The Comprehensive Aramaic Lexicon

02:00 [ai]	ܙܡܝܼܪܬܐ ܕܐܪܒܥܝܢ ܘܐܪܒܥ
02:01 [ai]	ܒܫܘܼܒܗܪܗ ܕܥܘܿܠܐ ܐܪܡܝ ܒܥܼܿܕܥܐܕܐ ܫܘܪ̈ܐ ܚܼܿܣ̈ܝܢܐ ܘܠܐ ܟܠܿܝܬ
02:02 [ai]	ܘܣܠܩܼܘ ܥܠ ܡܼܿܕܒܚܟ ܥܡܼ̈ܡܐ ܢܘܟܪ̈ܝܐ ܘܡܕܝܼܫܼܝܢ ܗܼܘܘ ܒܼܿܡܣܢ̈ܝܗܘܢܿ ܒܫܼܿܒܗܪܢܘܬܐ
02:03 [ai]	ܡܛܠ ܕܒܢ̈ܝ ܐܘܿܪܫܠܡ ܛܡܐܘ ܒܝܬ ܡܩܕܫܗ ܕܡܪܝܐ܂ ܘܡܛܡܐܝܢ ܗܼܘܘ ܩܘܪ̈ܒܢܘ‍[‍ܗܝ‍]‍ ܕܐܠܗܐ ܒܥܘܠܘܬܐ
02:04 [ai]	ܡܛܠ ܗܢܐ ܐܡܼܪ܂ ܕܐܪܚܼܩܘ ܘܫܼܕܘ ܐܢܘܢܿ ܡܼܢܝ܂ ܘܠܐ ܐܬܼܩܢ ܥܡܗܘܢܿ ܫܘܼܦܪܐ ܕܬܫܒܘܿܚܬܗ
02:05 [ai]	ܐܣܬܠܝܼ ܩܕܡ ܡܪܝܐ܂ ܘܐܨܛܥܪܬ ܥܕܡܐ ܠܚܪܬܐ
02:06 [ai]	ܒܢ̈ܝܗܿ ܘܒܢ̈ܬܗܿ ܒܫܒܼܝܐ ܡܼܿܪܝܪܐ܂ ܘܩܕܠܗܘܢ ܣܝܼܡ ܥܠܘܗܝ ܢܝܼܪܐ ܚܬܝܼܡܐ ܕܥܡܼ̈ܡܐ
02:07 [ai]	ܘܐܝܟ ܚܛܗ̈ܝܗܘܢܿ ܗܟܢܐ ܥܒܼܕ ܠܗܘܢܿ܂ ܡܛܠ ܕܐܪܦܝܼ ܐܢܘܢܿ ܒܐܝܼܕܐ ܕܡܿܢ ܕܥܫܝܼܢ ܡܢܗܘܢܿ
02:08 [ai]	ܐܗܦܼܟ ܓܝܪ ܐܦ̈ܘܗܝ ܡܼܢ ܪܚ̈ܡܘܗܝ܂ ܛܠ̈ܝܐ ܘܣ̈ܒܐ ܘܒܢ̈ܝܗܘܢܿ ܐܟܚܕܐ
02:09 [ai]	ܡܛܠ ܕܒܝܼܫܬܐ ܥܒܼܕܘ ܐܦ ܗܼܢܘܢܿ ܐܟܚܕܐ ܕܠܐ ܢܫܼܡܥܘܢܢܝ
02:10 [ai]	ܘܐܬܚܡܬ ܫܡܿܝܐ ܪܘܪܒܐܝܼܬ܂ ܘܐܪܥܐ ܐܣܼܠܝܬܿ ܐܢܘܢܿ
02:11 [ai]	ܡܛܠ ܕܠܐ ܥܒܼܕ ܟܠ ܒܪܐܢܫ ܥܠܝܗܿ ܐܝܟ ܕܥܒܼܕܘ
02:12 [ai]	ܘܕܬܕܥܝ ܐܪܥܐ ܟܠܗܘܢܿ ܕܝܼ̈ܢܝܟ ܙܕܝ̈ܩܐ ܐܠܗܐ
02:13 [ai]	ܐܩܝܼܡܘ ܠܒܢ̈ܝܗܿ ܕܐܘܿܪܫܠܡ ܒܓܘܼܚܟܐ ܒܓܘܗܿ܂ ܚܠܼܦ ܙܢܝ̈ܬܐ܂ ܘܟܠ ܡܿܢ ܕܥܿܒܪ ܗܼܘܐ܂ ܥܿܒܪ ܗܼܘܐ ܐܝܟ ܕܠܘܼܩܒܠ ܫܡܼܫܐ܂ ܟܕ ܡܒܼܿܙܚܝܢ ܗܼܘܘ ܒܥܼܿܘܠܘܬܗܘܢܿ
02:14 [ai]	ܐܝܿܟ ܕܐܦ ܗܼܢܘܢܿ ܥܿܒܕܝܢ ܗܘܘܿ܂ ܠܘܼܩܒܠ ܫܡܼܫܐ ܦܪܣܝܼܘ ܥܼܿܘܠܘܬܗܘܢܿ܂ ܘܒܢ̈ܬܗܿ ܕܐܘܪܫܠܡ ܐܬܛܡ̈ܐܝܢ ܐܝܟ ܕܝܼ̈ܢܝܟ
02:15 [ai]	ܚܠܼܦ ܕܗܼܢܝܢ ܛܡ̈ܐܝ ܢܦܫܗܝܢ ܒܚܘܼܠܛܢܐ ܕܫܪܝܼܚܘܬܐ܂ ܟܪܣܝ ܘܪ̈ܚܼܡܝ ܟܝܿܒܝܢ ܥܠ ܗܠܝܢ
02:16 [ai]	ܐܢܿܐ ܕܝܢ ܐܙܿܕܩܟ ܡܪܝܐ܂ ܒܬܪܝܨܼܘܬܗ ܕܠܒܼܝ܂ ܡܛܠ ܕܒܕܝܼ̈ܢܝܟ ܙܕܝܩܘܬܟ ܐܠܗܐ
02:17 [ai]	ܡܛܠ ܕܦܪܥ ܐܢܬ ܠܥܿܘ̈ܠܐ ܐܝܟ ܥܿܒ̈ܕܝܗܘܢ܂ ܘܐܝܟ ܚܛܗ̈ܝܗܘܢܿ ܒܝܼ̈ܫܐ ܘܡܪ̈ܝܪܐ
02:18 [ai]	ܓܠܼܝܬ ܚܛܗ̈ܝܗܘܢ ܡܛܠ ܕܢܬܝܼܕܥ ܕܝܼܢܟ
02:19 [ai]	ܘܥܼܛܝܬ ܕܘܟܪܢܗܘܢܿ ܡܼܢ ܐܪܥܐ܂ ܐܠܗܐ ܕܝܿܢܐ ܘܙܕܝܩܐ ܘܠܐ ܢܿܣܒ ܒܐܦ̈ܐ
02:20 [ai]	ܚܣܕܘ ܓܝܪ ܥܡܼ̈ܡܐ ܠܐܘܪܫܠܡ ܒܪܘܫܥܗܘܢܿ܂ ܘܐܬܦܼܣܩ ܫܘܦܪܗܿ ܡܢ ܬܪܘܿܢܘܣ ܕܬܫܒܘܿܚܬܗ
02:21 [ai]	ܘܐܬܟܣܝܬ̤܂ ܣܼܿܩܐ ܚܠܼܦ ܠܒܘܼܫܐ ܕܝܿܐܝܘܬܐ܂ ܘܚܼܿܒܠܐ ܥܠ ܪܝܫܗܿ ܚܠܦ ܟܠܝܼܠܐ
02:22 [ai]	ܐܪܝܼܡܬ̤܂ ܡܢܗܿ ܙܝܼܘܐ ܕܬܫܒܘܿܚܬܐ ܗܿܘ ܕܐܪܡܝܼ ܥܠܝܗܿ ܐܠܗܐ
02:23 [ai]	ܒܨܼܿܥܪܐ ܫܘܼܦܪܗܿ ܐܫܬܕܝܼ ܥܠ ܐܪܥܐ
02:24 [ai]	ܘܐܢܿܐ ܚܙܝܿܬ ܘܒܥܝܿܬ ܐܦ̈ܘܗܝ ܕܡܪܝܐ ܘܐܡܿܪܬ܂ ܣܿܦܩ܂ ܐܘܩܼܪܬ ܐܝܼܕܟ ܡܪܝܐ ܥܠ ܝܼܣܪܐܝܠ܂ ܒܡܼܿܝܬܝܢܘܬܐ ܕܥܡܼ̈ܡܐ
02:25 [ai]	ܡܛܠ ܕܒܙܚܘ ܘܠܐ ܚܼܣܘ܂ ܒܪܘܓܙܐ ܘܒܟܐܬܐ
02:26 [ai]	ܡܓܡܪܝܢ܂ ܐܠܐ ܐܢ ܐܢܬ ܡܪܝܐ ܬܟܼܐܐ ܒܗܘܢܿ ܒܪܘܓܙܟ
02:27 [ai]	ܡܛܠ ܕܠܐ ܗܼܘܐ ܒܛܢܼܢܐ ܥܒܼܕܘ܂ ܐܠܐ ܐܢ ܒܪܓܬܐ ܕܢܦܫܐ
02:28 [ai]	ܕܢܼܫܕܘܢ ܪܘܓܙܗܘܢܿ ܥܠܝܢ ܒܚܛܘܼܦܝܐ܂ ܐܢܬ ܕܝܢ ܡܪܝܐ ܠܐ ܬܘܚܪ܂ ܬܦܪܘܥ ܐܢܘܢܿ ܒܪܝܫܗܘܢܿ
02:29 [ai]	ܠܡܪܡܝܘ ܫܘܼܒܗܪܗ ܕܬܢܝܢܐ ܒܨܥܪܐ
02:30 [ai]	ܘܠܐ ܐܿܫܬܘܚܪܬ ܥܕܡܐ ܕܚܘܝܼ ܠܝܼ ܡܪܝܐ ܨܥܪܗ܂ ܟܕ ܡܡܚܝ ܥܠ ܛܘܪ̈ܐ ܕܡܨܪܝܢ܂ ܘܝܬܝܪ ܡܼܢ ܒܨܝܼܪܐ ܡܣܠܝ ܥܠ ܐܪܥܐ ܘܥܠ ܝܡܐ
02:31 [ai]	ܘܦܓܪܗ ܕܝܢ ܟܕ ܐܬܐ ܥܠ ܓܠ̈ܠܐ ܒܨܥܪܐ ܣܿܓܝܐܐ܂ ܘܠܝܬ ܕܩܿܒܪ
02:32 [ai]	ܡܛܠ ܕܐܣܠܼܝܗ ܒܨܥܪܐ܂ ܠܐ ܓܝܪ ܐܬܚܫܒ ܕܒܪܐܢܫܐ ܗܿܘ܂ ܘܚܪܬܐ ܠܐ ܐܬܪܥܝ
02:33 [ai]	ܐܡܼܪ ܓܝܪ ܕܐܼܢܐ ܐܿܗܘܐ ܡܪܗܿ ܕܐܪܥܐ ܘܕܝܡܐ܂ ܘܠܐ ܝܼܕܥ ܕܡܪܝܐ ܗܿܘ ܐܠܗܐ܂ ܪܒܐ ܘܥܫܼܝܢܐ ܘܚܼܿܝܠܬܢܐ
02:34 [ai]	ܘܗܘܼܝܘ ܡܠܟܐ ܥܠ ܫܡܿܝܐ ܘܥܠ ܐܪܥܐ܂ ܘܕܐܿܢ ܡܠ̈ܟܘܬܐ ܘܪ̈ܝܫܢܐ
02:35 [ai]	ܗܿܘ ܕܡܩܝܼܡ ܠܝܼ ܒܬܫܒܘܿܚܬܐ܂ ܘܡܕܡܟ ܠܫܒܗܪ̈ܢܐ܂ ܠܐ ܒܥܕܢܐ ܐܠܐ ܠܥܿܠܡ ܒܨܥܪܐ܂ ܡܛܠ ܕܠܐ ܝܕܥܘܗܝ
02:36 [ai]	ܘܗܫܐ ܚܙܼܘ ܪ̈ܘܪܒܢܝܗܿ ܕܐܪܥܐ ܕܝܼܢܗ ܕܡܪܝܐ܂ ܡܛܠ ܕܡܼܿܠܟܐ ܗܿܘ ܙܕܝܩܐ܂ ܘܕܐܿܢ ܠܕܠܬܼܚܬ ܡܼܢ ܟܠܗܿ ܫܡܿܝܐ
02:37 [ai]	ܒܼܿܪܟܘ ܠܡܪܝܐ ܗܿܢܘܢ ܕܕܚܿܠܝܢ ܡܢ ܡܪܝܐ ܒܐܣܟܡܐ܂ ܡܛܠ ܕܪ̈ܚܼܡܘܗܝ ܕܡܪܝܐ ܥܠ ܕܚ̈ܠܘܗܝ ܒܕܝܼܢܐ
02:38 [ai]	ܠܡܼܦܪܫ ܒܝܢܬ ܙܕܝ̈ܩܐ ܘܥܿܘ̈ܠܐ܂ ܠܡܦܪܥ ܠܥܿܘ̈ܠܐ ܠܥܿܠܡ ܐܝܟ ܥܿܒ̈ܕܝܗܘܢܿ
02:39 [ai]	ܘܠܡܚܢ ܠܙܕܝ̈ܩܐ ܡܼܢ ܡܘܼܟܟܐ ܕܥܿܘ̈ܠܐ܂ ܘܠܡܦܪܥ ܠܥܿܘ̈ܠܐ ܚܠܦ ܕܥܒܼܪ ܙܕܩܐ
02:40 [ai]	ܡܛܠ ܕܒܣܝܡ ܗܼܘ ܡܪܝܐ ܠܐܝܠܝܢ ܕܩܿܪܝܢ ܠܗ ܒܡܣܼܿܝܒܪܢܘܬܐ܂ ܠܡܥܼܒܕ ܐܝܟ ܪ̈ܚܡܼܘܗܝ ܠܚܣ̈ܘܗܝ܂ ܠܡܩܼܡ ܩܕܡܿܘܗܝ ܒܟܠܙܒܢ ܒܥܘܼܫܢܐ
02:41 [ai]	ܒܪܝܼܟ ܗܼܘ ܡܪܝܐ ܠܥܿܠܡ ܡܼܢ ܥܿܒ̈ܕܘܗܝ

next chapter