The Comprehensive Aramaic Lexicon

11:01	\והוון כל דיירי דארעא /והוות כל ארעא#2#/ לשן חד וממלל חד /ועיצה חדה#2#/ ובלשן בית קדשה/קדשן#2#/ הוון \משתעין דבה אתברי עלמא מן שרויה /ממללין בעיצתא חדא קמו למירדי#2#/:
11:02	והווה \כד אסעו לבבהון /בנטלוותהון מן לקדמין#2#/ ואשכחו בקעה בארעא דבבל/דפונטוס#2#/ ושרון תמן:
11:03	ואמרו גבר לחבריה אתון \ונלבן לבנין /כען נלבון לבנין#2#/ ונזי יתהון באתונ׳ והוין/והוה#2#/ להון לבניה לאבנין/חולף כיפין#2#/ וחמרא הווה להון לשיע:
11:04	ואמרון/ואמרו#2#/ אתון /כען#2#/ ונבנה לן קריה ומגדל וראשה/דרישה#2#/ מטי עד צית שמיא ונעבד לן בראשיה סגדה/טע{י}<ו>ת ונשוי תמן#2#/ ונתן חרבא בידיה \ותיהווי עבד׳ לקבליה /ויהוי מסדר לקובלה#2#/ סדרי קרבא קדם עד לא נדרי/נתבדר#2#/ על אפי כל ארעא:
11:05	\ואתגלית איקר שכינתיה דייי /וגלי קדם ייי#2#/ למחמי ית קרתא וית מגדלא \דבנו בני אנשה: /די בנון בניהון דבני#2#/:
11:06	ואמר ייי הא אומה חדה ולשון חד לכולהון/להון#2#/ והא כדון/כן#2#/ שרון למעבד וכדון/וכדו#2#/ לא יתמנע מנהון כל מה \די חשבו /די סכו#2#/ למעבד:
11:07	אתון כען ואתגלי/ונתגלי#2#/ ונערבב תמן לשניהון \דלא ישמעון גבר /די לא יכלון למשמוע בי׳#2#/ לשנה דחבריה:
11:08	ודרי ייי יתהון מן תמן על אפי כל ארעא ואתמנעו/ופסקו#2#/ מן למבני קרתא:
11:09	בגין/^בכן#2#^/מן בגין#2#/ כדן/כדין#2#/ קרא שמה ב{כ}<ב>ל ארו׳ כדן/תמן#2#/ ערבב ייי לשני כל דאירי ארעא ומן תמן דרי יתהון ייי על אפי כל ארעא:
11:10	אל<<י>>ן יחוס \תלדו<<תה>> דשם /תלדוות שם#2#/ שם בר מאה שנין הוה ואולד ית ארפכש׳ תרתין שנין בתר מבולא:
11:11	וחיה שם מן בתר דאולד ית ארפכשד חמש מאה/מאוון#2#/ שנין ובהן בשניה הוה מוליד בנין ובנן:
11:12	וארפכשד חיה תלתין וחמש שנין ואולד ית שלח:
11:13	וחיה אפרכשד מן בתר דאולד ית שלח ארבע מאה/מאוון#2#/ ותלתין שני׳ ובהן בשניה הוה מוליד בנין ובנן:
11:14	ושלח חיה תלתין שנין ואולד ית עבר:
11:15	וחיה שלח מן בתר דאולד ית עבר ארבע מאה/מאוון#2#/ ותלת שנין ובהן בשניה הוה מוליד בנין ובנן:
11:16	וחיה עבר תלתין וארבע שנין ואולד ית פלג:
11:17	וחיה עבר מן בתר דאולד ית פלג ארבע מאה/מאוון#2#/ ותלתין שנין ובהן בשניה הוה מוליד בנין ובנן:
11:18	וחיה פלג תלתין שנין ואולד ית רעו:
11:19	וחיה פלג מן בתר דאולד רעו \תרתין מאון/מאתן#2#/ ותשע שנין ובהן בשניה הוה מולד בנין ובנן:
11:20	וחיה רעו תלתין ותרתין/ותרין#2#/ שנין ואולד ית שרוג:
11:21	וחי׳ רעו מן בתר דאולד ית שרוג תרתין מאוון ושבע שנין ובהן בשניה הוה מולד בנין ובנן:
11:22	וחיה שרוג תלתין שנין ואולד ית נחור:
11:23	וחיה שרוג מן בתר דאולד ית נחור תרתין מאוון שנין/דשנ׳#2#/ ובהן בשניה הוה מוליד בנין ובנן:
11:24	וחיה /נחור#2#/ עשרין ותשע שנין ואול׳ ית תרח:
11:25	וחיה נחור מן בתר דאולד ית תרח מאה ותשע עשרה שנין ובהין בשניה הוה מולד בנין ובנן:
11:26	וחיה תרח שבעין/שובעין#2#/ שנין ואולד ית אברהם ית נחו׳ וית הרן:
11:27	\ואלין תל<<ד>>וותיה /ואליין תלדוות#2#/ דתרח תרח אולד ית אברם ית נחור וית הרן והרן אולד ית לוט:

11:28	ומית הרן בחיוי דתרח אבוהי בארע תלדוותיה באתון נורהון דכשדאי:

11:29	ונסב אברם ונחור להון נשין שמה /דאיתתה דאברם שרי שמה#2#/ דאתתיה דנחור מלכה ברת הרן אבוי דמלכה ואבוי דיסכה:
11:30	והוות שרי עקרה \לית לה בנין /לא הוות לה ביר#2#/:
11:31	ונסב תרח ית אברם בריה וית לוט בר ברה וית שרי כלתה אתתיה דאברם בריה ונפקו עמהון מן אתון נורהון דכשדאי למיזל לארעא דכנען ומטון/ואתון#2#/ עד חרן ושרן תמן:
11:32	והוון יומי חוי דתרח מאוון/מאתן#2#/ וחמש שנין ומית תרח בחרן: