The Comprehensive Aramaic Lexicon

25:01 )1(	יוי אְלָהִי אַת אְרָמְמִינָך אוֹדֵי שְמָך אְרֵי עְבַדתָא פְרִישָן מִלכִין דַאְמַרתָא לְאֵיתָאָה מִלְקַדמִין בְכֵין אֵיתִיתָא וְקַייֵמתָא:
25:02 )1(	אְרֵי שַוִיתָא קִרוֵי פַצחִין לְגַלִין כְרָך תַקִיף לְדִמחַמרַא בֵית דַחלַת עַמְמַיָא בְקַרתָא יְרוּשלַם לְעָלַם לָא יִתבְנֵי/יִתנַבֵי#2#/:
25:03 )1(	עַל כֵין יְיַקְרוּן קֳדָמָך עַם תַקִיף קִריַת עַמְמִין חַסִינִין יִדחְלוּן מִן קֳדָמָך:

25:04 )1(	אְרֵי הְוֵיתַא תְקוֹף לְמִסכֵין סְעֵיד לְחַשִׂיך בְעִדָן עָקָא כְמָא דְמִטַמרִין מִן קֳדָם זָרָמִית כִטלַל מִישְרַב כֵין מִלֵי רַשִיעַיָא לְצַדִיקַיָא כְזָרָמיִת דְשָקְפָא בִכתוֹל/בכותל#3#/:

25:05 )1(	כִשרַב בַאְרַע צָהְיָא אִתרְגוֹשַת תַקִיפִין תַמאֵיך כִטלַל כֵיף מַקַר בַאְרַע מְשַלהְיָא כֵין נְיָח רוּחָא לְצַדִיקַיָא כַד יִמאְכוּן רַשִיעַיָא:
25:06 )1(	וְיַעְבֵיד יוי צְבָאוֹת לְכָל עַמְמַיָא בְטוּרָא הָדֵין שֵירוּ וֻזמָן מְדַמַן דְהִיא דִיקָר וֻתהֵי לְהוֹן לִקלַן מַחָן דִילָא יִשתֵיזְבוּן מִנְהֵין מַחָן דִיסוּפוּן בְהֵין:
25:07 )1(	וְיִסתַלעְמוּן בְטוּרָא הָדֵין אַפֵי רַבָא דַרָב עַל כָל עַמְמַיָא וְאַפֵי מַלכָא דְשַלִיט עַל כָל מַלכְוָתָא/מַלכוּתָא#2#/:
25:08 )1(	יִתנְשוֹן מוֹתָא לְעָלְמִין וְיִמחֵי יוי אְלֹהִים דִמעְתָא מֵעַל כָל אַפַיָא וְחִסוּדֵי עַמֵיה יַעדֵי מֵעַל כָל אַרעָא אְרֵי בְמֵימְרָא דַיוי גְזִיר כֵין:
25:09 )1(	וְיֵימַר בְעִדָנָא הַהוּא הָא אְלָהַנָא דֵין דְסַבַרנָא לֵיה וְיִפרְקִינַנָא דֵין יוי דַהְוֵינָא מְסַבְרִין לְמֵימְרֵיה נְבוּעַ וְנִחדֵי בְפוּרקָנֵיה:
25:10 )1(	אְרֵי תִתגְלֵי גְבוּרְתָא דַיוי בְטוּרָא הָדֵין וְיִתְדָשוּן/וְיִדְדָשוּן#2#/ מוֹאְבָאֵי בְאַתרְהוֹן כְמָא דְמִתְדָש/דְמִדַדָש#2#/דמידש#3#/ תִבנָא בְטִינָא:
25:11 )1(	וְיַפרֵיש/וִיפָרֵש#2#/ מַחַת גְבוּרְתֵיה בֵינֵיהוֹן כְמָא דִמפָרֵיש שַייָטָא לִמשָט וְיַמאֵיך יְקַרֵיה עִם אָשְוָת/אַשיוּת#2#/ יְדוֹהִי:
25:12 )1(	וֻכרַך תְקוֹף כַרכֵי עַמְמַיָא יְמַגַר יִרמֵי יִמטֵי לְאַרעָא עַד עַפרָא: