The Comprehensive Aramaic Lexicon

03.008:018	ܐܗܪܘܢ ܘܒܢ̈ܘܗܝ ܐܝܕܝܗ݀ܘܢ ܥܠ ܪܝܫܗ ܕܕܟܪܐ܂܂
03.008:019	ܘܢܟܣ ܡܘܫܐ ܕܟܪܐ ܘܪܒܨ ܡܘܫܐ ܐܕܡܐ ܥܠ ܡܕܒܚܐ ܛܪܣ
03.008:020	ܘܕܟܪܐ ܦܠܓ ܐܒܪ̈ܝܢ ܘܐܣܩ ܡܘܫܐ ܪܝܫܐ ܘܐܒܪ̈ܝܐ ܘܬܪܒܐ
03.008:021	ܘܟܪܣܐ ܘܪ̈ܝܓܠܝܐ ܐܫܝܓ ܒܡܝܐ ܘܐܣܩ ܡܘܫܐ݁ ܟܘܠܐ ܕܟܪܐ ܥܠ ܡܕܒܚܐ ܥܠܬܐ ܕܐܝܬ ^ܠܪܝܚ^ ܒܣܝܡ ܩܘܪܒܢ ܗܘ ܠܡܪܐ ܗܟܡܐ ܕܦܩܕ ܡܪܐ ܠܡܘܫܐ܂܂
03.008:022	ܘܩܪܒ ܡܘܫܐ݁ ܕܟܪܐ ܬܢܝܢܐ ܕܟܪܐ ܕܫܠܡܘܬܐ ܘܐܣܝܡ ܐܗܪܘܢ ܘܒܢܘܝ ܐܝܕܝ̈ܗܘܢ ܥܠ ܪܝܫܗ ܕܕܟܪܐ܂܂
03.008:023	ܘܢܟܣ ܝܬܗ ܘܢܣܒ ܡܘܫܐ ܡܢ ܐܕܡܗ ܘܐܣܝܡ ܥܠ ܛܪܦܐ ܕܐܕܢܗ ܕܐܗܪܘܢ ܕܝܡܝܢܐ܂܂ ܘܥܠ ܪܝܫ ܐܝܕܗ ܕܝܡܝܢܐ܂ ܘܥܠ ܪܝܫ ܪܝܓܠܗ ܕܝܡ‍[‍ܝ‍]‍ܢܐ܂

03.008:024	ܘܩܪܒ ܡܘܫܐ ܠܒܢܝ ܐܗܪܘܢ ܘܐܣܝܡ ܡܘܫܐ ܡܢ ܐܕܡܐ ܥܠ ܛܪ̈ܦܝܐ ^ܕܐܕܢܝ̈^ܗܘܢ ܕܝܡܝܢܐ܂ ܘܥܠ ܪ̈ܫܝ ܐܝܕܝ̈ܗܘܢ ܕܝܡܝܢܐ ܥܠ ܪ̈ܫܝ ܪܝܓܠܝܗܘܢ ܕܝܡܝܢܐ܂܂ ܘܪܒܨ ܡܘܫܐ ܐܕܡܐ ܥܠ ܡܕܒܚܐ ܛܪܣ

03.008:025	ܘܢܣܒ ܬܪܒܐ ܘܐܠܝܬܐ ܘܬܪܒܐ ܕܥܠ ܟܪܣܐ܂ ܘܚܨܪ ܟܒܕܐ ܘܬܪܬܝ̈ܢ ܟܘܠܝܬܐ ‍[‍ܘ‍]‍ܬ‍[‍ܪܒܐ‍]‍ ܕܝܡܝܢܐ
03.008:026	ܘܡܢ ܩܢܝܐ ܕܫܠܡܘܬܐ ܕܐܝܬ ܩܘܕܡ ܡܪܐ ܢܣܒ ܠܚܡ‍[‍ܐ‍]‍ ܚܕܐ ܦܛܝܪܐ ܘܠܚܡ‍[‍ܐ‍]‍ ܚܕܐ ܕܡܝܫܚܐ ܘܠܓܢܐ ܚܕܐ ܘܐܣܝܡ ܥܠ ܬܪܒܐ ܘܥܠ ‍[‍ܐ‍]‍ܕܪ‍[‍ܥ‍]‍ܐ ܕܝܡܝܢܐ܂
03.008:027	ܘܐܣܝܡ ܟܘܠܐ ܥܠ ܐܝ̈ܕܗ ܕܐܗܪܘܢ ܘܥܠ ܐܝ̈ܕܝܗܘܢ ܕܒ̈ܢܘܝ ܘܐܣܩ ܝܬܗܘܢ ܐܦܪ̈ܫܘ ܩܘܕܡ ܡܪܐ܂
03.008:028	ܘܢܣܒ ܡܘܫܐ ܡܢ ܐܝ̈ܕܝܗܘܢ ܘܐܣܩ ܝܬܗܘܢ ܡܘܫܐ ܥܠ ܡܕܒܚܐ ܥܠ ܥܠܬܐ ܕܫܠܡܘܬܐ ܕܐܝܬ ܠܪܝܚ ܒܣܝܡ ܩܘܪܒ‍[‍ܢ‍]‍ܐ ܗܘ ܠܡܪܐ܂܂
03.008:029	ܘܢܣܒ ܡܘܫܐ ܚܕܝܐ ܘܐܦܪܫ ܝܬܗ ܐܦܪܫܘ ܩܘܕܡ ܡܪܐ ܡܢ ܕܟܪܐ ܕܫܠܡܘܬܐ܂܂ ܘܗܘܐ ܠܡܘܫܐ݁ ܒܡܢܐ ܗܟܡܐ ܕܦܩܕ ܡܪܐ ܠܡܘܫܐ܂܂
03.008:030	ܘܢܣܒ ܡܘܫܐ ܡܢ ܡܝܫܚܐ ܕܡܫܝܚܘܬܐ ܘܡܢ ܐܕܡܐ ܕܥܠ ܡܕܒܚܐ ܘ‍[‍ܪ‍]‍ܒܨ ܥܠ ܐܗܪܘܢ ܘܥܠ ܠܒܘܫ‍[‍ܘܝ‍]‍ ܘܥܠ ܒܢܘܝ ܘܥܠ ܠܠܒܘܫܝܗܘܢ ܕܒܢܘܝ܂ ܘܩ‍[‍ܕܫ‍]‍ ‍[‍ ܂ ܂ ܂ ‍]‍ ܠܐܗܪܘܢ ܘܠܠܒܘ̈ܫܘܝ ܘܠܒܢܘܗܝ ܘܠܒܘܫܝܗܘܢ ܕܒܢ̈ܘܝ ܥܡܗ܂܂
03.011:042	ܥܠ ܐܪܥܐ ܠܐ ܬܝܟ̈ܘܠܘܢ ܝܬܗ ܕܣܐܘܒܐ ܗܘ ܠܟܘܢ܂܂
03.011:043	ܘܠܐ ܬܣܐܒܘܢ ܢܦܫܬܟܘܢ ܒܟܘܠ ܪܚܫܝܐ ܕܪܚܫܝܢ ܥܠ ܐܪܥܐ ܘܠܐ ܬܣܬܐܒܘܢ ܒܗܠܝܢ ܘܠܐ ܬܗܘܢ ܡܣܐܒܝܢ ܒܗܘܢ܂܂ ܕܐܢܐ ܡܪܐ ܐܠܗܟܘܢ܂܂
03.011:044	ܘܠܐ ܬܣܐܒܘܢ ܢܦܫܬܟܘܢ ܒܟܘܠ ܪ̈ܚܫܝܐ ܕܪܚܫܝܢ ܥܠ ܐܪܥܐ ܕܐܢܐ ܗܘ ܡܪܐ ܕܐܣܩܬ ܝܬܟܘܢ ܡܢ ܐܪܥܐ ܕܡܨܪ̈ܝܢ܂܂
03.011:045	ܕܝܗܢܐ݁ ܐܠܗܟܘܢ ܘܬܗܘܢ ܩܕܝܫܝܢ ܕܐܢܐ ܩܕܝܫ ܐܢܐ ܡܪܐ܂܂
03.011:046	ܗܕܢ ܢܝܡܘܣܐ ܠܛܒ ܒܥܝܪܐ ܘܠܛܒ ܦܪܚܬܐ ܘܕܟܘܠ ܢܦܫ ܕܡܙܕܥܙܥܐ ܒܡܝܐ܂ ܘܕܟܘܠ ܢܦܫ ܕܪܚܫܐ ‍[‍ ܂ ܂ ܂
03.011:047	ܕܝܦܪܫ ܒܝܢ ܗܠܝܢ ܕܕܟܝܐ ܘܒܝܢ ܕܠܐ ܕܠܐ ܕܟܝܐ܂܂ ܘܒܝܢ ܚܝ̈ܘܬܐ ܕܡܬܐܟܠ ܘܒܝܢ ܚܝ̈ܘܬܐ ܕܠܐ ܡܬܐܟܠ܂܂
03.012:001	ܘܡܠܠ ܡܪܐ ܥܡ ܡܘܫܐ݁ ܘ‍[‍ܐܡ‍]‍ܪ
03.012:002	ܘܡܠܠ ܠܒܢ̈ܝ ܐܝܣܪܝܠ ܘܬܝܡܘܪ ܠܗܘܢ܂ ܐܬܬܐ ܕܗܕܐ ܕܬܒܛܢ ܘܬܠܘܕ ܕܟܪ܂ ܬܗܐ݁ ܡܣܐܒܐ ܫܘܒܝܥܐ ܝܘ̈ܡܝܢ ܗܝܟ ܝܘ̈ܡܝܐ ܕܦܪܘܫܐ ܕܡܣܐܒܘܬܗ ܬܗܐ݁ ܡܣܐܒܐ
03.012:003	ܘܠܝܘܡܐ ܬܡܝܢܝܐ ܝܓܙܘܪ ܒܣܪܐ ܕܥܘܪܠܬܗ܂܂ ܘܬܠܬ̈ܝܢ ܘܬܠܬܐ ܝܘ̈ܡܝܢ ܬܬܒ ܒܐܕܡܐ ܕܡܣܐܒܘܬܗ݀܂܂
03.012:004	ܒܟܘܠ ܩܕܘܫܐ ܠܐ ܬܩܪܘܒ܂ ܘܠܒܝܬ ܩܘܕܫ ܠܐ ܬܥܘܠ܂܂ ܥܕܡܐ ܕܬܬܡ̈ܠܘܢ ܝܘܡ̈ܝܐ ܕܕܟܝܘܬܗ݀܂܂
03.012:005	ܘܐܢ ܢܩܒܐ ܬܝܠܘܕ ܬܗܐ݁ ܡܣܐܒܐ ܬܪ̈ܝܢ ܙܒܢܝܢ ܫܘܒܥܐ ܝܘܡ̈ܝܢ ܗܝܟ ܡܣܐܒܘܬܗ݀܂܂
03.012:006	ܘܫ̈ܬܝܢ ܘܫܝ̈ܬܐ ܝܘܡ̈ܝܢ ܬܬܒ ܒܐ݁ܕܡܐ ܕܡܣܐܒܘܬܗ݀ ܘܟܕ ܝܬܡ̈ܠܘܢ ܝܘܡܝ̈ܐ ܕܕܟܝܘܬܗ݀ ܥܠ ܒܪܐ ܐܐ݁ ܥܠ ܒܪܬܐ܂܂ ܬܩܪܒ ܐܡܪ ܒܪ ܫܝܢܐ ܕܠܐ ܡܘܡ ܠܥܠܬܐ܂܂
03.012:007	ܘܓܘܙܠ ܕܝܘܢ ܐܐ݁ ܫܘܦܢܝܢ ܠܛܒ ܣܟܠܬܐ ܥܠ ܬܪܥܐ ܕܡܫܟܢܐ ܕܣܗܕܘܬܐ ܠܘܬ ܟܗܢܐ ܘܝܩܪܒ ܟܗܢܐ ܩܘܕܡ ܡܪܐ ܘܝܚܣܐ݁ ܥܠܝܗ݀ ܟܗܢܐ܂܂ ܘܝܕܟܐ݁ ܝܬܗ ܟܗܢܐ ܡܢ ܡܒܘܥܐ ܕܐܕܡܐ܂܂ ܗܕܢ ܗܘ ܢܝܡܘܣܐ܂܂ ܕܗܕܐ ܕܝܠܕܐ ܕܟܪ ܐܐ ܢܩܒܐ܂܂
03.012:008	ܘܐܢ ܠܐ ܬܫܟܚ ܐܝܕܗ݀ ܨܘܪܟܐ ܠܐܡܪܐ܂ ܬܣܒ ܬܪ̈ܝܢ ܫܘܦܢ̈ܝܢܝܢ ܐܐ ܬܪ̈ܝܢ ܓܘܙܠܝܢ ܕܝܘܢ܂܂ ܚܕ ܠܥܠܬܐ