← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55001: CPA Psalms chapter 85

Click on a word for lexical analysis
Click on a red-colored coordinate for comments and/or translations of the line

085:001 ܐܪܟܝܢ ܡܪܐ ܐܕܢܟ ܘܫܡܘܥ ܡܢܝ ܕܡܣܟܝܢ ܘܨܪܝܟ ܐܝܬ݁ ܐܢܐ
085:002 ܢܛܝܪ ܢܦܫܝ ܕܐܢܐ ܝܫܝܪ ܐܚܝ ܥܒܕܟ ܐܠܗܐ ܗܕܝܢ ܕܡܣܒܪ ܥܠܝܟ
085:003 ܐܬ݁ܪܚܡ ܥܠܝ ܡܪܐ ܕܠܘܬ݁ܟ ܐܢܐ ܡܨܝܚ ܟܘܠܗ ܝܘܡܐ
085:004 ܝܒܣܡ ܝܬܝ ܠܢܦܫܝ ܕܥܒܕܟ ܕܠܘܬ݁ܟ ܡܪܐ ܢܦܫܝ ܬ݁ܠܝܬ
085:005 ܘܐܬ ܡܪܐ ܒܣܡ ܘܝܨܦ ܘܣܓܝ ܪܚܡܟ ܥܠ ܗܠܝܢ ܕܩܪܝܢ ܠܟ
085:006 ܐܨܝܬ݁ ܡܪܐ ܠܨܠܘܬ݁ܝ ܘܐܣܬܟܠ ܠܩܠܝ ܕܒܥܘܬ݁ܝ
085:007 ܒܝܘܡ ܠܚܘܨܝ ܐܨܝܚܬ ܠܘܬ݁ܟ ܕܫܡܥܬ ܡܢܝ
085:008 ܕܠܝܬ݁ ܡܢ ܕܕܡܐ ܠܟ ܒܐܝܠܗܝܐ ܡܪܐ ܘܠܝܬ ܗܝܟ ܥܘܒܕܟ
085:009 ܟܘܠ ܡܝܢܝܐ ܕܥܒܕܬ ܝܐܬܘܢ ܘܝܣܓܕܘܢ ܩܘܕܡܟ ܡܪܐ ܘܝܫܒܚܘܢ ܠܫܝܡܟ
085:010 ܕܪܒ ܐܬ ܘܥܒܕ ܬܝܡܗܝܢ ܕܐܬ ܗܘ ܐܠܗܐ ܒܠܚܘܕܟ
085:011 ܕܒܝܪ ܝܬ݁ܝ ܡܪܐ ܒܐܘܪܚܟ ܘܐܢܐ ܝܙܝܠ ܒܩܘܫܛܟ ܝܒܣܘܡ ܠܒܝ ܘܝܕܚܘܠ ܡܢ ܫܝܡܟ
085:012 ܐܫܬܘܕܐ ܠܟ ܡܪܐ ܐܝܠܗܝ ܒܟܘܠܐ ܠܒܝ ܘܝܫܒܚ ܫܝܡܟ ܠܝܥܠܡܝܐ
085:013 ܕܪܚܡܟ ܪܒܪܒܝܢ ܥܠܝ ܘܦܨܝ ܢܦܫܝ ܡܢ ܫܝܘܠ ܐܪܥܝܬܐ
085:014 ܐܠܗܐ ܥܘܒܪܝ ܕܢܝܡܘܣܐ ܩܡܘ ܥܠܝ ܘܟܢܝܫܐ ܕܫܪܝܪܝܢ ܒܥܘ ܝܬܝ ܠܢܦܫܝ ܘܠܐ ܐܣܝܡܘ ܝܬ݁ܟ ܐܠܗܐ ܩܘܕܡܝܗܘܢ
085:015 ܘܐܬ ܡܪܐ ܐܝܠܗܝ ܚܢܝܢ ܘܪܚܡܢ ܐܪܝܟ ܪܘܚ ܘܣܓܝ ܪܚܡܢ ܘܩܘܫܛ
085:016 ܐܕܡܝ ܒܝ ܘܐܬ݁ܪܚܡ ܥܠܝ ܘܗܒ ܫܘܪܪܐ ܠܛܠܝܟ ܘܐܚܝ ܝܬܝ ܠܒܪܗ ܕ‍{‍ܠ‍}‍ܛ‍<‍ܠ‍>‍ܝܘܬܟ
085:017 ܥܒܕ ܥܡܝ ܐܬ ܠܛܒܝܢ ܝܚܡܘܢ ܗܠܝܟ ܕܣܢܝܢ ܠܝ ܘܝܒܗܬܘܢ ܕܐܬ ܡܪܐ ܣܝܥܬ ܝܬ݁ܝ ܘܢܚܡܬ ܝܬ݁ܝ