The Comprehensive Aramaic Lexicon

030:002	ܥܠܝܟ ܡܪܐ ܣܒܪܬ ܠܐ ܝܒܗܘܬ݁ ܠܝܥܠܡ ܒܨܕܩܟ ܦܨܝ ܝܬ݁ܝ ܘܦܠܛ ܝܬ݁ܝ
030:003	ܐܪܟܝܢ ܐܕܢܟ ܠܘܬ݁ܝ ܘܐܫܬܒܫ ܕܬ݁ܝܦܠܛ ܝܬ݁ܝ ܗܘܝ ܠܝ ܐܠܗ ܡܓܢܝܢ ܘܠܒܝ ܕܒܝܬ݁ ܥܪܘܩܝܢ ܕܬܝܚܐ ܝܬ݁ܝ
030:004	ܕܫܘܪܪܝ ܘܒܝܬ݁ ܥܪܘܩܝ ܐܬ ܗܘ ܠܒܕܝܠ ܫܝܡܟ ܡܪܐ ܬܕܒܝܪ ܝܬ݁ܝ ܘܬ݁ܙܘܢ ܝܬ݁ܝ
030:005	ܘܦܪܘܩ ܝܬ݁ܝ ܡܢ ܦܚܐ ܕܐܛܡܪܘ ܠܝ ܕܐܬ ܗܘ ܕܡܓܝܢ ܥܠܝ ܡܪܐ

030:006	ܘܠܒܝܢ ܐܕܟ ܐܢܐ ܡܣܪ ܪܘܚܝ ܦܪܘܩ ܝܬ݁ܝ ܡܪܐ ܐܝܠܗܝ ܕܩܘܫܛܐ

030:007	ܣܢܝܬ ܟܘܠ ܗܠܝܢ ܕܡܢܛܪܝܢ ܪܝܩܢܘܬܐ ܠܡܓܝܢ ܐܢܐ ܕܝ ܥܠܝܟ ܡܪܐ ܣܒܪܬ
030:008	ܝܬ݁ܚܕܐ ܘܝܬ݁ܒܣܡ ܒܪܝܚܡܟ ܕܐܕܡܝܬ݁ ܒܡܟܝܟܘܬ݁ܝ ܘܫܘܙܒܬ ܡܢ ܠܚܘܨܝܐ ܢܦܫܝ
030:009	ܘܠܐ ܚ‍{‍ܫܒ‍}‍‍<‍ܒܫ‍>‍ܬ ܝܬ݁ܝ ܠܒܝ‍<‍ܢ‍>‍ܗܘܢ ‍<‍ܕ‍>‍ܐܕܝܗܘܢ ܕܒܥܝܠ ܕܒܒܝ ܐܩܡܬ ܒܐܘܪܚܬܐ ܪܓ̈ܠܝ
030:010	ܐܬܪܚܡ ܥܠܝ ܡܪܐ ܕܐܢܐ ܡܬ݁ܠܚܝ ܐܬ݁ܥܟܪܬ ܒܚܡܬܐ ܥܝܢܝ ܢܦܫܝ ܘܟܪܣܝ
030:011	ܣܐܦܘ ܒܥܩܝܐ ܚܝܝ ܘܫܢܝ ܒܬ݁ܢܘܚܬܐ ܐܬ݁ܒܝܫ ܒܡܣܟܝܢܘܬܐ ܚܝܠܝ ܘܓܪܡܝ ܐܬ݁ܥܪܒܒܘ
030:012	ܡܢ ܟܘܠܗܘܢ ܒܥܝܠ ܕܒܒܝ ܐܬ݁ܥܒܕܬ ܚܣܕܝܢ ܠܡܓ̈ܝܪܝ ܠܚܕܐ ܘܕܚܠܐ ܠܝܕܥܝ ܟܘܠ ܗܠܝܢ ܕܚܡܘ ܝܬ݁ܝ ܠܒܪ ܥܪܩܘ ܡܢܝ
030:013	ܕܛܥܝܬ ܗܝܟ ܡܝܬܐ ܡܢ ܠܒܐ ܘܐܬ݁ܥܒܕ ܗܝܟ ܡܐܢܐ ܐܒܝܕ
030:014	ܫܡܥܬ ܫܦ̈ܘܦ̈ܝܗܘܢ ܕܬ݁ܘܬ݁ܒܝܢ ܣܓܝ ܡܢ ܚܘܓܠ ܒܡܐ ܕܐܬ݁ܟܢܫܘ ܥܠܝ ܗܝܟ ܚܕܐ ܕܝܣܒܘܢ ܢܦܫܝ ܘ‍<‍ܐ‍>‍ܬ݁ܡܠܟܘ
030:015	ܐܢܐ ܕܝ ܥܠܝܟ ܡܪܐ ܣܒܪܬ݁ ܘܐܡܪܬ ܕܐܬ ܗܘ ܐܝܠܗܝ
030:016	ܘܒܝܢ ܐܕܟ ܗܢܘܢ ܢܒܙܝ ܦܨܝ ܝܬ݁ܝ ܡܢ ܐܕܝܗܘܢ ܕܒܥܝܠ ܕܒܒܝ ܘܡܢ ܗܠܝܢ ܕܪܕܦܝܢ ܠܝ
030:017	ܐܢܗܪ ܐܦ̈ܟ ܥܠ ܥܒܕܟ ܘܐܚܝ ܝܬ݁ܝ ܒܪܚܡܟ
030:018	ܡܪܐ ܠܐ ܝܒܗܘܬ݁ ܕܩܪܝܬ ܝܬ݁ܟ ܝܒܗܬ݁ܘܢ ܪܫܝܥܝܐ ܘܝܚܬ݁ܘܢ ܠܫܝܘܠ
030:019	ܕܠܐ ܡܡܠܠܝܢ ܝܬ݁ܥܒܕܘܢ ܣܝܦܘܬܗ ܕܢܟܠܐ ܡܡܠܠܝܢ ܥܠ ܨܕܝܩܝܐ ܕܥܒܪ ܢܡܘܣ ܒܝܗܝܪܘܬܐ ܕܝ ܘܒܦܣܝܠܘܬܐ
030:020	ܗܝܟ ܣܓܝ ܣܘܓܝܐ ܕܒܣܝܡܘܬ݁ܟ ܡܪܐ ܗܕܝܢ ܕܐܛܡܪܬ ܟܘܠ ܗܠܝܢ ܕܕܚܠܝܢ ܡܢܟ ܘܐܥܡܠܬ ܠܟܘܠ ܗܠܝܢ ܕܡܣܒܪܝܢ ܥܠܝܟ ܩܘܕܡ ܒܢܝܗܘܢ ܕܒܢܝܢܫܐ
030:021	ܬ݁ܛܡܘܪ ܝܬ݁ܗܘܢ ܒܛܡܘܪܝܐ ܕܐܝܦ̈ܟ ܡܢ ܥܪܒܘܒܐ ܕܒܢܝܢܫܐ ܬܝܟܣܐ ܝܬܗܘܢ ܒܡܫܟܢܟ ܡܢ ܓܒܒܘ ܕܠܫܢܝܢ
030:022	ܡܒܪܟ ܗܘ ܡܪܐ ܕܐܬܡܗ ܠܝ ܪܚܡܝܗ ܒܡܕܝܢܐ ܡܚܙܢܐ
030:023	ܐܢܐ ܕܝ ܐܡܪܬ ܒܐܒܠܡܘܬ݁ܝ ܕܝܫܬܕܐ ܡܢ ܩܘܕܡ ܐܦ̈ܝܐ ܕܥܝܢܟ ܠܒܕܝܠ ܟܕܝܢ ܫܡܘܥ ܠܩܠܝ ܕܒܥܘܬ݁ܝ ܒܡܐ ܕܐܢܐ ܡܨܝܚ ܠܘܬ݁ܟ
030:024	ܐܚܒܘ ܠܡܪܐ ܟܘܠܗܘܢ ܝܫܝܪܗ ܠܒܕܝܠ ܕܩܫܝܛܝܢ ܡܪܐ ܒܥܐ ܘܗܘ ܓܙܐ ܝܬ݁ܝܪܝܬ݁ ܠܗܠܝܢ ܕܥܒܕܝܢ ܝܗܪܘܬܐ
030:025	ܐܬ݁ܓܒܪ ܘܐܫܬܪܪ ܠܦ̈ܟܘܢ ܟܘܠ ܗܠܝܢ ܕܡܣܒܪܝܢ ܥܠܝܟ