܐܡܿܪܼ܂
267:16 [ai]	ܕܠܐ ܠܡ ܚܿܝܐ ܐܢܫ܃ ܐܠܐ ܐܢ ܐܬܼܦܪܩ ܡܢ ܟܘܠ
267:17 [ai]	ܕܐܝܬ ܠܗ܃ ܘܗܘܼܐ ܡܓܙܝܐ ܘܚܕܘܪܐ ܐܟܘܬܗ܂ ܘܗܐ
267:18 [ai]	ܒܥܿܐ ܕܢܥܼܒܕ ܠܗ ܚܒܪ̈ܐ܂ 101܂1 ܘܟܕ ܗܠܝܢ ܡܬܚܫܒ ܗܘܐ
267:19 [ai]	ܟܪܝܫܼ ܢܓܗܼܬ܂ ܘܩܿܕܡ ܠܒܼܫ ܘܣܼܐܢܿ ܘܡܐ̈ܢܐ ܡ̈ܒܣܝܐ
267:20 [ai]	ܠܒܼܫ ܗܘܐ ܘܐ̈ܦܘܗ‍<‍ܝ‍>‍ ܣ̈ܢܝܢ ܗ̈ܘܝ ܘܟܡܝܪ ܗܘܐ ܛܿܒ܂
267:21 [ai]	ܘܠܫܠܡܐ ܕܡܙܕܝ ܡܿܠܟܐ ܥܠ ܗܘܐ ܀ ܘܟܕ ܚܼܙܝܗܝ
267:22 [ai]	ܡܙܕܝ ܡܿܠܟܐ ܐܡܼܪ ܠܗ܂ ܡܿܢܼܘ ܕܒܗܢܐ
268:01 [ai]	ܐܣܟܝܡܐ ܬܒܝܪܐ ܐܬܝܼܬ ܠܘܬܝ܂ ܘܡܿܢܘ ܟܡܝܪ ܚܙܘܟ
268:02 [ai]	ܘܡܫܓܢܝ ܦܪܨܘܦܟ ܀ 101܂2 ܐܡܿܪ ܠܗ ܟܪܝܫ܂ ܡܙܕܝ ܡܿܠܟܐܼ
268:03 [ai]	ܥܿܒܕܐ ܚܼܕܬܐ ܐܝܬ ܠܝ ܕܐܿܫܬܥܐ ܠܟ܂ ܘܚܘܪܒܐ ܚܼܕܬܐ
268:04 [ai]	ܕܐܝܬܝ ܨܝܦܘܪ ܠܗܢܕܘ܂ ܓܒܪܐ ܚܕ ܥܒܪܝܐ ܚܿܪܫܐ ܝܿܬܒ
268:05 [ai]	ܒܒܝܬܗܼ܂ ܘܠܐ ܢܦܿܩ ܡܢ ܨܐܝܕܘܗܝ܂ ܘܣܓ̈ܝܐܐ ܥܐܿܠܝܢ
268:06 [ai]	ܠܘܬܗܿ܂ ܘܡܿܠܦ ܠܗܘܢ ܐܠܗܐ ܚܼܕܬܐ܂ ܘܢܡ̈ܘܣܐ ܚܼ̈ܕܬܐ
268:07 [ai]	ܣܐܿܡ܂ ܐܝܠܝܢ ܕܡܡܬܘܡ ܠܐ ܫܡܝܥܝܢ ܠܢ܂ ܘܐܡܿܪ ܕܠܐ
268:08 [ai]	ܠܡ ܡܫܟܚܝܢ ܐܢܬܘܢ ܒ̈ܢܝܐ ܬܗܘܼܘܢ ܠܚ̈ܝܐ ܕܠܥܠܡ
268:09 [ai]	ܗܠܝܢ ܕܡܿܠܦ ܐܢܐܿ܂ ܐܠܐ ܐܢ ܐܬܦܪܩܬܘܢ ܐܢܫ
268:10 [ai]	ܡܢ ܐܢܬܬܗ ܘܐܢܬܬܐ ܡܢ ܒܥܠܗܿ܂ 101܂3 ܓܼܕܫ ܕܝܢ ܗܼܝ ܐܢܬܬܝ
268:11 [ai]	ܒܝܼܫܬܐ ܘܕܘܝܬܐ ܐܙܠܼܬ ܠܡܚܙܝܗܼ܂ ܘܫܡܥܼܬ ܡ̈ܠܘܗܝ܂
268:12 [ai]	ܘܗܝܡܼܢܬ ܐ̈ܢܝܢ܂ ܘܩܡܼܬ ܒܠܠܝܐܼ ܘܥܪܩܼܬ ܡܢ ܨܐܝܕܝ܃ ܗܿܝ
268:13 [ai]	ܐܝܿܕܐ ܕܠܐ ܡܚܡܣܢܐ ܗܘܬ ܡܢܝ ܚܕܐ ܫܥܐ܂ ܘܕܠܐ
268:14 [ai]	ܐܢܐܼ ܠܐ ܡܫܟܚܐ ܗܘܬ ܠܡܗܼܘܐ܂ ܐܠܐ ܫܕܪ ܐܝܬܝܗܝ
268:15 [ai]	ܠܨܝܦܘܪ ܘܠܗܿܘ ܚܿܪܫܐ ܕܡܿܟܡܢ ܠܗܼ ܘܣܝܼܡ ܒܪܝܫܗܘܢ܂
268:16 [ai]	ܘܐܠܐ ܟܠܗܘܢ ܒ̈ܢܝ ܐܬܪܢ ܐܒܿܕܝܢ ܒܡ̈ܠܘܗܝ ܀ 102܂1 ܘܟܕ
268:17 [ai]	ܗܠܝܢ ܫܡܼܥ ܡܙܕܝ ܡܢ ܟܪܝܫ ܩܪܝܒܗ ܐܡܼܪ ܠܗ܂ ܠܐ
268:18 [ai]	ܬܬܥܝܩ ܘܠܐ ܬܟܪܐ ܠܟ܂ ܐܢܐ ܡܫܕܪ ܐܢܐ ܘܡܿܝܬܐ
268:19 [ai]	ܐܢܐ ܠܗ܂ ܘܣܐܿܡ ܐܢܐ ܒܪܝܫܗ܂ ܘܐܢܬ ܐܢܬܬܟ
268:20 [ai]	ܡܩܕܝܬ܂ ܐܢ ܓܝܪ ܠܐܚܪ̈ܢܐ ܐܝܠܝܢ ܕܠܐ ܡܫܟܚܝܢ
268:21 [ai]	ܕܢܬܒܥܘܢ ܢܦܫܗܘܢ ܬܼܒܥ ܐܢܐܼ܂ ܠܟ ܠܐ ܗܐ
269:01 [ai]	ܝܬܝܪܐܝܬܼ܂ ܀ ܘܦܩܼܕ ܗܘܐ ܕܠܨܝܦܘܪ ܪܒ ܚܝܠܐ ܢܩܪܘܢܝܗܝ
269:02 [ai]	ܠܗ܂ 102܂2 ܘܐܙܠܘ ܗܘܘ ܠܒܝܬܗܼ܂ ܘܐܫܟܚܘܗܝ ܟܕ ܝܿܬܒ ܡܢ
269:03 [ai]	ܝܡܝܢܗ ܕܝܗܘܕܐ ܫܠܝܚܗ ܕܐܠܗܐܼ܂ ܘܡܓܕܘܢܝܐ ܝܿܬܒܐ
269:04 [ai]	ܗܘܬ ܩܕܡ ܪ̈ܓܠܘܗܝܼ ܥܡ ܟܢܫܐ ܣܓܝܐܐ ܘܫܡܿܥܝܢ ܠܗ܂
269:05 [ai]	ܥܢܘ ܗܿܢܘܢ ܕܐܙܠܘ ܒܬܪܗ ܕܨܝܦܘܪ ܪܒ ܚܝܠܐ ܘܐܡܿܪܝܢ
269:06 [ai]	ܠܗ܂ ܐܢܬ ܝܿܬܒ ܐܢܬ ܘܫܡܿܥ ܐܢܬ ܡ̈ܠܐ ܒ̈ܛܠܬܐ
269:07 [ai]	ܘܡܙܕܝ ܡܿܠܟܐ ܒܪܘܓܙܗ ܒܿܥܐ ܕܢܿܘܒܕܟ܃ ܡܛܠ ܚܿܪܫܐ
269:08 [ai]	ܗܢܐ ܘܡܛܥܝܢܐ ܕܐܥܠܼܬ ܠܒܝܬܟ ܀ ܀ 102܂3 ܘܟܕ ܗܠܝܢ ܫܡܼܥ
269:09 [ai]	ܨܝܦܘܪ ܪܒ ܚܝܠܐܼ ܐܬܬܥܝܩ܂ ܠܐ ܡܛܠ
269:10 [ai]	ܕܡܬܼܠܚܡ ܗܘܐ ܠܗ ܡܿܠܟܐܿ܂ ܐܠܐ ܡܛܠ ܕܫܡܼܥ ܒܗ
269:11 [ai]	ܡܿܠܟܐ ܕܝܼܕܥ ܒܝܗܘܕܐ ܫܠܝܚܐ܂ ܘܐܡܼܪ ܠܗ ܨܝܦܘܪ
269:12 [ai]	ܠܝܗܘܕܐ܂ ܐܢܐ ܡܛܠܬܟ ܗܘ ܐܬܬܼܥܝܩܬ܂ ܐܿܡܪܬ
269:13 [ai]	ܗܘܝܬ ܠܟ ܓܝܪ ܩܕܡ ܝܘܡܐ܂ ܕܗܿܝ ܐܢܬܬܐ ܐܢܬܬܗ
269:14 [ai]	ܗܝ ܕܟܪܝܫ ܩܪܝܒܗ ܕܡܙܕܝ ܡܿܠܟܐ ܘܠܐ ܫܿܒܩ ܠܗܿ ܕܬܥܒܼܕ
269:15 [ai]	ܗܿܘ ܡܕܡ ܕܐܫܼܬܘܕܝܬ܂ ܘܟܠ ܕܐܡܿܪ ܠܗ ܠܡܿܠܟܐ ܥܿܒܕ
269:16 [ai]	ܠܗ ܨܒܝܢܐ ܀ ܀ ܐܡܿܪ ܠܗ ܝܗܘܕܐ ܠܨܝܦܘܪ ܠܐ ܬܕܚܼܠ܂
269:17 [ai]	ܐܠܐܼ ܗܝܡܢ ܒܝܫܘܥ ܗܿܘ ܕܗܼܘ ܢܿܦܩ ܪܘܚܐ ܚܠܦܝ ܘܚܠܦܝܟ܃
269:18 [ai]	ܘܚܠܦ ܟܠܗܘܢ ܐܝܠܝܢ ܕܒܗ ܐܚܕܘ ܓܘܣܐ ܘܐܬܘ ܠܒܝܬ
269:19 [ai]	ܨܘܒܗ ܀ ܘܟܕ ܗܠܝܢ ܫܡܼܥ ܨܝܦܘܪ ܪܒ ܚܝܠܐܼ܂ ܠܒܼܫ
269:20 [ai]	ܡܐ̈ܢܘܗܝ ܘܐܙܠܼ ܠܘܬ ܡܙܕܝ ܡܿܠܟܐ ܀ ܀ 103܂1 ܝܗܘܕܐ ܕܝܢ
269:21 [ai]	ܡܫܐܿܠ ܗܘܐ ‍{‍ܗܘܐ‍}‍ ܠܗܿ ܠܡܓܕܘܢܝܐ܂ ܕܡܢܐ ܗܝ ܥܠܬܐ ܕܒܗܿ