The Comprehensive Aramaic Lexicon

26:01	והוה כפנא בארעא בר מן כפנא קדמייה/קדמייתא#2#/ דיהווה ביומוי דאברהם ואזיל יצחק לוות אבימלך מלכאהון דפלשתא<<י>> לגררה:
26:02	ואתגלי עלוי ייי/יקר שכינתיה דייי#2#/ ואמר לא תיחות מצרימה שרי בארעא די אמר לך:
26:03	אתותב בארעא הדא ואהווה במימרה עמך ואברך יתך ארום לך ולבנך/ולזרעיית בניך#2#/ אתן ית כל ארעתא האלין/האליין#2#/ ואקים ית שבועתה דיקיימית לאברהם אבוך:
26:04	ואסגי יתך/זרעיית בניך#2#/ ככוכבי שמיא ואתן לבניך ית כל ארעתא האלין ויתברכון \בזכותך כל אומיא /בזרעת בניך כל אומה#2#/ {{דע}} דארעא:
26:05	חלף/חולף#2#/ די שמע אברהם בקל מ^י#2#^מרי ונטר מטרתי מצותי/פיקוד׳#2#/ וקיימי \וסדרי דייני /ואחוויית אורייתי#2#/:
26:06	ושרי יצחק בגרר:
26:07	ושאלון עמא/בנוי#2#/ דאתרא על אתתיה ואמרו אחתי היא ארום דחל למימר אתתיה היא דלא יקטלון יתיה עמא דארעא על רבקה ארום שפירת/^שפירה#2#^/<ש>פירא̇ חיזו#2#/ היא לחדה:
26:08	והוה ארום סגו לי׳ תמן יומיא ואדיק̇ אבימלך מלכא/מלכהון#2#/ דפלישתאי על חרכא וחזא/וחמא#2#/ והא יצחק מגהך עם רבקה אתתה:
26:09	וקרא אבימלך ליצחק ואמר לחוד הא אתתך היא והיך אמרת אחתי היא ואמר לה יצחק ארי אמרית דלא אמות/יתקטלה#2#/ מן בגללה:
26:10	ואמר אבימלך מה היא דא דעבדית לנא הא \בקליל זעיר /בזעיר קליל#2#/ אילו שמש חד מן טליא עם אתתך והוות מייתי/מייתית#2#/ עלינן \חובין רברבין /חובא רבא#2#/:
26:11	ופקד אבימלך ית כל עמא למימר \מן דיקרב /כל דיקרב#2#/ בגברא הדין ובאיתתיה מתקטל יתקטל:
26:12	וזרע יצחק בארעא ההיא ואשכח בשתא ההיא מאה שערין דגנין וברך יתיה ייי:
26:13	ותקף גברא והווה אזל ותקף עד זמן די תקף לחדא:
26:14	והוה ליה קניין דען וקנין דתורין \ועבדא מסגיא /ונכסין ועבדין סגין#2#/ וקנין ביה פלישתאי:
26:15	וכל באריא/^בירוותא#2#^/בארה#2#/ דחפרו עבדוי דאבוי סתמו/וסתימון#2#/ יתהון פלשתאי ומלון יתהון עפרא:
26:16	ואמר אבימלך ליצחק אזל \מן /לך מן#2#/ לוותן ארו<<ם>> תקפת מנן לחדא:
26:17	ואזל מתמן יצחק ושרה בנחלה דגרר ויתב/ויתיב#2#/ תמן:
26:18	וחזר יצחק וחפר ית בארייתא דמיא די חפרו בימוי דאברהם אבוי וסתמו/וסתימן#2#/ יתהון פלישתאי \מן בתר דמית אברהם /בתר מיתותא דאבא#2#/ וקרא להן שמהן/שמהון#2#/ בשמהתא די /הווה#2#/ קרא להון אבוי:
26:19	וחפרו עבדוי דיצחק בנחלה ואשכחו תמן בא<׳> מיין/מים#2#/ דמבוע:
26:20	ואדיינו רעויי̇ דגרר עם רעוי דיצחק למימר דינן אנן/הנון#2#/ מיא וקרא שמה דבארה עשק ארום אתעשקו עמיה:
26:21	וחפרו באר חורי/אחרי#2#/ \ואדינו אף/ואתנצון לחוד#2#/ עלה וקרא שמה שטנה:
26:22	ואסתלק/נטל#2#/ מן תמן וחפר באר \חורי ולא אדינו עליה /אחרי ולא אתנצון עלה#2#/ וקרא שמה רחובות ואמר ארום כען/כדון#2#/ אפתי ייי לן ותקפינן/וסגונן#2#/ בארעא:
26:23	ו̇אסתלק מן תמן לבאר שבע/לבארה דשבע#2#/:
26:24	ואתגלי עלוי ייי בליליא ההוא ואמר <אנה> הוא אלה׳ דאברהם אבוך לא תדחל ארום עמך אנה וברכת יתך וסגית ית בנך בזכוותא דאברהם עבדי/אבוך#2#/:
26:25	ובנה תמן מדבח וצלי/ופלח#2#/ בשם ממרי דייי ופרס תמן משכניה וחפרו תמן עבדוי דיצחק באר:

26:26	ואבימלך אתיה/אזל#2#/ לוותיה מן גרר וסיעא מן רחמוי/חברוי#2#/ ופיכל רב חיילותיה:

26:27	ואמר {להם} להון יצחק מן בגלל מה אתיתון לוו׳ ואתון שנאתון יתי ושלחתון יתי מן לוותכון:
26:28	ואמרו מחמא חמינן ארום̇ הוה̇ ייי עמך ואמרינן יהווי/תהוי#2#/ כען שבועה̇ בינינן ובינך ונקיים/ונקיימה#2#/ קיים עמך:
26:29	אין תעבד עמן בישא/ביש#2#/ היך מה דלא קריבנן לך והיך מה דעבדנן/די עבד#2#/ עמך \טבן ושלחנן /לחוד טב וש׳#2#/ יתך בשלם את הוא מן כדון בריכה דייי:
26:30	ועבד להון שירא/<שי>רון#2#/ ואכלו ושתון/<וש>תו#2#/:
26:31	ואקדימו בצפרא ואשתבעו/וקיימו בשבוע׳#2#/ גבר לאחוי/לחברה#2#/ ושלח יתהון יצחק ואזלו מן לוותיה בשלם:
26:32	והוה ביומא ההוא ואתון עבדוי דיצחק ותניאו/ותנון#2#/ ליה על עסק דבאירה דחפרו ואמר̇ן לה אשכחנן מיין/מים#2#/:
26:33	וקרא יתיה שבעה \בגין כדן שמה דקרא לבארה באר שבע /מן בגין קרון שמ׳ דקרתא בארה דשבע#2#/ עד זמן יומא הדין:
26:34	והוה עשו בר ארבעין שנין ונסב אתה ית יהודית ברת בארה חיתייה <٠٠٠٠٠٠>:
26:35	והוון/והוואה#2#/ \סורבנין ומפחן רוח ומגחכן בפולחנא נוכראה/<נוכ>ריה#2#/ {{היון}} ולא מקבלן /סרהווניין ומפחת רוח פלחן בפולחנא נכרייה#2#/ אולפן לא מן יצחק ולא מן רבקה: