The Comprehensive Aramaic Lexicon

016:001	ܫܡܘܥ ܡܪܐ ܨܕܩܝ ܘܐܕܡܝ ܠܒܥܘܬ݁ܝ ܘܐܨܬ݁ ܠܨܠܘܬ݁ܝ ܕܠܐ ܒܣܝܦܘܐܢ ܕܢܟܝܠ
016:002	ܡܢ ܩܘܕܡ ܐܦ̈ܟ ܕܝܢܝ ܝܒܘܩ ܘܥܝܢܝ ܝܚܡܝܐܢ ܐܫܘܝܘܬܐ
016:003	ܒܕܩܬ ܠܒܝ ܘܦܩܕܬ ܒܠܝܠܝܐ ܨܪܦܬ ܝܬ݁ܝ ܘܠܐ ܐܫܟܝܚܬ ܒܝ ܛܠܘܡ
016:004	ܘܠܐ ܝܡܠܝܠ ܦܡܝ ܥܝܒܕܬܗܘܢ ܕܒܢܝܢܫܐ ܠܒܕܝܠ ܡܠܝܗܘܢ ܕܣܝܦܘܬ݁ܟ ܐܢܐ ܢܛܪܬ ܐܘܪܚܝܢ ܩܐܫܝܢ
016:005	ܫܟܠܠܬ ܦܣܘܥܬ݁ܝ ܒܓܘ ܫܘܒܝܠܟ ܕܠܐ ܝܙܥܙܥܘܢ ܦܣܘܥܬ݁ܝ
016:006	ܐܢܐ ܐܨܝܚܬ݁ ܕܫܡܥܬ ܡܢܝ ܐܠܗܝ ܐܪܟܝܢ ܐܕܢܟ ܠܘܬ݁ܝ ܘܫܡܘܥ ‍[‍
016:007	ܐܬܡܗܬ ܠܝ ܪܝܚܡܟ ‍[‍‍]‍ ܗܘ ܕܡܫܘܙܒ ܠܟܘܠ ܗܠܝܢ ܕܡܣܒܪܝܢ ܥܠܝܟ ܡܢ ܗܠܝܢ ܕܩܐܝܡܝܢ ܠܩܒܘܠ ܝܡܝܢܟ

016:008	ܢܛܝܪ ܝܬ݁ܝ ܡܪܐ ܗܝܟ ܒܐܒܐ ܕܥܝܢܐ ܘܒܟܘܣܝܗܘܢ ܕܟܢܦܟ ܬܝܟܣܐ ܝܬ݁ܝ

016:009	ܡܢ ܩܘܕܡ ܐܦ̈ܝܗܘܢ ܕܪܫܝܥܝܐ ܕܕܘܝܘܬ݁ܝ ܒܥܝܠ ܕܒܒܝ ܠܒܟܘ ܝܬ݁ܝ ܠܢܦܫܝ
016:010	ܬ݁ܪܒܗܘܢ ܚܒܫܘ ܦܡܝܗܘܢ ܡܠܝܠ ܝܗܪܘܬܐ
016:011	ܡܦܩܝܢ ܠܝ ܟܕܘ ܚܓܠܘ ܝܬ݁ܝ ܥܝܢܗܘܢ ܐܣܝܡܘ ܕܝܪܟܢܘܢ ܒܐܪܥܐ
016:012	ܩܒܝܠ ܝܬ݁ܝ ܗܝܟ ܐܪܝܐ ܕܥܬܕ ܠܨܝܕ‍{‍ܝ‍}‍ܐ ܘܗܝܟ ܓܘܪܝܐ ܕܥܡܪ ܒܛܡܘܪܝܢ
016:013	ܩܘܡ ܡܪܐ ܘܩܕܝܡ ܝܬ݁ܗܘܢ ܘܐܬ݁ܥܝܫ ܝܬ݁ܗܘܢ ܘܦܨܝ ܢܦܫܝ ܡܢ ܕܪܫܝܥܝܐ ܚܪܒܟ ܡܢ ܒܥܝܠ ܕܒܒܝ ܕܐܝܕܟ
016:014	ܡܪܐ ܡܢ ܨܒܚܕ ܒܐܪܥܐ ܬ݁ܝܦܠܓ ܝܬ݁ܗܘܢ ܒܚܝܝܗܘܢ ܘܡܢ ܛܡܘܪܟ ܐܬ݁ܡܠܝܬ݁ ܟܪܣܝܗܘܢ ܣܒܥ‍[‍ܘ‍]‍ ܒܢܝܐ ܘܫܒܘܩ ܫܝܪܬܐ ܠܝܠܘܕܝܗܘܢ
016:015	ܐܢܐ ܕܝ ܒܨܕܩ ܝܬ݁ܚܡܐ ܠܐܦܟ ܘܝܣܒܘܥ ܟܕ ܬܬ݁ܚܡܐ ܠܝ ܬܫܒܘܚܬܟ