The Comprehensive Aramaic Lexicon

02:01	ואשלמו ברית/חילוות#2#/ שמ<<י>>א וארעא וכל חלוותהון:
02:02	ואשלם ממריה דייי ביומ׳ שביעיא/שביעאה#2#/ עיבידתיה די ברא והוה שבא ונייח קדמוי ביומא שביעיא מן כל עבדתיה די ברא:
02:03	וברך איקריה/ממריה#2#/ דייי ית יומא שביעיא/שביעאה#2#/ וקד׳ יתיה ארום בה \הוא שבה שבה וניח קדמוהי מן /איתניח מן#2#/ כל עיבידתיה די ברה איקרה/ממריה#2#/ דייי למעבד:
02:04	אילין יחוס תולדת שמיא וארעא באיתבריותהון/בהת׳#2#/ ביומא דברא ייי אלהים שמיא וארעא:
02:05	וכל אילניא/אילנה#2#/ דבאפי ברא קדם עד לא יהוי בארעא וכל עשביא/<עש>בא#2#/ דבאפי ברא עד לא יצמח ארום לא אמטר ייי אלהים מטר על ארעא ואדם עד כדון/כען#2#/ לא את<<ברי>> למהוי פלח בארעא:
02:06	וענן הוה סלק מן ארעא ומשקי ית כל אפי ארעא/אפה דאר׳#2#/:
02:07	וברא ייי אלהים ית אדם עפר מן אדמתא ונפח \בנחירוי נשמ׳ דחיין /באפוי נשמת החיים#2#/ והוה אדם לנפש/נפש#2#/ דחייה ממללא:
02:08	ונצב ייי אלהים גנא בעדן מן לקדמין ושוי תמן ית אדם קדמיא די ברא:
02:09	ורבי ייי אלהים מן אדמתא/ארעא#2#/ כל אילן דיאי למחמי וטב למיכל ואילן \חייא בגו מציעות גנתה /דחייא בגו גנתא#2#/ ואילן דעתה דכל מן דהוה אכל מנה ידע/הוה ידע#2#/ למפרשה/מפ׳#2#/ בין טב לביש:
02:10	ונהר הוה נפק מן עדן למשקייה/למשקי#2#/ ית גנתא ומן תמן הוה מתפרש וחזר והוה לארבעה ראשי נהרין רברבין:
02:11	שמה דחד מינהון פישון הוא דחזר ומקף ית כל ארעא דהנדקי דמן תמן דהבא נפק:
02:12	ודהבא דארעא ההיא טב מן תמן בדלחא נפק ואבניא טבתה ומרגליתא:
02:13	ושמה דנהרא תיניינא גיחון הוא דחזר ומקף ית כל ארעא דכוש:
02:14	ושמה דנהרא תליתיא דקלת הוא דחזר ומקף מן מדנח אתוריה ונהרא רביעיא הוא נהרא רבה דנהרא פרת:
02:15	ונסיב \ייי אלהים ית אדם ואשרי יתיה בגנתא דעדן למהוי /ממריה דייי ית אדם ואצנע יתיה בגינתה למהווי#2#/ פלח באורית׳ ולמטור/ולמיטר#2#/ פקודיה:
02:16	ופקיד \ייי אלהים על האדם למימר /ממריה דייי על אדם ולמיטר#2#/ מן כל אילני גנתה מיכל תיכול:
02:17	ומן אילן דעתה דכל/כל#2#/ מן דהוה אכל מינה ידע למפרשה בין טב לבי׳ לא ת<<י>>כל מינה ארום כיומא דתיכל מימת תמות:
02:18	ואמר \ייי אלהים לא תקן יהוי בר נשא לבלחודוי /ממריה דייי לא שפר למהווי אדם לבלחודוי#2#/ אעבד ליה זוג/בר זוג#2#/ כד נפק ביה:
02:19	וברא ייי אלהים מן אדמתא/ארע׳#2#/ כל חיתא דאפי ברא וית כל עופה דשמיא ואיתי יתהון לות אדם למחמי מה הוא קרא ליהון וכל מה דהוה/די הוה#2#/ אדם קרי ליה בלשן בית קדשה נפש החיה הוא שמיה /עד זמן יומא הדן#2#/:

02:20	וקרא אדם שמהן לכל בעירא ולעופא דשמיא ולכל חיתא דאפי ברא ולאדם לא אשכח ליה זוג/בר זוג#2#/ כד נפק ביה:

02:21	\ורמה ייי אלהים שנה /ואעל ממריה דייי שנה#2#/ עמ<<י>>קה על אדם ודמך לה ונסב חדא {עלא} אלעא מן אלעוי ושוי בשר תחותה:
02:22	ושכלל/ובנה#2#/ ייי אלהים ית אלעא די נסב מן אדם לאתה ואייתי יתה לות אדם:
02:23	ואמר אדם הדא זמנא ולא עוד תתברא אתה מן בר נשה היך מה דאתברית דא/הדה#2#/ מני גרם מן גרמי ובשר מן בשרי להדא יאי למתקריה <<אתה>> ארום מן גבר אתבריית דא:
02:24	בגין כן יפרש גבר מדמכיה מן דאבוי ומן דאימיה וידבק באתתיה ויהוון תריהו׳ לבשר חד:
02:25	והוו תריהון ערטלין אדם ואתתיה ועד כדון לא הוון ידעין מה היא בהתתה: