The Comprehensive Aramaic Lexicon

219:05	ܢܘܗܪܐ ܕܫܐܪܬ ܫܝܪܝܢ
219:06	ܬܘܒ ܢܘܗܪܐ ܕܫܐܪܬ ܫܝܪܝܢ ܕܡܬܦܫܩܐ ܬܫܒܚܬ ܬܫܒܚ̈ܬܐ܂
219:07	ܡܪܢ ܣܝܥܝܢܝ ܒܪ̈ܚܡܝܟ܂ ܐܡܝܢ ܘܐܡܝܢ/#2#/܂
219:08	ܐܦ ܠܫܐܪܬ ܫܝܪܝܢ ܕܡܬܦܫܩܐ ܙܡܝܪܬ ܙܡܝܪ̈ܬܐ ܐܘܟܝܬ
219:09	ܬܫܒܚܬ ܬܫܒܚ̈ܬܐ܂ ܒܡܘܫܚ̈ܬܐ ܣܡܗܿ܂ ܟܕ ܡܢ ܐܒܘܗܝ ܝܠܼܦ
219:10	ܗܢܐ ܙܢܐ܂ ܠܝܬ ܒܗܿ ܓܝܪ ܠܐ ܫܡܐ ܕܡܪܝܐ܃ ܐܦܠܐ ܕܐܠܗܐ܂
219:11	ܘܪ̈ܥܝܢܐ ܡܫܚ̈ܠܦܐ ܐܝܬ ܥܠܝܗܿ܂
219:12	ܛܘܒܢܐ ܓܝܪ ܡܦܫܩܢܐ ܥܡ ܟܠܗܘܢ ܪ̈ܕܝܝ ܒܥܩ̈ܒܬܗ ܥܠ ܒܪܬ
219:13	ܦܪܥܘܢ ܫܩܠܝܢ ܠܗܿ܂ ܡܛܠ ܓܝܪ ܕܫܠܝܡܘܢ ܒܚܟܡܬܗ ܐܬܚܬܢ
219:14	ܥܠ ܟܠܗܘܢ ܡ̈ܠܟܐ ܕܚܕܪ̈ܘܗܝ܂ ܠܐ ܗܘܐ ܒܫܪܝܚܘܬܐ܃ ܐܠܐ
219:15	ܚܕܐ ܡܿܢ ܐܝܟ ܕܢܢܝܚ ܠܢܦܫܗ ܟܝܬ ܘܠܥܡܐ ܡܢ ܩܪ̈ܒܐ܂ ܐܚܪܬܐ
219:16	ܕܝܢ ܐܝܟ ܕܢܗܘܐ ܠܗ ܐܦܬܐ ܠܡܒܢܐ ܒܝܬܗ ܕܡܪܝܐ ܘܒܝܬ
219:17	ܡܠܟܘܬܐ܃ ܐܦ ܠܒܪܬ ܦܪܥܘܢ ܢܣܒܗܿ ܒܢܫ̈ܐ܂ ܘܡܛܠ ܕܐܝܬܝܗܿ
219:18	ܗܘܬ ܗܕܐ ܫܚܡܬܐ ܐܝܟ ܡܨܪ̈ܝܬܐ ܟܠܗܝܢ ܘܟܘܫ̈ܝܬܐ܂
219:19	ܘܡܡܝܩܝܢ ܗܘܘ ܒܗܿ ܥܒܪ̈ܝܐ ܘܥܒܪ̈ܝܬܐ ܫܦܝܪ̈ܝ ܚܙܘܐ ܥܡ
219:20	ܐܚܪ̈ܢܝܬܐ ܒܢ̈ܬ ܡ̈ܠܟܐ܃ ܡܛܠ ܣܢܝܘܬܗܿ ܘܟܪܝܘܬ ܩܘܡܬܗܿ
219:21	ܘܐܘܟܡܘܬ ܓܘܢܗܿ܃ ܐܝܟ ܕܠܐ ܬܬܥܝܛ ܒܚܘܫܒܗܿ ܘܬܙܕܪܥ
219:22	ܒܥܠܕܒܒܘܬܐ ܒܝܬ ܠܗ ܘܠܦܪܥܘܢ ܐܒܘܗܿ܃ ܒܢܼܐ ܠܗܿ ܕܝܠܢܐܝܬ
220:01	ܒܝܬܐ ܗܕܝܪܐ ܒܟܐܦ̈ܐ ܛܒ̈ܬܐ ܘܒܕܗܒܐ ܘܣܐܡܐ܃ ܘܪܟܒ
220:02	ܥܠܝܗܿ ܙܡܝܪܬܐ ܗܕܐ ܒܡܘܫ̈ܚܬܐ܂ ܘܒܐܡܝܢܘ ܒܡܫܬܝܐ ܕܚܡܪܐ
220:03	ܙܡܪܝܢ ܗܘܘ ܠܗܿ ܩܕܡܘܗܝ ܐܝܟ ܕܠܐܝܩܪܗܿ܂ ܘܡܚܘܐ ܕܐܘܟܡܬܐ
220:04	ܗܝ ܘܫܦܝܪܬܐ ܘܪܚܝܡܐ ܥܠܘܗܝ܂
220:05	ܓܪܝܓܘܪܝܘܣ ܕܝܢ ܕܢܘܣܘܣ ܘܝܘܐܢܝܣ ܟܪܘܣܘܣܛܘܡܘܣ
220:06	ܘܐܚܪ̈ܢܐ܂ ܠܐ ܫܠܡܝܢ ܠܗܕܐ܂ ܐܠܐ ܐܡܪܝܢ ܨܝܕܝ̈ܗܘܢ܂ ܕܐܢ
220:07	ܙܡܝܪܬܐ ܗܝ ܕܥܠ ܒܪܬ ܦܪܥܘܢ܃ ܠܡܢܐ ܐܬܬܠܝܦܬ ܥܡ
220:08	ܟܬܒ̈ܐ ܩܕܝ̈ܫܐ܃ ܗܠܝܢ ܕܐܝܬܝܗܘܢ ܗܕܡ̈ܐ ܕܚܕ ܓܘܫܡܐ
220:09	ܕܡܕܒܪܢܘܬܐ ܐܠܗܝܬܐ܂ ܬܘܒ ܕܝܢ ܠܐܝܩܪܗܿ ܠܡ ܘܠܩܘܠܣܗܿ
220:10	ܪܟܒܗܿ ܠܗܕܐ ܙܡܝܪܬܐ܃ ܐܘ ܠܨܥܪܗܿ ܘܠܓܘܢܝܗܿ܂ ܘܐܢ
220:11	ܢܐܡܪܘܢ ܕܐܝܟ ܕܠܩܘܠܣܗܿ܃ ܘܗܐ ܓܘ̈ܢܝܐ ܕܠܐ ܒܙܥܘܪ
220:12	ܫܟܝܚܝܢ ܒܗܿ܂ ܐܫܟܚܘܢܝ ܠܡ ܢܛܘܪ̈ܐ ܕܡܬܟܪܟܝܢ ܒܡܕܝܢܬܐ܂
220:13	ܡܚܐܘܢܝ ܘܨܠܦܘܢܝ܂ ܢܣܒܘ ܡܢܝ ܪܕܝܕܝ ܘܕܫܪܟܐ܂ ܘܐܡܪܬ ܠܡ
220:14	ܐܣܩ ܒܕܩܠܐ ܘܐܚܘܕ ܒܣܘ̈ܟܘܗܝ ܘܕܫܪܟܐ܂ ܐܪܐ ܙܢܝܬܐ ܗܘܬ
220:15	ܗܕܐ ܕܡܬܟܪܟܐ ܒܠܝܠܘ̈ܬܐ ܒܫܘ̈ܩܐ ܘܒܦܠܛܘ̈ܬܐ܂ ܐܘ ܫܢܝܬܐ
220:16	ܕܣܠܩܐ ܒܕܩ̈ܠܐ ܘܒܐܝ̈ܠܢܐ܂ ܬܘܒ ܕܝܢ ܐܢ ܡܛܠ ܕܩܪܗܿ
220:17	ܘܫܡܗܗܿ ܐܘܟܡܬܐ܃ ܐܘܟܡܐ ܐܢܐ ܠܡ ܘܝܐܝܐ ܐܢܐ ܒܢ̈ܬ
220:18	ܐܘܪܫܠܡ ܘܕܫܪܟܐ܃ ܥܠ ܗܕܐ ܡܣܬܒܪܐ ܕܣܝܡܐ ܥܠ ܒܪܬ
220:19	ܦܪܥܘܢ ܐܘܟܡܬ ܓܘܢܐ܂ ܘܗܐ ܠܬܚܬ ܩܠܝܠ ܫܝܠܘܡܝܬܐ ܩܿܪܐ
220:20	ܠܗܿ܃ ܕܐܝܬܝܗܿ ܚܘܪܬܐ ܘܣܡܩܪܝܬܐ܂ ‍{‍ܬܘܒ‍}‍‍<‍ܬܘܒܝ‍>‍ ܠܡ ܬܘܒܝ
220:21	ܫܝܠܘܡܝܬܐ ܘܕܫܪܟܐ܃
220:22	ܕܒܕܓܘܢ܃ ܗܼܢܘܢ ܗܠܝܢ ܕܐܬܩܪܚܘ ܥܠ ܡܫܝܚܐ ܘܥܠ
220:23	ܥܕܬܐ ܒܪܬ ܥܡ̈ܡܐ ܡܦܫܩܝܢ ܠܗܿ܂ ܘܕܗܼܘ ܠܡ ܫܠܝܡܘܢ܂ ܡܢ
220:24	ܡܙܡܘܪܬܐ ܕܐܒܥܝ ܠܒܝ ܦܬܓܡ̈ܐ܂ ܪܟܒܗܿ ܘܠܚܡܗܿ܃ ܐܝܟ ܕܐܦ
220:25	ܚܕ ܗܘ ܠܡ ܢܝܫܐ ܕܬܪ̈ܝܗܘܢ܂ ܚܬܢܐ ܠܡ ܘܡܠܟܐ ܡܫܝܚܐ܂
220:26	ܟܠܬܐ ܥܕܬܐ܂ ܫܠܝܡܘܢ ܫܠܡܐ܂ ܒܢ̈ܬ ܐܘܪܫܠܡ ܘܥܠܝ̈ܡܬܐ
220:27	ܢܦܫ̈ܬܐ܂ ܗܟܢܐ ܐܦ ܗܿܝ ܕܚܬܐ ܐܝܬ ܠܢ ܙܥܘܪܬܐ ܘܬܕ̈ܝܐ ܠܝܬ
220:28	ܠܗܿ ܘܕܫܪܟܐ܂ ܚܬܐ ܢܦܫܐ ܕܐܝܬܝܗܿ ܐܚܝܢܬܐ ܕܪ̈ܘܚܢܐ܂ ܬܕ̈ܝܐ
220:29	ܕܠܝܬ ܠܗܿ܃ ܬܐܘܪܝܐ ܘܣܥܘܪܘܬܐ܃ ܕܓܠܝܙܐ ܡܢܗܝܢ ܒܚܛܗ̈ܝܗܿ܂
221:01	ܘܡܛܠ ܐܣܝܪܘܬܗܿ ܕܥܡ ܦܓܪܐ܂ ܗܿܝ ܕܒܝܘܡܐ ܕܡܬܡܠܠ ܒܗܿ܂
221:02	ܗܢܘ ‍<‍ܕܝܢ#2#‍>‍܂ ܒܝܘܡܐ ܕܡܬܬܕܝܢܐ܂ ܗܕܐ ܕܟܕ ܐܘܟܡܬܐ ܐܝܬܝܗܿ ܗܘܬ
221:03	ܒܫܘܪܝܐ܂ ܒܚܛܝܬܐ ܡܕܡܝܬ ܒܐܘܟܡܘܬܐ܃ ܒܣܚܬܐ ܩܕܘܫ
221:04	ܩܘܕܫ̈ܝܢ ܘܒܕܘܒܪ̈ܐ ܝܡܝ̈ܢܝܐ܂ ܡܢ ܣܢܝܘܬܗܿ ܘܐܘܟܡܘܬܗܿ
221:05	ܠܚܘܪܘܬܐ ܕܙܕܝܩܘܬܐ ܐܫܬܚܠܦܬ܂ ܥܡ ܐܚܪ̈ܢܝܬܐ ܕܡܝܬܝܢ܂
221:06	ܐܚܪ̈ܢܐ ܬܘܒ܃ ܥܠ ܐܠܗܐ ܘܥܠ ܟܢܘܫܬܐ ܝܣܪܠܝܬܐ ܡܦܫܩܝܢ
221:07	ܠܗܿ ܐܝܟ ܪܥܝܢܐ ܝܗܘܕܝܐ ^ܐܝܬ ܕܝܢ ܕܥܠ ܐܒܝܫܓ#2#^܂
221:08	ܘܡܛܠ ܕܬܠܬܝܗܘܢ ܓܒ̈ܐ ܡܠܦ̈ܢܐ ܗܘܼܘ ܘܐܪܬܕܘܟܣܘ܂
221:09	ܐܝܟ ܕܠܐ ‍{‍ܐܣܬܒܪܘ‍}‍‍<‍ܐܣܬܒܪ‍>‍ ܕܐܝܬܝ ܣܿܬܪ ܐܒ̈ܗܐ ܪ̈ܘܚܢܝܐ܃ ܠܪ̈ܥܝܢܐ
221:10	ܦܪ̈ܘܫܐ ܫܒܩܢܗܿ ܠܙܡܝܪܬܐ ܗܕܐ܃ ܕܡܢ ܥܪ̈ܫܐ ܦܪ̈ܙܠܝܐ ܕܝܠܗܘܢ
221:11	ܬܬܓܘܪܪ ܘܡܢ ܠܫܢܝ̈ܗܘܢ ܐܛܝ̈ܩܝܐ ܕܟܠܗܘܢ ܬܬܦܫܩ܂ ܚܢܢ
221:12	ܕܝܢ ܠܩܪ̈ܝܬܐ ܥܣܩ̈ܬܐ ܕܒܗܿ ܡܢܗܪܝܢܢ ܒܠܚܘܕ܂
221:13	‍{‍I܂ 10‍}‍ ܙܠܝ̈ܚܐ܂ ܡܐ ܕܡܬܦܫܪ ܕܗܒܐ ܘܡܙܕܠܚ ܥܠ ܣܐܡܐ܂
221:14	ܙܠܝ̈ܚܐ܃ ܫܒܘ̈ܩܐ ܩܛܝ̈ܢܐ ܕܣܐܡܐ ܒܢܝ̈ ܐܪܒܥ ܨܒ̈ܥܢ܂܂
221:15	‍{‍ܕܡܣ̈ܠܩܢ‍}‍‍<‍ܕܡܣ̈ܬܩܠܢ‍>‍ ܒܗܘܢ ܢܫ̈ܐ ܣܥܪܐ ܘܓܕܘ̈ܠܐ܂ ܦܪܣܐܝܬ ܕܝܢ܃
221:16	"ܣܪܟܐܪ"܂
221:17	‍{‍11‍}‍ ܢܪܕܝ܂ ܗܢܘ܂ ܢܪܕܝܢ ܕܡܬܚܠܛ ܡܢ ܒܣ̈ܡܐ ܣܓܝ̈ܐܐ܂
221:18	ܘܡܬܩܪܐ ܒܫܡ ܢܪܕܝܢ܂ ܡܛܠ ܕܥܩܪ ܢܪܕܝܢ ܢܿܬܦ ܠܟܠܗܘܢ ‍<‍ܗܪ̈ܘܡܐ#2#‍>‍ ܨܝܕ
221:19	ܗܢܝܐܘܬܗ܂ ܗܢܐ ܕܝܢ ܡܫܚܐ ܐܫܦܥܬ ܡܪܝܡ ܥܠ ܪ̈ܓܠܘܗܝ
221:20	ܕܦܪܘܩܢ܂
221:21	‍{‍13‍}‍ ܗܿܝ ܕܣܓܘܠܐ ܕܟܘܦܪܐ ܕܕܝ܂ ܗܢܘ܂ ܗܟܢܐ ܗܢܝ̈ܐܝܢ
221:22	ܪ̈ܝܚܢܐ ܕܡܢܟ܂ ܐܝܟ ܣܓܘܠܐ ܕܟܘܦܪܐ ܒܕܘܟܬܐ ܟܗܝܢܬ
221:23	ܒܫܩܝܐ ܕܡܝ̈ܐ܂ ܐܚܪ̈ܢܐ܃ ܕܟܘܦܪܐ ܠܡ ܬܢܢ܃ ܠܘ ܗܢܐ ܕܠܘܬܢ
221:24	ܕܠܗ ܩܪܝܢܢ ܚܢܐ܂ ܐܠܐ ܥܩܪܐ ܗܘ ܠܡ ܛܒܐ ܕܗܪ̈ܘܡܐ ܐܝܢܐ
221:25	ܕܗܟܢܐ ܡܬܩܪܐ ܬܡܢ܂ ܐܚܪ̈ܢܐ܃ ܣܡܕܪܐ ܠܡ ܕܥܢܒ̈ܐ܂
221:26	ܗܿܝ ܕܝܢ ܕܥܝܢ ܓܕ܃ ܕܘܟܬܐ ܗܝ ܟܗܝܢܬ ܒܟܪ̈ܡܐ ܘܒܢܨܒ̈ܬܐ܂
221:27	ܗܢܘ܂ ܐܝܪܝܚܘ܂
222:01	‍{‍15ܣ‍}‍ ܪܨܦܼ ܩܪ̈ܝܬ ܒܝܬܢ܂ ܗܢܘ܂ ܛܠܠ܂
222:02	‍{‍16‍}‍ ܥܪ̈ܩܐ ܕܩܛܪܩܐ܃ ܕܦ̈ܐ ܕܓܠܝܦܝܢ ܘܡܪܟܒܝܢ ܘܩܒܝܥܝܢ
222:03	ܫܦܝܪ ܒܛܠܠܐ܃ ܘܚܿܫܚ ܠܨܒܬܐ ܘܠܣܩܝܠܘܬܐ܂ ܘܩܪܝܢ ܠܗ
222:04	ܩܛܪܩܐ܃ ܠܐܝܠܢܐ ܗܿܘ ܕܣܒܝܣ ܒܛܪ̈ܦܐ ܘܒܦܐܪ̈ܐ ܕܩܪܝܢܢ ܠܘܙ܂
222:05	‍{‍II܂ 1‍}‍ ܫܘܫܢܬ ܫܪܘܝܢܐ܃ ܗܿܘ ܕܡܬܚܙܐ ܒܫܪܘܝܢܐ ܘܕܡܿܐ
222:06	ܠܘܪܕܐ܂ ܫܘܫܢܬ ܥܘܡܩܐ ܕܝܢ܃ ܗܿܢܝܢ ܕܐܦ ܡܬܩܪ̈ܝܢ ܫܘܫܢܬ
222:07	ܡܠܟܐ܂ ܗܢܘ܂ ܢܪܩܣ܂
222:08	‍{‍III܂ 9‍}‍ ܥܒܪܝܐ ܚܠܦ ܡܓܕܠܐ ܥܒܼܕ ‍{‍ܠܗܿ‍}‍‍<‍ܠܗ#2#‍>‍܃ ‍{‍ܦܘܪܢܐ‍}‍‍<‍ܦܘܪܝܐ‍>‍܂ ܗܢܘ܂
222:09	ܥܪܣܐ ܪܒܬܐ܂ ܘܝܬܝܪ ܚܬܝܬ܂
222:10	‍{‍7‍}‍ ܗܿܝ ܕܫܬܝ ܓܢܒܪ̈ܝܢ ܟܪ̈ܝܟܝܢ܃ ܠܘ ܥܠ ܡܢܝܢܐ ܪܡܐ ܠܗ
222:11	ܐܝܟ ܥܝܕܐ ܕܟܬܒ̈ܐ܂
222:12	‍{‍IV܂ 1‍}‍ ܗܿܝ ܕܠܒܪ ܡܢ ܫܬܩܟܝ܃ ܥܠ ܫܬܩܐ ܘܫܠܝܘܬܐ ܐܿܡܪ܂
222:13	ܥܝܢܝ̈ܟܝ ܐܝܟ ܕܝܘܢܐ܃ ܥܠ ܕܫܘܦܪܐ ܩܢܝܐ ܗܕܐ ܦܪܚܬܐ
222:14	ܟܝܢܐܝܬ܃ ܘܢܝܚܘܬܐ ܘܫܠܝܘܬܐ ܘܬܡܝܡܘܬܐ ܘܚܘܒܐ ܨܝܕ
222:15	ܒܢܝ̈ܢܫܐ܂
222:16	‍{‍3‍}‍ ܨܠܦܐ ܕܪܘܡܢܐ܃ ܠܩܠܦܬܐ ܒܪܝܬܐ ܩܿܪܐ܃ ܗܿܝ ܕܕܡܝܐ
222:17	ܠܘܪܕܐ܂
222:18	‍{‍4‍}‍ ܬܟ̈ܐ܃ ܐܝܟ ܙܩܘܪܐ ܡܦܬܟܐ ܕܩܪܝܢ ܬܟܐ܂
222:19	ܩܕܠܐ ܘܨܘܪܐ܃ ܗܘܝܼܘ ܟܕ ܗܼܘ܂ ܩܕܠܐ ܡܢ ܒܣܬܪܐ܂ ܘܨܘܪܐ
222:20	ܕܝܢ ܡܢ ܩܕܡܐ܂
222:21	‍{‍8‍}‍ ܐܡ̈ܢܐ ܬܘܬܒ̈ܐ ܡܬܦܫܩܝܢ܂
222:22	‍{‍14‍}‍ ܡܘܪܐ ܘܥܠܘܝ܃ ܕܘܥܬܐ ܐܢܘܢ ܕܐܝ̈ܠܢܐ ܘܚܡܝ̈ܡܐ
222:23	ܐܢܘܢ܂ ܩܢܝܐ܃ ܗܿܘ ܕܒܗ ܒܣܡܐ ܕܥܛܪܐ܂ ܩܘܢܡܘܢ/ܩܘܢܡܗܘܢ#2#/ ܐܿܡܪ
222:24	ܬܢܢ ܥܠ ܠܒܘܢܬܐ܂ ܠܘ ܗܢܐ ܕܩܪܝܢ ܨܝܢܕܪܓ܂ ܐܠܐ ܙܢܐ
222:25	ܕܩܝܣܐ ܕܒܣܝܡ ܪܝܚܗ܂ ܘܐܢ ܠܡܐܢܐ ܕܪܬܿܚ ܡܬܩܪܒ܃ ܡܩܪ
222:26	ܠܗ܂ ܘܠܡܝ̈ܐ ܕܒܒ̈ܢܐ ܐܢ ܡܬܪܡܐ܃ ܡܚܕܐ ܡܩܪ ܠܗܘܢ܂
222:27	ܗܘܝܼܘ ܓܝܪ ܕܒܡܫܚܐ ܕܡܫܝܚܘܬܐ/ܕܒܡܫܝܚܘܬܐ#2#/ ܡܬܡܕܟ ܗܘܐ܂ ‍{‍13‍}‍ ܐܦ
223:01	ܟܘܦܪܐ ܩܪܝܪܐ ܗܘ܂ ܘܢܪܕܘܢ ܚܡܝܡܐ܂ ܐܝܠܢܐ ܗܘ ܓܝܪ܂ ܐܝܬ
223:02	ܕܐܡܪܝܢ܃ ܕܗܘܝܼܘ ܢܪܕܝܢ܂ ‍{‍14‍}‍ ܟܘܪܟܡܐ ܡܡܙܓܐ ܗܘ܂
223:03	‍{‍V܂ 12‍}‍ ܫܒܩ̈ܐ ܕܡܝ̈ܐ܃ ܠܐܓܘ̈ܓܐ ܐܘ ܠܬܦܘ̈ܢܐ ܘܟܪ̈ܝܘܬܐ
223:04	ܩܿܪܐ܃ ܐܝܠܝܢ ܕܡܢ ܪ̈ܥܘܬܐ ܠܓܙܪ̈ܐ܃ ܐܘ ܡܢ ܦܪ̈ܕܝܣܦܢܐ
223:05	ܡܬܬܩܢܝܢ܂
223:06	‍{‍13‍}‍ ܡܫܟ̈ܒܬܐ ܠܡܫܪ̈ܐ ܕܙܪܥܐ ܩܿܪܐ܂
223:07	‍{‍14‍}‍ ܡܦܚܐ ܕܣܦܝܠܐ܃ ܡܐܢܐ ܗܘ ܚܠܝܠܐ܂ ܣܦܝܠܐ ܩܘܢܐܐ
223:08	ܗܘ܂ ܘܡܐ ܕܡܬܦܬܟ ܒܓܪܡ ܦܝܠܐ܂ ܥܿܒܕ ܫܘܦܪܐ ܣܓܝܐܐ܂
223:09	‍{‍VII܂ 2‍}‍ ܥܪ̈ܡܬܐ ‍<‍ܩܘܛܝܐ ܕܚ̈ܛܐ ܐܘ ܕܣܥܪ̈ܐ#4#‍>‍
223:10	‍{‍5‍}‍ ܐܪܙܐ ܗܘ ܕܐܣܝܪ ܒܪ̈ܗܛܐ ܕܡܝ̈ܐ܂
223:11	‍{‍I܂ 2‍}‍ ܗܿܝ ܕܡܫܚܐ ܕܡܘܪܐ܂ ܝܘܢܝܐ܃ ܡܫܚܐ ܡܣܦܩܐ
223:12	ܕܡܘܪܘܢ ܐܿܡܪ܂ ܗܢܐ ܕܡܬܡܕܟ ܡܢ ܥܩܪ̈ܐ ܣܓܝ̈ܐܐ܂ ܚܕ ܕܝܢ
223:13	ܒܣܝܡ ܪܝܚܐ ܢܿܦܠ ܒܗܘܢ ܕܡܬܩܪܐ ܢܪܕܝܢ܂ ܘܡܬܩܪܐ ܡܫܚܐ
223:14	ܗܢܐ ܥܠ ܫܡܗ܂
223:15	‍{‍II܂ 9‍}‍ ܝܘܢܝܐ܃ ܚܠܦ ܨܢܪ̈ܬܐ ܡܨܝܕܬܐ ܕܒܟܘ̈ܐ ܐܿܡܪ܂
223:16	‍{‍I܂ 13‍}‍ ܟܘܦܪܐ܃ ܚܢܐ܂ ܣܡܕܪܐ ܗܿܘ ܕܥܢܒ̈ܐ܂
223:17	‍{‍9‍}‍ ܫܡܐ ܕܥܩܐ ܥܠ ܓܠܝܠܘܬܐ ܡܘܕܥ܂ ܘܒܙܒܢ ܡܬܢܣܒ
223:18	ܥܠ ܣܘܣܝܐ ܥܝܠܐ܃ ܟܕ ܒܐܣܟܡ ܟܦܬܐ ‍{‍ܩܿܐܡ‍}‍‍<‍ܟܿܐܦ#2#‍>‍ ܨܘܪܗ ܘܚܿܐܪ
223:19	ܒܪ̈ܓܠܘܗܝ܂ ܘܬܘܒ ܡܬܩܪ̈ܝܢ ܕܘܟܝ̈ܬܐ ܕܥܠ ܝܕ ܝܡܐ ܗܟܢ܃
223:20	ܐܝܠܝܢ ܕܐܦ ܓܠܝ̈ܠܢ ܐܝܟ ܟܦ̈ܐ܃ ܘܣܦܬܗܝܢ ܫܩܝܦܐ ܘܓܠܝܠܐ܃
223:21	ܘܥܿܐܠ ܒܥܘܒܗܝܢ ܝܡܐ܃ ܘܚܫ̈ܚܢ ܠܠܡܐܢܐ ܕܐ̈ܠܦܐ܂
223:22	‍{‍IV܂ 2‍}‍ ܗܿܝ ܕܟܠܗܝܢ ܡܬܐܡ̈ܢ܂ ܗܢܘ܂ ܝ̈ܠܕܢ ܬܐܡ̈ܐ܂
223:23	‍{‍8‍}‍ ܗܿܘ ܕܡܢ ܪܫ ܣܢܝܗܪ ܘܚܪܡܘܢ܃ ܐܡܪܝܢ ܕܡܢ ܗܠܝܢ ܬܪ̈ܝܢ
223:24	ܛܘܪ̈ܝܢ ܪܕܐ ܢܒܥܗ ܕܝܘܪܕܢܢ܂
223:25	‍{‍VI܂ 12‍}‍ ܫܡܐ ܗܢܐ ܕܫܝܠܘܡܝܬܐ܃ ܬܠܝܬܝܬ ܡܬܦܫܩ܂
223:26	ܡܫܡܠܝܬܐ ܘܡܠܝܬ ܫܠܡܐ ܘܫܚܝܩܬܐ܂ ܬܢܢ ܕܝܢ ܥܠ ܫܚܝܩܬܐ܂
224:01	ܗܢܘ܂ ܕܪܓܝܙܐ ܗܘܬ ܥܠ ܕܕܗܿ ܡܛܠ ܥܝܛܗ ܕܥܡܐ ܕܡܡܝܩܝܢ
224:02	ܗܘܘ ܒܗܿ ܡܛܠ ܣܢܝܘܬܐܿ܂
224:03	‍{‍VII܂ 11‍}‍ ܟܦܪܐ܃ ܟܦܪܘܢܐ܂
224:04	‍{‍VIII܂ 5‍}‍ ܥܝܪܬܟܝ܃ ܡܢ ܥܝܪܘܬܐ ܕܡܢ ܫܢܬܐ܂
224:05	‍{‍14‍}‍ ܥܘܙܝܠܐ܃ ܒܪ ܐܝܠܐ ܗܘ܂ ܡܓܪܣܢܐ ܕܚܘܘ̈ܬܐ܂ ܐܝܟܢܐ
224:06	ܕܐܦ ܒܩܠܗ ܘܒܢܫܡܗ܃ ܡܢ ܢܩܒ̈ܝܗܘܢ ܡܦܩ ܘܩܿܛܠ ܠܗܘܢ܂
224:07	ܗܟܢܐ ܠܡ ܐܦ ܐܢܬ ܬܓܡܪ ܠܟܠܗܘܢ ܒܥܠܕܒ̈ܒܐ܂
224:08	‍{‍11‍}‍ ܓܒܪܐ ܝܗܼܒ ܒܦܐܪ̈ܘܗܝ ܐܠܦ ܕܟܣܦ ܘܕܫܪܟܐ܂ ܐܢܬ
224:09	ܠܡ ܐܝܬܝܟ ܓܒܪܐ ܕܝܗܒܬ ܒܦܐܪ̈ܘܗܝ ܕܟܪܡܐ ܗܢܐ ܕܐܝܬܝ
224:10	ܐܢܐ ܥܕܡܐ ܕܩܢܝܬܢܝ ܡܢܝܢܐ ܕܐܠܦܐ ܕܟܣܦܐ܂ ܟܕ ܠܘ ܥܠ
224:11	ܡܢܝܢܐ ܡܘܕܥ܂ ܐܠܐ ܥܠ ܫܦܝܥܘܬܐ ܕܛܝܡ̈ܝ ܟܪܡܐ܂ ܗܢܘ܂
224:12	ܡܛܠ ܪܚܡܬܟ ܕܨܐܕܝ܃ ܠܐ ܚܣܬ ܥܠ ܢܦܩ̈ܬܐ ܣܓܝ̈ܐܬܐ
224:13	ܐܠܐ ܣܓܝ ܐܫܦܥܬ܂ ܟܕ ܠܝ ܡܿܢ ܒܐܠܦܐ ܩܢܝܬܢܝ܂ ܠܐܒܗ̈ܝ ܕܝܢ
224:14	ܘܠܐܚܪ̈ܢܐ܃ ܡܛܠܬܝ ܒܨܝܪ ܝܗܒܬ܂ ܘܗܕܐ ܐܝܟ ܕܬܥܒܕ
224:15	ܦܘܪܫܢܐ ܒܝܬ ܠܗܿ ܘܠܐܒܗ̈ܝܗܿ ܘܕܫܪܟܐ܂
224:16	ܗܿܝ ܕܝܗܒܬ ܟܪܡܐ ܠܢܛܘܪ̈ܐ܂ ܗܢܘ ܢܦܫܝ ܠܫܘܥܒܕܐ ܕܓܒܪ̈ܐ
224:17	ܘܠܢܛܘܪܬܐ ܕܡܢܗ܀
224:18	ܫܠܼܡ ܢܘܗܪܐ ܕܫܐܪܬ ܫܝܪܝܢ܀