The Comprehensive Aramaic Lexicon

57.019:031	ܪ̈ܚܡܘܝ̈ ܫܓܪ̈ܘ ܠܘܬܗ ܒܥ̈ܝܢ ܡܢܗ ܕܠܐ ܝܬܠ ܓܪܡܗ ܠܬܝܛܪܘܢ
57.019:032	ܚܘܪ̈ܢܝܢ ܡܢ ܐܘܢ ܚܘܪ̈ܢܝܐ ܗܘܘ ܡܨܘܚܝܢ ܗܘܬ݁ ܓܪ ܟܢܝܫܬܐ ܡܥܪܒܒܐ ܘܣܓܝ ܡܢܗܘܢ ܠܐ ܗܘܘ ܝܕܥ̈ܝܢ ܒܗܝܕܐ ܥܠܐ ܐܬܟܢܫ̈ܘ̈
57.019:033	ܐܢܫ̈ܝܢ ܕܝ ܡܢ ܐܘܟܠܘܣܐ ܒܘܢܢ̈ܘ ܠܐܠܟܣܢܕܪܘܣ ܗܕܢ ܕܩܪ̈ܒܘ ܝܗܘ̈ܕܝܝܐ ܐܠܟܣܢܕܪܘܣ ܐܘܢ ܙܥܙܥ ܒܐܝܕܗ ܘܗܘܐ ܒܥܐ݁ ܕܝܬܠ ܐܦܘܠܘܓܝܐ ܠܐܘܟܠܘܣܐ
57.019:034	ܒܡܐ ܕܝ ܕܝܕܥ̈ܘ ܕܗܘ ܝܘܕܐܝ ܩܠ ܚܕ ܐܬܥܒܕ ܡܢ ܟܘܠܗܘܢ ܗܝܟ ܥܕ ܬܪ̈ܬܝܢ ܫܥ̈ܝܢ ܡܨܘ̈ܚܝܢ ܪܒܐ ܗܝ ܐܪܛܡܝܣ ܕܐܦܣ̈ܝܐ݁
57.019:035	ܫܬܩ ܕܝ ܟܬܘܒܐ ܠܐܘܟܠܘܣܐ ܘܐܡܪ ܠܗܘܢ ܓܒܪ̈ܝܐ ܐܦܣ̈ܝܐ ܡ݁ܢ ܓܪ ܡܢ ܒܢܝܢ̈ܫܐ ܠܐ ܡܟܪ ܕܡܕܝܢܬܗܘܢ ܕܐܦܣ̈ܝܝ ܗܝ ܟܘܡܪܬܐ ܕܐܪܛܡܝܣ ܪܒܬܐ ܘܕܕܝܘܣ
57.019:036	ܒܡܐ ܐܘܢ ܕܠܝܬ ܠܗܠܝܢ ܙܩܘܦ ܢܦܠ ܠܟܘܢ ܕܬܗܘܢ ܫܕܝܟ̈ܝܢ
57.019:037	ܐܛܝܬܘܢ ܓܪ ܠܟܐ ܓܒܪ̈ܝܐ ܗܠܝܢ ܐܢ̈ܫܝܢ ܕܠܐ ܚܠ̈ܨܘ ܨܠܡܝ̈ܟܘܢ ܘܠܐ ܓܕܦ̈ܘ ܥܠ ܐܠܗܬܢ
57.019:038	ܐܢ ܕܝ ܠܕܝܡܝܛܪܝܣ ܘܠܐܘܡܢ̈ܝܐ ܗܠܝܢ ܕܥܡܗ ܐܝܬ ܥܡ ܐܢܫ ܚܫܒܢ ܐܝܬ ܠܝܦܪ̈ܝ‍<‍ܢ‍>‍ ܘܐܘܦ ܐܢܬܝܦܛ̈ܝܢ ܝܩܒ̈ܠܘܢ ܠܗܘܢ ܗܠܝܢ ܥܠ ܗܠܝܢ
57.019:039	ܐܢ ܕܝ ܥܠ ܟܠܘܡ ܚܘܪܢ ܐܬܘܢ ܡܬܒܥ̈ܝܢ ܒܟܢܝܫܬܐ ܕܡܢ ܢܝܡܘܣܐ ܗܘ ܡܫܬܪܐ݁
57.019:040	ܠܒܕܝܠ ܕܗܐ ܐܢܗ ܟܒܪ ܩܪ̈ܝܒܝܢ ܕܢܬܚܝܐܒ ܡܢ ܛܒ ܥܘܪܒܒܬܐ ܕܐܬܥܒܕܬ݁ ܝܘܡܕܢ ܕܥܠܐ ܠܝܬ ܠܢ ܕܒܬܪܥܗ݀ ܢܟܘܠ ܕܢܬܠ ܐܓܒܘ ܥܠ ܛܒ ܟܢܘܫܐ ܗܕܢ
57.019:041	ܘܒܡܐ ܕܐܡܪ ܗܠܝܢ ܦܛܪܬ ܟܢܝܫܬܐ
57.020:001	ܘܡܢ ܒܬܪ ܕܫܠܬ ܥܘܪܒܒܬܐ ܩܪܐ ܧܘܠܘܣ ܠܬܠܡܝ̈ܕܝܐ ܘܒܡܐ ܕܢܚܡ ܝܬܗܘܢ ܫܐܠ ܒܫܝܠܡܗܘܢ ܘܢܦܩ ܕܝܐ݁ܙܠ ܠܡܩܕܘܢܝܐ
57.020:002	ܘܟܕ ܚܓܠ ܧܘܠܘܣ ܝܬܗܘܢ ܐܬܪ̈ܝܐ ܒܡܠܐ ܣܓܝ ܐܬܐ ܠܗܠܣ̈
57.020:003	ܘܥܒܕ ܬܡܢ ܬܠܬܐ ܝܪ̈ܚܝܢ ܒܡܐ ܕܝ ܕܐܬܥܒܕ ܠܗ ܥܝܨܐ ܡܢ ܝܘܕܝܝ ܐܬܐ ܕܝܦܪܘܫ ܠܣܘܪܝܐ ܐܬܡܠܟ ܕܝܬܘܒ ܠܗ ܥܠ ܕܡܩܕܘܢܝܐ
57.020:004	ܗܘܘ ܕܝ ܚܓ̈ܠܝܢ ܥܡܗ ܣܘܦܛܪܘܣ ܒܪܗ ܕܦܝܪܘܣ ܡܢ ܒܗܪܝܐ ܡܢ ܬܣܠܘܢܝܩܐ݁ ܕܝ ܐܪܝܣܛܪܟܘܣ ܘܣܩܘܢܕܘܣ ܘܓܐܝܘܣ ܡܢ ܕܪܒܐ ܘܛܝܡܘܬܝܘܣ ܡܢ ܐܣܝܐ ܕܝ ܛܝܟܝܩܘܣ ܘܛܪܘܦܝܡܘܣ
57.020:005	ܗܠܝܢ ܕܝ ܩܕܡ̈ܘ̈ ܘܗܘܘ ܡܟܬܪ̈ܝܢ ܠܢ ܒܛܪܘܐܣ
57.020:006	ܘܐܢܢ ܦܪ̈ܫܢܗ ܡܢ ܒܬܪ ܝܘܡ̈ܝܐ ܕܦܛܝܪ̈ܝܐ ܡܢ ܦܝܠܝܦܘܣ̈ ܘܐܬܝܢܗ ܠܘܬܗܘܢ ܠܛܪܘܐܣ ܠܚܡ̈ܝܫܐ ܝܘ̈ܡܝܢ
57.020:007	ܒܝܘܡܐ ܕܝ ܕܚܕ ܒܫܘܒܐ ܗܘ̈ܝܢܢ ܡܟܢ̈ܫܝܢ ܕܢܩܨܐ݁ ܠܚܡܐ ܘܧܘܠܘܣ ܗܘܐ ܡܡܠܠ ܠܗܘܢ ܐܬܐ݁ ܕܝܦܘܩ ܒܝܘܡܐ ܕܡܚܪ ܦܫܛ ܡܠܬܐ ܥܕ ܡܛܐ݁ ܦܠܓܗ ܕܠܝܠܝܐ̈
57.020:008	ܗܘܘ ܕܝ ܠܡܦ̈ܕܝܢ ܣܓܝ ܒܥܠܝܬܐ ܗܢ ܕܗܘ̈ܝܢܢ ܡܟܢ̈ܫܝܢ̈
57.020:009	ܘܥܘܠܝܡ ܚܕ ܕܗܘܐ ܫܝܡܗ ܐܘܛܝܟܘܣ ܗܘܐ ܝܬܝܒ ܒܟܘܬܐ ܫܩܥ ܕܝ ܒܫܝܢܐ ܥܡܝܩܐ ܘܒܡܐ ܕܗܘܐ ܧܘܠܘܣ ܡܡܠܠ ܥܠ ܕܡܘܬܪ ܛܡܥ ܒܫܝܢܬܐ ܘܢܦܠ ܡܢ ܬܠܬܐ ܪ̈ܟܣܝܢ ܠܪܥ ܘܐܪ̈ܡܘ ܝܬܗ ܡܝܬ
57.020:010	ܘܢܚܬ ܧܘܠܘܣ ܘܢܦܠ ܥܠܘܝ ܘܓܦ ܝܬܗ ܘܐܡܪ ܠܐ ܬܕܚܘ̈ܠܘܢ ܢܦܫܗ ܓܪ ܒܓܘܗ ܐܝܬ ܗܝ
57.020:011	ܘܣܠܩ ܘܩܨܐ ܠܚܡܐ ܘܐܟܠ ܥܠ ܕܝܬܝܪ ܕܝ ܡܠܠ ܥܕ ܡܛܐ݁ ܕܢܓܗܬ݁̈ ܘܒܟܢ ܢܦܩ
57.020:012	ܐܝܛ̈ܘ ܕܝ ܛܠܝܐ ܒܚܝ̈ܝܢ ܘܐܬܢܚ̈ܡܘ ܘܠܐ ܨܝܒܚܕ
57.020:013	ܐܢܢ ܕܝ ܐܬ̈ܝܢܢ ܠܗ ܒܐ݁ܠܦܐ̈ ܘܦܪ̈ܫܢܗ ܠܐܣܘܣ ܕܡܢ ܬܡܢ ܗܘܝܢܢ ܐܬ̈ܝܢ ܕܢܣܒ ܠܧܘܠܘܣ ܗܟܕܢ ܓܪ ܐܬܩܢ ܥܡܢ ܟܕ ܐܬܐ ܗܘ ܕܝܗܠܟ
57.020:014	ܒܡܐ ܕܝ ܕܩܡ̈ܢܢ ܥܡܗ ܒܐܣܘܣ ܢܣܒܢܢ ܝܬܗ ܘܐܬܝܢܢ ܠܡܝܠܝܛܝܢܐ݁
57.021:003	ܠܩܝܦܪܘܣ ܘܫܒܩ̈ܢܢ ܝܬܗ ܠܣܡܠܢ̈ ܘܗܘ̈ܝܢܢ ܦܪ̈ܫܝܢ ܠܣܘܪܝܐ ܘܢܚܬ̈ܢܢ ܠܨܘܪ̈ ܬܡܢ ܓܪ ܗܘܐ ܐܠܦܐ ܦܪܩ ܛܥܘܢܗ
57.021:004	ܘܐܫܟܚ̈ܢܗ ܬܠܡ̈ܝܕܝܐ ܘܟܬܪ̈ܢܢ ܓ‍{‍ܡ‍}‍‍<‍ܒ‍>‍ܗܘܢ ܫܘܒܥܐ ܝܘ̈ܡܝܢ ܗܠܝܢ ܕܝ ܗܘܘ ܐܡܪ̈ܝܢ ܠܧܘܠܘܣ ܒܪܘܚܐ ܕܠܐ ܝܐ݁ܙܠ ܠܝܪܘܫܠܝܡ
57.021:005	ܘܟܕ ܐܬܥܒܕ ܠܢ ܕܢܫܠܡ ܝܘ̈ܡܝܐ ܢܦܩܢ̈ܗ ܐܬ̈ܝܢ ܘܗܘܘ ܡܥܒܪ̈ܝܢ ܠܢ ܟܘܠܗܘܢ ܥܡ ܢܫ̈ܝܗܘܢ ܘܒܢܝ̈ܗܘܢ ܥܕ ܡܛܐ ܠܒܪ ܡܢ ܡܕܝܢܬܐ ܘܩ̈ܥܕܢܗ ܐܪܟܘܒܬܢ ܥܠ ܣܦܪ ܝܡܐ ܘܨܠܝ̈ܢܢ ܘܫܠܡܢܢ ܦܠܓܢ ܠܦܠܓܢ
57.021:006	ܘܣ̈ܠܩܢܢ ܠܐܠܦܐ ܗܠܝܟ ܕܝ ܬܒ̈ܘ ܠܗܘܢ ܠܕܝܠܗܘܢ
57.021:007	ܘܐܢܗ ܫܠܡ̈ܢܗ ܦܪܘܫܐ ܡܢ ܨܘܪ ܘܢܚ̈ܬܢܢ ܠܥܟܘ̈ ܘܫܐ̈ܠܢܢ ܒܫܝܠܡܗܘܢ ܕܐܚ̈ܝܐ ܘܥܒ̈ܕܢܢ ܓܒܗܘܢ ܚܕ ܝܘܡ
57.021:008	ܘܒܝܘܡܐ ܕܡܚܪ ܢܦܩ̈ܢܢ ܘܐܬܝܢ̈ܗ ܠܩܝܣܪ̈ܝܢ̈ ܘܥܠܢ̈ܗ ܠܒܝܬܗ ܕܦܝܠܝܦܘܣ ܡܒܣܪܢܐ ܗܕܢ ܕܗܘܐ ܡܢ ܫܘܒܥܬܐ݁ ܘܥܡܪ̈ܢܢ ܓܒܗ
57.021:009	ܗܘܐ ܕܝ ܠܗܕܢ ܐܪ̈ܒܥ ܒ̈ܢܢ ܒܬܘ̈ܠܢ ܡܬܢܒ̈ܝܐܢ
57.021:010	ܒܡܐ ܕܝ ܕܟܬܪ̈ܢܢ ܬܡܢ ܝܘܡ̈ܝܢ ܡܘܬܪ ܢܚܬ ܢܒܝܐ ܚܕ ܡܢ ܝܗܘܕܝܐ ܕܫܝܡܗ ܐܓܒܘܣ
57.021:011	ܘܐܬܐ ܠܘܬܢ ܘܢܣܒ ܙܘܢܐ݁ ܕܧܘܠܘܣ ܘܟܦܬ ܐܝ̈ܕܘܝ ܘܪ̈ܓܠܘܝ ܕܓܪܡܗ ܘܐܡܪ ܗܟܕܢ ܐܡܪܬ݁ ܪܘܚܐ ܕܩܘܕܫܐ ܠܓܒܪܐ ܗܕܢ ܕܙܘܢܐ݁ ܗܕܐ ܕܝܠܗ ܗܟܕܢ ܝܟܦܘ̈ܬܘܢ ܝܬܗ ܝܘ̈ܕܝܝ ܒܝܪܘܫܠܝܡ ܘܝܡܣ‍{‍‍{‍ܘ‍}‍‍}‍ܪ̈ܘܢ ܝܬܗ ܠܒܝܢ ܐܝ̈ܕܝܗܘܢ ܕܡܝܢ̈ܝܐ
57.021:012	ܟܕ ܕܝ ܫܡܥܢ̈ܗ ܗܠܝܢ ܗܘ̈ܝܢܢ ܒܥ̈ܝܢ ܡܢܗ ܐܢܗ ܘܒܢ̈ܝ ܐܬܪܐ ܕܠܐ ܝܐܣܘܩ ܠܝܪܘܫܠܝܡ
57.021:013	ܘܒܟܢ ܐܓܝܒ ܧܘܠܘܣ ܘܐܡܪ ܡܐ ܐܬܘܢ ܥܒ̈ܕܝܢ ܒܟ̈ܝܢ ܘܡܫܝܚ̈ܝܢ ܝܬܗ ܠܠܒܝ ܐܢܐ ܓܪ ܠܐ ܒܠܚܘܕ ܕܝܬܟܦܬ̈ ܐܠܐ ܐܘܦ ܕܝܡܘܬ ܒܝܪܘܫܠܝܡ ܥܬܝܕ ܐܢܐ ܥܠ ܫܝܡܗ ‍<‍ܕ‍>‍ܝܣܘܣ
57.021:014	ܒܡܐ ܕܝ ܕܠܐ ܗܘܐ ܡܬܦܝܣ̈ ܫܬܩܢ̈ܢ ܘܐܡܪ̈ܢܢ ܨܒܝܘܢܗ ܕܡܪܐ ܝܬܥܒܕ̈
57.021:015	ܘܡܢ ܒܬܪ ܗܠܝܢ ܝܘܡ̈ܝܐ ܐܬܥܒܕ ܠܢ ܕܢܣܘܩ ܠܝܪܘܫܠܝܡ
57.021:016	ܘܐܬܘ ܥܡܢ ܡܢ ܬܠܡ̈ܝܕܝܐ ܗܠܝܢ ܕܡܢ ܩܝܣܪ̈ܝܢ ܘܕܒܪ̈ܢܢ ܥܡܢ ܡ݁ܢ ܕܝܩܒܠܢܢ ܡܢܐܣܘܢ ܚܕ ܩܝܦܪܐܝ ܡܢ ܬܠܡ̈ܝܕܝܐ ܩܡ̈ܝܐ݁
57.021:017	ܘܟܕ ܕܝ ܐܬܝܢܢ ܠܝܪܘܫܠܝܡ ܒܟܘܠ ܚܫܒܐ ܩܒܠܘ ܝܬܢ ܐܚ̈ܝܐ

57.021:018	ܘܠܝܘܡܐ ܚܘܪܢܐ ܥܠ ܧܘܠܘܣ ܥܡܢ ܠܘܬ ܝܥܩܘܒܘܣ ܘܟܘܠܗܘܢ ܩܫܝܫ̈ܝܐ ܐܬ̈ܘ̈

57.021:019	ܘܫܐܠ ܒܫܝܠܡܗܘܢ ܘܬܢܝ ܠܗܘܢ ܟܘܠ ‍[‍ܚܕ‍]‍ܐ ܘܚܕܐ ܡܐ ܕܥܒܕ ܐܠܗܐ ܒܡܝܢܝܐ ܒܬܪܥܗ ܕܫܡܫܘܬܗ
57.021:020	ܗܢܘܢ ܕܝ ܫܡܥ̈ܘ ܘܫܒܚ̈ܘ ܠܐܠܗܐ ܘܐܡܪ̈ܘ ܠܗ ܚܡܐ݁ ܐܬ ܐܚܘܢܢ ܟܡܐ ܪ̈ܒܘܐܢ ܗܢܘܢ ܕܗܝܡܢܘ ܡܢ ܝܘ̈ܕܝܝ ܘܟܘܠܗܘܢ ܡܩܢ̈ܝܢ ܠܢܝܡܘܣܐ
57.021:021	ܫܡ̈ܥܘ ܕܝ ܥܠ ܕܛܒܟ ܕܐܬ ܡܠܦ ܝܘ̈ܕܝܝ ܗܠܝܢ ܕܒܝܢ ܡܝܢܝܐ ܕܝܪܚܘܩܘܢ ܡܢ ܢܝܡܘܣܗ ܕܡܘܫܐ݁̈ ܐܡܪ ܠܗܘܢ ܕܠܐ ܝܗܘܢ ܓܙܪ̈ܝܢ ܒܢܝܗܘܢ̈ ܘܕܠܐ ܝܗܘܢ ܡܗܠܟܝܢ ܒܛܟܣܝܗܘܢ
57.021:022	ܡܐ ܐܘܢ ܝܗܐ݁ ܧܢܛܘܣ ܠܗ ܐܘܟܠܘܣ ܕܝܬܟܢܫ ܫܡܥ̈ܝܢ ܗܢܘܢ ܓܪ ܕܐܬܝܬ
57.021:023	ܗܕܐ ܐܘܢ ܥܒܕ ܡܐ ܕܐܢܗ ܐܡܪܝܢ ܠܟ̈ ܐܝܬ ܠܢ ܐܪܒܥܐ ܓܒܪܝܢ ܕܠܗܘܢ ܩܨܝܨܐ ܥܠ ܓܪܡܗܘܢ
57.021:024	ܗܠܝܢ ܐܘܢ ܕܒܘܪ ܘܐܬܕܟܝ ܥܡܗܘܢ ܘܐܦܩ ܥܠܝܗܘܢ ܕܝܓܪ̈ܥܘܢ ܪ̈ܫܝܗܘܢ ܘܝܕܘܥܘܢ ܟܘܠܗܘܢ ܕܡܐ ܕܫܡ̈ܥܘ ܥܠ ܕܛܒܟ ܠܝܬ ܗܘ ܟܠܘܡ ܐܠܐ ܕܐܘܦ ܐܬ ܫܠܡ ܠܗܘܢ ܡܢܛܪ ܢܝܡܘܣܐ
57.021:025	ܥܠ ܛܒ ܓܪ ܗܠܝܢ ܕܗܝܡܢܘ ܡܢ ܡܝܢܝܐ ܐܢܗ ܫܡ̈ܢܢ ܘܟܬܒ̈ܢܢ ܠܗܘܢ ܕܝܗܘܢ ܡܢܛܪ̈ܝܢ ܓܪܡܗܘܢ ܡܢ ܢܟܝܣܬܗ ܕܨܠܡܐ ܘܡܢ ܐܕܡܐ ܘܡܢ ܗܕܐ ܕܚܢܝܩܐ ܘܡܢ ܙܢܘܬܐ
57.021:026	ܒܟܢ ܧܘܠܘܣ
57.024:025	ܒܡܐ ܕܝ ܕܗܘܐ ܡܡܠܠ ܥܠ ܛܒ ܨܕܩܐ ܘܥܠ ܛܒ ܕܟܝܘܬܐ ܘܕܝܢܐ ܕܥܬܝܕ ܐܬܥܒܕ ܕܝ ܦܝܠܝܟܝܣ ܒܕܚܠܐ ܘܐܓܝܒ ܟܕܘ ܐܙܠ ܠܟ ܝܘܡܐ ܕܝܣܒ ܩܝܪܘܣܐ ܐܢܐ ܡܫܓܪ ܒܬܪܟ
57.024:026	ܐܘܦ ܗܕܐ ܡܣܒܪ ܕܡܡܘܢ ܝܬܠ ܠܗ ܧܘܠܘܣ ܘܠܒܕܝܠ ܟܕܢ ܐܘܦ ܪܨܝܦܐܝܬ ܗܘܐ ܡܫܓܪ ܒܬܪܗ ܘܡܡܠܠ ܥܡܗ
57.024:027	ܒܡܐ ܕܝ ܕܐܬܡܠܐܝ ܬܪ̈ܬܝܢ ܫܢ̈ܝܢ ܢܣܒ ܦܝܠܝܟܝܣ ܚܠܘܦܘܗܝ ܠܦܘܪܩܝܘܣ ܦܝܣܛܘܣ ܨܒܐ݁ ܕܝ ܦܝܠܝܟܝܣ ܕܝܥܒܕ ܛܒܘ ܠܝܘ̈ܕܝܝ ܫܒܩ ܧܘܠܘܣ ܟܦܝܬ
57.025:001	ܦܝܣܛܘܣ ܐܘܢ ܥܠ ܠܗܦܪܟܝܐܣ ܘܡܢ ܒܬܪ ܬܠܬܐ ܝܘ̈ܡܝܢ ܣܠܩ ܡܢ ܩܝܣܪ̈ܝܢ ܠܝܪܘܫܠܝܡ
57.025:002	ܐܘ̈ܕܥܘ ܠܗ ܕܝ ܪܝܫ ܟܗ̈ܢܝܐ ܘܪܒܪ̈ܒܢܝܗܘܢ ܕܝܗܘ̈ܕܝܝ ܥܠ ܧܘܠܘܣ ܘܗܘܘ ܒܥ̈ܝܢ ܡܢܗ
57.025:003	ܛܒܘ ܥܠܘܝ ܠܒܕܝܠ ܕܝܝܬܐ݁ ܝܬܗ ܠܝܪܘܫܠܝܡ ܥܒ̈ܕܝܢ ܠܗ ܟܝܡܢ ܕܝܩ̈ܛܘܠܘܢ ܝܬܗ ܒܐܘܪܚܐ
57.025:004	ܦܝܣܛܘܣ ܐܘܢ ܐܓܝܒ ܘܐܡܪ ܡܬܢܛܪ ܗܘ ܧܘܠܘܣ ܒܩܝܣܪܝܢ ܥܠ ܓܪܡܗ ܕܝ ܐܡܪ ܕܗܘ ܥܬܝܕ ܒܦܪܝܥ ܕܝܐܦܘܩ
57.025:005	ܘܐܡܪ ܗܠܝܢ ܐܘܢ ܕܒܟܘܢ ܚܝܘ̈ܠܝܢ ܝܚܘ̈ܬܘܢ ܘܡܐ ܕܐܝܬ ܒܓܒܪܐ ܥܠܐ ܝܩܛܪܓܘܢ ܝܬܗ
57.025:006	ܒܡܐ ܕܝ ܕܥܒܕ ܓܒܗܘܢ ܝܘ̈ܡܝܢ ܠܐ ܡܘܬܪ ܡܢ ܬܡ̈ܢܝܐ ܐܐ݁ ܥܣܪܐ ܢܚܬ ܠܩܝܣܪܝܢ ܘܒܝܘܡܐ ܕܡܚܪ ܝܬܒ ܥܠ ܒܝܡܐ ܘܐܡܪ ܕܝܬܘܢ ܠܧܘܠܘܣ
57.025:007	ܟܕ ܕܝ ܐܬܐ ܛܪ̈ܣܘ ܝܬܗ ܝܗܘ̈ܕܝܝ ܗܠܝܢ ܕܢܚܬܘ ܡܢ ܝܪܘܫܠܝܡ ܘܣܓܝ ܥܠܝܢ ܩܫܝܐܢ ܗܘܘ ܡܝ̈ܛܝܢ ܥܠܘܝ ܗܠܝܢ ܕܠܐ ܗܘܘ ܝܐ̈ܟܠܝܢ ܡܘ̈ܕܥܝܢ
57.025:008	ܕܗܘܐ ܧܘܠܘܣ ܝܗܒ ܐܦܣܘ ܕܠܐ ܒܢܝܡܘܣܗܘܢ ܕܝܗܘ̈ܕܝܝ ܘܠܐ ܥܠ ܢܘܣܐ ܘܠܐ ܥܠ ܩܝܣܪ ܐܣܟܠܬ ܟܠܘܡ
57.025:009	ܦܝܣܛܘܣ ܕܝ ܨܒܐ݁ ܕܝܥܒܕ ܛܒܘ ܠܝܘ̈ܕܝܝ̈ ܐܬܓܝܒ ܘܐܡܪ ܠܧܘܠܘܣ ܨܒܐ݁ ܐܬ ܕܬܣܘܩ ܠܝܪܘܫܠܝܡ̈ ܘܬܡܢ ܥܠ ܛܒ ܗܠܝܢ ܬܬܕܝܢ ܩܘܕܡܐܝ
57.025:010	ܧܘܠܘܣ ܕܝ ܐܡܪ ܩܘܕܡ ܒܝܡܐ ܕܩܝܣܪ ܐܢܐ ܩܝܐܡ̈ ܗܢ ܕܢܦܠ ܠܝ ܕܝܬܕܝܢ ܠܝܘ̈ܕܝܝ ܟܠܘܡ ܠܐ ܛܠܡܬ ܗܝܟ ܡܐ ܕܐܘܦ ܐܬ ܡܟܪ
57.025:011	ܐܢ ܕܝ ܐܝܬ ܐܢܐ ܛܠܡ ܘܥܒܕ ܟܠܘܡ ܕܫܘܐ ܒܡܘܬܐ ܠܝܬ ܐܢܐ ܦܣܠ ܕܝܡܘܬ ܐܢ ܕܝ ܟܠܘܡ ܠܝܬܗܘܢ ܗܘ ܡܢ ܡܐ ܕܗܠܝܢ ܡܩܛܪ̈ܓܝܢ ܠܝ̈ ܐܢܫ ܠܐ ܝܟܠ ܕܝܬܠ ܝܬܝ ܠܗܘܢ ܡܬܘܢܐ̈ ܠܩܝܣܪ ܐܢܐ ܩܪܐ݁
57.025:012	ܘܒܟܢ ܦܝܣܛܘܣ ܡܠܠ ܥܡ ܒܪ ܡܝܠܟܗ ܘܐܓܝܒ̈ ܠܩܝܣܪ ܩܪܝܬ ܠܘܬ ܩܝܣܪ ܬܝܙܠ
57.025:013	ܒܡܐ ܕܝ ܕܐܥܒܪ̈ܘ ܝܘܡ̈ܝܢ ܐܓܪܝܦܣ ܡܠܟܐ ܘܒܪܢܝܩܐ݁ ܡܛ̈ܘ ܠܩܝܣܪ̈ܝܢ ܕܝܐ݁ܫܘܠܘܢ ܒܫܝܠܡܗ ܕܦܝܣܛܘܣ
57.025:014	ܘܥ̈ܒܕܘ ܬܡܢ ܝܘ̈ܡܝܢ ܡܘܬܪ ܦܝܣܛܘܣ ܕܝ ܐܘܕܥ ܠܡܠܟܐ ܥܠ ܕܛܒܗ ܕܧܘܠܘܣ ܘܐܡܪ ܓܒܪ ܚܕ ܐܝܬ ܠܝ ܕܐܫܬܒܩ ܡܢ ܦܝܠܝܟܝܣ ܟܦܝܬ
57.025:015	ܘܥܠ ܕܛܒܗ ܕܗܕܢ ܟܕ ܕܗܘܝܬ ܒܝܪܘܫܠܝܡ ܐܘ̈ܕܥܘ ܠܝ ܪ̈ܝܫ ܟܗܢ̈ܝܐ ܘܩܫܝ̈ܫܝܗܘܢ ܕܝܘ̈ܕܝܝ ܫܐ̈ܠܝܢ ܥܠܘܝ ܚܝܘܒ
57.025:016	ܐܢܐ ܕܝ ܐܓܝܒܬ ܝܬܗܘܢ ܕܠܝܬ ܪ̈ܘܡܝܝ ܐܠܘܦ̈ܝܢ ܝܗ̈ܒܝܢ ܒܡܬܘܢܐ ܒܪܢܫ ܥܕ ܡܛܐ݁ ܕܝܗܐ݁ ܠܗܕܢ ܕܡܬܩܛܪܓ ܩܘܕܡ ܐܦܘ̈ܝ ܗܝܟ ܕܡܩܛܪ̈ܓܝܢ ܠܗ̈ ܕܝܣܒ ܐܬܪ ܠܐܦܣܘ ܥܠ ܛܒ ܥܣܩܗ
57.025:017	ܒܡܐ ܐܘܢ ܕܐܬ̈ܘ ܠܟܐ̈ ܐܘܦ ܠܐ ܚܕܐ ܠܬܐܝܘ ܠܐ ܥܒܕܬ ܐܠܐ ܠܝܘܡܐ ܚܘܪܢܐ ܝܬܒܬ ܥܠ ܒܝܡܐ̈ ܘܐܡܪܬ ܕܝܝ̈ܛܘܢ ܝܬܗ ܠܓܒܪܐ
57.025:018	ܘܩܡ̈ܘ ܩܛܝܓܘܪ̈ܘܝ ܥܠ ܕܛܒܗ ܐܘܦ ܠܐ ܚܕܐ ܥܠܐ ܠܐ ܗܘܘ ܡܝ̈ܛܝܢ ܡܢ ܗܠܝܢ ܕܗܘܝܬ ܣܒܪ ܐܢܐ ܒܝܫܐ
57.025:019	ܕܒܥܝܘ̈ܢܝܢ ܕܝ ܚܘܪ̈ܢܝܢ ܥܠ ܛܒ ܕܚܠܬܗܘܢ ܗܘܐ ܠܗܘܢ ܠܩܘܒܠܗ ܘܥܠ ܛܒ ܚܕ ܝܣܘܣ ܗܕܢ ܕܗܘܐ ܧܘܠܘܣ ܐܡܪ ܥܠܘܝ ܕܗܘ ܚܐܝ
57.025:020	ܒܡܐ ܕܝ ܕܐܢܐ ܠܐ ܗܘܝܬ ܝܕܥ ܥܠ ܛܒ ܗܠܝܢ ܒܥܝܘܢ̈ܝܐ ܗܘܝܬ ܐܡܪ ܠܗ ܐܢ ܐܝܬ ܗܘ ܨܒܐ݁ ܕܝܐ݁ܙܠ ܠܝܪܘܫܠܝܡ ܘܬܡ݁ܢ ܝܬܕܝܢ ܥܠ ܛܒ ܗܠܝܢ
57.025:021	ܗܘ ܕܝ ܧܘܠܘܣ ܩܪܐ ܕܝܬܢܛܪ ܕܝܫ‍{‍ܡ‍}‍‍<‍ܬ‍>‍ܡܥ ܡܢ ܡܠܟܐ ܐܘܦ ܐܢܐ ܐܡܪܬ ܕܝܬܢܛܪ ܥܕܡܐ ܕܝܫܓܪ ܝܬܗ ܠܘܬ ܩܝܣܪ
57.025:022	ܐܓܪܝܦܣ ܕܝ ܐܡܪ ܠܦܝܣܛܘܣ ܒܥܐ݁ ܗܘܝܬ ܕܐܘܦ ܐܢܐ ܝܫܡܘܥ ܝܬܗ ܠܗܕܢ ܒܪܢܫܐ ܘܐܡܪ ܡܚܪ ܐܬ ܫܡܥ ܠܗ
57.025:023	ܒܝܘܡܐ ܐܘܢ ܕܡܚܪ ܐܬܐ ܐܓܪܝܦܣ ܘܒܪܢܝܩܐ ܥܡ ܬܫܒܘܚܐ ܣܓܝ̈ ܘܥܠ ܠܒܝܬ ܡܫܡܘܥ ܥܡ ܪܝܫ ܐܠܦ̈ܝܐ ܘܥܡ ܓܒܪ̈ܝܐ ܗܠܝܢ ܕܗܘܘ ܪ̈ܝܫܝܗ ܕܡܕܝܢܬܐ ܘܒܡܐ ܕܐܡܪ ܦܝܣܛܘܣ ܐܝ̈ܛܘ ܠܧܘܠܘܣ
57.025:024	ܐܓܝܒ ܦܝܣܛܘܣ ܘܐܡܪ ܡܠܟܐ ܐܓܪܝܦܐ ܘܟܘܠ ܓܒܪ̈ܝܐ ܗܠܝܢ ܕܓܒܢ ܚܡ̈ܘ ܠܗܕܢ ܗܕܢ ܕܥܠ ܕܛܒܗ ܟܘܠ ܣܘܓܝܗܘܢ ܕܝܗܘ‍{‍‍{‍ܕ‍}‍‍}‍ܝܝ ܩܪ̈ܒܘ ܠܝ ܒܝܪܘܫܠܝܡ ܘܟܐ ܡܨܘ̈ܚܝܢ ܕܠܐ ܢܦܠ ܠܗ ܕܝܚܐ݁ ܥܘܕ
57.025:025	ܐܢܐ ܕܝ ܥܩܒܬ ܘܐܫܟܚܬܗ ܕܟܠܘܡ ܠܐ ܥܒܕ ܕܫܘܐ ܒܡܘܬ ܗܘ ܕܝ ܗܕܢ ܩܪܐ ܠܡܠܟܐ̈ ܘܫ‍{‍ܡܠ‍}‍‍<‍ܠܡ‍>‍ܬ ܕܝܫܓܪ ܝܬܗ
57.025:026	ܘܥܠ ܕܛܒܗ ܠܝܬ ܠܝ ܡܐ ܕܝܟܬܘܒ ܫܪܝܪܐܝܬ ܠܡܪܝ ܠܒܕܝܠ ܟܕܢ ܐܦܩܬ ܝܬܗ ܠܩܘܕܡܝܟܘܢ̈ ܚܕ ܟܡܐ ܩܘܕܡܝܟ ܡܠܟܐ ܐܓܪܝܦܐ ܕܒܡܐ ܕܫܐܝܠܬܐ ܡܬܥܒܕܐ ܝܗܐ݁ ܠܝ ܡܐ ܕܝܟܬܘܒ
57.025:027	ܠܝܬ ܗܕܐ ܓܪ ܫܦܪܐ ܩܘܕܡܝ ܕܝܫܓܪ ܐܢܫ ܟܦܝܬ ܘܠܐ ܝܕܘܥ ܥܠ̈ܝܐ ܕܒܬܪܗ
57.026:001	ܐܓܪܝܦܣ ܕܝ ܐܡܪ ܠܧܘܠܘܣ ܫܠܝܛ ܐܬ ܕܬܝܡܘܪ ܥܠ ܛܒ ܓܪܡܟ ܘܒܟܢ ܧܘܠܘܣ
57.026:023	ܠܩܗܠܐ ܘܠܡܝܢܝܐ
57.026:024	ܒܡܐ ܕܝ ܕܗܘܐ ܡܦܝܣ ܒܗܠܝܢ ܦܝܣܛܘܣ ܐܡܪ ܒܩܠ ܪܒ̈ ܡܫܬܛܝ ܐܬ ܦܘܠܗ ܣܘܓܝܗܘܢ ܕܟܬܒ̈ܝܐ ܠܫܛܝܘ ܗܦ̈ܟܝܢ ܝܬܟ
57.026:025	ܘܧܘܠܘܣ ܐܡܪ ܠܝܬܢܐ ܡܫܬܛܝ ܚܝܘܠܐ ܦܝܣܛܗ ܐܠܐ ܡܠ̈ܝܢ ܕܩܘܫܛ ܘܕܚܪܘ ܐܢܐ ܡܡܠܠ̈
57.026:026	ܝܕܥ ܗܘ ܓܪ ܡܠܟܐ ܥܠ ܛܒ ܗܠܝܢ ܗܕܢ ܕܐܢܐ ܡܡܠܠ ܠܘܬܗ ܒܦܨܝܚܘ ܠܝܬ ܐܢܐ ܓܪ ܡܬܦܝܣ ܕܟܠܘܡ ܡܢ ܗܠܝܢ ܛܡܝܪ ܡܢܗ ܠܝܬܘܝ ܓܪ ܗܕܢ ܒܙܘܝ ܥܒܝܕ
57.026:027	ܡܗܝܡܢ ܐܬ ܡܠܟܐ ܐܓܪܝܦܐ ܠܢܒܝ̈ܝܐ ܝܕܥ ܐܢܐ ܕܐܬ ܡܗܝܡܢ
57.026:028	ܐܓܪܝܦܣ ܕܝ ܐܡܪ ܠܧܘܠܘܣ ܒܨܝܒܚܕ ܐܬ ܡܦܝܣ ܠܝ ܕܬܥܒܕ ܝܬܝ ܟܪܝܣܛܝܐܢ
57.026:029	ܘܧܘܠܘܣ ܐܡܪ̈ ܡܨܠܐ݁ ܐܢܐ ܠܐ݁ܠܗܐ ܕܒܨܝܒܚܕ ܘܒܣܓܝ̈ ܠܐ ܒܠܚܘܕ ܠܟ ܐܠܐ ܐܘܦ ܠܟܘܠ ܗܠܝܢ ܕܫܡܥ̈ܝܢ ܝܘܡܕܢ ܕܝܬܥܒ̈ܕܘܢ ܟܕܢ ܗܝܟ ܡܐ ܕܐܢܐ ܗܘ ܠܒܪ ܡܢ ܗܠܝܢ ܟܦ̈ܬܝܐ
57.026:030	ܘܒܟܢ ܩܡ ܠܗ ܡܠܟܐ ܘܗܝܓܡܘܢܐ ܘܒܪܢܝܩܐ ܘܗܠܝܢ ܕܗܘܘ ܝܬܝ̈ܒܝܢ ܠܗܘܢ
57.026:031	ܘܗܝܟ ܕܗܘܘ ܐܙ̈ܠܝܢ ܗܘܘ ܡܡ̈ܠܠܝܢ ܦܠܓܘܢ ܠܦܠܓ ܘܐܡܪ̈ܝܢ ܕܟܠܘܡ ܫܘܐ݁ ܒܡܘܬ ܐܐ݁ ܒܟܦ̈ܬܝܢ ܠܝܬ ܗܕܢ ܒܪܢܫܐ ܚܝܐܒ
57.026:032	ܐܓܪܝܦܣ ܕܝ ܐܡܪ ܠܦܝܣܛܘܣ̈ ܝܟܠ ܗܘܐ ܗܕܢ ܒܪܢܫܐ ܕܝܬܦܢܝ ܐܠܘ ܠܐ ܕܩܪܐ ܠܩܝܣܪ
57.027:001	ܘܒܡܐ ܕܝ ܕܐܬܝܢܢ ܕܢܦܪܘܫ ܠܐܝܛܠܝܐ ܗܘܘ ܡܣܪ̈ܝܢ ܝܬܗ ܠܧܘܠܘܣ ܘܠܐܢܫ̈ܝܢ ܚܘܪ̈ܢܝܢ ܟܦܝ̈ܬܝܢ ܠܩܢܛܪܝܘܢܐ ܕܫܝܡܗ ܝܘܠܝܣ ܡܢ ܩܣܛܪܐ ܕܣܒܣܛܐ݁
57.027:002	ܘܣܠܩ̈ܢܗ ܒܐ݁ܠܦܐ ܕܡܢ ܐܕܪܡܢܛܘܣܐ ܕܗܘܐ ܐܬܐ݁ ܕܝܦܪܘܫ ܠܐܬܪ̈ܝܐ ܕܐܣܝܐ ܘܦܪ̈ܫܢܢ ܘܗܘܐ ܥܡܢ ܐܪܝܣܛܪܟܘܣ ܡܩܕܘܢܝܐ ܕܡܢ ܬܣܠܘܢܝܩܐ
57.027:003	ܘܠܝܘܡܐ ܚܘܪܢܐ ܢܚܬ̈ܢܢ ܠܨܝܕܢ ܒܚܪܘ ܕܝ ܐܬܦܠܚ ܝܘܠܝܣ ܥܡ ܧܘܠܘܣ ܘܫܠܛ ܝܬܗ ܕܝܐ݁ܙܠ ܠܘܬ ܒܢܝܢ̈ܫܗ ܘܕܝܥܡܘܪ ܥܠ ܓܪܡܗ
57.027:004	ܘܡܢ ܬܡܢ ܦܪ̈ܫܢܢ ܘܥܒܪ̈ܢܗ ܩܝܦܪܘܣ̈ ܠܒܕܝܠ ܕܗܘܘ ܪ̈ܘܚܝܐ ܠܩܘܒܠܢ
57.027:005	ܘܡܥܒܘܪܝܬܐ ܕܐܪܥܐ ܕܩܝܠܝܩܝܐ ܘܕܦܡܦܝܠܝܐ ܘܦܪ̈ܫܢܗ ܘܢܚܬ̈ܢܢ ܠܡܝܪܐ ܕܠܝܩܝܐ
57.027:006	ܘܡܢ ܬܡܢ ܐܫܟܚ ܩܢܛܪܝܘܢܐ ܐ݁ܠܦ ܐܠܟܣܢܕܪܐܝ ܦܪܫ ܠܐܝܛܠܝܐ ܘܐܣܩ ܝܬܢ ܠܗ
57.027:007	ܒܡܐ ܕܝ ܕܗܘܝ̈ܢܢ ܡܡܬ̈ܢܝܢ ܝܘ̈ܡܝܢ ܣܓܝ ܒܦܪܘܫܐ ܘܒܩܘܫܝ ܐܬܝ̈ܢܢ ܠܩܘܒܠ ܩܢܝܕܘܣ̈ ܕܠܐ ܗܘܐ ܪܘܚܐ ܫܒܩ ܠܢ ܥܒܪ̈ܢܗ ܦܪ̈ܫܢܢ ܩܪܝܛܐ݁ ܠܩܘܒܠ ܣܠܡܝܢܐ݁̈
57.027:008	ܘܝܬܗ݀ ܒܩܘܫܐ݁ ܥܒܪ̈ܢܢ ܘܐܬ̈ܝܢܢ ܠܐܬܪ ܚܕ ܕܡܬܩܪܐ݁ ܠܡܝܢ̈ܝܐ ܛܒܝ̈ܐ ܘܓܒܗ ܕܝ ܗܘܬ ܡܕܝܢܐ ܐܠܣܐ
57.027:009	ܒܡܐ ܕܝ ܕܥܒܪ ܐܫܘܢ ܣܓܝ̈ ܘܟܒܪ ܗܘܐ ܦܪܘܫܐ ܕܚܝܠ̈ ܠܒܕܝܠ ܕܐܘܦ ܨܘܡܐ ܗܘܐ ܟܒܪ ܕܥܒܪ ܘܗܘܐ ܧܘܠܘܣ ܡܠܟ ܠܗܘܢ
57.027:010	ܘܐܡܪ̈ ܓܒܪ̈ܝܐ ܚܡܐ݁ ܐܢܐ ܕܒܣܓܝ ܫܚܩܘܢ ܘܒܣܓܝ ܦܣܝܕ̈ ܠܐ ܒܠܚܘܕ ܡܢ ܡܛܥܘܢܐ ܕܐ݁ܠܦܐ ܐܠܐ ܐܘܦ ܕܢܦܫ̈ܬܢ ܐܬܐ݁ ܦܪܘܫܐ ܕܝܗܐ݁
57.027:011	ܩܢܛܪܝܘܢܐ ܕܝ ܠܩܒܪܢܝܛܐ ܘܠܡܪܗ ܕܐܠܦܐ ܗܘܐ ܡܬܦܝܣ ܡܠܘܢ ܐܐ݁ ܠܡܐ ܕܗܘܐ ܧܘܠܘܣ ܐܡܪ
57.027:012	ܒܡܐ ܕܝ ܕܠܐ ܗܘܐ ܠܡܝܢܐ ܡܬܩܢ ܕܢܣܬܐ݁ ܬܡܢ ܣܘܓܝܗܘܢ ܝܗܒ̈ܘ ܡܝܠܟܘܢ ܕܝܦܪ̈ܘܫܘܢ ܡܢ ܬܡܢ̈ ܕܡܐ ܝܟܘܠܘܢ ܡܛ̈ܝܢ ܠܦܝܢܝܩܐ݁̈ ܘܝܣ̈ܬܘܢ ܬܡܢ ܒܠܡܝܢܐ ܕܩܪܝܛܐ݁̈ ܕܣܟܐ݁ ܒܝܢ ܡܥܪܒܐ ܠܕܪܘܡܐ
57.027:013	ܒܡܐ ܕܝ ܕܢܦܚ ܪܘܚܐ ܕܕܪܘܡܐ̈ ܘܣܒܪ̈ܘ ܕܨܕܬ ܚܫܒܬܗܘܢ ܘܐܬܘ ܠܐܣܘܣ ܘܗܘܘ ܡܥܒܪ̈ܝܢ ܠܩܪܝܛܐ݁
57.027:014	ܡܢ ܒܬܪ ܕܝ ܨܝܒܚܕ ܪܡܐ ܥܠܝܢ̈ܗ ܪܘܚ ܢܦܘܚ ܗܕܢ ܕܡܬܩܪܐ݁ ܐܘܪܩܝܠܝܘܢ
57.027:015	ܘܐܬܚܛܦ ܐܠܦܐ ܘܠܐ ܗܘܐ ܝܟܠ ܕܝܕܡܐ݁ ܠܩܘܒܠ ܪܘܚܐ ܘܝܗܒܢܢ ܐܝ̈ܕܝܐ ܘܟܕܢ ܗܘܝ̈ܢܢ ܐܙ̈ܠܝܢ
57.027:016	ܒܡܐ ܕܝ ܕܪ̈ܗܛܢܢ ܥܠ ܢܝܣܘܣ ܚܕܐ ܡܬܩܪܝܐ ܩܠܘܕܐ̈ ܒܩܘܫܐ݁ ܝܟ̈ܠܢܢ ܕܢܠܒܘܟ ܩܝܛܠܐ
57.027:017	ܘܟܕ ܢܣ̈ܒܘ ܝܬܗ ܗܘܘ ܡܣܥܕ̈ܝܢ ܘܚܙ̈ܩܝܢ ܐ݁ܠܦܐ ‍[‍ܘܕ‍]‍ܚ̈ܠܝܢ ܕܠܐ ܝܦܘ̈ܠܘܢ ܠܓܘܢܐ ܣܝܪܛܘܣ ܘܐܚ̈ܬܘ ܩܠܥܐ ܘܟܕܢ ܗܘܘ ܐܙ̈ܠܝܢ
57.027:018	ܒܡܐ ܕܝ ܕܗܘܐ ܡ‍<‍ܚ‍>‍ܫܘܠܐ ܒܪܐ݁ ܥܠܝܢܗ ܠܚܕܐ ܒܝܘܡܐ ܚܘܪܢܐ ܗܘܘ ܫ̈ܕܝܢ ܠܝܡܐ
57.027:019	ܘܒܝ‍{‍‍{‍ܘ‍}‍‍}‍ܡܐ ܬܠܝܬܝܐ ܗܢܘܢ ܒܐܝܕܝܗ̈ܘܢ ܫܟܠܝܠܝܗ݀ ܕܐ݁ܠܦܐ ܫ̈ܕܘ
57.027:020	ܠܐ ܕܝ ܫܝܡܫ ܘܠܐ ܟܘܟܒ̈ܝܢ ܗܘܘ ܡܢܗܪ̈ܝܢ ܥܕ ܡܛܐ݁ ܠܝܘܡ̈ܝܢ ܣܓܝ ܘܡ‍<‍ܚ‍>‍ܫܘܠܐ ܕܝ ܗܘܐ ܥܠܝܢܢ ܘܠܐ ܨܝܒܚܕ ܘܥܘܕ ܐܬܪܝܡ ܟܘܠ ܣܒܪܢ ܕܐܢܗ ܡܫܬܘܙܒ̈ܝܢ
57.027:021	ܐܢܫ ܕܝ ܡܝܟܠ ܠܐ ܗܘܐ ܐܟܠ ܒܟܢ ܧܘܠܘܣ ܩܡ ܒܡܨܥܬܗܘܢ ܘܐܡܪ ܢܦܠ ܡܢ ܗܘܐ ܗܘ ܓܒܪ̈ܝܐ ܕܬܬܦܝܣܘܢ ܠܝ ܘܠܐ ܬܦܪ̈ܫܘܢ ܡܢ ܩܪܝܛܐ ܘܬܬܓܪ̈ܘܢ ܗܕܢ ܫܚܩܘܢܐ ܘܗܕܢ ܦܣܝܕܐ
57.027:022	ܘܐܘܦ ܟܕܘ ܕܝ ܡܠܟ ܐܢܐ ܠ‍[‍ܟ‍]‍ܘܢ ܕܬܚ̈ܕܘܢ ܐܒܕܢ ܓܪ ܠܐ ܗܘܐ ܐܘܦ ܠܐ ܠܚܕܐ ܢܦܫ ܡܢ ܕܝܠܟܘܢ ܠܒܪ ܡܢ ܐ݁ܠܦܐ
57.027:023	ܩܡ ܓܪ ܥܠܝ ܒܗܕܢ ܠܝܠܝܐ ܡܠܐܟܗ ܕܐܠܗܐ ܗܕܢ ܕܐܢܐ ܕܝܠܗ ܘܠܗ ܦܠܚ
57.027:024	ܐܡܪ ܠܝ ܠܐ ܬܕܚܘܠ ܦܘܠܗ̈ ܩܘܕܡ ܩܝܣܪ ܠܟ ܕܬܩܘܡ ܘܗܐ ܡܬܘܢܐ ܝܗܒ ܠܟ ܐܠܗܐ ܟܘܠ ܗܠܝܢ ܕܦܪ̈ܫܝܢ ܥܡܟ
57.027:025	ܠܒܕܝܠ ܟܕܢ ܐܬܚ̈ܕܘ ܓܒܪ̈ܝܐ ܡܗܝܡܢ ܐܢܐ ܓܪ ܒܐܠܗܐ ܕܟܕܢ ܝܗܐ ܗܝܟ ܡܐ ܕܐܬܡܠܠ ܠܝ
57.027:026	ܠܢܝܣܘܣ ܕܝ ܚܕܐ ܝܗܐ ܠܢ ܕܢܦܘܠ ‍[‍܂܂܂
57.027:027	ܟܕ ܗܘܐ ܠܢ ܐܪ̈ܒܥܬ ܥܣܪ ܠܝܠܘܐܢ ܡܬܟܪ̈ܟܝܢ