← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

55001: CPA Psalms chapter 102

Click on a word for lexical analysis
Click on a red-colored coordinate for comments and/or translations of the line

102:001 ܒܪܟܝ ܢܦܫܝ ܠܡܪܐ ܘܟܘܠ ܡܐ ܕܒܓܘܝܟܝ ܠܫܝܡܗ ܩܕܝܫܐ
102:002 ܒܪܟܝ ܢܦܫܝ ܠܡܪܐ ܘܠܐ ܬ݁ܬ݁ܢܫܐ ܟܘܠܗܘܢ ܓܙܝܘܢܗ
102:003 ܠܕܝܢ ܕܫܒܩ ܟܘܠ ܥܒܪ ܢܡܘܣܝܟܝ ܠܕܝܢ ܕܡܣܐ ܟܘܠܗܘܢ ܒܘܫܝܟܝ
102:004 ܠܕܝܢ ܕܦܪܩ ܡܢ ܬ݁ܪܝܦܘܬܐ ܚܝܝܟܝ ܠܕܝܢ ܕܡܟܠܝܠ ܠܝܟܝ ܒܪܚܡܝܢ ܘܒܬ݁ܚܢܘܢܝܢ
102:005 ܠܕܝܢ ܕܡܣܒܥ ܡܢ ܛܒܬܐ ܬ݁ܚܡܘܕܬ݁ܝܟܝ ܡܬ݁ܚܕܬܐ ܗܝܟ ܡܐ ܕܢܫܪܐ ܛܠܝܘܬ݁ܝܟܝ
102:006 ܥܒܕ ܪܚܡܝܢ ܗܘ ܡܪܐ ܘܕܝܢܗܘܢ ܕܗܠܝܢ ܕܡܬ݁ܛܠܡܝܢ
102:007 ܐܘܕܥ ܡܪܐ ܐܘܪܚܬ݁ܗ ܠܡܘܫܐ ܘܠܒܢܝܐ ܕܐܝܣܪܝܝܠ ܨܒܝܘܢܗ
102:008 ܚܢܝܢ ܘܪܚܡܝܢ ܗܘ ܡܪܐ ܐܪܝܟ ܒܪܘܚܗ ܘܣܓܝ ܪܚܡܝ
102:009 ܕܠܐ ܠܫܝܨܝ ܗܘ ܪܓܙ ܘܠܐ ܠܝܥܠܡ ܗܘ ܡܬ݁ܚܡܬ݁
102:010 ܕܠܐ ܗܝܟ ܣܝܟܠܬ݁ܢ ܗܘ ܥܒܕ ܥܡܢ ܘܠܐ ܗܝܟ ܥܒܪܢܝܡܘܣܝܢܝܢ ܗܘ ܓܙܐ ܠܢ
102:011 ܐܠܐ ܗܝܟ ܡܐ ܕܪܘܡܝܗܘܢ ܕܫܘܡܝܐ ܡܢ ܐܪܥܐ ܫܪܝܪ ܡܪܐ ܪܚܡܗ ܥܠ ܗܠܝܢ ܕܕܚܠܝܢ ܡܢܗ
102:012 ܗܝܟ ܡܐ ܕܪܚܝܩ ܡܕܢܚܐ ܡܢ ܡܥܪܒܐ ܐܪܚܝܩ ܡܢܝܢ ܥܒܪܢܝܡܘܣܝܢܝܢ
102:013 ܗܝܟ ܡܐ ܕܡܬܚܢܝܢ ܐܒܐ ܥܠ ܒܢܝܐ ܝܬ݁ܚܢܝܢ ܡܪܐ ܥܠ ܗܠܝܢ ܕܕܚܠܝܢ ܡܢܗ
102:014 ܕܗܘ ܐܟܝܪ ܓܒܠܬ݁ܢ ܘܐܕܟܝܪ ܕܐܢܢ ܕܪܒܘܚ
102:015 ܒܪܢܫܐ ܗܝܟ ܡܐ ܕܥܣܒܐ ܗܢܘܢ ܝܘܡܗ ܘܗܝܟ ܘܗܝܟ ܢܨܗ ܕܛܘܪܐ ܗܟܕܝܢ ܗܘ ܡܢܨ
102:016 ܕܪܘܚܐ ܓܐܝܙ ܒܗ ܘܠܝܬ݁ ܗܘ ܘܠܐ ܡܬ݁ܝܕܥ ܥܘܕ ܐܬ݁ܪܗ
102:017 ܪܚܡܝ ܕܝ ܕܡܪܐ ܡܢ ܥܠܡ ܘܥܕܡܐ ܠܝܥܠܡ ܥܠ ܗܠܝܢ ܕܕܚܠܝܢ ܡܢܗ ܘܨܕܩܗ ܥܠ ܒܢܝܗܘܢ
102:018 ܕܗܠܝܢ ܕܡܢܛܪܝܢ ܕܝܬ݁ܩܐ ܕܝܠܗ ܘܥܝܕܝܢ ܦܩܘܕܗ ܕܝܥܒܕܘܢ ܝܬ݁ܗܘܢ
102:019 ܡܪܐ ܒܫܘܡ‍<‍ܝ‍>‍ܐ ܥܬܕ ܡܝܬܘܒܝܬ݁ܗ ܘܡܠܟܘܬ݁‍[‍‍]‍ ܥܠ ܟܘܠܐ ܗܝ ܡܪܘܝܐ
102:020 ܒܪܟܘ ܠܡܪܐ ܟܘܠܗܘܢ ܡܠܐܟܝ ܥܒܘܕܐ ܕܡܠܬܗ ܕܝܫܡܥܘܢ ܠܩܠܗܘܢ ܕܡܠܘܝ
102:021 ܒܪܟܘ ܠܡܪܐ ܟܘܠ ܚܝܠܘܬ݁ܗ ܫܡܐܫܗ ܗܠܝܢ ܕܥܒܕܝܢ ܨܒܝܘܢܗ
102:022 ܒܪܟܘ ܠܡܪܐ ܟܘܠܗܘܢ ܥܘܒܕܝ ܕܒܟܘܠ ܐܬ݁ܝܪ ܗܝ ܡܪܝܘܬܐ ܘܒܪܟܝ ܢܦܫܝ ܠܡܪܐ