← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51005: TgO Dt

Click on a word for lexical analysis
Click on a red-colored coordinate for comments and/or translations of the line

previous chapter


30:01 )1( וִיהֵי אֲרֵי יֵיתוֹן/ייעלון#3#/ עֲלָך כֹל פִתגָמַיָא הָאִלֵין בִרכָן וֻלוָטִין דִיהַבִית קְדָמָך וְתָתֵיב לְלִיבָך בְכָל עַמְמַיָא דְאַגלִיָך יוי אֲלָהָך לְתַמָן:
30:02 )1( וֻתתוּב לְדַחַלתָא דַיוי אֲלָהָך וֻתקַבֵיל לְמֵימְרֵיה כְכֹל דַאֲנָא מְפַקֵיד לָך יוֹמָא דֵין אַת וֻבנָך בְכֹל לִיבָך וֻבכָל נַפשָך:
30:03 )1( וְיָתֵיב יוי אֲלָהָך יָת /שָבֵי#3#/שבות#3#/ גָלְוָתָך וִירַחֵים עֲלָך וִיתוּב וְיִכנְשִינָך מִכֹל עַמְמַיָא דְבַדְרָך יוי אֲלָהָך לְתַמָן:
30:04 )1( אִם יִהוִיָן/יִהוְיָן#3#/ גָלְוָתָך בִסִיָפֵי/בִסיָפֵי#3#/ שְמַיָא מִתַמָן יִכְנשִינָך יוי אֲלָהָך וֻמִתַמָן יְקָרְבִינָך/ידברינך#3#/:
30:05 )1( וְיַעֵילִינָך יוי אֲלָהָך לארעא דִירִיתוּ אֲבָהָתָך וְתֵירְתַה וְיוֹטֵיב לָך וְיַסגֵינָך/ויפישנך#3#/ מֵאֲבָהָתָך:
30:06 )1( וְיַעֲדֵי יוי אֲלָהָך יָת טַפשוּת/טיפשות#3#/ לִיבָך וְיָת טַפשוּת/טיפשות#3#/ לִיבָא דִבנָך לְמִרחַם יָת יוי אֲלָהָך בְכֹל לִיבָך וֻבכָל נַפשָך בְדִיל חַייָך:
30:07 )1( וְיִתֵין יוי אֲלָהָך יָת כֹל לְוָטַיָא הָאִלֵין עַל בַעֲלֵי דְבָבָך וְעַל סָנְאָך דְרַדפוּך:
30:08 )1( וְאַת תְתוּב וֻתקַבֵיל לְמֵימְרָא דַיוי וְתַעֲבֵיד יָת כֹל פִקוֹדוֹהִי דַאֲנָא מְפַקֵיד לָך יוֹמָא דֵין:
30:09 )1( וְיוֹתְרִינָך יוי אֲלָהָך בְכֹל עוּבָדֵי יְדָך בְוַלדָא דִמעָך וֻבוַלדָא דִבעִירָך וֻבאִיבָא דְאַרעָך לְטָבָא אֲרֵי יְתוּב יוי לְמִחדֵי עֲלָך לְטָב כְמָא דַחדִי עַל אֲבָהָתָך:
30:10 )1( אֲרֵי תְקַבֵיל לְמֵימְרָא דַיוי אֲלָהָך לְמִיטַר פִקוֹדוֹהִי וֻקיָמוֹהִי דִכתִיבִין בִספַר אוֹרָיתָא הָדֵין אֲרֵי תְתוּב לְדַחַלתָא דַיוי אֲלָהָך בְכֹל לִיבָך וֻבכָל נַפשָך:
30:11 )1( אֲרֵי תַפקֵידתָא הָדָא דַאֲנָא מְפַקֵיד לָך יוֹמָא דֵין לָא מְפָרְשָא היא מִינָך וְלָא רַחִיקָא הִיא:
30:12 )1( לָא בִשמַיָא הִיא לְמֵימַר מַן יִסַק לַנָא לִשמַיָא וְיִסְבַה לַנָא וְיַשמְעִינַנָא יָתַה וְנַעבְדִינַה:
30:13 )1( וְלָא מֵעִברָא לְיַמָא הִיא לְמֵימַר מַן יְעִיבַר לַנָא לְעֵיבַר יַמָא וְיִסְבַה לַנָא וְיַשמְעִינַנָא יָתַה וְנַעבְדִינַה:
30:14 )1( אֲרֵי קָרִיב לָך פִתגָמָא לַחדָא בְפוּמָך וֻבלִיבָך לְמַעבְדֵיה:
30:15 )1( חֲזִי/חְזֵי#3#/ דִיהַבִית קְדָמָך יוֹמָא דֵין יָת חַיֵי וְיָת טָבְתָא וְיָת מוֹתָא וְיָת בִשתָא:
30:16 )1( דַאֲנָא מְפַקֵיד לָך יוֹמָא דֵין לְמִרחַם יָת יוי אֲלָהָך לִמהָך בְאוֹרחָן דְתָקְנָן קְדָמוֹהִי וֻלמִיטַר פִקוֹדוֹהִי וֻקיָמוֹהִי וְדִינוֹהִי וְתֵיחֵי וְתִסגֵי וִיבָרְכִינָך יוי אֲלָהָך בְאַרעָא דְאַת עָלֵיל לְתַמָן לְמֵירְתַה:
30:17 )1( וְאִם יִתפְנֵי לִיבָך וְלָא תְקַבֵיל וְתִטעֵי וְתִסגוֹד לְטָעֲוָת עַמְמַיָא וְתִפלַחִינִין:
30:18 )1( חַוִיתִי לְכוֹן יוֹמָא דֵין אֲרֵי מֵיבַד תֵיבְדוּן/תובדון#3#/ לָא תֵירְכוּן/תורכון#3#/ יוֹמִין עַל אַרעָא דְאַת עָבַר יָת יַרדְנָא לְמֵיעַל לְתַמָן לְמֵירְתַה:
30:19 )1( אַסהֵידִית בְכוֹן יוֹמָא דֵין יָת שְמַיָא וְיָת אַרעָא חַיֵי וֻמוֹתָא יְהַבִית קְדָמָך בִרכָן וֻלוָטִין וְתִתרְעֵי בְחַיֵי בְדִיל דְתֵיחֵי אַת וֻבנָך:
30:20 )1( לְמִרחַם יָת יוי אֲלָהָך לְקַבָלָא לְמֵימְרֵיה וֻלאִתקָרָבָא/ולקרבא#3#/ לְדַחַלתֵיה אֲרֵי הוּא חַייָך וְאוֹרָכוּת/ואוריכות#3#/ יוֹמָך לְמִיתַב עַל אַרעָא דְקַיֵים יוי לַאֲבָהָתָך לְאַברָהָם לְיִצחָק וֻליַעֲקֹב לְמִיתַן לְהוֹן:

next chapter