← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51005: TgO Dt

Click on a word for lexical analysis
Click on a red-colored coordinate for comments and/or translations of the line

previous chapter


17:01 )1( לָא תִיכוֹס קדם יוי אלהך תוֹר וְאִימַר דִיהֵי בֵיה מוּמָא כָל/כֹל#3#/ מִדָעַם בִיש אֲרֵי מְרַחַק/מֻרחַק#3#/ קדם יוי אֲלָהָך הוּא:
17:02 )1( אֲרֵי יִשתְכַח בֵינָך בַחדָא מִן קִרוָך דַיוי אֲלָהָך יָהֵיב לָך גְבַר אוֹ אִיתָא דְיַעֲבֵיד דְבִיש קדם יוי אֲלָהָך לְמִיעִיבַר קִיָמֵיה/קְיָמֵיה#3#/:
17:03 )1( וַאֲזַל וֻפלַח לְטָעֲוָת עַמְמַיָא וֻסגֵיד לְהוֹן/להין#3#/ וֻלשִמשָא אוֹ לְסֵיהֲרָא אוֹ לְכֹל חֵילֵי שְמַיָא דְלָא פַקְדִית/פַקֵידִית#3#/:
17:04 )1( וְיִתחַוַה לָך וְתִשמַע וְתִתבַע יָאוּת וְהָא קוּשטָא כֵיוָן פִתגָמָא אִתעֲבֵידַת תוֹעֵיבְתָא הָדָא בְישראל:
17:05 )1( וְתַפֵיק יָת גַברָא/גֻברָא#3#/ הַהוּא אוֹ יָת אִיתְתָא הַהִיא דַעֲבַדוּ יָת פִתגָמָא בִישָא הָדֵין לִתרַע בֵית דִינָך יָת גַברָא/גֻברָא#3#/ אוֹ יָת אִיתְתָא וְתִרגוֹמִינוּן בְאַבנַיָא וִימוּתוּן:
17:06 )1( עַל מֵימַר תְרֵין סָהֲדִין אוֹ תְלָתָה סָהֲדִין יִתקְטִיל דְחַייָב קַטלָא לָא יִתקְטִיל עַל מֵימַר סָהִיד חַד:
17:07 )1( יְדָא דְסָהֲדַיָא תְהֵי בֵיה בְקַדמֵיתָא לְמִקטְלֵיה וִידָא דְכֹל עַמָא בְבָתְרֵיתָא וְתפַלֵי עָבֵיד דְבִיש מִבֵינָך:
17:08 )1( אֲרֵי יִתפָרַש/יתפריש#3#/ מִינָך פִתגָמָא דְדִינָא בֵין דַם לְדַם בֵין דִין לְדִין בֵין מַכתָש סְגִירוּ לְמַכתָש סְגִירוּ פִתגָמֵי פְלוּגַת דִינָא בְקִרוָך וֻתקוּם וְתִיסַק לְאַתרָא דְיִתרְעֵי יוי אֲלָהָך בֵיה:
17:09 )1( וְתֵיתֵי לְוָת כָהֲנַיָא לֵיוָאֵי וֻלוָת דַיָינַיָא דִיהֵי בְיוֹמַיָא הָאִינוּן וְתִתבַע וִיחַווֹן לָך יָת פִתגָמָא דְדִינָא:
17:10 )1( וְתַעֲבֵיד עַל מֵימַר פִיתגָמָא דִיחַווֹן לָך מִן אַתרָא הַהוּא דְיִתרְעֵי יוי וְתִיטַר לְמַעֲבַד כְכֹל דְיַלְפוּנָך:
17:11 )1( עַל מֵימַר אוֹרָיתָא דִיַלפוּנָך וְעַל דִינָא דְיֵימְרוּן לָך תַעֲבֵיד לָא תִסטֵי מִן פִתגָמָא דִיחַוֹן לָך לְיַמִינָא וְלִסמָלָא:
17:12 )1( וְגַברָא/וְגֻברָא#3#/ דְיַעֲבֵיד בִרשַע בְדִיל דְלָא לְקַבָלָא מִן כָהֲנָא דְקָאֵים לְשַמָשָא תַמָן קדם יוי אֲלָהָך אוֹ מִן דַיָנָא וְיִתקְטִיל גַברָא/גֻברָא#3#/ הַהוּא וֻתפַלֵי עָבֵיד דְבִיש מִיִשרָאֵל:
17:13 )1( וְכֹל עַמָא יִשמְעוּן וְיִדחֲלוּן/וִידַחלוּן#3#/ וְלָא יַרשְעוּן עוֹד:
17:14 )1( אֲרֵי תֵיעוֹל לארעא דַיוי אֲלָהָך יָהֵיב לָך וְתֵירְתַה וְתִיתֵיב בַה וְתֵימַר אֲמַנֵי עֲלַי מַלכָא כְכֹל עַמְמַיָא דִבסַחרָנַי/די בסוחרני#3#/:
17:15 )1( מַנָאָה תְמַנֵי עַלָך מַלכָא דְיִתרְעֵי יוי אֲלָהָך בֵיה מִגוֹ אֲחָך תְמַנֵי עֲלָך מַלכָא לֵית לָך רְשוּ לְמַנָאָה עֲלָך גְבַר נוּכרַי דְלָא אֲחוּך הוּא:
17:16 )1( לְחוֹד לָא יִסגֵי לֵיה סוּסָוָן וְלָא יָתֵיב יָת עַמָא למצרים בְדִיל לְאַסגָאָה לֵיה סוּסָוָן וַיוי אֲמַר לְכוֹן לָא תוֹסְפוּן/תֵיסְפוּן#3#/ לִמתָב/למתוב#3#/ בְאוֹרחָא הָדָא עוֹד:
17:17 )1( וְלָא יִסגֵי לֵיה נְשִין וְלָא יִטעֵי לִבֵיה וְכַספָא וְדַהבָא לָא יִסגֵי לֵיה לַחדָא:
17:18 )1( וִיהֵי כְמִיתְבֵיה/כמותביה#3#/ עַל כוּרסֵי מַלכוּתֵיה וְיִכתוֹב לֵיה יָת פַרשְגַן אוֹרָיתָא הָדָא עַל סִפרָא מִן קְדָם כָהֲנַיָא לֵיוָאֵי:
17:19 )1( וֻתהֵי עִמֵיה וִיהֵי קָרֵי בַה כֹל יוֹמֵי חַיוֹהִי בְדִיל דְיֵילַף לְמִדחַל קְדָם יוי אֲלָהֵיה לְמִיטַר יָת כֹל פִתגָמֵי אוֹרָיתָא הָדָא וְיָת קִיָמַיָא/קְיָמַיָא#3#/ הָאִלֵין לְמַעֲבַדהוֹן:
17:20 )1( בְדִיל דְלָא יִירַם/ירים#3#/ לִיבֵיה מֵאֲחוֹהִי וֻבדִיל דְלָא יִסטֵי מִן תַפקֵידתָא לְיַמִינָא וְלִסמָלָא בְדִיל דְיֵירֻיך/דְיוֹרֵיך#3#/ יוֹמִין עַל מַלכוּתֵיה הוּא וֻבנוֹהִי בְגוֹ ישראל:

next chapter