← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55000: 2Tim 1:9-3:14 CCR

Click on a word for lexical analysis
Click on a red-colored coordinate for comments and/or translations of the line

previous chapter


68.001:009 ܡܢ ܥܕ ܠܐ ܐܫܘ̈ܢܝܗܘܢ ܕܥܠܡ̈ܝܐ
68.001:010 ܐܬܓܠܝܬ݁ ܕܝ ܟܕܘ ܒܬܪܥ ܓܘܠܝܗ ܕܡܚܝܢܢ ܝܣܘܣ ܡܫܝܚܐ ܕܒܛܠ ܡܢ ܡܘܬܐ ܐܢܗܪ ܕܝ ܚܝܝ̈ܐ̈ ܘܟܡܐ ܕܠܐ ܬܪܦ ܒܬܪܥܗ ܕܒܣܘܪܐ
68.001:011 ܗܕܢ ܕܐܢܐ ܐܬܣܝܡܝܬ ܠܗ ܡܝܟܪܙܢ ܘܫܠܝܚ ܘܡܠܦܢ ܠܡܝ̈ܢܝܐ
68.001:012 ܠܒܕܝܠ ܟܕܢ ܗܠܝܢ ܐܢܐ ܚܫܫ ܐܠܐ ܠܝܬܢܐ ܒܗܬ ܝܕܥ ܐܢܐ ܓܪ ܒܡ݁ܢ ܗܝܡܢܝܬ ܘܐܢܐ ܡܦܣ ܕܗܘ ܝܟܠ ܕܝܛܘܪ ܦܩܕܘܢܝ ܠܗ݀ܘ ܝܘܡܐ
68.001:013 ܕܡܘ ܬܗܐ݁ ܥܡܟ ܠܡܠܝ̈ܐ ܚܠܝܡ̈ܬܐ ܗܠܝܢ ܕܫܡܥܬ ܡܢܝ ܒܗܝܡܢܘܬܐ ܘܒܚܒܬܐ ܕܒܝܣܘܣ ܡܫܝܚܐ
68.001:014 ܦܩܕܘܢܐ ܛܒܐ ܛܘܪ ܒܬܪܥܗ ܕܪܘܚܐ ܕܩܘܕܫܐ ܗܕܐ ܕܥܡܪܐ ܒܓܘܟ
68.001:015 ܝܕܥ ܐܬ ܗܕܐ ܕܬܒ̈ܘ ܠܗܘܢ ܡܢܝ ܟܘܠ ܗܠܝܢ ܕܒܐܣܝܐ̈ ܡ݁ܢ ܕܗܘ ܦܠܝܠܝܓܘܣ ܘܐܪܡܓܢܝܣ
68.001:016 ܝܬܠ ܐܠܗܐ ܪ̈ܚܡܝܢ ܠܒܝܬܗ ܕܐܘܢܣܝܦܪܘܣ̈ ܕܣܓܝ ܙܒܢ̈ܝܢ ܐܩܪ ܒܪܘܚܝ̈ ܘܒܫܝܫܠܬܝ ܠܐ ܒܗܬ
68.001:017 ܐܠܐ ܟܕ ܐܬܐ ܠܪܘܡܐ ܒܝܨܝܦܘ ܒܥܐ ܝܬܝ ܘܐܫܟܚ
68.001:018 ܝܬܠ ܠܗ ܡܪܐ ܕܝܫܟܚ ܪ̈ܚܡܝܢ ܡܢ ܠܘܬ ܡܪܐ ܒܗ݀ܘ ܝܘܡܐ ܘܟܘܠ ܡܐ ܕܫܡܫ ܝܬܝ ܒܐܦܣܘܣ ܛܒܐܝܬ ܐܬ ܝܕܥ
68.002:001 ܐܬ ܐܘܢ ܒܪܝ ܐܬܚܝܠ ܒܚܣܕܐ ܕܒܝܣܘܣ ܡܫܝܚܐ
68.002:002 ܘܡܐ ܕܫܡܥܬ ܡܢܝ ܒܬܪܥ ܣܗ̈ܕܝܢ ܣܓܝ̈ ܗܠܝܢ ܗܘܝ ܡܣܪ ܠܒܢܝܢܫ ܡܗܝ̈ܡܢܝܢ ܗܠܝܢ ܕܗܘ̈ܝܢ ܕܘܡܠܐ̈ܝܢ ܕܐܘܦ ܠܚܘܪ̈ܢܝܢ ܝܠܦ̈ܘܢ
68.002:003 ܐܬܢܒܠ ܗܝܟ ܦܠܚܗ ܛܒܐ ܕܝܣܘܣ ܡܫܝܚܐ
68.002:004 ܐܢܫ ܠܐ ܗܘܐ ܦܠܚ ܘܡܬܟܪܟ ܒܡܩ̈ܡܬܗ ܕܥܠܡܐ̈
68.003:002 ܕܠܐ ܝܫܝܪ̈ܝܢ
68.003:003 ܕܠܐ ܪ̈ܚܡܢܝܢ ܕܠܐ ܨܐ̈ܕܝܢ ܓܪܡܗܘܢ ܕܠܐ ܡܬܡ̈ܡܝܢ ܕܠܐ ܪ̈ܚܡܝܢ ܛܒ̈ܬܐ ܕܠܐ ܡܩܝ̈ܡܝܢ ܒܐܬܩܢܘܬܗܘܢ ܡܩܛܪ̈ܓܢܝܢ
68.003:004 ܡܣܘܪ̈ܝܢ ܕܫܘ̈ܥܝܢ ܢܦܝ̈ܚܝܢ ܪ̈ܚܡܝܢ ܡܠܘܢ ܬܚܘܡܕܬܐ̈ ܐܐ݁ ܓܪ ܠܐܠܗܘܬܐ
68.003:005 ܥܡܗܘܢ ܕܡܘܬܐ ܕܨܕܩܐ ܒܚܝܠܗ ܕܝ ܟܦܪ̈ܝܢ ܐܘܦ ܗܠܝܢ ܗܘܝ ܡܪܚܩ ܡܢܟ
68.003:006 ܡܢ ܗܠܝܢ ܓܪ ܗܢܘܢ ܗܠܝܢ ܕܗܘ̈ܝܢ ܚ̈ܠܕܝܢ ܠܒ̈ܬܝܐ̈ ܘܫܒ̈ܝܢ ܢܫ̈ܝܢ ܕܐܨܝܪ̈ܢ ܒܣܟ̈ܠܢ ܡܬܢܓ̈ܕܢ ܒܬܚ̈ܘܡܕܢ ܕܛܘܦ̈ܣܝܢ ܣܓܝ
68.003:007 ܘܒܟܘܠ ܓܪ ܝܠܦ̈ܢ̈ ܘܠܥܠܡ ܠܐܟܪܘܬܐ ܕܩܘܫܛܐ ܠܐ ܝܟ̈ܠܢ ܕܝܐܬܝ̈ܐܢ
68.003:008 ܗܝܟ ܡܐ ܕܝ ܕܝܢܝܣ ܘܝܒܪܝܣ ܩܡ̈ܘ ܠܩܘܒܠ ܡܘܫܐ݁̈ ܗܟܕܢ ܐܘܦ ܗܠܝܢ ܩܐ̈ܡܝܢ ܠܩܘܒܠ ܩܘܫܛܐ̈ ܒܢܝ̈ܢܫ ܕܡܬܪ̈ܦܝܢ ܒܚܫܒ̈ܬܗܘܢ ܘܦܣ̈ܝܠܝܢ ܡܢ ܗܝܡܢܘܬܐ
68.003:009 ܐܠܐ ܠܐ ܡܬܥܒ̈ܕܝܢ ܥܠ ܕܡܘܬܪ̈ ܩܝܓܪ ܫܓܫܘܬܗܘܢ ܝܕܝܥܐ ܗܘܝܐ ܠܟܘܠܐ̈ ܗܝܟ ܕܐܘܦ ܗܠܘܟ ܐܬܥܒܕܬ
68.003:010 ܐܬ ܕܝ ܪܕܦܬ ܠܐܘܠܦܢܝ̈ ܠܕܒܘܪܝ̈ ܠܐܬܩܢܘܬܝ̈ ܠܗܝܡܢܘܬܝ̈ ܠܐܘܪܟܬ ܪܘܚܝ̈ ܠܚܒܬܝ̈ ܠܡܣܘܒܪܢܘܬܝ̈
68.003:011 ܠܪ̈ܕܘܦܝ̈ ܠܡܚܘ̈ܫܝ̈ ܟܘܠ ܡܐ ܕܐܬܥܒܕ ܠܝ ܒܐܢܛܝܩܝܐ ܒܐܝܩܘܢܝܐ ܒܠܝܣܛܪܐ ܗ‍{‍ܝܘ‍}‍‍<‍ܘܝ‍>‍ ܪ̈ܕܘܦܝܢ ܣܘܒܪܝܬ̈ ܘܡܢ ܟܘܠܗܘܢ ܦܪܩܝ ܡܪܐ
68.003:012 ܘܐܘܦ ܟܘܠ ܗܠܝܢ ܕܨܒ̈ܝܢ ܕܝܚ̈ܘܢ ܒܕܚܠܬܗ ܕܐ݁ܠܗܐ ܒܝܣܘܣ ܡܫܝܚܐ ܝܬܪ̈ܕܦܘܢ
68.003:013 ܒܢܝ̈ܢܫ ܕܝ ܒܝܫ̈ܝܢ ܘܡܛܥ̈ܝܢܝܢ ܝܬܝܬܪ̈ܘܢ ܥܠ ܕܡܘܬܪ ܒܒܝܫ̈ܬܐ ܛܥ̈ܝܢ ܘܡܛ̈ܥܝܢ̈
68.003:014 ܐܬ ܕܝ ܟܬܪ ܒܗܠܝܢ ܕܝܠܦܬ ܘܐܬܗܝܡܢܬ ܝܕܥ ܡܢ ܡ݁ܢ ܝܠܦܬ

next chapter