← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51003: TgO Lv

Click on a word for lexical analysis
Click on a red-colored coordinate for comments and/or translations of the line

previous chapter


03:01 )1( ואִם נִכסַת קוּדשַיָא קוּרבָנֵיה אִם מִן תוֹרֵי הוּא מְקָרֵיב אִם דְכַר אִם נוּקבָא שְלִים יְקָרְבִינֵיה קדם יוי:
03:02 )1( וְיִסמוֹך יְדֵיה עַל רֵיש קוּרבָנֵיה וְיִכְסִינֵיה בִתרַע מַשכַן זִמנָא וְיִזרְקוּן/ויזירקון#3#/ בְנֵי אהרן כָהְנַיָא יָת דְמָא עַל מַדבְחָא סְחוֹר סחור:
03:03 )1( וִיקָרֵיב מִנִכסַת קוּדשַיָא קוּרבָנָא קדם יוי יָת תַרבָא דְחָפֵי יָת גַוָא וְיָת כֹל תַרבָא דְעַל גָוַא:
03:04 )1( וְיָת תַרתֵין כוֹליָן וְיָת תַרבָא דַעְלֵיהוֹן/דעליהין#3#/ דְעַל גִיססַיָא וְיָת חַצרָא/חיצרא#3#/ דְעַל כַבדָא עַל כוֹליָתָא יַעְדֵינַה:
03:05 )1( וְיַסְקוּן/וְיִסְקוּן#3#/ יָתֵיה בְנֵי אהרן לְמַדבְחָא עַל עְלָתָא דְעַל אָעַיָא דְעַל אִישָתָא קוּרבַן דְמִתקַבַל/לאיתקבלא#3#/ בְרַעְוָא קדם יוי:
03:06 )1( וְאִם מִן עָנָא קוּרבָנֵיה לְנִכסַת קוּדשַיָא קדם יוי דְכַר אוֹ נוּקבָא שְלִים יְקָרְבִינֵיה:
03:07 )1( אִם אִימַר הוּא מְקָרֵיב יָת קוּרבָנֵיה וִיקָרֵיב יָתֵיה קדם/לִקדָם#3#/ יוי:
03:08 )1( וְיִסמוֹך יָת יְדֵיה עַל רֵיש קוּרבָנֵיה וְיִכוֹס יָתֵיה קְדָם מַשכַן זִמנָא וְיִזרְקוּן/ויזירקון#3#/ בְנֵי אהרן יָת דְמֵיה עַל מַדבְחָא סחור סחור:
03:09 )1( וִיקָרֵיב מִנִכסַת קוּדשַיָא קוּרבָנָא קדם יוי תַרבֵיה אַליְתָא שַלמְתָא/שלימתא#3#/ לִקבֵיל/לָקֳבֵיל#3#/ שַזַרתָא/שיזרתא#3#/ יַעְדֵינַה יָת תַרבָא דְחָפֵי יָת גַוָא וְיָת כֹל תַרבָא דְעַל גַוָא:
03:10 )1( וְיָת תַרתֵין כוֹליָן וְיָת תַרבָא דַעְלֵיהוֹן/דעליהין#3#/ דְעַל גִיסַסַיָא/גִססַיָא#3#/ וְיָת חַצרָא/חיצרא#3#/ דְעַל כַבדָא עַל כוֹליָתָא יַעְדֵינַה:
03:11 )1( וְיַסֵיקִינֵיה/וְיַסְקִנֵיה#3#/ כָהְנָא לְמַדבְחָא לְחֵים קוּרבָנָא קדם יוי:
03:12 )1( וְאִם מִן בְנֵי עִזַיָא קוּרבָנֵיה וִיקָרְבִינֵיה קדם יוי:
03:13 )1( וְיִסמוֹך יָת יְדֵיה עַל רֵישֵיה וְיִכוֹס יָתֵיה קֻדָם/לקדם#3#/ מַשכַן זִמנָא וְיִזרְקוּן/ויזירקון#3#/ בְנֵי אַהְרֹן יָת דְמֵיה עַל מַדבְחָא סחור סחור:
03:14 )1( וִיקָרֵיב מִנֵיה קוּרבָנֵיה קוּרבָנָא קדם יוי יָת תַרבָא דְחָפֵי יָת גַוָא וְיָת כֹל תַרבָא דְעַל גַוָא:
03:15 )1( וְיָת תַרתֵין כוֹליָן וְיָת תַרבָא דַעְלֵיהוֹן/דעליהין#3#/ דְעַל גִיסַסיָא/גִססַיָא#3#/ וְיָת חַצרָא/חיצרא#3#/ דְעַל כַבדָא עַל כוֹליָתָא יַעְדֵינַה:
03:16 )1( וְיַסֵיקִינוּן כָהְנָא לְמַדבְחָא לְחֵים קוּרבָנָא לְאִתקַבָלָא בְרַעְוָא כֹל תַרבָא קדם יוי:
03:17 )1( קְיָם עָלַם לְדָרֵיכוֹן/לדרתיכון#3#/ בְכֹל מוֹתְבָנֵיכוֹן כֹל תַרבָא/תריב#3#/ וְכֹל דְמָא לָא תֵיכְלוּן:

next chapter