← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51001: TgO Gn

Click on a word for lexical analysis
Click on a red-colored coordinate for comments and/or translations of the line

previous chapter


22:01 )1( וַהֲוָה בָתַר פִתגָמַיָא הָאִילֵין וַיוי נַסִי יָת אַברָהָם וַאֲמַר לֵיה אברהם וַאֲמַר הָאֲנָא:
22:02 )1( וַאֲמַר דְבַר כְעַן יָת בְרָך יָת יְחִידָך דִרחֵימתָא יָת יִצחָק וְאִיזֵיל לָך לַאֲרַע פֻלחָנָא וְאַסֵיקהִי קְדָמַי תַמָן לְעֲלָתָא עַל חַד מִן טוּרַיָא דְאֵימַר לָך:
22:03 )1( וְאַקדֵים אברהם בְצַפרָא וְזָרֵיז יָת חֲמָרֵיה וֻדבַר יָת תְרֵין עוּלֵימוֹהִי עִמֵיה וְיָת יִצחָק בריה וְצַלַח אָעֵי לַעֲלָתָא/דעלתא#3#/עלתא#3#/ וְקָם וַאֲזַל לְאַתרָא דַאֲמַר לֵיה יוי:
22:04 )1( בְיוֹמָא תְלִתָאָה וֻזקַף אברהם יָת עֵינוֹהִי וַחזָא יָת אַתרָא מֵרַחִיק:
22:05 )1( וַאֲמַר אַברָהָם לְעוּלֵימוֹהִי אוֹרִיכוּ <כען#3#> לְכוֹן הָכָא עִים חֲמָרָא וַאֲנָא וְעוּלֵימָא נִתמְטֵי עַד כָא וְנִסגוֹד וֻנתוּב לְוָתְכוֹן:
22:06 )1( וֻנסֵיב אברהם יָת אָעֵי דַעֲלָתָא וְשַוִי עַל יִצחָק בְרֵיה וֻנסֵיב בִידֵיה יָת אִישָתָא וְיָת סַכִינָא וַאֲזַלוּ תַרוֵיהוֹן כַחדָא:
22:07 )1( וַאֲמַר יִצחָק לאברהם אֲבוּהִי וַאֲמַר אַבָא וַאֲמַר הָאֲנָא בְרִי וַאֲמַר הָא אִישָתָא וְאָעַיָא וְאָן אִימְרָא לְעֲלָתָא:
22:08 )1( וַאֲמַר אַברָהָם קְדָם יוי גְלִי/אתגלי#3#/ <ליה#3#> אִימְרָא <ליה#3#> לַעֲלָתָא בְרִי וַאֲזַלוּ תַרוֵיהוֹן כַחדָא:
22:09 )1( וַאֲתוֹ לְאַתרָא דַאֲמַר לֵיה יוי וֻבנָא תַמָן אברהם יָת מַדבְחָא וְסַדַר יָת אָעַיָא וְעַקַד/וַעקַד#2#/ יָת יִצחָק בְרֵיה וְשַוִי יָתֵיה עַל מַדבְחָא \עֵיל מִן אָעַיָא /מעל לאעיא#3#/:
22:10 )1( וְאוֹשִיט/וְאוֹשֵיט#3#/ אברהם יָת יְדֵיה וֻנסֵיב יָת סַכִינָא לְמִכַס יָת בְרֵיה:
22:11 )1( וֻקרָא לֵיה מַלאֲכָא דַיוי מִן שְמַיָא וַאֲמַר אברהם אברהם וַאֲמַר הָאֲנָא:
22:12 )1( וַאֲמַר לָא תוֹשִיט/תוֹשֵיט#3#/ יְדָך בְעוּלֵימָא/לעולימא#3#/ וְלָא תַעֲבֵיד לֵיה מִדָעַם אֲרֵי כְעַן יָדַעִית אֲרֵי דָחֲלָא דַיוי אַת וְלָא מְנַעתָא יָת בְרָך יָת יְחִידָך מִנִי:
22:13 )1( וֻזקַף אברהם יָת עֵינוֹהִי בָתַר אִלֵין וַחזָא וְהָא דִכרָא <בתר#3#/חדא#3#/> אֲחִיד/דאיתחד#3#/ בְאִילָנָא בְקַרנוֹהִי וַאֲזַל אברהם וֻנסֵיב יָת דִכרָא וְאַסְקֵיה לַעֲלָתָא חֲלָף בְרֵיה:
22:14 )1( \וֻפלַח וְצַלִי /וצלי ופלח#3#/ אברהם תַמָן בְאַתרָא הַהוּא אֲמַר קדם יוי הָכָא יְהוֹן פָלְחִין דָרַיָא בְכֵין יִתאֲמַר כְיוֹמָא/ביומא#3#/ הָדֵין/ההוא#3#/ בְטוּרָא הָדֵין אַברָהָם קדם יוי פְלַח:
22:15 )1( וֻקרָא מַלאֲכָא דַיוי לאברהם תִיניָנוּת מִן שְמַיָא:
22:16 )1( וַאֲמַר בְמֵימְרִי קַיֵימִית אֲמַר יוי אֲרֵי חֲלָף דַעֲבַדתָא יָת פִתגָמָא הָדֵין וְלָא מְנַעתָע יָת בְרָך יָת יְחִידָך:
22:17 )1( אֲרֵי בָרָכָא אֲבָרְכִינָך וְאַסגָאָה אַסגֵי יָת בְנָך כְכוֹכְבֵי שְמַיא וֻכחָלָא דְעַל כֵיף יַמָא וְיֵירְתוּן בְנָך יָת קִרוֵי סָנְאֵיהוֹן:
22:18 )1( וְיִתבָרכוּן בְדִיל בְנָך כֹל עַמְמֵי ארעא חֲלָף דְקַבֵילתָא לְמֵימְרִי/במימרי#3#/:
22:19 )1( וְתָב אברהם \לְוָת עוּלֵימֹהִי /לעולימוהי#3#/ וְקָמוּ וַאֲזַלוּ כַחדָא לִבאֵר שָבַע וִיתֵיב אַברָהָם בִבאֵר שָבַע:
22:20 )1( וַהֲוָה בָתַר פִתגָמַיָא הָאִלֵין וְאִתחַוַה לאברהם לְמֵימַר הָא יְלֵידַת מִלכָה אַף הִיא בְנִין לְנָחוֹר אֲחוּך:
22:21 )1( יָת עוץ בֻכרֵיה וְיָת בוּז אֲחוּהִי וְיָת קְמוּאֵל אֲבוּהִי דַאֲרָם:
22:22 )1( וְיָת כַשַד וְיָת חֲזוֹ וְיָת פִלדָש וְיָת יִדלָף וְיָת בְתוּאֵל:
22:23 )1( וֻבתוּאֵל אוֹלֵיד יָת רִבקָה תְמָניָה אִלֵין יְלֵידַת מלכָה לְנָחוֹר אֲחוּהִי דאברהם:
22:24 )1( וֻלחֵינְתֵיה וֻשמַה רְאוּמָה וִילֵידַת אַף הִיא יָת טַבַח וְיָת גַחַם וְיָת תַחַש וְיָת מַעֲכָה:

next chapter