The Comprehensive Aramaic Lexicon

66.001:001	ܧܘܠܘܣ ܘܣܝܠܘܢܘܣ ܘܛܝܡܬܝܘܣ ܠܟܢܝܫܬܐ ܕܬܣܠܘܢܝܩܝܝ ܒܐܠܗܐ ܐܒܘܢܢ ܘܡܪܢ ܝܣܘܣ ܡܫܝܚܐ
66.001:002	ܚܣܕܐ ܥܡܟܘܢ ܘܫܝܠܡܐ ܡܢ ܐܠܗܐ ܐܒܐ ܘܡܢ ܡܪܢ ܝܣܘܣ ܡܫܝܚܐ
66.001:003	ܚܝܒ̈ܝܢ ܐܢܢ ܕܢܗܐ݁ ܡܫܬܘ̈ܕܝܢ ܠܐܠܗܐ ܒܟܘܠ ܥܪ ܥܠ ܕܛܒܟܘܢ ܐܚ̈ܝܐ ܗܝܟ ܕܫܘܐ݁ ܗܘ ܥܠ ܕܡܘܬܪ ܫܒܝܚܐ ܗܝܡܢܘܬܟܘܢ ܘܡܬܝܬܪܐ ܚܒܬܐ ܕܟܘܠ ܚܕ ܘܚܕ ܡܢܟܘܢ ܦܠܓܟܘܢ ܠܘܬ ܦܠܓ ܗܝܟ ‍[‍܂܂܂
66.001:004	ܐܢܢ ܡܫܬܒܚܝܢ ܐܘܢ ܠܟܢܝܫܬܐ ܕܐܠܗܐ ܥܠ ܕܛܒ ܡܣܘܒܪܢܘܬܟܘܢ ܘܗܝܡܢܘܬܟܘܢ ܒܟܘܠܗܘܢ ܪ̈ܕܘܦܝܟܘܢ ܘܒܠܚܨܘ̈ܢܝܐ ܗܠܝܢ ܕܐܬܘܢ ܡܣܘܒܪ̈ܝܢ̈
66.001:005	ܠܐܘܕܥܘܬܐ ܕܕܝܢܐ ܕܨܕܩܗ ܕܐܠܗܐ ܕܬܗܘܢ ܫܘ̈ܝܢ ܒܡܠܟܘܬܗ ܕܐܠܗܐ ܗܕܐ ܕܐܘܦ ܚܫ̈ܝܢ ܐܬܘܢ ܥܠ ܕܛܒܗ݀
66.001:006	ܕܨܕܩ ܗܘ ܠܘܬ ܐܠܗܐ ܕܝܓܙܐ݁ ܠܗܠܝܢ ܕܠܚܨܝܢ ܝܬܟܘܢ ܠܚܨ̈ܘܢܝܐ
66.001:007	ܘܠܟܘܢ ܠܗܠܝܢ ܕܡܬܠܚܨ̈ܝܢ ܢܝܚ ܥܡܢ ܒܓܘܠܝܗ ܕܡܪܢ ܝܣܘܣ ܡܢ ܓܘ ܫܘܡܝܐ̈ ܥܡ ܡܠܐ̈ܟܝܐ ܕܚܝܠܗ

66.001:008	ܒܢܘܪܐ ܕܒܥܪܐ̈ ܝܗܒ ܢܩܡܐ ܠܗܠܝܢ ܕܠܐ ܡܟܪ̈ܝܢ ܠܐܠܗܐ ܘܠܗܠܝܢ ܕܠܐ ܡܫܬܡ̈ܥܝܢ ܠܒܣܘܪܗ ܕܡܪܢ ܝܣܘܣ ܡܫܝܚܐ

66.001:009	ܐܢܫ̈ܝܢ ܕܝܫܬܩ̈ܦܘܢ ܕܝ ܫܚܩܢ ܕܠܥܠܡ ܡܢ ܩܘܕܡ ܐܦ̈ܘܝ ܕܡܪܐ̈ ܘܡܢ ܬܫܒܚܬܐ ܕܚܝܠܗ̈
66.001:010	ܟܕ ܝܬܐ݁ ܕܝܫܬܒܚ ܒܩܕܝܫܘܝ ܘܝܬܡܗ ܒܟܘܠ ܗܠܝܢ ܕܡܗ̈ܠܠܝܢ ܕܐܬܗܝܡܢܬ ܣܗܕܘܬܢ ܥܠܝܟܘܢ ܒܗܘ ܝܘܡܐ
66.001:011	ܒܡܐ ܕܐܘܦ ܐܢܢ ܡܨܠܝ̈ܢ ܒܟܘܠ ܥܪ ܥܠ ܕܛܒܟܘܢ ܕܝܥܒܕ ܝܬܟܘܢ ܐܠܗܐ ܫܘ̈ܝܢ ܕܩܪܝܬܗ̈ ܘܝܡܠܐ݁ ܟܘܠ ܨܒܝܘܢ ܕܛܝܒܘ ܘܥܘܒܕ ܕܗܝܡܢܘ ܒܚܝܠ
66.001:012	ܠܒܕܝܠ ܕܝܫܬܒܚ ܫܝܡܗ ܕܡܪܢ ܝܣܘܣ ܒܟܘܢ ܘܐܬܘܢ ܒܗ ܗܝܟ ܛܝܒܘܬܗ ܕܐܠܗܐ ܘܕܡܪܢ ܝܣܘܣ ܡܫܝܚܐ
66.002:001	ܒܥ̈ܝܢ ܐܢܢ ܕܝ ܡܢܟܘܢ ܐܚ̈ܝܐ ܥܠ ܛܒ ܡܝܬܘܝܬܗ ܕܡܪܢ ܝܣܘܣ ܡܫܝܚܐ̈ ܘܟܢܘܫܐ ܕܝܠܢ ܕܥܠܘܝ
66.002:002	ܠܒܕܝܠ ܕܠܐ ܒܘܦܪܝܥ ܬܗܘܢ ܡܙܕܥܙ̈ܥܝܢ ܡܢ ܚܫܒܬܟܘܢ ܘܠܐ ܬܗܘܢ ܡܬܪ̈ܗܒܝܢ̈ ܠܐ ܒܬܪܥ ܪܘܚ̈ ܘܠܐ ܒܬܪܥ