← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

51012: TgJ Is

Click on a word for lexical analysis
Click on a red-colored coordinate for comments and/or translations of the line

previous chapter


17:01 )1( מַטַל כָס דִלוָט לְאַשקָאָה יָת דַמַסַק/דַמַשַק#2#/ הָא דַמַסַק/דַמַשַק#2#/ מִתעַדְיָא מִמַלכוּ וֻתהֵי לִכרַך מְחַמְרָא/מחסרא#3#/מחמדא#3#/:
17:02 )1( שְבִיקָן קִרוֵיהוֹן וְחָרבָן לְבֵית מִשרֵי עַדרִין דְעָן יִהוְייָן וְיִשרוֹן וְלֵית דְמַנִיד:
17:03 )1( וְיִבטַל שֻלטָן מֵאַפרַיִם וֻמַלכוּ מִדַמַסַק/מִדַמַשַק#2#/ וֻשאָר יְחִידָאִין מֵאְרָם וִיקָרְהוֹן/יקרהון#3#/ כִיקָר בְנֵי יִשׂרָאֵל יְהוֹן אְמַר יוי צְבָאוֹת:
17:04 )1( וִיהֵי בְעִידָנָא הַהוּא יִמאַך יְקָר יַעְקֹב וְעוֹתַר יְקָרֵיה יִגלֵי:
17:05 )1( וִיהֵי כְמִכנַש חְצָד קָמָא וֻבִדרָעֵיה שוּבלִין יִחצוּד וִיהֵי כִמלַקֵיט שוּבלִין בְמֵישַר גִיבָרַיָא:
17:06 )1( וְיִשתַאְרָן בֵיה עוֹלְלָן כְבֵיעוּר זֵיתָא תְרֵין תְלָתָה גַרגְרִין בְרֵיש צַנפָא/ענפא#3#/ אַרבְעָה חַמשָה בְסוֹכָא מָרְדָא כֵין יִשתַאְרוּן יְחִידָאִין צַדִיקַיָא בְגוֹ עָלְמָא בֵינֵי מַלכְווָתָא אְמַר יוי אְלָהָא דְיִשׂרָאֵל:
17:07 )1( בְעִידָנָא הַהוּא יִסתְמֵיך אְנָשָא עַל פֻלחַן עָבְדֵיה וְעֵינוֹהִי לְמֵימַר/עַל מֵימַר#2#/ קַדִישָא דְיִשׂרָאֵל יִסַבְרָן:
17:08 )1( וְלָא יִסתְמֵיך עַל אֵיגוֹרַיָא/אֵיגוֹרָא#2#/ עוֹבָד יְדוֹהִי וֻדאַתקִינָא אַצבְעָתֵיה לָא יִתקַייַם וַאְשֵירַיָא וַחְנִסנְסַיָא:
17:09 )1( בְעִידָנָא הַהוּא יִהוְייָן קִרוֵי תוּקפְהוֹן כִכרָך דְחָרוּב וְאִתחַמַר וְאִשתְבֵיק מִן קֳדָם בְנֵי יִשׂרָאֵל וֻתהֵי לְצָדוּ:
17:10 )1( אְרֵי שְבַקַת אְלָה פוּרקָנִיך וְדַחלַת תַקִיפָא דְמֵימְרֵיה בְסַעְדִיך לָא אִידְכַרת בְדִיל דְאַת נְצִיבָא נִצבָא בְחִירָא וְעוּבָדִין מְקֻלקְלִין אַסגִית:
17:11 )1( בַאְתַר דְאִתקַדַשתוּן לְמִהוֵי עַם תַמָן קַלקֵילתוּן עוּבָדֵיכוֹן וְאַף כַד עַלתוּן לַאְרַע בֵית שְכִינְתִי תַמָן הְוָה חָזֵי לְכוֹן לְמִפלַח שְבַקתוּן פוּלחָנִי וֻפלַחתוּן לְטָעְוָתָא אַרחֵיקתוּן יוֹם תְיוּבָא עַד דִמטָא/דִי מְטָא#2#/ <יוֹם#2#> תְבָרְכוֹן בְכֵין הְוָה כֵיבְכוֹן לְמַפְחָת נְפַש:
17:12 )1( יֵי הְמוֹן עַמְמִין סַגִיאִין דִכמִהמֵי יַמָא הָמַן וְאִתרְגוֹשַת מַלכְוָן דִכאִתְגוֹשַת/דִי כְאִתרְגוֹשַת#2#/ מַיִין תַקִיפִין מִתרַגשִין:
17:13 )1( \מַלכִין דִכאִתרְגוֹשַת /מַלכְוָון דִי כְאִתרְגוֹשָת#2#/ מַיִין סַגִיאִין מִתרַגשִין וְיִנזוֹף/וִיזוּף#2#/ בֵיה וְיִערוֹק מֵרַחִיק וְיִתרְדֵיף כְמוֹץ טוּרַיָא מִן קֳדָם רוּחָא וֻכגִלגְלָא קֳדָם עַלעוּלָא:
17:14 )1( לְעִידָן רַמשָא וְהָא כִיד לָא <הְוָה#2#> עַד לָא הְוָה צַפרָא דִכלָיְתוֹהִי/כִדלָיְתוֹהִי#2#/ דֵין חוּלָק לְאָנִסַנָא וַעְדַב לְבָזְזַנָא:

next chapter