← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


16:01 )1( וְשָׂרַי אִיתַת אַברָם לָא יְלֵידַת לֵיה וְלַה אַמתָא מִצרֵיתָא וֻשמַה הָגָר:
16:02 )1( וַאֲמַרַת שָׂרַי לְאַברָם הָא כְעַן מְנַענִי יוי מִלְמֵילַד עוֹל כְעַן לְוָת אַמתִי מָא אִם אִתבְנֵי מִנַה וְקַבֵיל אַברָם לְמֵימַר שָׂרָי:
16:03 )1( וֻדבַרַת שָׂרַי אִיתַת אַברָם יָת הָגָר מִצרֵיתָא אַמתַה מִסוֹף עֲשַׂר שְנִין לְמִתַב אַברָם בְאַרעָא דִכנָעַן וִיהַבַת יָתַה לְאַברָם בַעֲלַה לֵיה לְאִיתוּ/לאנתו#3#/:
16:04 )1( וְעָל לְוָת הָגָר וְעַדִיאַת וַחזָת אֲרֵי עַדִיאַת וְקַלַת רִבוֹנְתַה בְעֵינַהָא:
16:05 )1( וַאֲמַרַת שָׂרַי לְאַברָם דִין לִי עֲלָך אֲנָא יְהַבִית אַמתִי לָך/בידך#3#/ וַחזָת אֲרֵי עַדִיאַת וְקַלִית בְעֵינַהָא יְדִין יוי בֵינַא וֻבֵינָך:
16:06 )1( וַאֲמַר אַברָם לְשָׂרַי הָא אַמתִיך בִידִיך עֲבִידִי לַה דְתָקֵין/כדתקין#3#/ בְעֵינַכִי וְעַנִיתַה שָׂרַי וַעֲרַקַת מִן קְדָמַהָא:
16:07 )1( וְאַשכְחַה מַלאֲכָא דַיוי עַל עֵינָא דְמַיָא בְמַדבְרָא עַל עֵינָא בְאוֹרחָא דְחַגרָא:
16:08 )1( וַאֲמַר הָגָר אַמתַה דְשָׂרַי מְנָן אַת אָתיָא וֻלאָן אַת אָזְלָא וַאֲמַרַת מִן קְדָם שָׂרַי רִבוֹנְתִי אֲנָא עָרְקָא:
16:09 )1( וַאֲמַר לַה מַלאֲכָא דַיוי תוּבִי לְוָת רִבוֹנְתִיך וְאִשתַעַבַדִי/ותתעני#3#/ תְחוֹת יְדַהָא:
16:10 )1( וַאֲמַר לַה מַלאֲכָא דַיוי אַסגָאָה אַסגֵי יָת בְנַכִי וְלָא יִתמְנוֹן מִסגֵי/מלמיסגי#3#/:
16:11 )1( וַאֲמַר לַה מַלאֲכָא דַיוי הָא אַת מְעַדְיָא וֻתלִידִין בַר וְתִקרַן שְמֵיה יִשמָעֵאל אֲרֵי \קַבֵיל יוי /שמיע קדם ייי#3#/ צְלוֹתִיך/עולבניך#3#/:
16:12 )1( וְהוּא יְהֵי מָרוֹד/ערוד#3#/ בַאֲנָשָא הוּא יְהֵי צְרִיך לְכוֹלָא/בכולא#3#/ וְאַף/וידא דכל#3#/ <בני#3#> אֲנָשָא יְהֵי צְרִיך לֵיה/ביה#3#/ וְעַל אַפֵי כֹל אֲחוּהִי יִשרֵי:
16:13 )1( וְצַלִיאַת בִשמָא דַיוי דְאִתמַלַל עִימַה אֲמַרת אַת הוּא אֲלָהָא חָזֵי/דחזי#3#/ כוֹלָא/לכולא#3#/ אֲרֵי אֲמַרַת אַף/האף#3#/הַבְרַם#3#/ברם בקושטא#3#/ אֲנָא/הָכָא#3#/ <בקושטא#3#> שָרִיתִי חָזיָא בָתַר דְאִתגְלִי לִי:
16:14 )1( עַל כֵין קְרָא לְבֵירָא בֵירָא דְמַלאַך קַיָמָא אִתַחזִי עֲלַה הָא הִיא בֵין רְקַם וֻבֵין חַגרָא:
16:15 )1( וִילֵידַת הָגָר לְאַברָם בַר וֻקרָא אַברָם שוֹם בְרֵיה דְילֵידַת הָגָר יִשמָעֵאל:
16:16 )1( וְאַברָם בַר תְמָנַן וְשֵית שְנִין כַד יְלֵידַת הָגָר יָת יִשמָעֵאל לְאַברָם:

next chapter