← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55001: CPA Psalms chapter 24

Click on a word for lexical analysis
Click on a red-colored coordinate for comments and/or translations of the line

previous chapter


024:001 ܠܘܬ݁ܟ ܡܪܐ ܬ݁ܠܝܬ݁ ܢܦܫܝ
024:002 ܐܝܠܗܝ ܥܠܝܟ ܐܬ݁ܪܚܨܬ ܠܐ ܝܒܗܘܬ݁ ܘܠܐ ܝܓܚܟܘܢ ܥܠܝ ܒܥܝܠ ܕܒܒܝ
024:003 ܩܝܓ̈ܪ ܟܘܠ ܗܠܝܢ ܕܡܣܒܪܝܢ ܥܠܝܟ ܠܐ ܒܗܬ݁ܝܢ ܝܒܗܬ݁ܘܢ ܥܒܪܝ ܕܢܝܡܘܣܐ ܠܪܝܩܢܘ
024:004 ܐܘܪܚܬ݁ܟ ܡܪܐ ܐܘܕܥ ܠܝ ܘܫܒܝܠܟ ܐܠܦ ܝܬܝ
024:005 ܕܒܝܪ ܝܬ݁ܝ ܒܩܘܫܛܟ ܘܐܠܦ ܝܬ݁ܝ ܕܐܬ ܗܘ ܐܠܗܐ ܡܚܝܢܝ ܘܒܟ ܣܘܒܪܬ ܟܘܠܗ ܝܘܡܐ
024:006 ܐܕܟܝܪ ܬ݁ܚܢܘܢܟ ܡܪܐ ܘܪܝܚܡܟ ܕܡܢ ܠܝܥܠܡ ܗܢܘܢ
024:007 ܣܝܟܠܬܐ ܕܛܠܝܘܬ݁ܝ ܘܕܛܥܘܬ݁ܝ ܠܐ ܬ݁ܕܟܝܪ ܠܝ ܡܪܐ ܐܠܐ ܗܝܟ ܪܚܡܟ ܐܕܟܝܪ ܝܬ݁ܝ ܠܒܕܝܠ ܒܣܝܡܘܬ݁ܟ ܡܪܐ
024:008 ܕܒܝܣܡ ܘܫܘܐ ܗܘ ܡܪܐ ܠܒܕܝܠ ܟܕܝܢ ܗܘ ܡܬ݁ܩܝܢ ܢܝܡܘܣ ܠܗܠܝܢ ܕܡܣܟܠܝܢ ܒܐܘܪܚܬܝ
024:009 ܡܕܒܪ ܥܢܘܢܝܐ ܒܕܝܢܐ ܘܡܠܝܦ ܥܢܘܢܝܐ ܐܘܪܚܬ݁ܗ
024:010 ܟܘܠ ܐܘܪܚܬ݁ܗ ܕܡܪܐ ܪܚܡ‍<‍ܝ‍>‍ܢ ܘܩܘܫܛ ܠܗܠܝܢ ܕܒܥܝܢ ܕܝܬ݁ܝܩܐ ܕܝܠܗ ܘܣܗܕܘܬ݁ܗ
024:011 ܠܒܕܝܠ ܫܝܡܟ ܡܪܐ ܬܫܒܘܩ ܠܝ ܣܝܟܠܬ݁ܝ ܕܣܓܝ ܓܪ ܐܝܬ݁ ܗܝ
024:012 ܡܢ ܗܘ ܒܪܢܫܐ ܕܕܚܝܠ ܡܢ ܡܪܐ ܝܬ݁ܩܝܢ ܠܗ ܢܝܡܘܣ ܒܐܘܪܚܐ ܕܗܘ ܨܒܐ ܒܗ
024:013 ܢܦܫܝ ܒܛܐܒܢ ܬܫܪܐ ܘܙܪܥܗ ܝܪܘܬ݁ ܐܪܥܐ
024:014 ܫܘܪܪܗܘܢ ܗܘ ܡܪܐ ܕܗܠܝܢ ܕܕܚܠܝܢ ܡܢܗ ܘܕܝܬ݁ܝܩܐ ܕܝܠܗ ܗܘ ܡܘܕܥ ܠܗܘܢ
024:015 ܥܝܢܝ ܒܟܘܠ ܥܪ ܠܘܬ݁ ܡܪܐ ܕܗܘ ܝܫܠܐ ܡܢ ܦܚܐ ܪܓܠܝ
024:016 ܐܕܡܝ ܒܝ ܘܐܬܪܚܡ ܥܠܝ ܕܝܚܝܕܝ ܘܡܣܟܝܢ ܐܝܬ݁ ܐܢܐ
024:017 ܘܠܚܘܨܝ ܕܠܒܝ ܐܣܬܓܘ ܡܢ ܥܩܐ ܐܦ̈ܝܩ ܝܬ݁ܝ
024:018 ܚܡܝ ܡܟܝܟܘܬ݁ܝ ܘܠܘܬ݁ܝ ܘܫܒܘܩ ܠܝ ܟܘܠ ܣܝܟܠܬ݁ܝ
024:019 ܚܡܝ ܕܒܥܝܠ ܕܒܒܝ ܣܓܘ ܘܣܢܐ ܕܛܘܠܡܐ ܣܢܘ ܝܬ݁ܝ
024:020 ܢܛܝܪ ܢܦܫܝ ܘܦܨܝ ܝܬ݁ܝ ܘܠܐ ܝܒܗܘܬ݁ ܕܣܒܪܬ ܥܠܝܟ
024:021 ܬܡܝܡܝܐ ܘܫܘܝܐ ܗܘܘ ܕܒܩܝܢ ܠܝ ܕܣܒܪܬ ܠܟ ܡܪܐ
024:022 ܦܪܘܩ ܐܠܗܐ ܠܝܣܪܐܝܝܠ ܡܢ ܟܘܠܗܘܢ ܠܚܘܨܝ

next chapter