The Comprehensive Aramaic Lexicon

330:01 [ai]	ܕܐܿܩܒܠܝܘܗܝ܂ ܐܦ ܡܪܝ ܡܛܠ ܕܡܢ ܚܕ ܗܘ ܒܝܕ ܚܕ
330:02 [ai]	ܒܠܼܥ ܀ 166 ܘܟܕ ܣܠܼܩ ܠܛܘܪܐ܃ ܕܘܟܬܐ ܗܿܝ ܕܒܗܿ ܕܓܫܝܢ
330:03 [ai]	ܗܘܘ ܠܗ ܠܝܗܘܕܐ܂ ܐܡܼܪ ܠܗܿܢܘܢ ܕܐܚܝܕܝܢ ܗܘܘ ܠܗ܂
330:04 [ai]	ܫܡܥܘܢܝ ܐܢܬܘܢ ܐܦܢ ܗܫܐ܂ ܕܥܠ ܡܦܩܢܐ ܕܡܢ
330:05 [ai]	ܥܠܡܐ ܩܐܿܡ ܐܢܐܼ܂ ܘܠܐ ܢܬܥܿܘܪ̈ܢ ܥ̈ܝܢܐ
330:06 [ai]	ܕܠܒ̈ܘܬܟܘܢ܂ ܘܠܐ ܢܬܚܪ̈ܫܢ ܐܕܢܝ̈ܟܘܢ ܕܠܐ
330:07 [ai]	ܬܫ̈ܡܥܘܢ ܐܦ ܐܢܬܘܢ܂ ܗܝܡܢܘ ܒܗܢܐ ܐܠܗܐ
330:08 [ai]	ܕܡܿܟܪܙ ܐܢܐ܂ ܘܠܐ ܬܬܕܒܿܪܘܢ ܒܩܫܝܘܬ ܠܒܟܘܢ܂
330:09 [ai]	ܐܠܐ ܐܬܕܒܿܪܘ ܒܟܠܗܘܢ ܕܘܒܪ̈ܐ ܕܝܐܿܝܢ ܠܚܐܪܘܬܐ
330:10 [ai]	ܘܠܬܫܒܘܚܬܐ ܕܒ̈ܢܝܢܫܐܿ܂ ܘܠܚ̈ܝܐ ܕܠܘܬ
330:11 [ai]	ܐܠܗܐ ܀ 167܂1 ܐܡܿܪ ܝܗܘܕܐ ܠܘܝܙܢ܂ ܒܪܗ ܕܡܙܕܝ ܡܿܠܟܐ
330:12 [ai]	ܐܪܥܢܐ܂ ܘܦܠܚܼܗ ܕܝܫܘܥ ܡܫܝܚܐܼ܂ ܗܒ ܠܡܫ̈ܡܫܢܐ
330:13 [ai]	ܕܨܒܝܢܗ ܕܡܙܕܝ ܡܿܠܟܐ ܕܝܠܗܘܢ ܢܗܼܘܐ܂ ܐܿܙܠ ܐܢܐ
330:14 [ai]	ܐܨܿܠܐ܂ ܘܐܡܼܪ ܠܗܘܢ ܘܝܙܢ ܠܗܿܢܘܢ ܦܠܚܼ̈ܐ܂
330:15 [ai]	ܘܫܒܩܘܗܝ ܠܝܗܘܕܐ ܕܢܐܙܠ܂ ܘܐܙܠܼ ܝܗܘܕܐ ܘܡܨܿܠܐ
330:16 [ai]	ܗܘܐ ܘܐܡܿܪ ܗܟܢܐ ܀ 167܂2 ܡܪܝ ܘܐܠܗܝ ܘܣܒܪܝ ܘܦܪܘܩܝ܂
330:17 [ai]	ܘܗܕܝܝ ܘܡܠܘܝܢܝ ܒܟܠܗܘܢ ܐܬܪ̈ܘܬܐ ܕܗܿܠܟܬ ܒܫܡܟܼ܂
330:18 [ai]	ܐܢܬ ܗܘܼܝ ܥܡ ܟܠܗܘܢ ܦܠܚ̈ܝܟ܂ ܘܐܢܬ ܠܘܝܢܝ ܐܦ ܠܝ
330:19 [ai]	ܕܠܘܬܟ ܐܿܬܐ ܐܢܐ܂ ܠܟ ܗܘ ܓܝܪ ܐܿܓܥܠܬ‍{‍ܝ‍}‍ ܢܦܫܝ܂
330:20 [ai]	ܘܐܢܫ ܡܢ ܐܝܼ̈ܕܝܟ ܠܐ ܢܣܼܒܗܿ܂ ܠܐ ܢܥܘܟܘܢܢܝ ܚ̈ܛܗܝ܂
330:21 [ai]	ܗܐ ܡܪܝ ܫܿܠܡܬ ܨ̈ܒܝܢܝܟ ܘܗܘܿܝܬ ܥܒܼܕܐ ܡܛܠ ܗܕܐ
330:22 [ai]	ܚܐܪܘܬܐ ܕܝܘܡܢܐ ܡܩܿܒܠ ܐܢܐ܂ ܐܢܬ ܡܪܝ ܝܫܘܥ
331:01 [ai]	ܗܒ ܠܝ ܘܫܠܡܝܗܿ ܥܡܝ܂ ܐܢܐ ܓܝܪ ܠܐ ܗܘܐ ܡܬܦܠܓܘ
331:02 [ai]	ܡܬܦܠܓ ܐܢܐ ܥܠ ܫܪܪܟ ܘܚܘܒܟ܂ ܐܠܐ ܡܛܠ ܗܠܝܢ
331:03 [ai]	ܕܩܿܝܡܝܢ ܕܢܫܡܼܥܘܢ ܐܡܿܪ ܐܢܐ ܩܕܡܝܟ ܀ 168 ܘܟܕ ܗܠܝܢ
331:04 [ai]	ܨܿܠܝ ܗܘܐ ܝܗܘܕܐ܂ ܐܡܼܪ ܗܘܐ ܠܗܿܢܘܢ ܦܠܚܼ̈ܐ܂ ܕܬܘ
331:05 [ai]	ܐܢܬܘܢ ܫܿܠܡܘ ܨܒܝܢܗ ܕܗܿܘ ܡܿܢ ܕܫܕܪܟܘܢ ܀ ܘܐܬܘ
331:06 [ai]	ܦܠܚܼ̈ܐ ܡܚܐܘܗܝ ܐܟܚܕܐ܂ ܘܢܦܼܠ ܘܡܝܼܬ܂ ܐܚ̈ܐ ܕܝܢ
331:07 [ai]	ܟܠܗܘܢ ܐܟܚܕܐ ܒܿܟܝܢ ܗܘܘ܂ ܘܐܝܬܝܘ ܢܚ̈ܬܐ ܛܒ̈ܐ
331:08 [ai]	ܘܟ̈ܬܢܐ ܣ̈ܓܝܐܐ܂ ܘܩܒܪܘܗܝ ܠܝܗܘܕܐܼ܂ ܒܒܝܬ ܩܒܘܪܐ
331:09 [ai]	ܕܡ̈ܠܟܐ ܩ̈ܕܡܝܐ ܡܬܩܒܪܝܢ ܗܘܘ ܒܗ܂ 169܂1 ܘܨܝܦܘܪ ܘܘܝܙܢ
331:10 [ai]	ܠܐ ܨܿܒܝܢ ܗܘܘ ܕܢܚܬܘܢ ܠܡܚܘܙܐ܂ ܐܠܐ ܬܡܿܢ ܝܿܬܒܝܢ
331:11 [ai]	ܗܘܘ ܐܝܡܡܐ ܟܠܗ܂ ܘܐܦ ܬܡܿܢ ܒܬܘ ܀ ܀ ܘܐܬܚܙܝ
331:12 [ai]	ܠܗܘܢ ܝܗܘܕܐ ܘܐܡܼܪ ܠܗܘܢ܂ ܕܠܐ ܗܘܿܝܬ ܗܪܟܐ܂
331:13 [ai]	ܡܢܐ ܝܬܒܝܢ ܐܢܬܘܢ ܘܢܛܿܪܝܢ ܠܝ܂ ܣܿܠܩܬ ܠܝ ܠܘܬ ܡܪܝܼ܂
331:14 [ai]	ܘܐܿܩܒܠܬ ܡܕܡ ܕܡܿܣܟܐ ܗܘܝܬ ܘܡܣܿܒܪ܂ ܐܠܐ
331:15 [ai]	ܩܘܡܘ ܠܟܘܢ ܘܚܘܬܘ ܡܟܐ܂ ܥܕ ܩܠܝܠ ܓܝܪ ܙܒܢܐ
331:16 [ai]	ܘܐܦ ܐܢܬܘܢ ܡܬܟܢܫܝܢ ܐܢܬܘܢ ܠܘܬܝ܂ 169܂2 ܡܙܕܝ ܕܝܢ
331:17 [ai]	ܘܟܪܝܫ ܩܪܝܒܗܼ܂ ܐܝܬܝܘ ܐܢ̈ܝܢ ܠܡܓܕܘܢܝܐ ܘܠܛܪܛܝܐ܂
331:18 [ai]	ܘܐܠܨܼܘ ܐܢ̈ܝܢ ܣܓܿܝ ܘܠܐ ܐܬܪ̈ܡܝ ܗ̈ܘܝ ܠܨܒܝܢܗܘܢ܂
331:19 [ai]	ܘܐܬܚܙܝ ܗܘܐ ܠܗܝܢ ܝܗܘܕܐ ܘܐܡܼܪ ܠܗܝܢ܂ ܠܐܼ ܬܛܥ̈ܝܢ
331:20 [ai]	ܒ̈ܢܬܝ ܠܝܫܘܥ ܢܘܗܪܢ܂ ܗܿܘ ܩܕܝܫܐ ܘܚܼܿܝܐ܂ ܘܗܼܘ ܒܥܓܠ
331:21 [ai]	ܥܿܒܕ ܠܟܝܢ ܢܝܿܚܟܝܢ ܘܥܘܕܪܢܟܝܢ ܀ ܘܟܕ ܚܼܙܘ ܡܙܕܝ
331:22 [ai]	ܡܿܠܟܐ ܘܟܪܝܫ ܩܪܝܒܗ ܕܠܐ ܡܬܛ̈ܦܝܣܢ
332:01 [ai]	ܗ̈ܘܝ ܠܗܘܢ܂ ܐܪܦܝܘ ܐܢ̈ܝܢ ܕܒܨܒܝܢܐ ܕܢܦܫܗܝܢ
332:02 [ai]	ܢܬܕܒܪ̈ܢ܂ 169܂3 ܘܟܢܫܝܢ ܗܘܘ ܟܠܗܘܢ ܐ̈ܚܐ ܕܬܡܿܢ ܐܟܚܕܐ܂
332:03 [ai]	ܘܡܨܿܠܝܢ ܘܡܿܩܪܒܝܢ ܩܘܪܒܢܐ ܘܩܨܿܝܢ܂ ܡܛܠ ܕܥܒܼܕܗ
332:04 [ai]	ܗܘܐ ܝܗܘܕܐ ܠܨܝܦܘܪ ܩܫܝܫܐܼ ܘܠܘܝܙܢ ܡܫܡܫܢܐ
332:05 [ai]	ܒܛܼܘܪܐ ܟܕ ܐܿܙܠ ܗܘܐ ܕܢܡܿܘܬ܂ ܘܡܪܢ ܡܥܕܪ ܗܘܐ
332:06 [ai]	ܠܗܘܢ ܒܚܘܒܗܼ܂ ܘܡܣܓܐ ܗܘܐ ܗܝܡܢܘܬܗ
332:07 [ai]	ܒܐ̈ܝܼܕܝܗܘܢ ܀ 170܂1 ܓܼܕܫ ܕܝܢ ܒܬܪ ܙܒܢܐ ܣܓܝܐܐ܂
332:08 [ai]	ܘܗܘܼܐ ܕܝܘܐ ܠܚܕ ܡܢ ܒ̈ܢܘܗܝ ܕܡܙܕܝ ܡܿܠܟܐ܂ ܘܠܐ
332:09 [ai]	ܐܢܫ ܡܫܟܚ ܗܘܐ ܕܢܐܣܪܝܘܗܝ܂ ܡܛܠ ܕܩܼܫܐ ܗܘܐ
332:10 [ai]	ܛܒ܂ ܘܐܬܚܿܫܒ ܗܘܐ ܡܙܕܝ ܡܿܠܟܐ ܒܪܥܝܢܗ ܘܐܡܼܪ܂
332:11 [ai]	ܕܐܿܙܠ ܐܿܦܬܚ ܩܒܪܗ ܕܝܗܘܕܐ܃ ܘܐܿܣܒ ܓܪܡܐ ܡܢ
332:12 [ai]	ܓܪ̈ܡܘܗܝ ܕܫܠܝܚܐ ܕܐܠܗܐܼ܂ ܘܐܿܬܠܐ ܥܠ ܒܪܝ
332:13 [ai]	ܘܡܬܚܠܡ܂ 170܂2 ܘܐܬܚܙܝ ܠܗ ܝܗܘܕܐ ܒܚܙܘܐ ܘܐܡܼܪ
332:14 [ai]	ܠܗ܂ ‍{‍ܟ‍}‍‍<‍ܒ‍>‍ܚܝܐܼ ܠܐ ܗܝܡܼܢܬܼ܂ ܒܡܝܼܬܐܿ ܗܐ ܨܒܝܼܬ
332:15 [ai]	ܕܬܗܝܡܢ܃ ܠܐ ܕܝܢ ܬܕܚܠ܂ ܚܐܿܢ ܠܟ ܡܪܝ ܡܫܝܚܐ
332:16 [ai]	ܡܛܠ ܒܣܝܡܘܬܗ܂ ܘܠܐ ܐܫܟܚ ܗܘܐ ܓܪ̈ܡܘܗܝ܂
332:17 [ai]	ܓܢܼܒ ܗܘܐ ܐܢܘܢ ܓܝܪ ܚܕ ܡܢ ܐܚ̈ܐܼ܂ ܘܐܣܩ ܐܢܘܢ
332:18 [ai]	ܠܡܥܪܒܐ܂ ܘܫܩܠܼ ܗܘܐ ܕܝܢ ܡܙܕܝ ܡܿܠܟܐ ܡܢ ܥܦܪܐ
332:19 [ai]	ܕܗܿܝ ܕܘܟܬܐ ܕܪܡܼܿܝܢ ܗܘܘ ܒܗܿ ܓܪ̈ܡܘܗܝ ܕܫܠܝܚܐܼ܂
332:20 [ai]	ܘܬܠܼܐ ܥܠ ܒܪܗ ܘܐܡܼܪ܂ ܡܿܗܝܡܢ ܐܢܐ ܒܟ ܡܪܝ
332:21 [ai]	ܝܫܘܥ ‍{‍ܗܫܐ‍}‍ ܗܫܐܿ܂ ܕܐܪܦܝܢܝ ܗܿܘ ܐܝܢܐ ܕܒܟܠܙܒܢ ܡܕܘܕ
333:01 [ai]	ܠܒ̈ܢܝܢܫܐ ܕܠܐ ܢܚܼܙܘܢ ܢܘܗܪܐ ܀ 170܂3 ܘܟܕ ܬܠܼܐ ܥܠ ܒܪܗ
333:02 [ai]	ܘܗܝܡܢܼ ܐܬܚܠܡ܂ ܘܗܼܘ ܡܬܼܟܢܫ ܗܘܐ ܥܡܗܘܢ
333:03 [ai]	ܥܡ ܐ̈ܚܐ܂ ܘܡܿܪܟ‍{‍ܝ‍}‍ܢ ܗܘܐ ܪܝܫܗ ܡܙܕܝ ܡܿܠܟܐ ܬܚܝܬ
333:04 [ai]	ܐܝܼܕܗ ܕܨܝܦܘܪ ܩܫܝܫܐ܂ ܘܡܦܝܣ ܗܘܐ ܘܒܥܿܐ ܡܢ
333:05 [ai]	ܟܠܗܘܢ ܐ̈ܚܐܼ܂ ܕܢܨܿܠܘܢ ܥܠܘܗܝ܃ ܕܢܬܚܢܢ ܥܡܗܘܢܼ
333:06 [ai]	ܩܕܡ ܡܪܢ ܝܫܘܥ ܡܫܝܚܐ܂ ܒܡܿܠܟܘܬܗ ܕܠܥܠܡ
333:07 [ai]	ܥܠܡܝܢ ܐܡܝܢ܂
333:08 [ai]	171 ܫܠܡܼܬܿ ܦܪܟܣܝܣ ܕܝܗܘܕܐ ܬܐܘܡܐ ܫܠܝܚܗ ܕܡܪܢ
333:09 [ai]	ܝܫܘܥ ܡܫܝܚܐ܂ ܕܐܣܼܗܕ ܒܐܪܥܐ ܕܗܢܕܘ܂
333:10 [ai]	ܒܐ̈ܝܕܝ ܡܙܕܝ ܡܿܠܟܐ ܀ ܀ ܀
333:11 [ai]	‍[‍ܫܘܒܚܐ ܠܐܒܐ ܘܠܒܪܐ ܘܠܪܘܚܐ
333:12 [ai]	ܕܩܘܕܫܐ ܗܫܐ ܘܒܟܠ ܙܒܢ
333:13 [ai]	ܘܠܥܠܡ ܥܠܡܝܢ ܐܡܝܢ ܀