← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55001: CPA Psalms chapter 54

Click on a word for lexical analysis
Click on a red-colored coordinate for comments and/or translations of the line

054:002 ܐܨܬ݁ ܐܠܗܐ ܠܨܠܘܬ݁ܝ ܘܠܐ ܬ݁ܝܥܒܪ ܠܒܥܘܬ݁ܝ
054:003 ܐܣܬܟܠ ܠܝ ܘܫܡܘܥ ܡܢܝ ܕܐܣܩܬ ܒܓܪܐܡܝ ܘܐܬ݁ܥܪܒܒܬ
054:004 ܡܢ ܩܠܗ ܕܒܥܝܠ ܕܒܒܝ ܘܠܚܨܘܢܗ ܕܣܟܠܐ ܕܐܪܟܢܘ ܒܥܒܪ ܢܝܡܘܣ ܘܒܪܓܘܙ ܗܘܘ ܢ‍{‍ܚ‍}‍‍<‍ܗ‍>‍ܡܝܢ ܠܝ
054:005 ܠܒܝ ܐܬ݁ܥܪܒܒ ܒܓܘܝ ܘܐܪܗܒܘܬ݁ܗ ܕܡܘܬܐ ܢܦܠܬ݁ ܥܠܝ
054:006 ܕܚܠܬܐ ܕܝ ܘܐܪܬܬ݁ܘܬܐ ܐܬ݁ܘ ܥܠܝ ܘܟܣܝ ܝܬ݁ܝ ܩܒܠܐ
054:007 ܘܐܡܪܬ ܡܢ ܝܬܝܠ ܟܢܦܝܢ ܗܝܟ ܡܐ ܕܝܘܢܐ ܕܝܦܪܘܚ ܘܝܬܢܚ
054:008 ܐܪܚܩܬ ܥܪܩܬ ܘܐܒܬ݁ܬ ܒܓܘ ܡܕܒܪܐ
054:009 ܡܣܟܐ ܗܘܬ݁ ܠܐܠܗܐ ܕܡܚܐ ܝܬ݁ܝ ܡܢ ܙܥܘܪܬ݁ ܢܦܫܐ ܘܡܢ ܥܠܥܘܠܐ
054:010 ܛܡܝܥ ܡܪܐ ܘܦܠܝܓ ܠܫܢܝܗܘܢ ܕܚܡܬ݁ ܥܒܪܢܝܡܘܣܐ ܘܓܒܒܘܬܐ ܕܡܕܢܬܐ
054:011 ܝܘܡܐ ܘܠܝܠܝܐ ܚܓܠܘ ܝܬ݁ܝ ܥܠ ܫܘܪܝܗ ܕܥܒܪ ܢܡܘܣܐ ܘܠܘܬܐ ܒܡܨܥܬ݁ܗ
054:012 ܘܛܘܠܡܐ ܒܡܨܥܬ݁ܗ ܘܠܐ ܣܐܝܦ ܡܢ ܫܘܩܝܝ ܪܒܬܐ ܘܢܟܠܐ
054:013 ܐܠܘ ܕܝ ܒܥܝܠ ܕܒܒܝ ܡܚܣܝܕ ܠܝ ܡܣܘܒܪ ܗܘܬ݁ ܐܠܘ ܗܕܝܢ ܕܣܢܐ ܠܝ ܡܠܝܠ ܥܠܝ ܪܒܪܒܝܢ ܡܬ݁ܛܡܪ ܗܘܬ݁ ܡܢܝ
054:014 ܐܬ ܕܝ ܒܪܢܫܐ ܠܢܦܫܝ ܗܝܟ ܕܝܠܝ ܡܕܒܪܢܝ ܘܝܕܥܝ
054:015 ܗܝܟ ܠܐ ܥܠ ܟܝܢ ܘܟܘܬ݁ ܚܠܝܬ݁ ܠܝ ܡܝܟܘ̈ܠܝܢ ܠܒܝܬܗ ܕܐܠܗܐ ܐܙܠܝܢ ܗܝܟ ܚܕܐ
054:016 ܝܬܐ ܕܝ ܥܠܝܗܘܢ ܡܘܬܐ ܘܝܚܬ݁ܘܢ ܠܫܝܘܠ ܚܐܝܝܢ ܕܒܝܫܬܐ ‍{‍ܘ‍}‍‍<‍ܒ‍>‍ܬ݁ܘܬ݁ܒܘܬܐ ܒܡܨܥܬ݁ܗܘܢ
054:017 ܐܢܐ ܕܝ ܠܘܬ݁ ܐܠܗܐ ܐܨܝܚܬ݁ ܘܡܪܐ ܫܡܘܥ ܡܢܝ
054:018 ܒܪܘܡܫܐ ܘܒܨܦܪܐ ܘܒܦܠܓܗ ܕܝܘܡܐ ܝܬܢܐ ܘܝܡܘܪ ܕܫܡܥܬ ܠܩܠܝ
054:019 ܦܪܘܩ ܗܘ ܒܫܝܠܡ ܢܦܫܝ ܡܢ ܗܠܝܢ ܕܡܬ݁ܩܪܒܝܢ ܠܝ ܕܒܣܓܝ ܗܘܘ ܥܡܝ
054:020 ܘܫܡܘܥ ܐܠܗܐ ܘܝܡܟܡܟ ܝܬ݁ܗܘܢ ܗܕܝܢ ܕܗܘ ܡܢ ܥܕ ܠܝܥܠܡܝܐ ܠܝܬ݁ ܠܗܘܢ ܓܪ ܚܘܠܦ ܘܠܐ ܕܚܠܘ ܡܢ ܐܠܗܐ
054:021 ܦܫܛ ܗܘ ܐܕܗ ܒܡܐ ܕܗܘ ܓܙܐ ܠܗܘܢ ܕܣܒܘ ܕܝܬ݁ܝܩܐ ܕܝܠܗ
054:022 ܘܐܬ݁ܦܠܓܘ ܡܢ ܪܘܓܙܗܘܢ ܕܐܦܗ ܘܩܪܒ ܠܒܗܘܢ ܪܟܝܟܝܢ ܡܠܝܗܘܢ ܣܓܝ ܡܢ ܡܫܚܐ ܘܗܠܝܢ ܐܝܬ݁ ܗܢܘܢ ܓܪܪܝܢ
054:023 ܫܕܝ ܥܠ ܡܪܐ ܨܒܘܬ݁ܟ ܘܗܘ ܙܐܝܢ ܠܟ ܠܐ ܝܗܒ ܠܝܥܠܡ ܙܥܙܘܥ ܠܨܕܝܩܝܐ
054:024 ܐܬ ܕܝ ܐܠܗܐ ܬ݁ܚ‍{‍ܘ‍}‍‍<‍ܝ‍>‍ܬ݁ ܝܬ݁ܗܘܢ ܠܒܝܪܐ ܕܬܪܝܦܘܬܐ ܓܒܪܐ ܕܐܝܕܡܐ ܘܕܢܟܠܐ ܠܐ ܝܦܠܓܘܢ ܝܘܡܝܗܘܢ ܐܢܐ ܕܝ ܡܣܒܪ‍{‍ܝܢ‍}‍ ܥܠܝܟ