The Comprehensive Aramaic Lexicon

64.001:001	ܧܘܠܘܣ ܫܠܝܚܗ ܕܝܣܘܣ ܡܫܝܚܐ ܒܨܒܝܘܢܗ ܕܐܠܗܐ ܘܛܝܡܬܘܣ ܐܚܐ
64.001:002	ܠܗܠܝܢ ܕܒܩܘܠܣܘܣ ܩ̈ܕܝܫܝܢ ܘܡܗܝܡܢܝܢ ܐ‍[‍ܚܝܢ‍]‍ ܒܡܫܝܚܐ ܚܣ‍[‍ܕܐ‍]‍ ܥܡܟܘܢ ܘܫܠܡܐ ܡܢ ܐܠܗܐ ܐܒܘܢܢ
64.001:003	ܡܫܬܘܕܝ ܐܢܐ ܠܐܠܗܝ ܐܒܘܝ ܕܡܪܢ ܝܣܘܣ ܡܫܝܚܐ ܒܟܘܠ ܥܪ ܥܠ ܕܛܒܗܘܢ ܡܨ̈ܠܝܢ
64.001:004	ܕܫܡܥܢܢ ܗܝܡܢܘܬܟܘܢ ܒܝܣܘܣ ܡܫܝܚܐ ܘܚܒܬܟܘܢ ܕܠܘܬ ܩܕܝܫܝܐ
64.001:005	ܠܒܕܝܠ ܣܒܪܐ ܕܡܬܢܛܪ ܠܟܘܢ ܒܓܘ ܫܘܡܝܐ ܕܢ ܕܫܡܥܬܘܢ ܡܢ ܩܘܕܡ ܒܡܠܬܐ ܕܩܘܫܛܗ ܕܒܣܘܪܐ
64.001:006	ܕܢ ܕܐܬܐ ܠܘܬܟܘܢ ܗܝܟ ܡܐ ܕܒܟܘܠܗ ܥܠܡܐ ܘ‍[‍ܗܘ‍]‍ ܫܒܥ ܘܗܘ ܦܪܝ ܗܝܟ ܕܐܘܦ ܒܟܘܢ ܡܢ ܝܘܡܐ ܕܫܡܥܬܘܢ ܘܐܟܪܬܘܢ ܚܣܕܗ ܕܐܠܗܐ ܒܩܘܫܛܐ
64.001:007	ܗܝܟ ܕܝܠܦܬܘܢ ܡܢ ܐܦܦܪܐ ܟܢܬܢ ܚܒܝܒܐ ܕܢ ܕܗܘ ‍[‍܂܂܂‍]‍ ܥܠܝܟܘܢ ܫܡܫܗ ܕܡܫܝܚܐ ‍[‍ ܂܂܂
64.001:008	ܕܢ ܕ‍[‍܂܂܂‍]‍ ܚܒܬܟܘܢ ܕܒܪܘܚܐ
64.001:009	ܠܒܕܝܠ ܟܕܢ ܐܘܦ ܐܢܢ ܡܢ ܝܘܡܐ ܕܫܡܥܬܘܢ ܠܝܬܢܢ ‍[‍܂܂܂ ܥܠ‍]‍ ܛܒܟܘܢ ܘܒܥܝܢ ܕܬܬܡܠܘܢ ܒܐܟܪܘܬܗ ܕܨܒܝܘܢܗ ܒܟܘܠ ܚܟܡܐ ܘܒܘܢܢܘ
64.002:015	ܝܬܗܘܢ ‍[‍܂܂܂‍]‍ ܒܗ
64.002:016	ܠܐ ܐܘܢ ܝܗܝ ܐܢܫ ܕܐܝܢ ܝܬܟܘܢ ܒܡܝܟܠ ܐܐ ܒܡܫܬܝ ܐܐ ܒܚܘܠܩ ܕܡܘܥܕ ܐܐ ܒܪ̈ܫܝ ܝܪ̈ܚܝܢ ܐܐ ܒܫܘܒܐܬܐ

64.002:017	ܕܗܢܘܢ ܛܠܢܝ ܕܡܐ ܕܥܬܝܕ ܥܠ ܦܘܓܪܗ ܕܝ ܕܡܫܝܚܐ

64.002:018	ܐܢܫ ܠܐ ܝܗܝ ܥܨ‍[‍ܐ‍]‍ ܝܬܟܘܢ ܒܥܝ ‍[‍܂܂܂‍]‍ ܘܒܬܫ‍[‍ܒܚܐ‍]‍ ܕܡܠܐܟܝ‍<‍ܢ‍>‍ ܡܐ ܚܡܐ ܣܠܩ ܐܝܩܝ ܘܡܬܡܠܝ ܘܡܬܢܦܚ ܡܢ ܚܫܒܬ‍[‍ܗ ܕ‍]‍ܒܣܪܗ
64.002:019	ܘܠܐ ܨܝܕ ܪܝܫܐ ܕܡܢܗ ܟܘܠ ܦܘܓܪܐ ܡܣܬܦܩ ܘܒܬܪܥ ܓܫ̈ܝܐ ܕܐܘܣܪ̈ܝܐ ܪܒܝ ܘܫܒܚ ܫܒܘܚܗ ܕܐܠܗܐ
64.002:020	ܐܢ ܡܝܬܘܢ ܥܡ ܡܫܝܚܐ ܡܢ ܡܙܠܘܝ ܕܥܠܡܐ ܠܡܐ ܗܝܟ ܚܝܝܢ ܬܬܕܝܢܘܢ ܒܥܠܡܐ
64.002:021	ܠܐ ܬܩܪܘܒ ܘܠܐ ܬܛܥܘܡ ܘܠܐ ܬܓܘܫ
64.002:022	ܡܐ ܕܟܘܠܐ ܠܬܪܝܦܘ ܘܠܫܚܫܘܚ ܗܝܟ ܦܩܘ‍[‍ܕܝ̈ܐ‍]‍ ܘܐܘܠܦܢܐ ܕܒܢܝܢܫܐ
64.002:023	ܡܐ ܕܗܢܘܢ ܡܠܐ ܡܢ ܒܗܘܢ ܕܚܟܡܐ ‍[‍܂܂܂‍]‍ ܬܫܡܫ ܘܕܡܟܝܟܘ ܕܠܐ ܚܝܣܝܢ ܥܠ ܦܘܓܪܝܗܘܢ ܠܐ ܒܝܩܪ ܕܟܘܠܡ ܠܣܒܥܗ ܕܒܣܪܐ
64.003:001	ܐܢ ܐܘܢ ܩܡܬܘܢ ܥܡ ܡܫܝܚܐ ܕܥܠܝܘܬܐ ܒܥ̈ܘ ܗܢ ܕܗܘ ܡܫܝܚܐ ܝܬܝܒ ܡܢ ܝܡܝܢܗ ܕܐܠܗܐ
64.003:002	ܕܥܠܝܘܬܐ ܗܘܘ ܡܬܚܫܒܝܢ ܠܐ ܡܐ ܕܥܠ ܐܪܥܐ
64.003:003	ܡܝܬܘܢ ܓܪ ܘܚܝ̈ܝܟܘܢ ܛܡܝܪ̈ܝܢ ܥܡ ܡܫܝܚܐ ܒܐܠܗܐ
64.003:004	ܟܕ ܝܬܓܠܝ ܡܫܝܚܐ ܚܝܝ̈ܟܘܢ ܒܟܢ ܐܘܦ ܐܬܘܢ ܡܬܓ‍[‍ܠ̈ܝ‍]‍ܢ ܒܬܫܒܚܐ
64.003:005	ܐܡܝܬܘ ܐܘܢ ܐܒܪ̈ܝܟܘܢ ܕܥܠ ܐܪܥܐ ܙܢܘܬܐ ܫܩܨܘܬܐ ܡܚܘܫܝܐ ܬܚܡܕܬܐ ܒܝܫܬܐ ܥܨܝܘܢܐ ܡܐ ܕܗܝ ܣܓܕܬ ܨܠܡ̈ܝܐ
64.003:006	ܕܠܒܕܝܠ ܗܠܝܢ ܐܬܝ ܪܘܓܙܗ ܕܐܠܗܐ
64.003:007	ܕܒܗܠܝܢ ܐܘܦ ܐܬܘܢ ܗܠܟܬܘܢ ܒܙܒܢ ܟܕ ܗܘܝܬܘܢ ܚܝܝܢ ܒܗܠܝܢ
64.003:008	ܟܕܘ ܕܝ ‍[‍܂܂܂‍]‍ ܐܘܦ ܐܬܘܢ ܟܘܠܐ ܡܢܟܘܢ ܪܘܓܙܐ ܚܡܬܐ ܒܝܫܬܐ ܓܕܦܝ̈ܐ ܡ̈ܠܝܐ ܣܢܝ̈ܬܐ ܡܢ ܦܡܟܘܢ
64.003:009	ܠܐ ܬܕܓ̈ܠܘܢ ܦܠܓܟܘܢ ܒܦܠܓ ܚܠܫܝܢ ܒܪܢܫܐ ܥܬܝܩܐ ܥܡ ܥܘܒܕܘܝ
64.003:010	ܘܠܒܫܝܢ ܠܒܪܢܫܐ ܚܕܬܐ ܠܕܢ ܕܡܬܚܕܬ ܒܐܟܪܘ ܥܠ ܨܘܪܬܗ ܕܕܢ ܕܒܪܐ ܝܬܗ
64.003:011	ܗܢ ܕ‍[‍ܠ‍]‍ܐ ܝܘܕܝ ܘܠܐ ܝܘ‍[‍ܢܝ‍]‍ ܘܠܐ ܓܘܙܪܐ ܘܠܐ ܥܘܪܠܐ ܘܠܐ ܒܪܒܪ ܘܠܐ ܣܩܝܬܝ ܘܠܐ ܥܒܕ ܘܠܐ ܒܪ ܚܪ̈ܝܢ ܐܠܐ ܟܘܠܐ ܘܒܟܘܠܐ ܡܫܝܚܐ
64.003:012	ܠܒܘܫܘ ܐܘܢ ܗܝܟ ܒܚܝܪ̈ܘܝ ܕܐܠܗܐ ܩܕܝܫ̈ܝܐ ܪ̈ܚܡܝܐ ܬܢܚܘ̈ܡܝܐ