← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51005: TgO Dt

Click on a word for lexical analysis
Click on a red-colored coordinate for comments and/or translations of the line

previous chapter


06:01 )1( וְדָא תַפקֵידתָא קְיָמַיָא/קִיָמַיָא#3#/ וְדִינַיָא דְפַקֵיד יוי אֲלָהֲכוֹן לְאַלָפָא יָתְכוֹן לְמַעֲבַד בְאַרעָא דְאַתוּן עָבְרִין לְתַמָן לְמֵירְתַה:
06:02 )1( בְדִיל דְתִדחַל קדם/ית#3#/ יוי אֲלָהָך לְמִיטַר יָת כֹל קְיָמוֹהִי/קִיָמוֹהִי#3#/ וְפִקוֹדוֹהִי דַאֲנָא מְפַקֵיד לָך אַת וֻברָך וֻבַר בְרָך כֹל יוֹמֵי חַייָך וֻבדִיל דְיֵירְכוּן/דיורכון#3#/דיסגון#3#/ יוֹמָך:
06:03 )1( וֻתקַבֵיל ישראל וְתִיטַר לְמַעֲבַד דְיִיטַב/דיוטב#3#/ לָך וֻדתִסגוֹן לַחדָא כְמָא דְמַלֵיל יוי אֲלָהָא דַאֲבָהָתָך לָך אֲרַע עָבְדָא חֲלָב וֻדבָש:
06:04 )1( שְמַע/קביל#3#/ ישראל יוי אֲלָהַנָא יוי חַד:
06:05 )1( וְתִרחַם יָת יוי אֲלָהָך בְכֹל לִיבָך וֻבכָל נַפשָך וֻבכָל נִכסָך:
06:06 )1( וִיהוֹן פִתגָמַיָא הָאֵלִין דַאֲנָא מְפַקֵיד לָך יוֹמָא דֵין עַל לִיבָך:
06:07 )1( וְתתַנֵינוּן לִבנָך וֻתמַלֵיל בְהוֹן בְמִתְבָך בְבֵיתָך וֻבִמהָכָך בְאוֹרחָא וֻבמִשכְבָך/ובשכבך#3#/ וְבִמקִימָך:
06:08 )1( וְתִקטַרִינוּן לְאָת עַל יְדָך וִיהוֹן לִתפִלִין בֵין עֵינָך:
06:09 )1( וְתִכתוֹבִינוּן עַל מְזוֹזיָן וְתקבַעִינוּן בְסִיפֵי בֵיתָך וֻבתַרעָך:
06:10 )1( וִיהֵי אֲרֵי יַעֵילִינָך יוי אֲלָהָך לארעא דְקַיֵים לַאֲבָהָתָך לאברהם ליצחק וליעקב לְמִיתַן לָך קִרוִין רַברְבָן וְטָבָן דְלָא בְנֵיתָא:
06:11 )1( וֻבָתִין מְלַן כֹל טוּב דְלָא מְלֵיתָא וְגוּבִין פְסִילַן/פסילין#3#/ דְלָא פְסַלתָא כַרמִין וְזֵיתִין דְלָא נְצַבתָא וְתֵיכוֹל וְתִסבַע:
06:12 )1( אִסתַמַר/אִסתְמַר#3#/ לָך דִלמָא תִתנְשֵי יָת דַחלְתָא דַיוי דְאַפְקָך מארעא דמצרים מִבֵית עַבדוּתָא:
06:13 )1( יָת יוי אָלְהָך תִדחַל וֻקדָמוֹהִי תִפלַח וֻבִשמֵיה תְקַיֵים:
06:14 )1( לָא תְהָכוּן בָתַר טָעֲוָת עַמְמַיָא מִטָעֲוָת עַמְמַיָא דִבסַחרָנֵיכוֹן/די בסחרוניכון#3#/:
06:15 )1( אֲרֵי אֵל/אלהא#3#/ קַנָא יוי אֲלָהָך שְכִינְתֵיה בֵינָך דִלמָא יִתקַף/יתקוף#3#/ רוּגזָא דַיוי אֲלָהָך בָך וִישֵיצֵינָך מֵעַל אַפֵי אַרעָא:
06:16 )1( לָא תְנַסוֹן קדם/ית#3#/ יוי אֲלָהֲכוֹן כְמָא דְנִסֵיתוֹן בְנִיסֵיתָא:
06:17 )1( מִיטַר תִיטְרוּן יָת פִיקוֹדַיָא דַיוי אֲלָהֲכוֹן וְסָהִדוָתֵיה וֻקיָמוֹהִי דְפַקְדָך:
06:18 )1( וְתַעֲבֵיד דְכָשַר וֻדתָקֵין קדם יוי בְדִיל דְיִיטַב/דיוטב#3#/ לָך וְתֵיעוֹל וְתֵירַת יָת ארעא טָבְתָא דְקַיֵים יוי לַאֲבָהָתָך:
06:19 )1( לְמִתבַר יָת כֹל בַעֲלֵי דְבָבָך מִן קְדָמָך כְמָא דְמַלֵיל יוי:
06:20 )1( אֲרֵי יִשאֲלִינָך בְרָך מְחַר לְמֵימַר מָא סָהִדוָתָא וֻקיָמַיָא וְדִינַיָא דְפַקֵיד יוי אֲלָהַנָא יָתְכוֹן:
06:21 )1( וְתֵימַר לִברָך עַבדִין הֲוֵינָא לְפַרעֹה בְמִצרָיִם וְאַפְקַנָא יוי ממצרים בְיַד תְקִיפָא:
06:22 )1( וִיהַב יוי אָתִין וֻמוֹפְתִין רַברְבִין וֻבִישִין בְמִצרַיִם בְפַרעֹה וֻבכָל אֲנָש בֵיתֵיה לְעֵינַנָא:
06:23 )1( וְיָתַנָא אַפֵיק מִתַמָן בְדִיל לְאַעָלָא יָתַנָא לְמִתַן לַנָא יָת ארעא דְקַיֵים לַאֲבָהָתַנָא:
06:24 )1( וֻפַקְדַנָא יוי לְמַעֲבַד יָת כֹל קִיָמַיָא/קְיָמַיָא#3#/ הָאִלֵין לְמִדחַל קדם/ית#3#/ יוי אֲלָהַנָא דְיִיטַב/למיטב#3#/ לַנָא כֹל יוֹמַיָא לְקַיָמוּתַנָא כְיוֹמָא הָדֵין:
06:25 )1( וְזָכוּתָא תְהֵי לַנָא אֲרֵי נִיטַר לְמַעֲבַד יָת כֹל תַפקֵידתָא הָדָא קדם יוי אֲלָהַנָא כְמָא דְפַקְדַנָא:

next chapter