← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


12:01 )1( וַאֲמַר יוי לְאַברָם אִיזֵיל לָך מֵאַרעָך וֻמִיַלָדוּתָך וֻמִבֵית אֲבוּך לארעא דְאַחזִיֵנָך:
12:02 )1( וְאַעבְדִינָך לְעַם סַגִי וַאֲבָרְכִינָך וַאֲרַבֵי שְמָך וֻתהֵי מְבָרַך:
12:03 )1( וַאֲבָרֵיך מְבָרְכָך וֻמלָטְטָך אֲילוּט וְיִתבָרְכֻן בְדִילָך כֹל זַרעֲיָת ארעא:
12:04 )1( וַאֲזַל אַברָם כְמָא דְמַלֵיל עִמֵיה יוי וַאְזַל עִימֵיה לוֹט וְאַברָם בַר שִבעִין וְחַמֵיש שְנִין בְמִפְקֵיה מֵחָרָן:
12:05 )1( וֻדבַר אַברָם יָת שָׂרַי אִיתְתֵיה וְיָת לוֹט בַר אֲחוּהִי וָיְת כֹל קִניָנְהוֹן דְקנוֹ וְיָת נַפשָתָא דְשַעֲבִידוּ לְאוֹרָיתָא בְחָרָן וֻנפַקוּ לְמֵיזַל לארעא דִכַנעַן וַאֲתוֹ לְארעא דִכָנעַן:
12:06 )1( וַעֲבַר אַברָם בְאַרעָא עַד אֲתַר שְכַם עַד מֵישְרֵי מוֹרַה וֻכנַעֲנָאָה בְכֵין <שרי#3#> בְאַרעָא:
12:07 )1( וְאִתגְלִי יוי לְאַברָם וַאֲמַר לִיבנָך אִיתֵין יָת ארעא הָדָא וֻבנָא תַמָן מַדבְחָא קדם יוי דְאִתגְלִי לֵיה:
12:08 )1( וְאִסתַלַק מִתַמָן לְטוּרָא מִמַדנַח לְבֵית אֵל וֻפרַסֵיה לְמַשכְנֵיה בֵית אֵל מִמַעַרבָא וְעָי מִמַדִנחָא וֻבנָא תַמָן מַדבְחָא קְדָם יוי וְצַלִי בִשמָא דַיוי:
12:09 )1( וֻנטַל אַברָם אָזֵיל וְנָטֵיל לְדָרוֹמָא:
12:10 )1( וַהֲוָה כַפנָא בארעא וֻנחַת אַברָם לְמִצרַיִם לְאִיתוֹתָבָא תַמָן אֲרֵי תְקֵיף כַפנָא בארעא:
12:11 )1( וַהֲוָה כַד קְרִיב לְמֵיעַל לְמִצרָיִם וַאֲמַר לְשָׂרַי אִיתְתֵיה הָא כְעַן יָדַענָא אֲרֵי אִיתְתָא שַפִירַת חֵיזוּ אַת:
12:12 )1( וִיהֵי אֲרֵי/כַד#3#/ יִחֹזון יָתִיך מִצרָאֵי וְיֵימְרוּן אִתְתֵיה דָא וְיִקטְלוּן יָתִי וְיָתִיך יְקַיְימוּן:
12:13 )1( אֵימַרִי כְעַן/עלי#3#/ דַאֲחָת אַת בְדִיל דְיִיטַב לִי בְדִילִיך וְתִתקַיַים נַפשִי בְפִתגָמַכִי:
12:14 )1( וַהֲוָה כַד עָל אברם לְמִצרַיִם וַחזוֹ מִצרָאֵי יָת אִתְתָא אֲרֵי שַפִירָא הִיא לַחדָא:
12:15 )1( וַחזוֹ יָתַה רַברְבֵי פַרעֹה וְשַבַחוּ יָתַה לְפַרעֹה/לות פרעה#3#/ וְאִידְבַרַת אִיתְתָא לְבֵית פַרעֹה:
12:16 )1( וֻלאַברָם אוֹטֵיב בְדִילַה וַהווֹ לֵיה עָן וְתוֹרִין וֻחמָרִין וְעַבדִין וְאַמהָן וְאַתָנָן וְגַמלִין:
12:17 )1( וְאֵיתִי יוי עַל פַרעֹה מַכתָשִין רַברְבִין וְעַל אֲנָש בֵיתֵיה עַל עֵיסַק שָׂרַי אִיתַת אַברָם:
12:18 )1( וֻקרָא פַרעֹה לְאַברָם וַאֲמַר מָא דָא עֲבַדת לִי לְמָא לָא חַוִית לִי אֲרֵי אִיתְתָך הִיא:
12:19 )1( לְמָא אַמַרת אַחָת הִיא וֻדבַרִית/ונסיבית#3#/ יָתַה לִי לְאִיתוּ/לאנתו#3#/ וֻכעַן הָא אִתְתָך דְבַר וְאִיזֵיל:
12:20 )1( וֻפַקֵיד עֲלוֹהִי פַרעֹה גֻברִין וְאַלוִיאוּ יָתֵיה וְיָת אִתְתֵיה וְיָת כֹל דְלֵיה:

next chapter