The Comprehensive Aramaic Lexicon

41:01 )1(	וְאַעֲלַנִי לְהֵיכְלָא וֻמשַח יָת אַלַיָא/איליא#3#/ שֵית אַמִין פוּתיָא מִכָא וְשֵית אַמִין פוּתיָא מִכָא פוּתיָא דְמַשכְנָא/דְבֵיתָא#3#/:
41:02 )1(	וֻפוּתיָא דְתַרעָא עֲסַר אַמִין וְכִתפֵי תַרעָא חֲמֵיש אַמִין מִכָא וָחֲמֵיש אַמִין מִכָא וֻמשַח אוּרכֵיה אַרבְעִין אַמִין וֻפוּתיָא עַסרִין אַמִין:
41:03 )1(	וְעַל לְגָיו וֻמשַח אַלָא/אילא#3#/ דְתַרעָא תַרתֵין אַמִין וְתַרעָא שֵית אַמִין וֻפוּתיָא דְתַרעָא שְבַע אַמִין:
41:04 )1(	וֻמשַח יָת אוּרכֵיה עַסרִין אַמִין וֻפוּתיָא עַסרִין אַמִין דִקדָם הֵיכְלָא וַאֲמַר לִי דֵין בֵית קוֹדַש קוּדשַיָא:
41:05 )1(	וֻמשַח כוּתלָא דְבֵיתָא שֵית אַמִין וֻפוּתיָא דִמחִיצְתָא אַרבָע אַמִין סְחוֹר סְחוֹר מַקַף לְבֵיתָא סְחוֹר סְחוֹר:
41:06 )1(	וֻמחִיצַיָא מְחִיצָא עַל מְחִיצָא תְלָתִין וֻתלָת חֲדַא עַסרֵי בְסִדרָא קְבִיעָן בְכוּתלַיָא דְמִגָיו לִמחִיצַיָא סְחוֹר סְחוֹר לְמִהוֵי רֵישֵי שַריָתָא נָיְחָן עַל זִיזַיָא וְלָא יִהוְיָן שָריָתָא מַעבְרָן בְכוּתלֵי בֵיתָא:
41:07 )1(	וֻפוּתיָא מְסִיבְתָא וְסַלְקָא לְעֵילָא לְעֵילָא מִן מְחִיצַיָא אֲרֵי מַקְפָא בֵיתָא וְסַלְקָא לְעֵילָא לְעֵילָא סְחוֹר סְחוֹר לְגָיו עַל כֵין פְתֵי בֵיתָא/בתי#3#/ מִלְעֵילָא וְכֵין בִמסִיבְתָא סָלְקִין מִן אַרעָיתָא לְעִלִיתָא בְאוֹרַח מְצִיעָיתָא:
41:08 )1(	וַחֲזֵית לְבֵיתָא רוּמָא סְחוֹר סְחוֹר מְשַכלְלָן מְחִיצַיָא מִשחַת קַניָא שֵית אַמִין רוּחַ:
41:09 )1(	פוּתיָא דְכוּתלָא דִמחִיצְתָא דִלבַרָא חֲמֵיש אַמִין וַאֲתַר שְבִיק בֵית מְחִיצַיָא דִלגָיו:
41:10 )1(	וֻבֵין לִשכָתָא פוּתיָא עַסרִין אַמִין סְחוֹר סְחוֹר מַקַף לְבֵיתָא סְחוֹר סְחוֹר:
41:11 )1(	וְתַרעָא דִמחִיצְתָא לַאֲתַר שְבִיק/שָבֵיק#2#/ תַרעָא חַד פְתִיַח לְאוֹרַח צִפוּנָא וְתַרעָא חַד פְתִיַח לְדָרוֹמָא וֻפוּתיָא דַאֲתַר שְבִיק/שָבֵיק#2#/ חֲמֵיש אַמִין סְחוֹר סְחוֹר:
41:12 )1(	וֻבִניָנָא דִקדָם בִצוּרתָא רוּחַ אוֹרַח מַערְבָא פוּתיָא שִבעִין אַמִין וְכוּתלָא דְבִניָנָא חֲמֵיש אַמִין פוּתיָא סְחוֹר סְחוֹר וְאוּרכֵיה תִשעִין אַמִין:
41:13 )1(	וֻמשַח יָת בֵיתָא אוּרכָא מְאָה אַמִין וֻבִיצוּרתָא וֻבִניָנָא וְכוּתלַיָא אוּרכָא מְאָה אַמִין:
41:14 )1(	וֻפוּתיָא דִקדָם בֵיתָא וֻבִיצוּרתָא לְמַדנְחָא מְאָה אַמִין:
41:15 )1(	וֻמשַח אוּרכָא דְבִניָנָא דִקדָם בִיצוּרתָא דִלאֲחוֹרַהָא וְזִויָתַהָא מִכָא וֻמִכָא מְאָה אַמִין וְהֵיכְלָא גָוָאָה וְאוּלַמֵי דָרְתָא:
41:16 )1(	סִפַיָא וְכַוִין סְתִימַן וְעַתִיקַיָא/וְאַתִיקַיָא#2#/ סְחוֹר סְחוֹר לִתלָתֵיהוֹן לִקבֵיל סִפָא דְחָפֵי נִסרִין דְאַרזָא סְחוֹר סְחוֹר וְאַרעָא עַד כַוַיָא וְכַוִין סְתִימָן:
41:17 )1(	עַד לְעֵילָא מִן תַרעָא וְעַד/ומן#3#/ בֵיתָא גַוָאָה וֻלבַרָא וְעַל כָל כוּתלָא סְחוֹר סְחוֹר מִלְגָיו וֻמִלבָרָא מִשחָן:
41:18 )1(	וֻגלִיף כְרוּבִין וְכוֹתְרָן וְכוֹתְרָתָא בֵין כְרוּבָא לִכרוּבָא וֻתרֵין אַפִין לִכרוּבָא:
41:19 )1(	וְאַפֵי אֲנָשָא עֲבֵיד לְכוֹתַרהָא מִכָא וְאַפֵי אַריָא עַבֵיד לְכוֹתַרתָא מִכָא גְלִיף עַל כָל בֵיתָא סְחוֹר סְחוֹר:
41:20 )1(	מֵאַרעָא עַד לְעֵילָא מִן תַרעָא כְרוּבִין וְכוֹתְרָן גְלִיפִין וְכֵין/וֻבֵין#2#/ לְכוּתלָא דְהֵיכְלָא:
41:21 )1(	הֵיכְלָא דְסִיפוֹהִי מְרֻבְעִין וְאַפֵי בֵית כַפוֹרֵי חִזוֵיה כְחֵיזוֹ יְקָרָא:

41:22 )1(	כִקבֵיל מַדבְחָא פָתוּרָא דְאָעָא תְלָת אַמִין רוּמֵיה וְאוּרכֵיה תַרתֵין אַמִין וְזִויָן לֵיה וְאוּרכֵיה וְכוּתלוֹהִי אַעָא וֻמַלֵיל עִמִי דֵין פָתוּרָא דִקדָם יוי:

41:23 )1(	וְתַרתֵין דַשִין לְהֵיכְלָא וֻלבֵית כַפוֹרֵי:
41:24 )1(	וְתַרתֵין דַשִין אִימְהָן לְדַשַיָא תַרתֵין מַקְפָן דַשִין תַרתֵין לְדַשָא חֲדָא וְתַרתֵין דַשִין לְאוֹחרָנְתָא:
41:25 )1(	וֻגלִיף עֲלֵיהוֹן עַל דַשֵי הֵיכְלָא כְרוּבִין וְכוֹתְרָן כְמָא דִגלִיף עַל כוּתלַיָא וֻסקוּפְתָא דְאָעָא עַל אַפֵי אוּלַמָא מִלְבָרָא:
41:26 )1(	וְכַוִין סְתִימָן וְכוֹתְרָתָא מִכָא וֻמִכָא עַל כַתפֵי אוּלַמָא וֻמחִצָת בֵיתָא וֻסקוּפַיָא: