← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


15:01 )1( בָתַר פִיתגָמַיָא הָאִלֵין הֲוָה \פִתגָמָא דַיוי /מימר מן קדם ייי#3#/ \עִם אַברָם /לאברם#3#/ בִנבוּאָה לְמֵימַר לָא תִדחַל אַברָם מֵימְרִי תְקוֹף לָך אַגרָך סַגִי לַחדָא:
15:02 )1( וַאֲמַר אַברָם יוי אֲלֹהִים מָא תִתֵין לִי וַאֲנָא אָזֵיל דְלָא/בְלָא#3#/ וְלַד וֻבַר פַרנָסָא הָדֵין דִבבֵיתִי הוּא דַמַסקָאָה אֲלִיעַזַר:
15:03 )1( וַאֲמַר אַברָם הַא לִי לָא יְהַבת וְלָד/בנין#3#/ וְהָא בַר בֵיתִי יָרֵית יָתִי:
15:04 )1( וְהָא \פִתגָמָא דַיוי /מימר מן קדם ייי#3#/ עִמֵיה/ליה#3#/ לְמֵימַר לָא יֵירְתִינָך דֵין אֲלָהֵין בַר דְתוֹלֵיד הוּא יֵירְתִינָך:
15:05 )1( וְאַפֵיק יָתֵיה לְבָרָא וַאֲמַר אִסתַכִי כְעַן לִשמַיָא וֻמנִי כוֹכְבַיָא אִם תִכוֹל לְמִמנֵי יָתְהוֹן וַאֲמַר לֵיה כְדֵין יְהוֹן בְנָך:
15:06 )1( וְהֵימֵין בְמֵימְרָא דַיוי וְחַשבַה לֵיה לְזָכוּ:
15:07 )1( וַאֲמַר לֵיה אֲנָא יוי דְאַפֵקתָך מֵיאוּר דְכַסדָאֵי לְמִיתַן לָך יָת ארעא הָדָא לְמֵירְתַה:
15:08 )1( וַאֲמַר יוי אֲלֹהִים בְמָא אִידַע אֲרֵי אֵירְתִינַה:
15:09 )1( וַאֲמַר לֵיה קָרֵיב קְדָמַי עִגלִין תְלָתָה וְעִזִין תְלָת וְדִכרִין תְלָתָה וְשַפנִינָא וֻבַר יוֹנָה:
15:10 )1( וְקָרֵיב קֳדָמוֹהִי יָת כֹל אִלֵין וֻפַלֵיג יָתְהוֹן בִשוֵי וִיהַב פִלגַיָא פלַג לָקָבֵיל/לָקֳבֵיל#3#/ חַברֵיה וְיָת עוֹפָא לָא פַלֵיג:
15:11 )1( וֻנחַת עוֹפָא עַל פִלגַיָא וַאֲתֵיב/וְאַפרַח#3#/ יָתְהוֹן אַברָם:
15:12 )1( וַהוָת שִמשָא לְמֵיעַל וְשִנתָא נְפַלַת עַל אַברָם וְהָא אֵימָא קְבַל סַגִי/רב#3#/ נְפַלַת עֲלוֹהִי:
15:13 )1( וַאֲמַר לְאַברָם מִידָע תִידַע אֲרֵי דַייָרִין יְהוֹן בְנָך בְאַרַע לָא דִילְהוֹן וְיִפלְחוּן/וישתעבדון#3#/ בְהוֹן וְיעַנוֹן יָתְהוֹן אַרבַע מְאָה שְנִין:
15:14 )1( וְאַף יָת עַמָא דְיִפלְחוּן בְהוֹן דָאֵין אֲנָא וֻבָתַר כֵין יִפְקוּן בְקִניָנָא סַגִי:
15:15 )1( וְאַת תִתכְנֵיש לְוָת אֲבָהָתָך בִשלָם תִתקְבַר בְשֵׂיבוּ טָבָא:
15:16 )1( וְדָרָא רְבִיעָאָה יְתוּבוּן הָלְכָא/הָכָא#3#/ אֲרֵי לָא שְלִים חוֹבָא דַאֲמוֹרָאָה עַד כְעַן/הכא#3#/:
15:17 )1( וַהֲוָת שִמשָא עֲלַת וְקַבלָא הֲוָה וְהָא תַנוּר דִתָנַן וֻבָעוֹר דְאִישָא עֲדָא/דעדא#3#/די עבר#3#/ בֵין פִלגַיָא הָאִלֵין:
15:18 )1( בְיוֹמָא הַהוּא גְזַר יוי עִים אַברָם קְיָם לְמֵימַר לִבנָך יְהַבִית/אַתֵין#3#/ יָת אַרעָא הָדָא מִנַחלָא/מִנַהרָא#3#/ דְמִצרַיִם עַד נַהרָא רַבָא נַהרָא פְרָת/דפרת#3#/:
15:19 )1( יָת שָלְמָאֵי וְיָת קְנִיזָאֵי וְיָת קַדמוֹנָאֵי:
15:20 )1( וְיָת חִיתָאֵי וְיָת פְרִזָאֵי וְיָת גִיבָרַיָא:
15:21 )1( וְיָת אֲמוֹרָאֵי וְיָת כְנַעֲנָאֵי וְיָת גַרגִישָאֵי וְיָת יְבוּסָאֵי:

next chapter