← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51008: TgJ 1S

Click on a word for lexical analysis
Click on a red-colored coordinate for comments and/or translations of the line

previous chapter


16:01 )1( וַאְמַר יְיָ לִשְמוּאֵל עַד אִמַתִי אַת מִתאַבַל/מִתאַבֵיל#3#/ עַל/אל#3#/ שָאוּל וַאְנָא רַחֵיקתֵיה מִלְמִהוֵי מַלכָא עַל יִשרָאֵל מַלִי קַרנָך מִשחָא וְאֵיתַא אַשלְחִנָך/אישלחינך#3#/ לְוָת יִשַי דְמִבֵית לַחַם אְרֵי גְלִי קֳדָמַי בִבנוֹהִי כָשַר קֳדָמַי לְמִהוֵי מַלכָא:
16:02 )1( וַאְמַר שְמוּאֵל אֵיכְדֵין אִיזֵיל וְאִם יִשמַע שָאוּל יִקטְלִנַנִי וַאְמַר יְיָ עַגלַת תוֹרִין תִסַב בִידָך וְתֵימַר לְדַבָחָא קֳדָם יְיָ אְתֵיתִי:
16:03 )1( וֻתזָמֵין <ית#3#> לְיִשַי בְשֵירוּתָא וַאְנָא אְחַוֵינָך/איחוי לך#3#/ יָת דְתַעְבֵיד וְתִמשַח קֳדָמַי יָת דְאֵימַר לָך:
16:04 )1( וַעְבַד שְמוּאֵל יָת דְמַלֵיל יְיָ וַאְתָא לְבֵית לָחַם וְאִתכְנִישוּ סָבֵי קַרתָא לְקַדָמוּתֵיה וַאְמַרוּ שְלָם מֵיתָך:
16:05 )1( וַאְמַר שְלָם לְדַבָחָא קֳדָם יְיָ אְתֵיתִי אִזדָמַנוּ וְתֵיעְלוּן עִמִי בְשֵירוּתָא וְזָמֵין יָת יִשַי וְיָת בְנוֹהִי וֻקרָא לְהוֹן <לְשֵירוּתָא#2#> לְנִכסַת קֻדשַיָא:
16:06 )1( וַהְוָה בְמֵיעַלהוֹן וַחְזָא יָת אְלִיאָב וַאְמַר בְרַם תָקֵין קֳדָם יְיָ מְשִיחֵיה:
16:07 )1( וַאְמַר יְיָ לִשְמוּאֵל לָא תִסתַכַל/תסתכיל#3#/ בְחַזוֵיה/בחיזויה#3#/בחזיתיה#3#/ וֻברוּם קוֹמְתֵיה אְרֵי רַחֵיקתֵיה אְרֵי לָא כְמָא דְחָזַן בְנֵי אְנָשָא אְרֵי בְנֵי אְנָשָא חָזַן בְעֵינֵיהוֹן וֻקדַם יְיָ גַליָן מַחשְבָת לִבָא:
16:08 )1( וֻקרָא יִשַי לַאְבִינָדָב וְאַעבְרֵיה קֳדָם שְמוּאֵל וַאְמַר אַף בְדֵין לָא רַעְוָא קֳדָם יְיָ:
16:09 )1( וְאַעבַר יִשַי שַמָה וַאְמַר אַף בְדֵין לָא רַעְוָא קֳדָם יְיָ:
16:10 )1( וְאַעבַר יִשַי שִבעָה בְנוֹהִי קֳדָם שְמוּאֵל לְיִשַי לָא רַעְוָא קֳדָם יְיָ בְאִלֵין:
16:11 )1( וַאְמַר שְמוּאֵל לְיִשַי הַשְלִימוּ עוּלֵימַיָא וַאְמַר עוֹד אִשתְאַר זְעֵירָא וְהָא רָעֵי בְעָנָא וַאְמַר שְמוּאֵל לְיִשַי שְלַח וְאַיתֵינֵיה אְרֵי לָא נַסחַר עַד מֵיתוֹהִי הָכָא:
16:12 )1( וֻשלַח וְאַיתְיֵיה וְהוּא/וְהָא#3#̇ סָמוֹק עֵינוֹהִי יָאְיָן וְשַפִיר בְרֵיוֵיה וַאְמַר יְיָ קוּם מְשַחהִי/מַשחֵיה#2#/ אְרֵי דֵין הוּא:
16:13 )1( וֻנסֵיב שְמוּאֵל יָת קַרנָא דְמִשחָא וֻמשַח/ורבי#3#/ יָתֵיה/ית דוד#3#/ בְגוֹ אְחוֹהִי וֻשרָת רוּחַ גְבוּרָא/נְבוּאָה#3#/ מִן קֳדָם יְיָ עַל דָוִד מִן יוֹמָא הַהוּא וֻלעֵילָא וֻקָם שְמוּאֵל וַאְזַל לְרָמְתָא:
16:14 )1( וְרוּחַ גְבוּרָא מִן קֳדָם יְיָ דַהְוָת עִם שָאוּל עְדָת מִנֵיה וֻמבַעְתָא לֵיה רוּחַ בִישָא מִן קֳדָם יְיָ:
16:15 )1( וַאְמַרוּ עַבדֵי שָאוּל לֵיה הָא כְעַן רוּחַ בִישָא מִן קֳדָם יְיָ מְבַעְתָא לָך:
16:16 )1( יֵימַר כְעַן רִבוֹנַנָא עַבדָך קֳדָמָך יִבעוֹן גֻברָא דְיָדַע לְנַגָנָא בְכִנָרָא וִיהֵי/והוה#3#/ כַד תִשרֵי עְלָך רוּחַ בִישָא מִן קֳדָם יְיָ וִינַגֵין בִידֵיה וְיִיטַב לָך:
16:17 )1( וַאְמַר שָאוּל לְעַבדוֹהִי \חְזוֹ כְעַן /בעו#3#/ לִי גֻברָא דְמוֹטֵיב/דְמֵיתִי#3#/דידע#3#/ לְנַגָנָא וְתַיתוֹנֵיה/וְתַיתֵינֵי#3#/ לְוָתִי/לִי#2#:
16:18 )1( וַאְתֵיב חַד מֵעוּלֵימַיָא וַאְמַר הָא חְזֵיתִי בְרָא לְיִשַי דְמִבֵית לַחַם יָדַע לְנַגָנָא וְגִבָר חֵילָא וֻגבַר עָבֵיד קְרָבִין וְסֻכלְתָן בְעֵיצָא וְגֻברָא שַפִיר בְרֵיוֵיה וֻמֵימְרָא דַיְיָ בְסַעְדֵיה:
16:19 )1( וֻשלַח שָאוּל אִזגַדִין לְוָת יִשַי וַאְמַר שַדַר/שלח#3#/ לִי יָת דָוִד בְרָך דִבעָנָא:
16:20 )1( וֻנסֵיב יִשַי טְעוּן חְמָרָא לַחמָא/טעון דלחמא#3#/ וֻגרָב דַחְמַר וְגַדיָא בַר עִזֵי חַד וְשַדַר בְיַד דָוִד בְרֵיה לְוָת שָאוּל:
16:21 )1( וַאְתָא דַוִד לְוָת שָאוּל וְשַמֵיש קֳדָמוֹהִי וְרַחְמֵיה לַחדָא וַהְוָה לֵיה נָטֵיל זֵינִין:
16:22 )1( וֻשלַח שָאוּל לְוָת יִשַי לְמֵימַר יְשַמֵיש/יקום#3#/ כְעַן דָוִד קֳדָמַי אְרֵי אַשכַח רַחְמִין בְעֵינָי/קדמי#3#/:
16:23 )1( וְהָוֵי/והוה#3#/ כַד שָריָא רוּחַ בִישָא מִן קֳדָם יְיָ עַל/לות#3#/ שָאוּל וְנָסֵיב דָוִד יָת כִנָרָא/כנורא#3#/ וֻמנַגֵין בִידֵיה וֻמִתרְוַח לְשָאוּל וְטָאֵיב לֵיה וֻמִסתַלְקָא מִנֵיה/מעלוהי#3#/ רוּחַ בִישָא:

next chapter