The Comprehensive Aramaic Lexicon

12:01	ואמר ייי לאברם אזל לך מן ארעך ומן תל{{וד}}<דו>ותך ומן בייתי דאבוך לארעא די אחוי יתך/לך#2#/:
12:02	ואמנא יתך לאמא רבה ואבר׳ יתך ואתוקף ית שמך \ותהוי לברכן /ויהווי אברם לברכן סגיאן#2#/:
12:03	ואברך ית מן דמברכך יתך ומן דלאיט יתך יהוי ליט ויתברכון בזכותך כל {זעזר} זרעיותא/זרעייוות#2#/ דארעא:
12:04	ואזל אברם היך מה דמלי׳ עמה ייי ואזל עמה לוט ואברם בר שבעין/שובעין#2#/ וחמש שנין הוה בזמנה די נפק מחרן/מן#2#/:
12:05	ונסב אברם ית שרי אתתיה וית לוט \בר אחוי /בריה דא׳#2#/ וית כל ממונהון דיקנין וית נפשתה די גיירו ונפק למזל לארעא דכנען ואתון לארעא/באר׳#2#/ דכנען:
12:06	ועבר אברם עד אתרה שכם ועד משריה חזווה וכנעניא/וכנענאי#2#/ עד כען הוון שריין בארעא:
12:07	ואתגלי ממרה דייי על אברם ואמר ליה לבניך/לזרעית בנך#2#/ אתן ית ארעא הדה ובנה תמן מדבח \לשם ממרי׳ דייי /קדם ייי#2#/ דאתגלי עלוי:
12:08	ואסתלק מן תמן לטורא מן מדנח לביתאל ופרש משכנה ביתאל מן מערבה ועיה מן מדנחה ובנא תמן מדבח \לש׳ ממריה דייי /קדם ייי#2#/ ופלח וצלי תמן בשם ממריה דייי:
12:09	ונטל אברם אזל ונטל לדרומה:
12:10	והוה כפנא בארע׳ ונחת אברם למצרים למתותבה תמן ארום תקף כפנא בארעא:
12:11	והוה כדי קרב/כיוון דקר׳#2#/ למיעו׳ למצרים/<מצר>ימה#2#/ ואמר לשרי אתתה הא \כען ידע אנא ארום /אנה ידע ארו׳#2#/ את שפירת חזי׳ את:
12:12	ויהוי ארו׳ יחמון יתיך מצריה וימרון אתתיה היא דא ויקט׳ יתי ויתך יקיימון:

12:13	\אמרי כען /אמורי בבעו#2#/ לי אח<<תי>> א׳/את#2#/ ^מן#2#^ בגלל \דייטיב לי בגללך ותתקיים נפשי בזכוותך /למייטבה לי בזכות׳ ותתקמה לי נפשי מן בגללך#2#/:

12:14	והוה \כד על אברם מצרימה /כוון דעל אברם למצרים#2#/ וחמון מצריה ית אתתיה ארום שפירת היא לחדא:
12:15	וחמון יתה רברבנוי/רברבני#2#/ דפרעה ושבחו יתה קדם פרעה ואד{כ}<ב>רת אתתה לפלטירין/לפלטין#2#/ דפרע׳:
12:16	ולאברם אייטב/אוטב#2#/ מן בגללה והוה ליה ען ותורין וחמרין ועבדין ואמהן ואתנין וגמלין:
12:17	וגרי ייי בפרעה \מכתשין רברבן /מכת{נ}שין רברבין#2#/ \ובאנשי בייתיה/ועל אנשי דבייתי׳ דפרעה#2#/ על עסק שרי אתתיה דאברם:
12:18	וקרא פרעה לאברם ואמר מה הי׳ דא דעבדת לי למה כען לא תנית/חיווית#2#/ לי ארום אתתך היא:
12:19	למה /כען#2#/ אמרת אחתי היא ונסב׳ יתה לי לאתה וכדין/וכדי#2#/ הא אתתך דבר/דבור#2#/ ואזל:
12:20	ופקד עלוי פרעה גוברין /ועל#1#/ רברבין ושלחו יתיה וית אתתיה וית כל מה דאית לה: