The Comprehensive Aramaic Lexicon

63.001:025	ܕܝ‍{‍ܟܠ‍}‍‍<‍ܠܟ‍>‍ܘܢ ܘܠܚܕܘܬܐ ܕܗܝܡܢܘܬܟܘܢ
63.001:026	ܠܓܠܠ ܬܫܒܚܬܟܘܢ ܬܗܝ ܡܬܝܬܪܐ ܒܝܣܘܣ ܡܫܝܚܐ ܒܝ ܒܡܝܬܘܝܬܝ ܬܘܒ ܠܘܬܟܘܢ̈
63.001:027	ܒܠܚܘܕ ܕܫܘܝܢ ܒܒܣܘܪܗ ܕܡܫܝܚܐ ܬܗܘܢ ܦܠܚ̈ܝ‍{‍ܝ‍}‍ܢ̈ ܕܐܢ ܝܐܬܝ ܘܝܚܡ‍[‍ܝ‍]‍ ܝܬܟܘܢ ܘܐܢ ܝܗܝ ܐܢܐ ܪܚܝܩ ܝܫܡܘܥ ܥܠ ܕܛܒܟܘܢ ܕܐܬܘܢ ܩܐܝܡܝܢ ܒܚܕܐ ܪܘܚ ܒܚܕܐ ܢܦܫ ܡܬܟܢܫܝܢ ܒܗܝܡܢܘܬܐ ܕܒܣܘܪܐ̈
63.001:028	ܘܠܐ ܡܬܪ̈ܗܒܝܢ ܒܟܠܘܡ ܡܢ ܗܠܝܢ ܕܩܝ̈ܡܝܢ ܠܩܘܒܠܟܘܢ ܡܐ ܕܗܝ ܠܗܘܢ ܐܘܕܥܘ ܕܐܒܕܢ ܠܟܘܢ ܕܝ ܠܚܝܝܢ ܘܗܕܐ ܡܢ ܐܠܗܐ
63.001:029	ܐܬܝܗܒܬ ܠܟܘܢ ܥܠ ܕܛܒ ܡܫܝܚܐ ܠܐ ܒܠܚܘܕ ܕܬܗܝܡܢܘܢ ܒܗ ܐܠܐ ܐܘܦ ܕܬܗܘܢ ܚܫ̈ܝܢ ܥܠ ܕܛܒܗ
63.001:030	ܝܬܗ ܝܬܗ ܬܟܬܝܫܐ ܝܗܝ ܠܟܘܢ ܕܚܡܝܬܘܢ ܒܝ ܐܘܦ ܟܕܘ ܐܬܘܢ ܫܡܥܝܢ ܒܝ
63.002:001	ܡܐ ܐܘܢ ܕܐܝܬ ܬܢܚܘ̈ܡܝܢ ܒܡܫܝܚܐ̈ ܡܐ ܕܐܝܬ ܦܝܓܘܓ ܕܚܒܐ ܡܐ ܕܐܝܬ ܫܘܬܦܘ ܕܪܘܚ ܡܐ ܕܐܝܬ ܬܚ̈ܢܘܢܝܢ ܘܪ̈ܚܡܝܢ
63.002:002	ܡܠܘ ܚܕܘܬܝ ܕܝܬܗ݀ ܝܬܗ݀ ܬܗܘܢ ܡܬܚܫܒܝܢ ܘܝܬܗ݀ ܚܒܬܐ ܬܗܝ ܥܡܟܘܢ ܚܕܐ ܢܦܫ ܚܕܐ ܚܫܒܐ ܬܗܘܢ ܡܬܚܫܒܝܢ
63.002:003	ܘܟܘܠܘܡ ܠܐ ܒܡ‍[‍܂܂܂‍]‍ܠܐ ܒܬܫܒܚܐ ܪܝܩܢܐ ܐܠܐ ܒܡܟܝܟܘܬܐ ܡܩܕܡܝܢ ܚܫܒ̈ܝܢ ܦܠܓܟܘܢ ܠܦܠܓ ܠܗܠܝܢ ܕܡܝܬܪܝܢ ܒܟܘܢ
63.002:004	ܠܐ ܕܝܠܗ ܝܗܝ ܟܘܠ ܐܢ‍{‍ܐ‍}‍‍<‍ܫ‍>‍ ܡܣܬܟܠ ܐܠܐ ܐܘܦ ܕܚܒܪ̈ܘܝ ܟܘܠ ܐܢܫ ܡܢܟܘܢ
63.002:005	ܗܘܘ ܡܬܚܫܒܝܢ ܒܢ ܡܐ ܕܐܘܦ ܒܝܣܘܣ ܡܫܝܚܐ̈
63.002:006	ܗܕܢ ܕܗܘܐ ܥܠ ܕܡܘܬܗ ܕܐܠܗܐ ܘܠܐ ܚܫܒ ܓܪܡܗ ܕܝܗܝ ܫܘܝ ܠܐܠܗܐ
63.002:007	ܐܠܐ ܪܘܩܢ ܓܪܡܗ ܘܢܣܒ ܨܘܪܬܗ ܕܥܒܕܐ ܘܒܕܡܘ ܕܒܪܢܫ ܐܬܥܒܕ ܘܒܛܘܦܣ ܐܫܬܟܚ ܗܝܟ ܒܪܢܫ
63.002:008	ܡܟܡܟ ܓܪܡܗ ܘܐܬܥܒܕ ܫܡܝܥ ܥܕ ܡܛܝ ܡܘܬܐ ܡܘܬܐ ܕܝ ܕܨܠܒܐ
63.002:009	ܠܒܕܝܠ ܟܕܢ ܪܘܡܡ ܝܬܗ ܐܠܗܐ ܘܝܗܒ ܠܗ ܫܝܡ ܠܥܠ ܡܢ ܟܘܠ ܫܝܡ
63.002:010	ܠܒܕܝܠ ܕܒܫܝܡܗ ܕܝܣܘܣ ܬܩܥܘܕ ܟܘܠ ܐܪܟܘܒܐ ܒܫܘܡܝܐ ܘܒܐܪܥܐ ܘܬܚܘܬ ܐܪܥܐ
63.002:011	ܘܟܘܠ ܠܝܫܢ ܝܫܬܘܕܝ ܒܡܪܐ ܝܣܘܣ ܡܫܝܚܐ ܠܬܫܒܘܚܬܗ ܕܐܠܗܐ ܐܒܘܝ
63.002:012	ܗܘܐ ܐܘܢ ܚܒܝܒܝ ܗܝܟ ܡܐ ܕܒܟܘܠ‍{‍ܐ‍}‍ ‍{‍ܓ‍}‍‍<‍ܥ‍>‍ܪ ܐܫܬܡܥܬܘܢ ܠܐ
63.003:018	ܠܟܘܢ ܟܕܘ ܕܝ ܒܒܘܟܝ ܐܢܐ ܐܡܪ ܠܟܘܢ ܣܢܘܝ ܕܨܠܒܗ ܕܡܫܝܚܐ
63.003:019	ܗܠܝܢ ܕܫܝܨܘܝܗܘܢ ܗܘܝ ܠܐܒܕܢ ܗܠܝܢ ܕܐܠܗܘܢ ܗܝ ܟܪܣܗܘܢ ܘܬܫܒܘܚܬܗܘܢ ܒܒ^ܗ^ܬܬܗܘܢ ܗܠܝܢ ܕܡܬܚܫܒܝܢ ܕܐܪܝܥܝܘܬܐ
63.003:020	ܦܘܠܝܛܝܐ ܓܪ ܕܝܠܝܢ ܒܓܘ ܫܘܡܝܐ ܗܝ ܡܢ ܗܢ ܕܐܘܦ ܡܚܝܢܢ ܐܢܢ ܡܣܟܝܢ ܠܡܪܢ ܝܣܘܣ ܡܫܝܚܐ
63.003:021	ܕܢ ܕܗܘ ܡܚܠܦ ܦܘܓܪܐ ܕܡܟܝܟܘܬܢ ܠܕܡܘܬܐ ܕܦܘܓܪܐ ܕܬܫܒܚܬܗ ܗܝܟ ܐܥܡܠܘܬܐ ‍[‍܂܂܂‍]‍ ܝܟܠ ܘܡܫܥܒܕ ܟܘܠܐ
63.004:001	ܗܘܝ ܐܘܢ ܐܚܝ ܚܒܝܒ̈ܝ ܘܗܠܝܢ ܕܐܢܐ ܡܬܚܡܕ ܕܚܕܘܬܝ ܘܟܠܝܠܝ ܗܟܕܢ ܗܘܘ ܩܝܡܝܢ ܒܡܪܐ ܚܒ̈ܝܒܝܐ
63.004:002	ܡܢ ܐܘܕܝܐ ܐܢܐ ܒܥܝ ܘܡܢ ܣܘܢܛܝܟܝ ܐܢܐ ܒܥܝ ܕܝܬܗ݀ ܝܬܗ݀ ܝܬܗ݀ ܝܗܢ ܡܬܚܫܒܢ ܒܡܪܐ
63.004:003	ܐܝܢ ܐܢܐ ܒܥܝ ܡܢܟ ܒܪ ܙܘܓܝ ܩܫܝܛܐ ‍[‍܂܂܂‍]‍ ܝܬܗܢ ܗܠܝܢ ܕܠܐܝ ܥܡܝ ܒܒܣܘܪܐ ܥܡ ܩܠܡܢܛܘܣ ܘܥܡ ܫܝܪܝܬ ܒܢܝ ܦܠܚܘܬܝ ܗܠܝܢ ܕܫܝܡܗܬܗܘܢ ܒܣܦܪܐ ܕܚܝܝ̈ܐ
63.004:004	ܐܬܚܕܘ ܒܡܪܐ ܬܘܒ ܐܢܐ ܐܡܪ
63.004:005	ܐܬܚܕܘ ܝܨܝܦܘܬܟܘܢ ܬܬܢܟܪ ܠܟܘܠ ܒܢܝܢܫܐ ܡܪܐ
63.004:006	ܩܪܝܒ ܟܘܠܘܡ ܠܐ ܬܨܘܦܘܢ ܐܠܐ ܒܟܘܠ ܥܪ ܠܨܠܘܬܐ ܘܠܒܥܘܬܐ ܘܒܐܫܬܘܕܝܘܬܐ ܫܐܠ‍[‍ܬܟܘܢ‍]‍ ܝܬܢܟܪ̈ܢ ܠܘܬ ܐܠܗܐ
63.004:007	ܘܫܠܡܗ ܕܐܠܗܐ ܝܗܝ ܡܓܢ ܥܠ ܟܘܠ ܬܝܪ̈ܬܟܘܢ ܘܝܢܛܪ ܠܒܒܝ̈ܟܘܢ ܘܚܫܒ̈ܬܟܘܢ ܒܝܣܘܣ ܡܫܝܚܐ
63.004:008	ܡܢ ܟܕܘ ܐܚܝܐ ܟܘܠ ܡܐ ܕܚܣܝܕ ܘܟܘܠ ܡܐ ܕܨܕܩ ܟܘܠ ܡܐ ܕܕܝܟܝ ܟܘܠ ܡܐ ܕܩܫܝܛ ܟܘܠ ܡܐ ܕܪܚܡ ܟܘܠ ܡܐ ܕܠܫܒܘܚ ܟܘܠ ܡܐ ܕܠܬܫܒܚܐ ܗܠܝܢ ܗܘܘ ܡܬܚܫܒܝܢ
63.004:009	ܡܐ ܕܐܘܦ ܝܠܦܬܘܢ ܘܩܒܠܬܘܢ ܘܫܡܥܬܘܢ ܘܚܡܝܬܘܢ ܒܝ ܗܠܝܢ ܗܘܘ ܥܒܕܝܢ ܘܐܠܗܐ ܕܫܠܡܐ ܗܘܝ ܥܡܟܘܢ

63.004:010	ܚܕܝܬ ܕܝ ܒܪܘܒܝ ܒܡܪܐ ܕܗܘܝܬܘܢ ܫܒܚܝܢ ܘܡ‍{‍ܫܬܒܚ‍}‍‍<‍ܬܚܫܒ‍>‍ܝܢ ܐܬܠܚܨܬܘܢ

63.004:011	ܠܐ ܕܝ ܗܝܟ ܕ‍{‍ܬ‍}‍ܚܣܪܘܢ ܐܢܐ ܐܡܪ ܐܢܐ ܓܪ ܝܠܦܬ ܒܡܐ ܕܐܢܐ ܝܗܝ ܣܦܩ ܠܝ
63.004:012	ܝܕܥ ܐܢܐ ܐܘܦ ܕܝܬܡܟܡܟ ܐܘܦ ܕܝܬܝܬܪ ܒܟܘܠ ܡܩܡܐ ܘܒܟܘܠܐ ܐܢܐ ܡܥܡܠ ܐܘܦ ܕܝܣܒܘܥ ܐܘܦ ܕܝܟܦܘܢ ܘܕܝܘܬܪ ܘܕܝܚܣܪ
63.004:013	ܟܘܠܐ ܐܢܐ ܝܟܠ ܒܕܢ ܕ‍[‍ܡܚܝ‍]‍ܠ ܝܬܝ
63.004:014	ܒܠܚܘܕ ܕܝ ܝܐܘܬ ܥܒܕܬܘܢ ܕܐܫܬܬܦܬܘܢ ܠܠܚܘܨܝ
63.004:015	ܝܕܥܝܢ ܐܬܘܢ ܕܝ ܐܘܦ ܐܬܘܢ ܦܝܠܝܦܣ̈ܝܝ ܕܒܫܪܘܝܗ ܕܒܣܘܪܐ ܟܕ ܢܦܩܬ ܡܢ ܡܩܕܘܢܝܐ ܐܘܦ ܠܐ ܚܕܐ ܟܢܝܫܐ ܠܐ ܐܫܬܬܦܬ ܠܝ ܠܚܫܒܢ ܡܣܒ ܘܡܬܢ ܐܠܐ ܐܬܘܢ ܒܠܚܘܕܝܟܘܢ
63.004:016	ܕܐܘܦ ܠܬܣܠܢܝܩܝ ܚܕܐ ܙܒܢ ܘܬܪ̈ܬܝܢ ܫܠܚܬܘܢ ܠܝ ܨܘܪܟܝ
63.004:017	ܠܐ ܕܐܢܐ ܒܥܝ ܡܬܘܢܬܟܘܢ ܐܠܐ ܒܥܝ ܐܢܐ ܦܝܪ̈ܝܟܘܢ ܗܠܝܢ ܕܣܓܝ ܠܚܫܒܢܟܘܢ
63.004:018	ܩܒܠܬ ܕܝ ܟܘܠܐ ܘܐܢܐ ܡܝܬܪ ܡܠܝ ܐܢܐ ܕܩܒܠܬ ܡܢ ܐܦܦܪܕܝܛܘܣ ܡܐ ܕܡܢ ܠܘܬܟܘܢ ܪܝܚ ܒܣܝܡ ܢܝܟܝܣܐ ܡܩܒܠܐ ܫܦܪܐ ܠܐܠܗܐ
63.004:019	ܐܠܗܐ ܕܝ ܝܡܠܝ ܟܘܠ ܨܘܪ̈ܟܝܟܘܢ ܗܝܟ ܥܘܬܪܗ ܕܬܫܒܚܬܗ ܒܝܣܘܣ ܡܫܝܚܐ̈
63.004:020	ܠܐܠܗܐ ܕܝ ܘܐܒܘܢܝܢ ܬܫܒܘܚܬܐ ܠܥܠܡܝܐ ܕܥܠܡܝܐ ܐܡܝܢ
63.004:021	ܫܘܠܘ ܒܫܠܡܗ ܕܟܠ ܩܕܝܫ ܕܝܣܘܣ ܡܫܝܚܐ
63.004:022	ܫܐܠܝܢ ܒܫܠܡܟܘܢ ܟܘܠ ܩܕܝܫܝܐ ܚܕ ܟܡܐ ܕܝ ܗܠܝܢ ܕܡܢ ܒܝܬܗ ܕܩܝܣܪ
63.004:023	ܚܣܕܗ ܕܡܪܐ ܝܣܘܣ ܡܫܝܚܐ ܥܡ ܪܘܚܟܘܢ