← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55000: 2Pet 1-3:18 CCR

Click on a word for lexical analysis
Click on a red-colored coordinate for comments and/or translations of the line

74.001:001 ܣܝܡܘܢ ܧܛܪܘܣ ܥܒܕܗ ܘܫܠܝܚܗ ܕܝܣܘܣ ܡܫܝܚܐ̈ ܠܗܠܝܢ ܕܙܟ̈ܘ ܒܗܝܡܢܘܬܐ ܡܝܩܪܬܐ ܫܘܝ̈ܢ ܠܢ ܒܨܕܩܗ ܕܐܠܗܢ̈ ܘܕܡܚܝܢܢ ܝܣܘܣ ܡܫܝܚܐ
74.001:002 ܚܣܕܐ ܠܟܘܢ ܘܫܝܠܡ ܐܝܣܬܓܝ ܒܐܟܪܘܬܗ ܕܐܠܗܐ ܘܕܝܣܘܣ ܡܫܝܚܐ ܡܪܢ
74.001:003 ܗܟܡܐ ܕܟܘܠܐ ܡܢ ܚܝܠܐ ܕܐܠܗܘܬܗ ܐܬܝܗܒ ܠܢ ܠܚܝܝ̈ܢ ܘܠܕܚܠܐ ܕܐܠܗ ܒܐܟܪܘܬܗ ܕܕܢ ܕܩܪܐ ܝܬܢ ܒܬܫܒܚܬܗ ܘܒܪܒܘܬܗ
74.001:004 ܗܠܝܢ ܕܒܗܝ̈ܢ ܩܨܝܨ̈ܬܐ ܪܒܪ̈ܒܬܐ ܘܡܝܩܪ̈ܬܐ ܝܗܒ ܠܢ ܠܒܕܝܠ ܕܒܗܠܝܢ ܬܬܥ̈ܒܕܘܢ ܫܘܬܦ̈ܝܢ ܠܦܝܣܝܣ ܕܐܠܗܘܬܐ ܕܥܪ̈ܩܬܘܢ ܡܢ ܬܚܡܘܕܬܐ ܘܬܪܦܘܬܐ ܕܒܥܠܡܐ
74.001:005 ܘܐܬܘܢ ܕܝ ܟܘܠ ܝܨܝܦܘ ܐܥ̈ܠܘ ܘܣܦܩ̈ܘ ܒܗܝܡܢܘܬܟܘܢ ܠܬܫܒܚܬܐ ܒܬܫܒܚܬܐ ܕܝ ܠܐܟܪܘܬܐ
74.001:006 ܒܐܟܪܘܬܐ ܠܚܠܝܡܘܬܐ ܒܚܠܝܡܘܬܐ ܕܝ ܠܡܣܘܒܪܢܘܬܐ ܒܡܣܘܒܪܢܘܬܐ ܕܝ ܠܕܚܠܬܗ ܕܐܠܗܐ
74.001:007 ܒܕܚܠܬܗ ܕܝ ܕܐܠܗܐ ܚܒܬܐ ܕܐܚ̈ܝܐ̈ ܒܚܒܬܐ ܕܝ ܕܐܚ̈ܝܐ ܠܚܒܬܐ̈
74.001:008 ܒܡܐ ܓܪ ܕܗܘܝܐܢ ܠܟܘܢ ܗܠܝܢ ܘܡܬܝܬܪ̈ܢ̈ ܠܐ ܒܛ̈ܠܝܢ ܘ‍<‍ܠ‍>‍ܐ ܦܢ̈ܝܢ ܦܝܪ̈ܝܢ ܡܩܝ̈ܡܢ ܠܟܘܢ ܠܐܟܪܘܬܗ ܕܡܪܢ ܝܣܘܣ ܡܫܝܚܐ
74.001:009 ܠܕܢ ܓܪ ܕܠܝܬ ܠܗ ܗܠܝܢ ܡܥܘܪ ܗܘ ܘܡܓܗܪ ܘܛܥܐ݁ ܕܟܘܝܗ̈ܝܢ ܕܣܟ̈ܠܬܗ ܩܡܝ̈ܬܐ
74.001:010 ܠܒܕܝܠ ܟܕܢ ܡܠܘܢ ܐܚ̈ܝܐ ܝܨܘܦܘ ܕܒܥܘܒ̈ܕܝܐ ܛܒ̈ܝܐ ܩܪܝܬܟܘܢ ܫܪܝܪܐ ܘܒܚܝܪܐ ܬܗܘܢ ܥܒ̈ܕܝܢ ܗܠܝܢ ܓܪ ܟܕ ܬܗܘܢ ܥܒ̈ܕܝܢ ܠܝܬܬܘܢ ܫܪ̈ܥܝܢ ܠܥܠܡ
74.001:011 ܟܕܢ ܓܪ ܥܬܝܪܐܝܬ ܡܬܣܦܩܐ ܠܟܘܢ ܡܥܘܠܝܬܐ ܠܡܠܟܘܬܐ ܕܠܥܠܡ ܕܡܪܢ ܘܡܚܝܢܢ ܝܣܘܣ ܡܫܝܚܐ
74.001:012 ܠܟܢ ܐܢܐ ܝܨܦ ܕܒܟܘܠ ܥܪ ܝܗܐ݁ ܐܢܐ ܡܕܟܪ ܠܟܘܢ
74.003:016 ܡܐ ܕܗܠܝܢ ܕܠܐ ܝܠܝ̈ܦܝܢ ܘܠܐ ܡܫܪܪ̈ܝܢ ܝܗܦ̈ܘܟܘܢ ܗܝܟ ܕܐܘܦ ܫܝܪܝܬ ܟܬܒ̈ܝܐ ܠܩܘܒܠ ܐܒܕܢܗܘܢ
74.003:017 ܐܬܘܢ ܕܝ ܚܒܝ̈ܒܝܐ ܕܫܠܦ̈ܬܘܢ ܝܕܥ̈ܬܘܢ ܢܛܪ̈ܘ ܓܪܡܟܘܢ ܕܠܐ ܒܛܥܘܬܐ ܕܫܓܝܓܝ̈ܐ ܬܬܢ̈ܓܕܘܢ ܘܬܦܘ̈ܠܘܢ ܡܢ ܫܘܪܪܟܘܢ
74.003:018 ܗܘܘ ܕܝ ܫܒܚ̈ܝܢ ܒܚܣܕܗ ܘܒܐܟܪܘܬܗ ܕܡܪܢ ܘܡܚܝܢܢ ܝܣܘܣ ܡܫܝܚܐ ܠܗ ܬܫܒܚܬܐ ܐܘܦ ܟܕܘ ܘܠܝܘܡ ܕܠܥܠܡ ܥܠܡ̈ܝܢ ܐܡܝܢ