← Back
The Comprehensive Aramaic Lexicon
← Return to the Text Browser
click on the file description for more information

55001: CPA Psalms chapter 87

Click on a word for lexical analysis
Click on a red-colored coordinate for comments and/or translations of the line

087:001 ܡܪܐ ܐܠܗܐ ܕܡܚܝܢܘܬܝ ܒܝܘܡܐ ܐܨܝܚܝܬ ܘܒܠܝܠܝܐ ܩܘܕܡܟ
087:003 ܬܝܥܘܠ ܩܘܕܡܟ ܨܠܘܬܝ ܘܐܪܟܝܢ ܐܕܢܟ ܠܒܥܘܬܝ
087:004 ܕܐܬܡܠܝܬ ܒܒܝܫܢ ܢܦܫܝ ܘܚܝܝ ܠܫܝܘܠ ܩܪܒܬ
087:005 ܐܬܚܫܒܬ ܥܡ ܗܠܝܢ ܕܢܚܬܝܢ ܠܓܘܒܐ ܐܬܥܒܕܬ ܗܝܟ ܒܪܢܫ ܕܠܝܬ ܠܗ ܣܥܕܘܢ ܒܡܝܬܝܐ ܒܪ ܚܪܝܢ
087:006 ܗܝܟ ܗܠܝܢ ܕܡܠܩܝܢ ܘܕܡܟܝܢ ܒܩܒܪܝܐ ܗܠܝܢ ܕܠܐ ܐܕܟܪܬ ܥܘܕ
087:007 ܐܣܝܡܘ ܝܬܗ ܒܓܘܒܐ ܐܪܥܝܐ ܒܚܘܫܟܐ ܘܒܛܠܘܠܗ ܕܡܘܬܐ
087:008 ܥܠܝ ܐܫܬܪܪܬ ܚܡܬܟ ܘܟܘܠܗܘܢ ܪܘܡܟ ܐܬܝܬ ܥܠܝ

087:009 ܐܪܚܩܬ ܝܕܥܝ ܡܢܝ ܐܣܝܡܘ ܝܬܝ ܣܗܒܐ ܠܓܪܡܗܘܢ ܐܬܡܣܪܬ ܘܠܐ ܗܘܐ ܢܦܩ

087:010 ܥܝܢܝ ܐܬܒܝܫܬ ܡܢ ܡܣܟܝܢܘܬܐ ܐܨܝܚܬ݁ ܠܘܬܟ ܡܪܐ ܟܘܠܗ ܝܘܡܐ ܦܫܛܬ ܐܕܝ ܠܘܬܟ
087:011 ܕܡܐ ܠܡܝܬܝܐ ܐܬ ܥܒܕ ܬܝܡܗܝܢ ܐܝ ܐܣܝܐ ܡܩܡܝܢ ܘܡܫܬܘܕܝܢ ܠܟ
087:012 ܕܡܐ ܡܬܢܐ ܐܢܝܫ ܒܩܒܪܝܐ ܪܚܡܟ ܐܝ ܩܘܫܛܟ ܒܓܘ ܐܒܕܐܢܐ
087:013 ܕܡܐ ܡܬܝܕܥܝܢ ܒܚܘܫܟܐ ܬܝܡܗܟ ܐܝ ܨܕܩܟ ܒܐܪܥ ܢܫܝܐ
087:014 ܘܐܢܐ ܠܘܬܟ ܡܪܐ ܐܨܝܚܬ ܘܒܨܦܪܐ ܨܠܘܬܝ ܕܒܩܐ ܠܟ
087:015 ‍[‍‍]‍ܠܝܡܐ ܡܪܐ ܐܬ ܙܥܦܬ ܢܦܫܝ ܐܦܘܟ ܐܦ̈ܟ ܡܢܝ
087:016 ܡܣܟܝܢ ܐܢܐ ܘܒܠܘܐ ܡܢ ܛܠܝܘܬܝ ܕܡܐ ܕܐܬܪܘܡܡܬ ܘܐܬܡܟܡܟܬ ܘܐܕܘܝܬ
087:017 ܥܠܝ ܥܒܪܘ ܪܘܓܙܟ ܘܕܚܠܬܟ ܥܪܒܒܬ ܝܬܝ
087:018 ܚܓܠܘ ܝܬܝ ܗܝܟ ܡܐ ܕܡܝܐ ܟܘܠܗ ܝܘܡܐ ܨܕܘ ܝܬܝ ܗܝܟ ܚܕܐ
087:019 ܐܪܚܩܬ ܡܢܝ ܪܚܡܝ ܘܩܪܝܒܝ ܘܝܕܥܝ ܡܢ ܕܘܝܘܬܝ