← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51002: TgO Ex

Click on a word for lexical analysis
Click on a red-colored coordinate for comments and/or translations of the line

previous chapter


17:01 )1( וֻנטַלוּ כֹל כְנִשתָא דִבנֵי ישראל מִמַדבְרָא דְסִין לְמַטְלָנֵיהוֹן עַל מֵימְרָא דַיוי וֻשרוֹ בִרפִידִים וְלֵית מַיָא לְמִשתֵי עַמָא:
17:02 )1( וֻנצָא עַמָא עִם מֹשַה וַאְמַרְו הַבוּ לַנָא מַיָא וְנִשתֵי וַאְמַר לְהוֹן משה מָא נָצַן אַתוּן עִמִי מָא מְנַסַן/מנצן#3#/ אַתוּן קדם יוי:
17:03 )1( וֻצְהִי/וצחי#3#/ תַמָן עַמָא לְמַיָא וְאִתרָעַם עַמָא עַל מֹשַה וַאְמַר לְמָא דְנָן אַסֵיקתוּנָא/אַסֵיקתַנָא#3#/ ממצרים לְקַטָלָא יָתִי וְיָת בְנַי וְיָת בְעִירַי בְצָהוּתָא/בצחותא#3#/:
17:04 )1( וְצַלִי מֹשַה קדם יוי לְמֵימַר מָא אַעְבֵיד לְעַמָא הָדֵין עוֹד זְעֵיר פוֹן וְרַגמוּנִי:
17:05 )1( וַאְמַר יוי לְמֹשַה עֵיבַר/עְבַר#3#/ קְדָם עַמָא וְסַב/וֻדבַר#3#/ עִימָך מִסָבֵי יִשרָאֵל וְחוּטרָך דְמחֵיתָא/דִמחִיתָא#3#/ בֵיה יָת נַהרָא סַב/טול#3#/ בְידָך וְתֵיזֵיל:
17:06 )1( הָאְנָא קָאֵים קְדָמָך תַמָן עַל טִינָרָא בְחוֹרֵב וְתִמחֵי בְטִינָרָא וְיִפְקוּן מִנֵיה מַיָא וְיִשתֵי עַמָא וַעְבַד כֵין מֹשַה לְעֵינֵי סָבֵי ישראל:
17:07 )1( וֻקרָא שְמֵיה לְאַתרָא נִסֵיתָא וֻמַצוּתָא עַל דִנצוֹ/דנסו#3#/ בְנֵי ישראל וְעַל דְנַסִיאוּ קדם יוי לְמֵימַר הְאִית שְכִינְתָא דַיוי <שריא#3#> בֵינַנָא אִם לָא:
17:08 )1( וַאְתָא עְמָלֵק וַאְגִיַח קְרָבָא עִם ישראל בִרפִידִים:
17:09 )1( וַאְמַר מֹשַה לִיהוֹשֻעַ בְחַר לַנָא גֻברִין וְפוֹק אְגִיַח קְרָבָא בַעְמָלֵק מְחַר אְנָא קָאֵים עַל רֵיש רָמְתָא וְחוּטרָא דְאִתעְבִידוּ בֵיה נִסִין מִן קדם יוי בִידִי:
17:10 )1( וַעְבַד יְהוֹשֻעַ כְמָא דַאְמַר לֵיה מֹשַה לְאָגָחָא קְרָבָא בַעְמָלֵק ומשה אהרן וְחוּר סְלִיקו לְרֵיש רָמְתָא:
17:11 )1( וְהָוֵי כַד מָרֵים מֹשַה יְדוֹהִי מִתגַבְרִין דְבֵית ישראל וְכַד מָנַח יְדוֹהִי מִתגַבְרִין/מִתַברִין#3#/ דְבֵית עְמָלֵק:
17:12 )1( וִידֵי מֹשַה יְקַרָא/יקרן#3#/ וֻנסִיבוּ אַבנָא וְשַוִיאוּ תְחוֹתוֹהִי וִיתֵיב עְלַה וְאַהְרֹן וְחוּר סְעִידִין בִידוֹהִי מִיכָא חַד וֻמִיכָא חַד וַהוַאָה יְדוֹהִי פְרִיסָן בִצלוֹ עַד דְעָל שִמשָא:
17:13 )1( וְתַבַר יְהוֹשֻעַ יָת עְמָלֵק וְיָת עַמֵיה לְפִתגָם דְחָרַב:
17:14 )1( וַאְמַר יוי לְמֹשַה כְתוֹב דָא דוּכרָנָא בְסִפרָא וְשַו/ושוי#3#/ קְדָם יהושע אְרֵי מִמחָא אִמחֵי יָת דוּכרָנֵיה דַעמָלֵק מִתְחוֹת שְמַיָא:
17:15 )1( וֻבנָא מֹשַה מַדבַח וֻפלַח עְלוֹהִי קדם יוי/אל#3#/ דַעְבַד לֵיה נִסִין:
17:16 )1( וַאְמַר בִשבוּעָה אְמִירָא דָא מִן קְדָם דְחִילָא דִשכִינְתֵיה עַל כוּרסֵי יְקָרָא דַעְתִיד דְיִתָגַח קְרָבָא קדם/מן קדם#3#/ יוי בִדבֵית עְמָלֵק לְשֵיצָיוּתְהוֹן מִדָרֵי עָלְמָא:

next chapter