← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


13:01 )1( וֻסלֵיק אַברָם מִמִצרַיִם הוּא וְאִיתְתֵיה וְכֹל דְלֵיה וְלוֹט עִמֵיה לְדָרוֹמָא:
13:02 )1( וְאַברָם תְקֵיף/יקיר#3#/ לַחדָא בִבעִירָא/בגיתין#3#/ בְכַספָא וֻבדַהבָא:
13:03 )1( וַאֲזַל לְמַטְלָנוֹהִי מִדָרוֹמָא וְעַד בֵית אֵל עַד אַתרָא דְפַרסֵיה/דהוה#3#/ תַמָן לְמַשכְנֵיה/משכניה#3#/ בְקַדמֵיתָא בֵין בֵית אֵל וֻבֵין עָי:
13:04 )1( לַאֲתַר מַדבְחָא דַעֲבַד תַמָן בְקַדמֵיתָא וְצַלִי תַמָן אַברָם בִשמָא דַיוי:
13:05 )1( וְאַף לְלוֹט דְאָזֵיל עִים אַברָם הֲווֹ עָן וְתוֹרִין וֻמַשכְנִין:
13:06 )1( וְלָא סוֹבַרַת יָתְהוֹן ארעא לְמִיתַב כַחדָא אֲרֵי הֲוָה קִניָנְהוֹן סַגִי וְלָא יְכִילוּ לְמִיתַב כַחדָא:
13:07 )1( וַהֲוָת מַצוּתָא בֵין רָעַן בְעִירֵיה דְאַברָם וֻבֵין רָעַן בְעִירֵיה דְלוֹט וֻכנַעֲנָאָה וֻפרִיזָאָה בְכֵין יָתֵיב בארעא:
13:08 )1( וַאֲמַר אַברָם לְלוֹט לָא כְעַן תְהֵי מַצוּתָא בֵינַא וֻבֵינָך וֻבֵין רָעֲוָתִי וֻבֵין רָעֲוָתָך אֲרֵי גַברִין אַחִין אֲנַחנָא:
13:09 )1( הֲלָא כֹל ארעא קְדָמָך אִתפָרַש כְעַן מִלְוָתִי אִם אַת לְצִפוּנָא אֲנָא לְדָרוֹמָא וְאִם אַת לְדָרוֹמָא \אֲנָא לְצִיפוּנָא /וְאַצפְנָך#3#/:
13:10 )1( וֻזקַף לוֹט יָת עֵינוֹהִי וַחזָא יָת כֹל מֵישַר יַרדְנָא אֲרֵי כוּלֵיה בֵית שִקיָא קְדָם חַבָלוּת/דחבל#3#/ יוי יָת סְדֹם וְיָת עֲמוֹרָה כְגִינְתָא דַיוי כארעא דְמִצרַיִם מָטֵי צוֹעַר:
13:11 )1( וֻבחַר לֵיה לוֹט יָת כֹל מֵישַר יַרדְנָא וֻנטַל לוֹט בְקַדמֵיתָא/מקדמיתא#3#/ממדינחא#3#/ וְאִתפָרַשוּ גְבַר מִלְוָת/מעל#3#/ אֲחוֹהִי:
13:12 )1( אַברָם יְתֵיב בְאַרעָא דִכנָעַן/דרומא#3#/ וְלוֹט יָתֵיב בְקִרוֵי מֵישְרָא וֻפרַס עַד סְדֹם:
13:13 )1( וְאַנשֵי סְדֹם בִישִין בְמָמוֹנְהוֹן וְחַיָיבִין בְגִיויָתְהוֹן קדם יוי לַחדָא:
13:14 )1( וַיוי אֲמַר לְאַברָם בָתַר דְאִתפָרַש לוֹט מֵעִימֵיה/מיניה#3#/מלותיה#3#/ זְקוֹף כְעַן עֵינָך וֻחזִי מִן אַתרָא דְאַת תַמָן לְצִיפוּנָא וֻלדָרוֹמָא וֻלמַדנְחָא וֻלמַעַרבָא:
13:15 )1( אֲרֵי יָת כֹל ארעא דְאַת חָזֵי לָך אִתְנִינַה וְלִבנָך עַד עָלְמָא:
13:16 )1( וַאֲשַוֵי יָת בְנָך סַגִיאִין כְעַפרָא דארעא כְמָא דְלֵית אִפשָר לִגבַר דְיִמנֵי/לְמִמנֵי#3#/ יָת עַפרָא דְאַרעָא אַף <ית#3#> בְנָך לָא יִתמְנוֹן:
13:17 )1( קוּם הַלֵיך בארעא לְאוּרכַה וֻלפוּתיַה אֲרֵי לָך אִיתְנִינַה:
13:18 )1( וֻפרַס אַברָם וַאֲתָא וִיתֵיב בְמֵישְרֵי מַמרֵי דִבחַברוֹן וֻבנָא תַמָן מַדבְחָא קְדָם יוי:

next chapter