← Back
The Comprehensive Aramaic Lexicon
← Return to the Text Browser
click on the file description for more information

51014: TgJ Ez

Click on a word for lexical analysis
Click on a red-colored coordinate for comments and/or translations of the line

previous chapter


48:01 )1( וְאִלֵין שְמָהָת שִבטַיָא מִסְיָפֵי צִפוּנָא עַל תְחוּם אוֹרַח/ארע#3#/ חַתלוֹן מַעֲלַנָא דַחֲמָת חֲצַר עֵינָן תְחוּם דַמַשַק צִיפוּנָא עַל תְחוּם חֲמָת וְהָוַן לֵיה רוּחַ קִדוּמָא מַערְבָא דָן חַד:
48:02 )1( וְעַל תְחוּם דָן מֵרוּחַ מַדנְחָא עַד רוּחַ מַערְבָא/מדינחא#3#/ אָשֵר חַד:
48:03 )1( וְעַל תְחוּם אָשֵר מֵרוּחַ מַדנְחָא/קדומא#3#/ וְעַד רוּחַ מַערְבָא נַפתָלִי חַד:
48:04 )1( וְעַל תְחוּם נַפתָלִי מֵרוּחַ מַדנְחָא/קדומא#3#/קִידוּמָא#3#/ עַד רוּחַ מַערְבָא מְנַשַה חַד:
48:05 )1( וְעַל תְחוּם מְנַשַה מֵרוּחַ מַדנְחָא/קדומא#3#/ עַד רוּחַ מַערְבָא אַפרַיִם חַד:
48:06 )1( וְעַל תְחוּם אַפרַיִם מֵרוּחַ מַדנְחָא/קדומא#3#/ וְעַד רוּחַ מַערְבָא רְאוּבֵן חַד:
48:07 )1( וְעַל תְחוּם רְאוּבֵן מֵרוּחַ מַדנְחָא/קדומא#3#/ עַד רוּחַ מַערְבָא יְהוּדָה חַד:
48:08 )1( וְעַל תְחוּם יְהוּדָה מֵרוּחַ מַדנְחָא עַד רוּחַ מַערְבָא תְהֵי אַפרָשוּתָא דְתַפרְשוּן עַסרִין וְחַמשָה אַלפִין פוּתיָא וְאוּרכָא כְחַד מִן חֲלָקַיָא מֵרוּחַ מַדנְחָא עַד רוּחַ מַערְבָא וִיהֵי כֵיבַש מַקדְשָא בְגַוֵיה:
48:09 )1( אַפרָשוּתָא דְתַפרְשוּן קֳדָם יוי אוּרכָא עַסרִין וְחַמשָה אַלפִין וֻפוּתיָא עַסרָא אַלפִין:
48:10 )1( וֻלאִלֵין תְהֵי אַפרָשוּת קוּדשָא לְכָהֲנַיָא לְצִפוּנָא עַסרִין וְחַמשָה אַלפִין וֻלמַערְבָא פוּתיָא עַסרָא אַלפִין וֻלמַדנְחָא פוּתיָא עַסרָא אַלפִין וֻלדָרוֹמָא אוּרכָא עַסרִין וְחַמשָה אַלפִין וִיהֵי כֵיבַש מַקדְשָא דַיוי בְגַוֵיה:
48:11 )1( לְכָהֲנַיָא דְקַדִישִין מִבְנֵי צָדוֹק דִנטַרוּ מַטְרַת מֵימְרִי דְלָא טְעוֹ בְמִטעֵי בְנֵי יִשרָאֵל כְמָא דְטעוֹ לֵיוָאֵי:
48:12 )1( וֻתהֵי לְהוֹן אַפרָשוּתָא מֵאַפרָשוּת אַרעָא קוֹדַש קוּדשִין עַל תְחוּם לֵיוָאֵי:
48:13 )1( וְלֵיוָאֵי לָקֳבֵיל תְחוּם כָהֲנַיָא עַסרִין וְחַמשָה אַלפִין אוּרכָא וֻפֻתיָא עַסרָא אַלפִין כָל אוּרכָא עַסרִין וְחַמשָה אַלפִין וֻפוּתיָא עַסרָא אַלפִין:
48:14 )1( וְלָא יְזַבְנוּן מִנֵיה וְלָא יְחַלֵיף וְלָא יַעבַר רֵיש אַרעָא אֲרֵי קוּדשָא קֳדָם יוי:
48:15 )1( וְחַמשָה אַלפִין/אפלין#3#/ דְאִשתְאַר בְפוּתיָא עַל אַפֵי עַסרִין וֻחַמשָה אַלפִין חוֹלָא הוּא לְקַרתָא לְמוֹתַב וֻלרַוַח וִיהֵי כֵיבַש קַרתָא בְגַוֵיה:
48:16 )1( וְאִלֵין מִשחָתַהָא לְרוּחַ צִפוּנָא אַרבְעָה אַלפִין וַחֲמֵיש מְאָה וֻלרוּחַ דָרוֹמָא אַרבְעָה אַלפִין וַחֲמֵיש מְאָה וֻמֵרוּחַ מַדנְחָא אַרבְעָה אַלפִין וַחֲמֵיש מְאָה וְרוּחַ מַערְבָא אַרבְעָה אַלפִין וַחֲמֵיש מְאָה:
48:17 )1( וִיהֵי רַוחָא לְקַרתָא לְצִפוּנָא מָאתַן וְחַמשִין וֻלדָרוֹמָא מָאתַן וְחַמשִין וֻלמַדנְחָא מָאתַן וְחַמשִין וֻלמַערְבָא מָאתַן וְחַמשִין:
48:18 )1( וֻדיִשתְאַר בְאוּרכָא לִקבֵיל אַפרָשוּת קֻדשָא עַשׂרָא/עַסרִין#3#/ אַלפִין לְמַדנְחָא וְעַשׂרָא אַלפִין לְמַערְבָא וִיהִי לָקֳבֵיל אַפרָשוּת קוּדשָא וֻתהֵי עְלַלתֵיה לְמֵיכַל לִדמַפלְחִין בְקַרתָא:
48:19 )1( וֻדמַפלַח בְקַרתָא יִפלְחוּנֵיה מִכָל שִבטַיָא דְיִשרָאֵל:
48:20 )1( כָל אַפרָשוּתָא עַסרִין וְחַמשָה אַלפִין בְעַסרִין וְחַמשָה אַלפִין מְרֻבַע תַפרְשוּן יָת אַפרָשוּת קוּדשָא לְאַחסָנַת קַרתָא:
48:21 )1( וֻדיִשתָאַר לְרַבָא מִיכָא וֻמִיכָא לְאַפרָשוּת קוּדשָא וֻלאַחסָנָת קַרתָא לִקבֵיל עַסרִין וְחַמשָה אַלפִין אַפרָשוּתָא עַד תְחוּם מַדנְחָא וֻלמַערְבָא לִקבֵיל עַסרִין וְחַמשָה אַלפִין עַל/עד#3#/ תְחוּם מַערְבָא לִקבֵיל חַד מִן חֳלָקַיָא לְרַבָא וֻתהֵי אַפרָשוּת קוּדשָא וְכֵיבַש מַקדַש בֵיתָא בְגַוֵיה:
48:22 )1( וֻמֵאַחסָנַת לֵיוָאֵי וֻמֵאַחסָנַת קַרתָא בְמִצעִין דִלרַבָא יְהֵי בֵין תְחוּם יְהוּדָה וֻבֵין תְחוּם בִניָמִין לְרַבָא יְהֵי:
48:23 )1( וֻשאָר שִבטַיָא מֵרוּחַ מַדנְחָא עַד רוּחַ מַערְבָא בִניָמִן חַד:
48:24 )1( וְעַל תְחוּם בִניָמִן מֵרוּחַ מַדנְחָא עַד רוּחַ מַערְבָא שִמעוֹן חַד:
48:25 )1( וְעַל תְחוּם שִמעוֹן מֵרוּחַ מַדנְחָא עַד רוּחַ מַערְבָא יִשָשכָר חַד:
48:26 )1( וְעַל תְחוּם יִשָשכָר מֵרוּחַ מַדנְחָא עַד רוּחַ מַערְבָא זְבוּלוּן חַד:
48:27 )1( וְעַל תְחוּם זְבוּלֻן מֵרוּחַ מַדנְחָא עַד רוּחַ מַערְבָא גָד חַד:
48:28 )1( וְעַל תְחוּם גָד לְרוּחַ עֵיבַר דָרוֹמָא וְהָוֵי תְחוּמָא מִירִיחוֹ מֵי מַצוּת רְקַם אַחסָנָא לְיַמָא רַבָא:
48:29 )1( דָא אַרעָא דִתפַלְגוּן בְאַחסָנָא לְשִבטַיָא דְיִשרָאֵל וְאִלֵין פַלגָוָותְהוֹן אֲמַר יוי אֲלֹהִים:
48:30 )1( וְאִלֵין מַפְקָנֵי קַרתָא מֵרוּחַ צִפוּנָא אַרבְעָה אַלפִין וַחֲמֵיש מְאָה מִשחָן:
48:31 )1( וְתַרעֵי קַרתָא עַל שְמָהָת שִבטַיָא דְיִשרָאֵל תַרעִין תְלָתָה פְתִיחִין לְצִיפוּנָא תְרַע רְאוּבֵן חַד תְרַע יְהוּדָה חַד תְרַע לֵוִי חַד:
48:32 )1( וֻלרוּחַ מַדנְחָא אַרבְעָה אַלפִין וַחֲמֵיש מְאָה <מישחן#3#> וְתַרעִין תְלָתָה וֻתרַע יוֹסֵף חַד תְרָע בִניָמִין חַד תְרַע דָן חַד:
48:33 )1( וְרוּחַ דָרוֹמָא אַרבְעָה אַלפִין וַחֲמֵיש מְאָה מִשחָן וְתַרעִין תְלָתָה תְרַע שִמעוֹן חַד תְרַע יִשָשכָר חַד תְרַע זְבוּלֻן חַד:
48:34 )1( רוּחַ מַערְבָא אַרבְעָה אַלפִין וְחַמֵיש מְאָה תַרעֵיהוֹן תְלָתָה תְרַע גַד חַד תְרַע אָשֵר חַד תְרַע נַפתָלִי חַד:

48:35 )1( סְחוֹר סְחוֹר תְמָנַת עֲסַר אַלפִין וֻשמַה דְקַרתָא יִתפָרַש מִיוֹמָא דְיִשרֵי/דְיַשרֵי#3#/ שְכִינְתֵיה יוי תַמָן: