← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62085: ApocPs 151-155 ms. 12t4

Click on a word for lexical analysis.
Click on a red-colored coordinate for comments and/or translations of the line
View in Estrangelo
Ask AI about a passage
Hide manuscript variants

151:0y [ai]ܕܡܐܐ ܘܚܡܫܝܢ ܘܚܕܐ܂ ܒܥܒܪܝܐ ܠܝܬܘ‍[‍ܗ‍]‍ܝ ܥܠܬܐ ܕܡܙܡܘܪܐ ܡܼܢ ܒܪܬ ܩܠܐ ܕ‍{‍֯‍}‍ܗܘܣܗܒܝܘܣ ܠܝܬܝܗܿ ܘܡܼܢ ܕܐܬܢܣܝܘܣ ܡܫܘܕܥܢܐ ܕܡ̈ܠܐ ܕܫܘܒܗܪܐ ܕܒܡܪܝܐ܂ ܐܢܕܝܢ ܟܕ ܐܝܬܝܟ ܙܥܘܪܐ ܐܬܒܥܝܬ ܠܚܫܚܬܐ ܡܕܡ ܕܐ‍[‍ܚ̈‍]‍ܝܟ ܠܐ ܬܬܪܝܡ ܥܠܝܗܘܢ܂ ܐܠܐ ܟܕ ܠܡܪܝܐ ܕܓܒܝܟ ܝܗܿܒ ܐܢܬ ܬܫܒܘܚܬܐܼ ܙܡܪ܂ ܛܘܒܢܐ ܕܝܢ ܡܪܝܼ ܬܐܘܕܘܪܘܣ ܡܦܫܩܢܐ ܠܐ ܐܟܬܼܒ ܥܠܬܗ‍[‍܂‍]‍ ܒܼܨܚ̈ܚܐ ܕܝܢ ܣܘܪ̈ܝܝܐܼ ܗܿܢܘ ܪܘܫܡܗ܂
151:00 [ai]ܕܕܘܝܕ ܟܕ ܒܠܚܘܕܘܗܝ ܐܬܟܬܫ ܥܡ ܓܘܠܝܕ܂
151:01 [ai]ܙܥܘܪܐ ܗܘܝܬ ܒܐܚ̈ܝܼ܂ ܘܛܠܝܐ ܒܒܝܬܗ ܕܐܒܝ ܂ ܂ ܪܥܿܐ ܗܿܘܝܬܿ ܥ̈ܢܐ ܕܐܒܝ܂
151:02 [ai]ܐܝ̈ܕܝ ܥܒ̈ܕܝܢ ܐܼܘܪܓܢܘܢ܂ ܘܨ̈ܒܥܬܝܼ ܠܚ̈ܡܝܢ ܟܢܪ̈ܐ܂
151:03 [ai]ܘܡܢܘ ܡܚܘܐ ܠܡܿܪܝ܂ ܗܘܝܘ ܡܪܝܐ ܗܘܝܘ ܐܠܗܐ ܕܝܠܝ܂
151:04 [ai]ܗܼܘܿ ܫܼܠܚܿ ܠܡܠܐܟܗܼ ܘܐܪܝܡܢܝ ܡܼܢ ܥܪ̈ܒܐ ܕܐܒܝ܂ ܘܡܼܿܫܚܼܿܢܝܼ ܒܡܫܚܐ ܕܡܫܝܚܘܬܗ܂
151:05 [ai]ܐ̈ܚܝܿ ܫܦܝܪ̈ܐ ܘܪܘܪ̈ܒܐ܂ ܘܠܐ ܐܨܛܒܝ ܒܗܘܢ ܡܪܝܐ܂
151:06 [ai]ܢܿܦܩܿܬܿ ܠܐܘܪܥܗܿ ܕܦܠܫܬܝܐܼ܂ ܘܠܛܼܿܢܝ ܒܦܬܟܪ̈ܘܗܝ܂
151:07 [ai]ܐܢܐ ܕܝܢܿ ܟܕ ܫܿܡܿܛܬܿ ܣܝܦܗܼ ܦܣܿܩܬ ܪܝܫܗ܂ ܘܐܿܪܝܡܬܿ ܚܼܣܕܐ ܡܼܢ ܒܢ̈ܝܐ ܕܝܣܪܝܠ܂
152:0x [ai]ܕܡܐܐ ܘܚܡܫܝܢ ܘܬܪܬܝܢ‍[‍܂‍]‍ ܥ̈ܠܠܬܐ ܕܝܢܼ܂ ܠܝܬ܂ ܠܐ ܠܗܘܣܗܒܝܘܣ ܘܠܐ ܠܐܬܢܣܝܘܣܼ ܘܠܐ ܠܡܪܝ ܬܐܘܕܘܪܘܿܣ ܡܦܫܩܢܐ܂ ܒܪܡ ܕܝܢ ܪܫܝܡܝܢ ܗܠܝܢ ܐܪܒܥܐ ܡܙܡܘܪ̈ܐ ܗܟܢܐ܂
152:00 [ai]ܐܡܝܪ ܠܕܘܝܕ ܟܕ ܡܬܟܬܫ ܥܡ ܐܪܝܐ ܘܕܐܒܐ ܕܫܩܠܼܘ ܥܪ̈ܒܐ ܡܼܢ ܥܢ̈ܗ‍[‍܂‍]‍܂
152:01 [ai]ܐܝܠ ܐܝܠܼܼ ܬܐ ܠܐܝܠܝ܂ ܥܕܪܝܢܝܿ ܘܦܪܘܩܝܢܝ܂ ܘܦܨܗܿ ܠܢܦܫܝ ܡܼܢ ܩܛܘ̈ܠܐ܂
152:02 [ai]ܐܚܘܬ ܠܫܝܘܠ ܒܦܘܡ ܐܪܝܐ܂ ܐܘ ܢܒܠܒܠ ܐܪܝܐ/ܕܐܒܐ#2#/ ܠܝܬܝ܂
152:03 [ai]ܠܐ ܟܕܘ ܠܗܘܢ̤܂ ܕܟܡܼܢܘܿ ܠܥܢ̈ܗ ܕܐܒܝ ܘܬܒܼܪܘ ܥܪܒܐ ܡܼܢ ܓܙܪܗ ܕܐܦ ܢܦܫܝ ܒܥܝܢ ܕܢܘܒܕܘܢ܂
152:04 [ai]ܚܘܣ ܡܪܝܐ ܥܠ ܓܿܒܝܟܼ܂ ܘܦܨܐ ܠܚܣܝܟ ܡܼܢ ܚܒܿܠܐ܂ ܕܢܬܐܡܼܢ/ܕܢܬܢܐ ܡܿܢ#2#/ ܒܬܫܒ̈ܚܬܟ ܒܟܠܗܘܢ ܥܕܢ̈ܘܗܝ܂ ܘܢܫܒܚ ܠܫܡܐ ܕܪܒܘܬܟܿ܂
152:05 [ai]ܡܐ ܕܦܪܩܬܝܗܝ ܡܼܢ ܐܝ̈ܕܝ ܡܘܬܐ/ܐܪܝܐ#2#/ ܡܚܒܠܢܐ ‍<‍ܘܕܐܒܐ ܣܪܘܚܐ#2#‍>‍ ܘܡܐ ܕܐܥܕܝܬ ܫܒܝܬܝ ܡܼܢ ܦܘܡܗܝܢ ܕܚܝ̈ܘܬܐ܂
152:06 [ai]ܒܥܓܠ ܐܕܘܢܝܘܗܝ܂ ܫܕܪ ܡܼܢ ܩܕܡܝܟ ܡܫܘܙܒܢܐ܂ ܘܕܠܢܝ ܡܼܢ ܗܘܬܐ ܦܥܝܪܬܐ ܕܨܒܝܐ ܕܬܚܒܫܢܝ ܒܥܘܡ̈ܩܝܗܿ܂
153:0x [ai]ܕܡܐܐ ܘܚܡܫܝܢ ܘܬܠܬ܂
153:00 [ai]ܐܡܝܪ ܠܕܘܝܕ ܟܕ ܩܒܠ ܛܝܒܘܬܗ ܕܐܠܗܐܿ܂ ܟܕ ܦܨܝܗ ܡܼܢ ܐܪܝܐ ܘܕܐܒܐܿ܂ ܘܠܬܪ̈ܝܗܘܢ ܩܛܼܠ ܒܐܝ̈ܕܘܗܝ܂܂
153:01 [ai]ܗܠܠܘܗܝ ܠܡܪܝܐ̤܂ ܟܠܟܘܢ ܥܡ̈ܡܐ܂ ܫܒܚܘܗܝܿ ܘܒܪܟܘ ܠܫܡܗ܂
153:02 [ai]ܕܦܨܝ ܢܦܫܐ ܕܓܒܝܗ ܡܼܢ ܐܝ̈ܕܝ ܡܘܬܐ܃ ܘܫܘܙܒ ܠܚܣܝܗ ܡܼܢ ܚܒܠܐ܂
153:03 [ai]ܘܡܼܢ ܢܫ̈ܒܝ ܫܝܘܠܼ ܦܪܩܢܝ܂ ܘܐܿܦܼܩܿ ܠܢܦܫܝ ܡܼܢ ܗܘܬܐܼ ܕܠܐ ܡܬܬܡܝܫܐܿ܂
153:04 [ai]ܡܛܠ ܕܥܕ ܩܠܝܠ ܥܕܠܐ ܢܦܘܩ ܦܘܪܩܢܝ ܡܼܢ ܩܕܡܘܗܝ܂ ܬܪܬܝܢ ܡܢ̈ܘܢܼ ܠܬܪܬܝܢ ܚܝ̈ܘܢ ܗܘܿܐ ܗܘܝܬ܂
153:05 [ai]ܒܪܡ ܫܕܪ ܡܠܐܟܗܼ܂ ܘܣܟܼܪ ܡܢܝ ܦܘܡ̈ܐ ܦܥܝܪ̈ܐܿ܂ ܘܫܘܙܒ ܚܝ̈ܝ ܡܼܢ ܚܒܠܐ܂
153:06 [ai]ܬܫܒܚܝܘܗܝ ܢܦܫܝܼ ܘܬܪܡܪܡܝܘܗܝ ܥܠ ܟܠܗܝܢ ܛܝܒ̈ܘܬܗܿ܂ ܕܣܥܼܪ ܘܕܣܿܥܪ ܠܘܬܝ܂
154:0x [ai]ܕܡܐܐ ܘܚܡܫܝܢ ܘܐܪܒܥ܂
154:00 [ai]ܨܠܘܬܗ ܕܚܙܩܝܐ ܟܕ ܚܕܝܪܝܢ ܗܘܼܘ ܠܗ ܐܬܘܪ̈ܝܐܿ܂ ܘܫܐܼܠ ܗܘܼܐ ܡܼܢ ܐܠܗܐܿ܂ ܓܗܝܬܐ ܕܡܢܗܘܢ܂ ܐܟܡܢ ܕܢܣܒ ܥܡܐ ܡܦܣܢܘܬܐ ܡܼܢ ܟܘܪܝܫ ܕܢܦܢܘܢ ܠܐܬܪܗܘܢ ܘܫܐܠܝܢ ܡܼܢ ܐܠܗܐ ܕܢܫܬܡܠܐ ܣܘܟܝܗܘܢ܂܂
154:01 [ai]ܒܩܠܐܿ ܪܡܐܼ ܫܒܿܚܘ ܠܐܠܗܐ܂ ܒܥܕܬܐܿ ܕܣܓ̈ܝܐܐܼ ܐܼܿܫܡܥܘ ܫܘܒܚܗ܂
154:02 [ai]ܘܒܣܘܓܐܐܿ ܕܬܪ̈ܝܨܐ ܫܒܚܘ ܩܘܠܣܗ܂ ܘܥܡ ܫܪܝܪ̈ܐ ܐܫܬܥܘ ܬܫܒܘܚܬܗ܂
154:03 [ai]ܫܿܘܬܦܘܿ ܠܛܒ̈ܐ ܢܦܫܟܘܢܼ܂ ܘܠܬܡܝ̈ܡܐ ܠܡܫܒܚܘ ܠܥܠܝܐ܂
154:04 [ai]ܐܬܟܢܫܘ ܐܟܚܕܐܿ ܠܡܘܕܥܘ ܥܘܫܢܗܼ܂ ܘܠܐ ܬܡܐܢܘܢ ܠܡܚܘܝܘ ܦܘܪܩܢܗܿ܂ ܘܫܘܒܚܗ ܠܟܠܗܘܢ ܫܒܪ̈ܐ܂
154:05 [ai]ܡܛܠ ܕܢܼܬܝܕܥ ܐܝܩܪܗ ܕܡܪܝܐ ܐܬܝܗܒܼܬ ܚܟܡܬܐ܂
154:06 [ai]ܘܠܡܫܬܥܝܘ ܥܒܿܕ̈ܘܗܝ ܐܬܝܕܥܼܬ ܠܐܢܫܐ܂
154:07 [ai]ܠܡܘܕܥܘܿ ܠܫܒܪ̈ܐ ܥܘܫܢܗܼ܂ ܘܠܼܿܡܣܼܿܟܠܘ ܠܚܣܝܪ̈ܝ ܠܒܐ ܬܫܒܘܚܬܗ܂
154:08 [ai]ܕܪܚܝܩܝܢܿ ܡܼܢ ܡܼܿܥܠܢܗܼ̈ ܘܡܼܿܒܕܪܝܢ ܡܼܢ ܬܪܥܗ܂
154:09 [ai]ܡܛܠ ܕܥܠܝܐ ܗܼܘ ܡܪܗ ܕܝܥܩܘܒ܂ ܘܫܘܒܗܪܗܼ ܥܠ ܟܠ ܥܒܿܕ̈ܘܗܝ܂
154:10 [ai]ܘܐܢܫ ܕܡܫܒܚ ܠܥܠܝܐܼ܂ ܢܨܛܒܐܼܿ ܒܗܼ ܐܝܟ ܗܿܘ ܕܡܩܼܿܪܒ ܣܡܝܕܐ܂
154:11 [ai]ܘܐܝܟ ܕܡܩܼܿܪܼܒ ܬܝ̈ܫܐ ܘܒܢ̈ܝ ܬܘܪ̈ܐ܂ ܘܐܝܟ ܕܡܕܼܿܗܼܢ ܡܕܒܚܐ ܒܣܘܓܐܐ ܕܝܼܿܩ̈ܕܐ܂ ܘܐܝܟ ܪܝܚܐ ܕܒܣܡ̈ܐ ܡܼܢ ܐܝܼܕܐ ܕܙܕ̈ܝܩܐ܂
154:12 [ai]ܡܼܢ ܬܪ̈ܥܝ ܟܐ̈ܢܐ ܡܫܬܡܼܿܥ ܩܠܗ܂ ܘܡܼܢ ܩܠܐ ܕܟܐܢ̈ܐ ܡܪܬܝܢܘܬܗ܂
154:13 [ai]ܘܥܠ ܡܐܟܘܠܬܗܘܢܿ ܣܒܥܐܿ ܒܫܪܪܐܼ܂ ܘܥܠ ܡܫܬܘܬܗܘܢ ܡܫܬܝܗ̈ܘܢ ܐܟܚܕܐ܂
154:14 [ai]ܫܘܥ̈ܝܬܗܘܢܿ ܒܢܡܘܣܗ ܕܥܠܝܐ܂ ܘܡܐܡܪܗܘܢܼ ܠܡܘܕܥܿܘ ܥܘܫܢܗ܂
154:15 [ai]ܟܡܿܐ ܪܚܝܼܩ ܡܼܢ ܪ̈ܫܝܥܐ ܡܐܡܪܗ܂ ܘܡܼܢ ܟܠ ܥܘ̈ܠܐ ܠܡܼܕܥܗ܂
154:16 [ai]ܗܐܿ ܥܝܢܗܿ ܕܡܪܝܐܼ ܥܠ ܛܿܒ̈ܐ ܬܚܘܣ܂
154:17 [ai]ܘܥܠ ܡܫܒ̈ܚܢܘܗܼܝ ܢܼܿܣܓܼܼܐ ܪ̈ܚܡܼܐ܂ ܘܡܼܢ ܥܕܢ ܒܝܫܬܐܼ ܡܫܘܙܼܒ ܢܦܫܗܘܢܿ܂
154:18 [ai]ܒܪܝܟ ܡܪܝܐ ܕܦܪܼܩ ܒܝܿܫ̈ܐ ܡܼܢ ܐܝܕܐ ܕܢܘܟܪ̈ܝܐܿ܂ ܘܡܫܘܙܒ ܠܬܡ̈ܝܡܐ ܡܼܢ ܐܝܕܐ ܕܪ̈ܫܝܥܐ܂
154:19 [ai]ܕܡܩܼܝܡܿ ܩܪܢܐ ܡܢ ܝܥܩܘܒܼ܂ ܘܕܝܿܢܼܐ ܕܥܡ̈ܡܐ ܡܼܢ ܝܣܪܝܠ܂
154:20 [ai]ܕܢܓܼܪܼ܂ ܡܫܟܢܗ ܒܨܗܝܘܢܼ܂ ܘܢܼܿܨܒܼܿܬ ܠܥܠܡ ܥܠܡܝܢܼ ܒܐܘܪܫܠܡ܂
155:0x [ai]ܕܡܐܐ ܘܚܡܫܝܢ ܘܚܡܫ܂܂܂
155:00 [ai]ܨܠܘܬܗ ܕܚܙܩܝܐܿ܂ ܟܕ ܚܕܝܪܝܢ ܠܗ ܐܬܘܪ̈ܝܐܿ܂ ܘܫܐܼܠ ܡܼܢ ܐܠܗܐ ܓܗܝܬܐ ܕܡܢܗܘܢ܂܂
155:01 [ai]ܡܪܝܐ ܩܿܪܝܬ ܠܘܬܟܿ ܐܼܿܨܼܬ ܠܝ܂
155:02 [ai]ܦܫܛܬ ܐܝ̈ܕܝ ܠܡܕܝܪ̈ܐ ܕܩܘܕܫܟ܂
155:03 [ai]ܐܪܟܼܼܢܿ ܐܕܢܟܼ ܘܗܒ ܠܝ ܫܼܐܠܼܿܬܝ܂
155:04 [ai]ܒܥܘܬܝܼ ܠܐ ܬܟܠܼܐ ܡܢܝ܂
155:05 [ai]ܒܢܝܗܿ ܠܢܦܫܝܼ ܘܠܐ ܬܼܿܚܪܼܼܒܼܼܝܗܿ܂
155:06 [ai]ܘܠܐ ܬܓܠܝܗܿ ܩܕܡ ܪ̈ܫܝܥܐ܂
155:07 [ai]ܦܿܪ̈ܥܝ ܒܝܫܬܐܼ ܐܼܿܗܦܼܟ ܡܢܝ܂ ܕܝܿܢܐ ܕܩܘܫܬܐܿ܂
155:08 [ai]ܡܪܝܐܼ ܠܐ ܬܕܘܢܼܿܝܢܝ ܐܝܟ ܚܛܗ̈ܝ܂ ܡܛܠ ܕܠܐ ܙܿܟܐ ܩܕܡܝܟ ܟܠ ܕܚܝ܂
155:09 [ai]ܣܟܠܝܢܝ ܡܪ̈ܝܐ ܢܡܘܣܟܿ ܘܕ̈ܝܢܝܟܼ ܐܠܿܦܝܢܝ †܂
155:10 [ai]ܕܢܫܡܥܘܢ ܣ̈ܓܝܐܐ ܥܒܿܕ̈ܝܟܼ܂ ܘܥܡ̈ܡܐܼ ܢܘܕܘܢ ܠܐܝܩܪܟ܂
155:11 [ai]ܐܬܕܟܪܝܢܝܿ ܘܠܐ ܬܼܛܥܝܢܝ܂ ܘܠܐ ܬܼܿܥܠܼܿܢܝ ܒܿܕܩ̈ܫܼܝܢ ܡܢܝ܂
155:12 [ai]ܚ̈ܛܗܐܿ ܕܛܠܝܘܬܝܼ ܐܿܥܒܪ ܡܢܝ܂ ܘܡܪܘܕܘܬܝܼ ܠܐ ܬܕܟܪ ܠܝ܂
155:13 [ai]ܕܿܟܢܝ ܡܪܝܐܿ ܡܼܢ ܓܪܒܼܐ ܒܝܼܫܐܼ܂ ܘܠܐ ܢܘܣܦ ܠܡܼܿܗܦܟܘ ܠܘܬܝ܂
155:14 [ai]ܝܼܿܒܼܫ ܥܩܪ̈ܘܗܝ ܡܢܝܼ܂ ܘܠܐ ܢܿܦܪ̈ܥܘܢ ܛܪ̈ܦܘܗܝ ܒܝ܂
155:15 [ai]ܥܫܝܢܐܼ ܘܪܒܐ/ܟܒܝܪܐ#2#/ ܐܢܬܿ ܡܪܝܐܿ܂ ܡܛܠ ܗܟܢܿ ܫܐܠܼܿܬܝ ܡܼܢ ܩܕܡܝܟ ܡܫܬܡܠܝܐܿ܂
155:16 [ai]ܠܡܿܢ ܐܼܩܒܿܘܠ ܘܢܬܠ ܠܝ܂ ܘܒܢܝܢܫܐ ܡܿܢܐ ܡܘܣܦ ܚܝܠܿܗܘܢ܂
155:17 [ai]ܡܼܢ ܩܕܡܝܟ ܡܪܝܐ ܬܘܟܠܢܝ܂ ܩܿܪܝܬܿ ܠܡܪܝܐܼ ܘܥܢܢܝܼ܂ ܘܐܣܝ ܠܬܒܪܐ ܕܠܒܝ܂
155:18 [ai]ܢܿܡܿܬܼ ܘܕܡܿܟܿܬ܂ ܚܿܠܡܿܬ ܐܦ ܐܬܬܥܿܝܪܬܿ/ܐܬܬܥܕܪܬ#2#/܂
155:19 [ai]ܘܣܡܼܟܬܢܝܿ ܡܪ̈ܝܐ ܂ ܂ ܘܐܩܒܠ ܡܛܠ ܕܦܨܝܿܢܝ ܡܪܝܐ܂
155:20 [ai]ܐܿܚܙܐ ܗܫܐ ܒܗܬܼܿܬܗܘܢ܂ ܣܿܒܿܪܬ ܒܟܼ ܘܠܐ ܐܒܗܼܬ܂ ܗܒ ܐܝܩܪܐܿ ܠܥܿܠܡܼ ܘܠܥܿܠܡ ܥܠܡܝܢ܂
155:21 [ai]ܦܪܘܩ ܠܝܣܪܝܠ ܓܒܝܟܼ܂ ܘܠܕܒܝܬ ܝܥܩܘܒ ܒܚܝܪܟ܂
000:0z [ai]ܫܠܡ ܒܥܘܕܪܢܗ ܕܡܪܢ ܟܬܒܐ ܕܡܙܡܘܪ̈ܐ ܕܛܘܒܢܐ ܕܘܝܕ ܢܒܝܐ ܘܡܠܟܐ܂ ܥܡ ܚܡܫܐ ܡܙܡܘܪ̈ܐ ܕܠܝܬܝܗܘܢ ܡܼܢ ܡܢܝܢܐ ܝܘܢܝܐ ܘܠܐ ܥܒܪܝܐ ܀ ܒܪܡ ܐܝܟ ܕܐܡܪܝܢ ܐܫܬܟܚܘ ܒܣܘܪܝܝܐ ܘܟܬܒܢ ܐܢܘܢ ܠܗܿܘ ܕܒܥܼܐ܂