← Back
The Comprehensive Aramaic Lexicon
← Return to the Text Browser
click on the file description for more information

51003: TgO Lv

Click on a word for lexical analysis
Click on a red-colored coordinate for comments and/or translations of the line

previous chapter


24:01 )1( ומליל יוי עם/לות#3#/ משה למימר:
24:02 )1( פַקֵיד יָת בְנֵי ישראל וְיִסְבוּן לָך מְשַח זֵיתָא דַכיָא/דָכיָא#3#/ כָתִישָא לְאַנהָרָא לְאַדלָקָא בוֹצִינַיָא תְדִירָא:
24:03 )1( מִבַרָא לְפָרוּכתָא דְסָהְדוּתָא בְמַשכַן זִמנָא יַסדַר יָתֵיה אַהְרֹן מֵרַמשָא עַד צַפרָא קְדָם יוי תְדִירָא קִיָם/קְיָם#3#/ עָלַם לְדָרֵיכוֹן:
24:04 )1( עַל מְנָרְתָא דָכִיתָא יַסדַר יָת בוֹצִינַיָא קדם יוי תְדִירָא:
24:05 )1( וְתִיסַב סוּלתָא וְתֵיפֵי יָתַה תַרתַא עַסרֵי גְרִיצָן/גְרִיסָן#3#/ תְרֵין עַסרוֹנִין תְהֵי הָויָא גְרִיצְתָא חְדָא:
24:06 )1( וֻתשַוֵי יָתְהוֹן/יתהין#3#/ תְרֵין/תַרתֵין#3#/ סִידרִין שֵית סִדרָא עַל פָתוּרָא דַכיָא/דָכיָא#3#/ קדם יוי:
24:07 )1( וְתִיתֵין עַל סִדרָא לְבוֹנְתָא דָכִיתָא וֻתהֵי לִלחֵים לְאִדְכָרָא/לְאַדכָרָא#3#/ קוּרבָנָא קדם יוי:
24:08 )1( בְיוֹמָא דְשַבתָא בְיוֹמָא דְשַבתָא יְסַדְרִינֵיה/יַסדְרִינֵיה#3#/ קדם יוי תְדִירָא מִן בְנֵי ישראל קִיָם/קְיָם#3#/ עָלַם:
24:09 )1( וֻתהֵי לאהרן וְלִבנוֹהִי וְיֵיכְלוּנֵיה בַאְתַר קַדִיש אְרֵי קוֹדַש קוּדשִין הוּא לֵיה מִקוּרבָנַיָא דַיוי קְיָם/קִיָם#3#/ עָלַם:
24:10 )1( וֻנפַק בַר אִיתְתָא בַת ישראל וְהוּא בַר גְבַר מִצרַי בְגוֹ בְנֵי ישראל וְאִתנְצִיוּ בְמַשרִיתָא בַר אִיתְתָא בַת ישראל וְגַברָא/וְגוּברָא#3#/ בַר ישראל:
24:11 )1( וֻפָרֵיש בַר אִיתְתָא בַת ישראל יָת שְמָא וְאַרגֵיז וְאֵיתִיוּ יָתֵיה לְוָת מֹשַה וְשֵם/וְשוֹם#3#/ אִמֵיה שְלֹמִית בַת דִברִי לְשִבטָא דְדָן:

24:12 )1( וְאַסרוּהִי בְבֵית מַטְרָא עַד דְיִתפָרֵיש/דְיִתפְרֵיש#3#/ לְהוֹן עַל גְזֵירַת מֵימְרָא דַיוי:

24:13 )1( ומליל יוי עם משה למימר:
24:14 )1( אַפֵיק יָת דְאַרגֵיז לְמִבַרָא לְמַשרִיתָא וְיִסמְכוּן כֹל דִשמַעוּ יָת יְדֵיהוֹן עַל רֵישֵיה וְיִרגְמוּן יָתֵיה כֹל כְנִשתָא:
24:15 )1( וְעִם בְנֵי ישראל תְמַלֵיל לְמֵימַר גְבַר גְבַר אְרֵי יַרגֵיז קְדָם אְלָהֵיה וִיקַבֵיל חוֹבֵיה:
24:16 )1( וְדִיפָרֵיש שְמָא דַיוי אִתקְטָלָא יִתקְטִיל מִרגָם יִרגְמוּן בֵיה כֹל כְנִישתָא גִיוֹרָא כְיַצִיבָא בְפָרָשוּתֵיה שְמָא יִתקְטִיל:
24:17 )1( וֻגבַר אְרֵי/די#3#/ יִקטוֹל/ימחי#3#/ כָל נַפשָא דַאְנָשָא אִתקְטַלָא יִתקְטִיל:
24:18 )1( וֻדיִקטוֹל/ודימחי#3#/ נְפַש בְעִירָא יְשַלְמִינַה נַפשָא חְלָף נַפשָא:
24:19 )1( וֻגבַר אְרֵי יִתֵין מוּמָא בְחַברֵיה כְמָא דַעְבַד כֵין יִתעְבֵיד לֵיה:
24:20 )1( תְבָרָא/תבירא#3#/ חְלָף תְבָרָא/תבירא#3#/ עֵינָא חְלָף עֵינָא שִינָא חְלָף שִינָא כְמָא דִיהַב/דיתן#3#/ מוּמָא בַאְנָשָא/בחבריה#3#/ כֵין יִתיְהֵיב בֵיה:
24:21 )1( וֻדיִקטוֹל /נפש#3#/ בְעִירָא יְשַלְמִינַה וֻדיִקטוֹל אְנָשָא יִתקְטִיל:
24:22 )1( דִינָא חַד יְהֵי לְכוֹן כְגִיוֹרָא כְיַצִיבָא יְהֵי אְרֵי אְנָא יוי אְלָהְכוֹן:
24:23 )1( וֻמַלֵיל מֹשַה עִם בְנֵי ישראל וְאַפִיקוּ יָת דְאַרגֵיז לְמִבַרָא לְמַשרִיתָא וֻרגַמוּ יָתֵיה בְאַבנָא וֻבנֵי ישראל עְבַדוּ כְמָא דְפַקֵיד יוי יָת מֹשַה:

next chapter